اسكربت ج8 والاخير
دخل عمر واتفاجئ بأسماء موجوده في الكافيه فبصتله بصدمه وهو يصلها بصدمه كبيره
وهما الاتنين في نفس الوقت قالوا اساميهم بصدمه
_عمر
_اسمااااء
الكل استغرب انهم عارفين بعض فقال اسر بأستغراب_انتوا تعرفو بعض منين
ارتبكت اسماء جامد وبصت لعمر اللي قال برجوله_معرفة عمل
اماء اسر بهدوء وكله اقتنع بكلام عمر ما عدا منة وليان اللي بصو لبعض بعدم تصديق وفي وسط اليوم منة نادت اسماء وليان نادت عمر وقعدوا علي تربيزه لوحدهم وقالت منة_انا عايزه اعرف بقي تعرفو بعض منين لاني مش مصدقه انها معرفة عمل
_ولا انا كمان مصدقه
_بس فعلا ياليان انا اعرفها من الشغل لكن اللي مرضتش اقوله علشان متخصرش ثقة اهلها فيها اني انا وهي بنحب بعض وبنتكلم فون وبنخرج لحد مقدر اجيب الشقه واروح اتقدم
منة وليان اتصدموا جامد من كلامه وفضلوا ساكتين شويه لحد ما منة قالت بهدوء_انتوا عارفين انكم عملتم غلط كبير جدا ونسيتو كلام ربنا اللي قال في كتابه العزيز
الله تعالى يقول: وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنّ [النور:31]طبعا مفيش غط بصر في المقابلات وانتوا بتتكلموا مع بعض وبتقعدو من غير محرم ونسيت كلام رسول الله صلي الله عليه وسلم
وقال النبي صلى الله عليه وسلم: لا يخلونّ رجل بامرأة إلا ومعها ذو محرم. متفق عليه.
قال تعالى: فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ [الأحزاب:32] طبعا كان فيه كلام حب وغرام وبرضو نسيتو كلام ربنا
قال عمر _انا مكنتش ملتزم ومكنتش مهتم باللي بتقوليه مكلت الناس بتعمل كده
_وانت لازم تعمل زي كل الناس ليه متكنش مختلف اختلاف صح بترضي ربنا ورسوله ومعلش هو انت لما تتحاسب هتقول لربنا ما كله بيعمل كده
_لا طبعا
_يبقي استغفر ربنا وانتي كمان يااسماء استغفري ربنا ولو بتحبها ياعمر يبقي ادخل البيت من بابه واتقدم ليها
بص عمر لليان لقاها بتبصله بحزن وقالت_يعني انت تقبل اني احب من وراكم واخرج واتكلم تقبل ده عليا ياعمر
_لا طبعا
_يبقي مينفعش اللي متقبلوش عليا متقبلوش علي بنات الناس
روح قول لبابا وماما انك عاوز تتقدم ليها وقول لأخوها
اماء عمر بهدوء وجيه اسر وقالهم باستغراب_انتم قاعدين كده ليه
_عادي يا يااسر كنا بنتكلم شويه
_طيب تعالي يلا نروح نقعد نتحمل انتي خلاص كده بقيتي مراتي يعني براحتنا بقي نخربها
_احلي حاجه خلتني احبك انك مجنون زي
_انتي قولتي ايه دلوقتي
_انك مجنون زي
_لا مش دي دي قديمه لكن الجديده بقي اللي قبلها دي 😉قوليها تاني
_بس بقي بطل رخامه
_مش هبطل رخامه غير لما تقوليها
_بحبك يامجنوني
_وانا بعشقك يامجنونتي
_مجنون اتلم علي مجنونه هيخلفو مجانين يجننونا اكتر واكتر
_بس ياعمتو خلينا نكمل فرجه علي منوش وخالو
منة بصت لهم بكسور راح اسر قال_حتي انت يازين هي الرخامه اساس في العيله دي كده ليه
منة ضحكت جامد وقالتله_حظك بقي ان عيلتك رخمه ومراتك ارخم
_عيب يابت ده انا اللي معلمهم الرخامه 🤣
_يعجبني انك معترف علي نفسك بنفس ذات نفسك
_ بس ياهبله انتي
كملوا اليوم بحب وضحك وهزار وعمر اتقدم لأسماء وسمع كلام ليان عمر اصلا كان بدأ يتغير وبقرب من ربنا وكلام منة هزو من جوه وخلاه يقرر انه يقرب اكتر ويخليي اسماء تقرب لربنا
اسماء ومنة وريهام وليان وتالا ومريم بقو صحاب اكتر واكتر
البنات قررو ان فرح منة وتالا ومريم وليان هيبقي في نفس اليوم وجه يوم فرحهم كان فرح منفصل والبنات كانوا خربنها لعب وهزار ورقص وهما بيسمعوا اناشيد وبعدها وقفو الخمس صحاب جمب بعض وكل واحده مدت ايديها لقدام وكلهم في نفس الوقت وقالوا _احنا كف الصحاب
صحاب حتي الجنه
اتصورو كتير بالفون وبعد ما اليوم عدي كل عريس اخد عروسته ومريم كان معاها ملك طبعا وراحو علي بيتهم
مع مرور الشهور ملك نفسيتها احسنت جدا جدا وفي مره كانوا قاعدين بيتفرجو على كرتون ومندمجين جدا معاه واتفاجؤ مره واحده بصوت ملك بتقول _شاطر ياچيري انك اخدت حقك زي ما ماما وبابا اخدو حقي من خالتو الوحشه
مريم معرفتش ترد من الصدمه لحد ما فاقت من الصدمه علي ايد ملك وهي بتحطها علي خدها وبتقولها_مامي انا بحبك
مريم ساعتها محستش بنفسها غير وهي بتحضنها جامد جدا وبتقولها_ياعيون مامي وروح مامي وقلب مامي اخيرا اتكلمتي اخيرا
محمد اخيرا فاق من المفاجأه واخد ملك من حضن مريم وحصنها جامد وفضل يبوس فيها ويقولها_وحشني صوتك ياروح بابا وقلب بابا
مريم ومحمد فرحتهم كانت كبيره اوي بيها لدرجة انهم فضلوا طول اليوم يحضنوها ويبسوها
ريهام حامل في الشهر التامن ومنة حامل في الشهر الخامس وليان ومريم حوامل في الشهر التالت وتالا حامل في السابع واسماء هتتجوز قريب وقريت هي وعمر من ربنا جدا
وعدت 8 سنين وكل واحده منهم بقي عندها اطفال وبتربيهم علي طاعة ربنا
ريهام بقي عندها كريم
منة بقي عندها حمزه و اياد
تالا بقي عندها تؤام يزن و ياسمين
ليان بقي عندها حور و حياه
مريم بقي عندها ياسين وملك طبعا
اسماء بقي عندها يمني
واتعودو كلهم ان كل اسبوعين يتجتمعوا الرجاله مع بعض والبنات مع بعض والاطفال معاهم طبعا وكل تجمع منة بتعملهم اسأله بس الفرق ان كلهم بيبقو عارفين الاجابه لان كلهم اتربو علي طاعة ربنا ومتعودين يقرأو عن كل حاجه في الدين
وفي مره كانو كلهم متجمعين ومنة جمعت الاطفال كلهم وبدأت تسألهم
_بما انكم الحمدلله كلكم بتبقو عارفين الاجابه فأنا هسأل عشر اسئله علي عددكم وكل واحد يجاوب سؤال اتفقنا
_اتفقنا يامنوووووشه
_اول سؤال ياحبايب منوشه هو من ادخل الخوارزمي في الاسلام؟
يلا نبدأ بأكبر واحد فيكم كريم
_قتيبة بن مسلم رضي الله عنه يامنوشه
_براڤووو ياكيمو حبيبي شطور ياناس
تاني سؤال بقي ليك يا يزن
_تمام قولي يا منوشه
_من آخر من توفى من الصحابة ؟
_أنس بن مالك يا منوشه
_براڤو يازينو شطوووور
تالت سؤال بقي لياسمين
وهو من هم المؤذنون الذين كانوا يؤذنون في عهد الرسول صلى الله عليه وسلم ؟
_بلال بن رباح ـ عبد الله بن أم مكتوم ـ أبو محذورة رضي الله عنهم يا منوشه
_براڤوووو ياسيمو ياحبيبتي
رابع سؤال معانا لأستاذ حمزه
وهو ماهي السورة التي تسمى القتال ؟
_سورة محمد يا منوشه
_براڤووووو ياقلب منوشه حبيب ماما الشاطر ده ياناس
منا عارف اني شاطر😜
_هرد اقول ايه ماانت ابن اسر فنو كومنت
_مبلاش يا منوشه بدل مااروح اقول لبابا وهو يعمل فيكي مقلب زي بتاع امبارح
_بس ببس انت مبتصدق ايه العيال دي ياناس🤣🤣وبعدين تعالي هنا بما انه بابا بقي وكده مش هسمع مره بتغلط وبتقولي ماما ده لو مكنش عندك مانع يعني
_تؤ هي منوشه😜🤣
_ماااشي ماااشي يامزاميزو
_ياماما بقي مبحبش الاسم ده
_قالها قالها قالها🤣🤣شوفت بقي عرفت اجيبك ازاي
انت مبتقولش ماما غير وانت متعصب
_موشه كملي الاسئله علشان انا مش هرد هخلي بابا هو اللي يرد 🤣
_لا وعلي ايه خلي بابا مرتاح ياحبيبي هو انا قولت حاجه مالها منوشه وحشه منوشه يعني ده حتي عسل خالص
_يعجبني فيكي يا منوشه انك بتجيبي ورا علطول اول ما حمزه يجيب سيرة عمو اسر
_طبعا ياكماكيمو عمك اسر مسيطر اوي
_خالتوووو بلاش كماكيمو دي مبحبهاش
_يعجبني فيك انت وكلكم بلا استثناء انكم بتقولولي بصفتي لما بتعصبو🤣محسسني اني هخاف يعني وابطل اعصبكم ابدا 😜🤣
المهم يلا نكمل يااخرة صبري منك له له لها له
كلهم ضحكوا عليها هما كلهم بيحبوها اوي وهي بالنسبالهم صحبتهم قبل متكون مامتهم او خالتهم
_يلا السؤال المرادي علي حور
ماهي السورة التي يطلق عليها قلب القرآن ؟
_سورة ياسين يامنوشه
_شطووووووره ياحوريتي براڤو
السؤال ده بقي علي ملك
من الصحابي الذي أعطاه الرسول صلى الله عليه وسلم مفتاح الكعبة عند فتح مكة ؟
_عثمان بن طلحة رضي الله عنه يا منوشه
_براڤووووووووو ياملوكتي شطوره
السؤال المرادي علي اياد
_هو انتي مش بتاخدي بالكبير يا منوشه
_لا غيرت رأي اللي هيجي علي بالي هو اللي هيقول🤣
_اشطا
_يلا بقي السؤال هو
ما أسم المرأة التي سباها النبي صلى الله عليه وسلم في خيبر ثم تزوجها ؟
_صفية بنت حيي رضي الله عنها يامنوشه
_براڤو يااروحي براڤووو
يلا السؤال المرادي بقي لياسين
_قولي يا منوشه
_ما اسم الصحابي الذي كان أول من أمّ المسلمين في صلاتهم بالمدينة ؟
_مصعب بن عمير رضي الله عنه يا منوشه
_براڤووووو يا ياسوووووو شطور
السؤال بقي المرادي لحياه
من هو الذي آمن بنبوة محمد صلى الله عليه وسلم قبل أن يبعث رسولاً ؟
_ورقة بن نوفل يا منوشه
_براڤووووووو ياحياتي شطوره
_اخر سؤال ليمني الصغننه
من الذي اعتبر ثالث الصحابة بين المسلمين ؟
_سعد بن ابي وقاص
_شطوووره ياقلبي شطوره
بجد انا فرحانه بيكم جدا جدا جدا علشان كده جيبت مصحف ومصليه هديه مني لكل واحد فيكم
كلهم انقضوا عليها وفضلوا يبوسوها ووهي بتضحك وبتحضنهم وبتبوسهم بعد كده فضلت تلعب معاهم شويه بعدها سبتهم ودخلت تقعد مع البنات وهما بيتكلموا منة قالت_زين هيدخل كلية الشرطه واسر قرر يعمله حفله كبيره طبعا كلكم جايين
_بجد فرحتيني انا بحب زين خالص
_زين طيب وكويس جدا بس لما بيتعصب محدش بيعرف يهديه
_ فعلا شوفت عصبيته دي في كذا موقف كده
_ انتوا عارفين انا بعتبره ابني بجد انا اللي ربيته وفرحانه اوي بيه وبأنه هيدخل الكليه اللي بيحبها رغم اني هقلق عليه كل يوم لحد ميرجع شغله خطر
_معلشي يا منوشه بس طالما هو حابب المجال ده خلاص ااستودعي ربنا فيه وربنا هي هيحفظه
_فعلا معاكي حق ياسوما
قاطع كلامهم صوت فوناتهم كلهم ما عدا مريم لان التجمع من عندها بصو لبعض وضحكو وكل واحده اخدت عباله وطلعت لجوزها وروحت علي بيتها لحد ما جه يوم الحفله بتاعة زين وكان يوم جميل بالنسبة للكل الحفله كانت عائليه وطبعا عماد اخو اسر ومراته وعياله كانوا موجودين
فزين قال لمنة_كده يا منوشه تسيبي خالو اسر يعزم خالو عماد وانا قولتلك متعزمهمش
_يازين مينفعش ده خالك مهما كان
_ متكمليش لو سمحتي انا حافظ كل اللي هتقوليه وعارفه بس بجد مش متقبل وجودهم مش بايدي
_خلاص بقي عديها ده هو يوم
_حاضر
عدي ساعه تقريبا ومنة كانت واقفه مع صحابها واتفاجأت بزين بيقول بصوت عالي _لو سمحتو كلوا يركز معايا كده عايز اقول كلمتين
اولا بشكر كل حد جه يباركلي علي دخولي كلية الشرطه
تاني حاجه بقي انا عايز اقول ان السبب في كل اللي وصلتله هما اتنين خالو اسر و منوشه خالو اسر بجد من يوم ما اهلي ماتو وهو بالنسبالي اب وخال وصاحب واخ ومنوشه من يوم متجوزت خالو وهي بالنسبالي ام وصاحبه واخت وعيالهم هما اخواتي اللي بجد حقيقي فعلا انا بشكرهم من كل قلبي علي كل ثانيه قضيتهم معاهم وعلي كل السنين اللي ربوني فيهم وعاملوني علي اني ابنهم
بجد انتم عوض ربنا ليا عن اهلي اللي ماتو
منة عيطت من كلامه واسر حضنها وهداها وقالها_انتي كنتي ام وصاحب واخت لكل حد مننا اذا كان الحد ده انا او صحابك او عيالهم او حتي زين او عيالك كنتي لينا كلنا ام واخت وصاحبه
منة ابتسمت وهي بتعيط وحضنته جامد فأتلمو حواليا صحابها وعيالهم وكلهم حضنوها اما زين فأبتسم ليها وقالها بصدق_انتي الوحيده اللي تستاهلي اني اقولها ياامي علشان انتي فعلا امي
ابتسمت منة له بفرح وقالتله _انت ابني الكبير يازين
_وانتي امي الوحيده يا منوشه
ابتسمت الاتنين جامد وملك جريت علي ملك وقالتلها_انتي برضو امي الوحيده يامريومتي
مريم حضنتها جامد وقالتلها_وانتي بنوتي روح قلبي ياملوكتي
كلهم كانو فرحانين وحبهم لبعض هو اللي باين لكل الناس حبهم لبعض هو اللي خلي علاقتهم تستمر كل السنين دي وتقوي اكتر واكتر واكتر
وقفو كلهم واتصورو مع بعض صورة بتبين اد ايه الناس دي مترابطة لبعض واد ايه الناس دي بيحبو بعض بجد واللي جمعهم ببعض هي الصداقه بس الصداقه اللي بجد الصداقه الي تعين علي طاعة ربنا الصداقه اللي هدفها الجنه الجنه وبس 💗
وبكده خلص الاسكربت التامن والاخير💗 انا خليته الاخير علشان لو كنت عملت جزء تاني الاحداث كان هتطول و الاسكربت هيطول اكتر علشان كده قولت اقفله علي كده😍بتمني يكون عجبكم وكل قارئ صامت بقي يخرج عن صمته ويقولي رأيه في الاسكربت وفي اسلوبي وبتمني اكون قدرت افيدكم ولو حتي بمعلومه 💗💗بحبكم في الله😘😘حبايب منوشه😘😘5 امواااااااااه ليكم💗💗هتوحشوني وهيوحشني كومنتاتكم وكلامكم الجميل لحد مااكتب نوفيلا العيد او اكمل الروايه اللي هتنزل بعد العيد ان شاء الله علي حسب لسه مش عارفه هعمل ايه فيهم انتم وحظكم بقي🤣😍😍طبعا اللي عايز يقرألي تاني وعجبه الاسكربت يدخل جروبي وجروبي اسمه😍اجمل الروايات المشوقه مع منة محمد ونور ميسره💗
دمتم سالمين ومتابعين😍
بقلمي/منة محمد(منووووشه) 💗
أنت تقرأ
اسكربات بقلمي/menna Mohamed
Roman d'amourاسكربات رومانسيه وكوميديه ودراميه هتعجبكم جدا ان شاء الله
