اسكربت ج5
كلهم ضحكو جامد وصقفوله واسر فضل يضحك عليهم وعلي زين وبعد كده سابوهم كلهم ما عدا ابو منة فضل في نفس الاوضه بس بعيد شويه وهنا قال اسر بجديه_ في حاجتين لازم تعرفيهم وتقرري اذا كنتي موافقه ولا لا
_اتفضل قول
_اول حاجه ان زين هيعيش معانا لان مرات اخويا مش بتحبه وديما بتزعقله وده ابني قبل ميكون ابن اختي وطبيعي يعيش معانا
_من غير متقول علفكره انا كده كده قيلاله انه هيعيش معانا لو حصل نصيب
_تمام طيب تاني حاجه بقي
بصي انا مكنتش عارف اقولك ولا لا بس لقيت انك لازم تعرفي طبعا وليكي حرية الموافقه او الرفض
بصراحه كده انا ايدي مبتوره ومركب ايد صناعيه
شهقت منة من المفاجأه وبعدها لحقت نفسها علطول وسكتت علشان تستوعب اللي هو قاله هي معندهاش مشكله علي ايده المبتورة هي صلت استخاره وارتاحت يعني ده اختيار ربنا ليها وهي راضيه بيه بس الفكره انها اتفاجأت من المفاجأه مكنتش متوقعه كده خالص لان ايده مش باينه انها ايد صناعيه او يمكن هي اللي مبصتش علي ايده قبل كده مش عارفه بجد هي مش عارفه بس حاسه انها تاهت من المفاجأه وفاقت منها علي صوت اسر وهو بيقول بحزن ظاهر
_كنت متأكد انك هترفضي ومش هتبقي عارفه تقوليها ازاي
زي كل اللي اتقدمت ليهم قبل كده واللي خلاني اقرر اني متجوزش اصلا بس لما شوفتك واتكلمت معاكي حسيت بحاجات كان نفسي اقولهالك بعد كتب الكتاب لااني كنت حاسس انك مش زيهم وانك هتوافقي
قام اسر وطلع بسرعه واخد اهله ومشو من غير ولا كلمه بعد ما سلموا علي والد منة ومدهاش فرصه حتي تفهمه انها مرفضتش وانها كانت بتستوعب المفاجأه مش اكتر
لما مشي قعدت تعيط وصحابها بيحضنوها جامد وهي عماله تقول_انا خذلته خذلته بس والله انا مرفضتش انا كنت بستوعب الصدمه بس هو مدانيش فرصه حتي اقوله كده وطلع علطول
تالا حضنتها جامد ومن الناحيه التانيه ليان عماله تطبطب علي كتفها وبيحاولوا يهدوها لحد مدخل والد منة راح مكان ما هي قاعده وليان قامت علشان هو يقعد جمبها واول مقعد منة اترمت في حضنه وفضلت تعيط فقالها بحنان_بس يامنوشتي بس كفايه عياط وفهميني ايه اللي حصل
حكتله منة كل اللي حصل فرد عليها بحكمه_ انا عارف انك كنتي بتستوعبي المفاجأه بس طبيعي اي واحد لما يلاقي الصمت كان هو الرد هيفتكر ايه غير انك رفضتي كلامه
_طب وبعدين يابابا هعمل ايه انا موافقه عليه
وانت ايه رأيك
_بصي يانور عيني انتي عارفه طبعا اني مش زي كل الابهات وهفرض عليكي رأي لا طبعا انتي اللي هتتجوزي وانتي اللي تقرري وانا عليا النصيحه وبس
بالنسبالي انا مش شايف انه عيب فيه اصلا وبعدين الرسول صلي الله عليه وسلم قال:(إذا أتاكم مَنْ ترضونَ خُلُقَهُ ودينَهُ فزوِّجُوهُ، إنْ لا تفعلُوا تكُنْ فتنةٌ في الأرضِ وفسادٌ عريضٌ)
واسر راجل متدين وعارف ربنا واخلاقه ممتازه كفايه الكلام اللي سمعته عنه لما سألت عليه
ده رأي وانتي براحتك توافقي او ترضي
_انا موافقه يا بابا بس مش عارفه هصلح اللي عملته ده ازاي
هنا قالت ليان بصوت عالي_عندي فكره تحفه بجد
_ايه قولي قولي بسرعه
_بصي ياستي....................
أنت تقرأ
اسكربات بقلمي/menna Mohamed
Romantizmاسكربات رومانسيه وكوميديه ودراميه هتعجبكم جدا ان شاء الله
