_طب وبعدين
_سؤال وجيه ولاكني لا ادري
_بت بقولك ايه اعدلي لسانك ده مش ناقصه لغه عربويه هي
_لغه ايه
_عربويه
_بعد عروبيه دي انا مش عايزهزاسمع صوتك تاني اصلا
_ليه كده بس
_بقي بزمتك دي لغة واحده متخرجه من كليه السن
_ايووون اذا كان عجبك
_عجبني ياختي المهم هنعمل ايه
_موش اعرف
_يااارب صبرني
المهم انتي مش اخوكي يعرف يشغلنا
_اه
_طيب امال ساكته ليه لحد دلوقتي يااخرة صبري هتجننيني اتنيلي قدامي
_هدي اعصابك هتولعي كده
_يخربيت برودك ياشيخه امشي قدامي
ضحكت جامد انا بحب ارخم عليها جدا واستفزها دي متعه عندي كده المهم اعرفكم بنفسيتي بقي بقي متركزوش في لغتي اصلها بايظه خالص😂😂معاكم النهارده نهي سمير في برنامج المجنونه 😂😂طبعا ده كلو هبل متصدقوش انا عجبتني الجمله بس فقولت اقولها المهم بقي نتكلم جدا شويه او شويتين زي ماانتو عايزين😂😂انا اسمي نهي سمير عندي 24 سنه لسه متخرجه لاني متأخره في الدراسه ودي صحبتي مريم عشرة عمري بجد وجدعه جدا وحاليا احنا بنزور علي شغل المهم اخدت مريم وروحنا علي بيتنا
_انا جييييييت ياااهل الدااااار يابشرررررررر
_بس بس بطلي الغاغا اللي بتعمليها دي كل متيجي صدعتينا
_بس ياض انت اتركن علي جمب واقولي اخوك الرخم فين
_بتقولي حاجه يانهي
_انا اقدر برضو ياراااجل ده انت حبيبي من ايام الجيزه
_والله
_اه والنحمه دهية
_عامله ايه ياروما معلشي البت دي نستني اسلم عليكي
_ولا يهمك ياهشوم انا تمام الحمدلله وانت
_تمام الحمدلله
_هو مين اخو مين ياجماهه انت بتقولها روما الا عمرك مقولتهالي ياجدع
_ليه هو انتي اسمك مريم علشان اقولك روما
_طب بزمتك ديه انت عمرك دلعتني
_اه في المناسبات بقولك يانهنوه
_طب بزمتك تاني ده دلع الواحد يدلعه
_ايون ماله ها
_لا ياحبيبي ملوش طبعا
_المهم ياهشام
_خير ياروما
_احنا عايزين نشتغل
_منا عارضت علي البت دي قالتلي لا احنا عايزين نعتمد علي نفسنا
_فكك ياعم من اختك دي وشوفلنا مكان نشتغل فيه
_انا قاعده علفكره
_عارفه علفكره واخرسي بقي شويه
_حاضر ياختي قفلنا الموس اهو علشان تستريحو
_احسن برضو
ها قولت ايه ياهشاام
_من عيوني طبعا ياروما
_حبيبي ياهشوم
_مجبلكم شجره واتنين لمون بالمره
_ياااارب صبرني ياحيوووانه دي اختي علفكره
_ايه ده بجد مكنتش اعرف
_يااارب اقتلها ويقولو الواد قتل اخته علشان غبيه
انتي يابت هي مش روما راضعه معاكي لما كانت طنط نهال تعبانه وماما رضعتها
_ايون
_وانا مش راضع من امي وانا ابنها
_ايون
_يبقي ياحيوووانه مريم اختي في الرضاعه
يااارب نفهم بقي انا هتشل غوري
وهوب لقيت نفسي وقعه في الارض اصل اخويا المبجل زقني والجزمه مريم عاماله تضحك بصتلها بغيظ
_عجبتك اووي ياختي
_😂😂😂بصرااحه اه😂😂😂
_طب تعالي قوميني
_تؤ انا راحه اشوف طنطي علشان وحشتني
وطبعا الجزمه سابتني وقامت فبصيت لاخويا الصغنن اللي كان قاعد متفرج كده وده بقي في اولي اعدادي
_حازومي زومي زومي حبيب اخته ياناااس
_اخلصي يانهي من الحوارات دي وهاتي من الاخر
_تعالي قومني
_تؤ انا عندي مذاكره
وسابني الواطي ومشي وطبعا جمعت شجاعتي وحاولت اقوم نفسي مره اتنين هووب واقع تاني منا خلاص لزقت في الارض دي😂😂😂اخر مزهقت بقي روحت فضلت قاعده وجبت شكولاته من شنطتي اللي وقعت معايا علي الارض وفضلت اكل لغايه ملقيت مريم واقفه تضحك ومش قادره تاخد نفسها من كتر الضحك
_عجبك المنظر ده ياختي
_جد😂😂ا
_لا والله طب تعالي قوميني
_علشان تعرفي بس اني قلبي طيب هتنازل واقومك
وفعلا قومتني وهي قومتني من هنا وانا جبتها من شعرها بقي وفضل اضرب فيها وهي عماله تصوت لحددما جه هشام وقومني من عليها ومسكني من هدومي وراح هوووب ضربني حتة قفا ايه عنببب يخربيته ايده تقيله
_انتي يابت مش هتحرمي
_خلاص يابشا حرمت والله
_لما نشوف اترزعي بقي
واخيرا خدت افرااااج وجرييييت علي الكنبه قعدت باحترامي😂😂
_نااس متجيش الا بالقفياان صحيح
المهم بصو انا كلمتلكم صحبي هو عنده شركه كبيره جدا وعايز مترجمين معاه
_تمام نروحله امتي
_من بكره
_اشطا
_اشطا اتجوزت وخلفت عيل من غير وش ياظريفه
_😂😂😂مين فينا بقي اللي ظريف دلوقتي ها انت اخويا اه بس مش كده برضو
_انا سامع صوووت
_مش انا دي مريم
_😂😂😂خوافه
المهم عدي اليوم بضحك وهزار ورخامه وباتت مريم معانا وجينا الصبح روحنا الشركه حقيقي الشركه تصميمها رائع بسم الله ما شاء الله طلعنا فوق في مكتب سكرتيرة المدير وقعدنا شويه بعدها دخلنا لما دخلت حقيقي استغربت جدا لقيت شاب تقريبا اصغر من اخويا كمان ووسيم جدا قمر ياخراااشي احيه عليا فين غض البصر فين طبعا حاولت اغض بصري علي اد مقدر واتكلمنا وهو باين عليه محترم جدا صراحة اعجبت بيه وبجديته في العمل بس حاولت اطلع الكلام ده من دماغي انا مش هعجب غير بجوزي قلبي ده مش هفتحه غير لجوزي هو بس اللي يستاهله المهم ابتدينا الشغل كنت بتعامل معاه في اضيق الحدود والجزمه صحبتي اتقدملها اخوه وطبعا انا كنت معاه وهشام كان فرحان اووي بيها هو بيعتبرها اخته فعلا من لحمه ودمه مش بس اخته في الرضاعه ويوم فرحها كان يوم فرح هشام كمان وهشام سلمها بأيده لعريسها ووصاه عليها وبعدها راح جاب عروسته هشام اصلا كان خاطب بنت محترمه جدا وانا بحبها من حوالي 4 سنين واخيرا اتجوزو وانا بقي محدش قدي اخت العريس والعروسه و كنت محضرلهم مفاجاه تحفه ومتفقه مع الديچي وفعلا طلعت بره القاعه وروحت مع صاحب القاعه وطلعنا فوق وفي المكان المحدد وبعد دقايق الديجي سكتهم ونزلت انا من فوق وانا واقفه علي دايره كبيره وحواليا ورود ومعايا بروازين فيهم نفس الصور صورنا احنا التلاته طول فترة طفولتنا وحتي بعد مكبرنا واحد لأختي وواحد لأخويا ادتلهم الروازين واخدت المايك من الديچي وغنيتلهم
اخويا يعني لحمي ودمي
حبيبي من ريحة ابويا وامي
مهو دا اللي شايل عني همي
هو دا اللي لو وقعت عليا يسمي
اخوات وهنفضل مهما كان اخوات
في مابينا عشرة وفي حكايات
ضحك ودموع تفاصيل وحاجات ومحتاجات
اخوات وهنفضل مهما كان اخوات
في ما بينا عشره وفي حكايات
ضحك ودموع تفاصيل وحاجات ومحتاجات
اختي حبيبتي دي الحب كله
ومين غيرها احكيله واقوله
ده هي دي اللي معاها سري
واقفه في ضهري لو هيحاربني العالم كله
اخوات وهنفضل مهما كان اخوات
في ما بينا عشره وفي حكايات
ضحك ودموع تفاصيل وحاجات ومحتاجات
واول مخلصت جريت عليهم وحضنتهم جامد اووي هما كل حاجه في حياتي ومش عايزه غيرهم بس ياخسااره هما خلاص بقي ليهم حياه تانيه المهم فضلت احضنهم وابوسهم وبركتلهم وانا فرحنالهم اووي وبعدهد سبتهم وقعدت علي التربيزه شويه لقيت ادم قدامي وبيقولي بهدوء_متعيطيش ممكن
_هيوحشوني اووي
_وهما هيجرو يعني دول جمبك وهتبقي عندهم ديما
_برضو مش قاعدين معايا ومش برخم عليهم وبشلهم
_هي دي سنة الحياه وانتي مسيرك تتجوزي بس الاهم انكم متنسوش بعض وتتلهو في حياتكم لانكم ملكمش غير بعض
_معاك حق
_بالمنسبه دي بقي روحي اغسلي وشك وتعالي علشان محضرلك مفاجأه
_مفاجأه ايه
_روحي بس وتعالي
_ماشي
روحت فعلا واول مرجعت القاعه لقيت النوم مطفي ومفيش غير اضاءه رقيقه اوي وهاديه وحد واقف في النص روحت لقيته ادم بصلي بابتسامه وقالي ها تتجوزينيطمردتش عليه مكنتش مصدقه نفسي اصلا
راح قالي تاني_ها هتتجوزيني ولا ارجع في كلامي
ضحكت كده وقولتله_تقدر تعملها
_لا طبعا انا خلاص دخلت القفص ومفيش هرووب
_جدع انك عارف
_علشان تعرفي بس انا مش اي حد بصي بقي احنا حاليا هنتخطب والشهر الجاي هيكون فرحنا
_ايوه بس ده بدري اووي وبابا واهلي
_باباكي موافق علي كلامي واهلك كلهم موافقين وكانو علي علم بالمفاجأه دي كمان
_وانا موااافقه
_بجد
_بجد
_كان نفسي اشيلك والف بيكي بس مقبلهاش عليكي غير لما تكوني مراتي
وخلص الفرح بسعاده كبيييره علينا كلنا وبعد شهر كنت مرات ادم ويومها اول مكتبنا الكتاب جري عليا وشالني ولف بيا وصرخ بصووت عالي بحبككككككككككك يانهي وانا شاركته جنانه وصرخت بصوت عالي بحبكككككككك يااادم
وبعد متجوزنا حقيقي اتأكدت اني اخترت الزوج صح اللي راعي ربنا فيا وحافظ عليا وعلي قلبي حقيقي هو كان ابويا التاني بجد مبقاش فيه زيه كتيو واحلي حاجه اني عارفه عيوبه ومتقبلاها جدا وبحب عيوبه زي ما بحب مميزاته بالظبط انا بحبه في كل حلاته بجد بعشقققققه وجبت منه احلي بنوته في الدنيا وسميتها تالا اخدت جماله وكانت نسخه منه مش في شكلها بس لا وتصرفتها كمان وهشام جاب يزن ومريم جابت اياد ورغم مشاكل الحياه والضغوط اللي كانت علينا الا اننا كنا ديما بنتقابل يوم في الاسبوع بنتجمع عند اي حد مننا وكان بيبقي احلي يوم بجد يكفي ان عيالنا طالعين متعلقين ببعض طالعين سند لبعض طالعين اخوات لبعض بجد وطبعا انا جناني مقلش بالعكس ده بيزيد كل يوم عن اللي قابله وادم مستقبل جناني ده بحنان وحب وفرحه ده كمان بقي بيتجنن معايا حقيقي هو نعمه كبيره اوي من ربنا متأكده انه رزقني بيها علشان ديما بتقي ربنا في كل حاجه بعملها علشان صونت نفسي وقلبي وديما بحاول اغض بصري علشان كده ربنا رزقني بأحلي رزق في الدنيا زوج حنين وفرفوش وقلبه مفيش ابيض منه ده غير جدعنته اللي بجد مبقتش موجوده كتير في الزمن ده
خلص الاسكربت علي كده يارب يكون عجبكم وهستني رايكم فيه
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
