اسكربت
_انا جوزي وحشني اوي يابنات هيييح بقي امتي يرجع
_راعي شعور السناجل يااخت تالا
_الله بقي يا ليان يعني لو مكنتش اقولكم انتم هقول لمين
_قوليله هو ياختي جايه تقرفينا احنا ليه
_علفكره بقي انتوا صحاب زباله اوي وانا غلطانه اني بتكلم معاكم
_خلاص بقي يا ناقر ونقير اهدو شويه واعلموا حساب انكم بقيتوا في الجامعه مش لسه في حضانه
_ياواد ياعاقل انت
_طبعا امال انا كلي عقل
_اتنيلي ده انتي اهبل واحده فينا يامنوشه
_قديمه يالولي شوفي غيرها
_بقولكم ايه هي البت ريهام اتاخرت ليه والبت مريم كمان
_مش عارفين اكيد زمانهم جايين
بعد شويه جت مريم وبعدها ريهام والكل اتفاجئ ان اخيرا ريهام لبست النقاب فقالت منة بفرحه وهي بتحضنها_اخيرا لبستيه اخيرا انا فرحانه اوي اوي
_ده بسبب كلامك يامنوشه وتشجيعك ليا انا بحبك اوي اوي
_ ياقلبي وانا بموت فيكي وعقبال مريم كمان يارب
_ لا ياستي انا كفايه عليا اوي الخمار
_ بس يابت انتي ان شاء الله ربنا هيرزقك النقاب وهيرزقك حبه
يلا بينا بقي نتمشي علي البحر احنا معندناش محاضرات مهمه النهارده
_ اشطا يلا بينا
اتمشو البنات شويه علي البحر وسط ضحك وهزار بس بصوت واطي طبعا علشان ميلفتوش انتباه الناس اللي ماشيه وعلشان متتلغبطوش انا هعرفكم عليهم هما خمس بنات صحاب لسه متعرفين علي بعض من سنه بس في اول سنه ليهم في الكليه هما دلوقتي في تانيه كليه اداب قسم علم نفس
منة دي فرفوشه الشله وفي نفس الوقت عاقله بس العقل ده بيطلع في الجد بس غير كده هي هبله ومجنونه وفرفوشه جدا ومنة منتقبه من 4 سنين تقريبا
ريهام دي عسل الشله مجنونه جدا وهي ومنة سبب فرفشة الشله بجد ولسه منتقبه جديد وده بسبب تشجيع منه ليها
تالا بنوته قمر خالص مكتوب كتابها من سنتين ولسه هتتجوز كمان سنه دي بقي الكبيره بتاعة الشله وناقر ونقير مع ليان وانتقبت لما اتكتب كتابها لان جوزها متدين جدا وبيحبها خالص بس دلوقتي هو مسافر في شغل
ليان بقي دي جعفر الجروب بنت بس هي مش بنت رغم كده هي متدينه جدا وعارفه ربنا بس ملهاش في المحن خالص وبتحب ترخم علي تالا اكتر واحده وهي برضو منتقبه من سنه تقريبا واللي شجعها هما صحابها رغم ان اهلها كانو رفضين الموضوع نهائي وكانوا بيحبطوها اوي بس لبسته بعد ما اقنعتهم
مريم بقي بنوته جميله وبتحب صحابها جدا هي مختمره بس مش مقتنعه بالنقاب ومخطوبه لصاحب اخوها وعارفه ربنا وملتزمه خالص
اتمشو البنات مع بعض علي البحر وشكلهم جميل اوي بالنقاب والخمار اللي زادهم وقار وهيبه وبعد ما اتمشو كل واحده روحت علي بيتها
عند منة روحت بيتها لقيت باباها قاعد بيقرأ قرأن ولما شافها صدق ووقف كتابه فرحت له وباسته علي خده وقالتله بمرح: وحشتني ياابو صلاح
ضحك الاب عليها قائلا: انتي اكتر ياهبله انتي
يلا تدخلي غيري وروحي حضري الاكل النهارده كان اليوم عليا في الطبيخ وعملتلك فراخ بانيه ومكرونه
_ ايوه بقي ياابو صلاح ياجااامد ياخراااشي ياناس امال انا بموت فيك ليه بس
_ طب اخلصي يالكاكه وادخلي غيري هدومك
_اشطا ياابو صلاح
دخلت منة وغيرت هدومها وطلعت وحضرت الاكل وقعدوا اكلوا مع بعض منة مامتها متوفيه وعندها تلت اخوات بس التلاته متجوزين وعايشين في بيتهم مع مرتاتهم وعيالهم المهم خلصوا اكل ودخلت اوضتها تريح شويه وبعدها قامت ولبست هدومها علشان عندها حلقه في دار تحفيظ القرأن هي بتحفظ اطفال صغيره وسعيده اوي بكده لانها فعلا بتعشق الاطفال الصغيره
أنت تقرأ
اسكربات بقلمي/menna Mohamed
Dragosteاسكربات رومانسيه وكوميديه ودراميه هتعجبكم جدا ان شاء الله
