اسكربت جديد
ج 1
_انتي طالق
بصت سلمي ليه بصدمه عمرها متوقعت ان هيجي اليوم وحبيبها يطلقها وليه علشان بتعترض علي معاملة امه ليها
المعامله اللي استحملتها سنين علشانه هو وبس استحملت ظلم كتير وذل علشان وهو بكل سهوله كده طلقها
للاسف ملقتش حاجه تقولها بعد كلمته غير _حسبي الله ونعم الوكيل فيك ياابو ولادي
قالت الجمله دي وجريت علي اوضة ابنها لقيته قاعد بيعيط بخوف من صوت زعقيهم ابنها اللي لسه مكملش اربع سنين نفسيته ادمرت من خناقهم كل يوم والتانى نفسيته ادمرت من اللي بيشوفه طفل لسه مكملش اربع سنين بيشوف امه كل يوم بتتذل وبتستحمل علشانه هو وعلشان ابوه وياريته طمر فيه
مستحملتش منظر ابنها ومحستش بنفسها غير وهي بتجري عليه وبتاخده في حضنها وبتحاوله تهديه وبعد شويه قالتله بحنان_احنا هنمشي من هنا
نظر لها بفرحه خليتها تستغرب بس استغربها مفضلش كتير لان بمجرد ابنها متكلم عرفت سبب فرحته اللي صدمته بجد_انا فرحان اوي اننا هنمشي من هنا علشان متعيطيش تاني وعلشان نانا متفضلش كل شويه تزعقلك انا عايز اشوفك فرحانه ياماما
مستوعبتش كلامه ابدا مستوعبتش ان طفل في سنه يقول الكلام ده بس الحقيقه هي ان الظروف بتخلي الطفل يكبر قبل اوانه
اخدته في حضنها وفضلت ساكته لوقت كبير لحد مقررت اللي هتعمله بعد كده وقامت حضرت هدومها وهدوم عيالها الاتنين يزيد وزياد
وبعد ما حضرتها شالت ابنها زياد الصغير اللي لسه مكملش سنه ومسكت ايد يزيد ونزلت الشقه اللي تحتها عند حماتها ودخلت لقيتهم كلهم متجمعين حماتها واخوات جوزها ومرتاتهم وجوزها طبعا فقالت بقوه اول مره يشوفوها_انا خارجه من البيت ده خلاص خارجه من البيت اللي اتهانت واتذليت فيه كتير وكنت بسكت علشان احافظ علي جوزي واياكي بس نسيت ان بسكوتي انا بدمر عيالي مش بحافظ عليهم بس قبل ماامشي انا عايزه اقول كلمه لكل واحد فيكم
بصت لأخو جوزها الكبير وقالت بابتسامه وجع_نبدأ غبيك انت يااسلام علفكره انت مش راجل للاسف كلكم مش رجاله ولا انت ولا اخوك
انت سايب مراتك تمشيك علي كيفها وياريتها بتمشيك في الصح لا دي بتخليك تيجي علي المظلوم وبتخليك تعمل اي حاجه علشان بس تنول رضاها
بس نسيت حاجه مهمه اوي انك لو في يوم خسرت كل حاجه هي اول واحده هتبيعك
وبعدها بصت لمراته سيهام وقالتلها_انتي بقي كل اللي همك تبقي ست البيت واللي كلمتها بتمشي علي الكل وقعتي بيني وبين جوزي مليون مره وبيني وبين حماتي وبتمني بقي دلوقتي تبقي استريحتي لما خربتي بيتي
بعدها بصت لأخو جوزها الصغير وقالت بأحترام وشكر_انت بقي اللي مش عارفه ازاي انت من العيله دي انت الراجل الوحيد في العيله دي بجد شكرا علي وقفتك جمبي عمري مهنسهالك ابدا يامعتز
بصت لمرات معتز الهام وقالتلها _انتي بقي عايزه انصحك نصيحه اوعي تكوني زي ومتتنزليش ابدا عن كرامتك مهما يحصل وانا متأكده انك مش هتبقي زي لانك متجوزه راجل بجد هيعرف يدافع عنك
بصت بعدها لسليم اللي كان جوزها وقالتله بهدوء تحسد عليه_انت عارف انا حبيتك بجد استحملت كل حاجه علشانك وعلشان عيالنا ومكنتش بلاقي منك تقدير ودلوقتي بس اقتنعت انك للاسف متستهلش اللي استحملته علشان بس عايزه اقول كلمتين يمكن يعرفوا يعني ايه زوج راجل
الزوج هو السند يعني كان مفروض تدافع عني ادام اهلك وتمنع اي حد يحاول بس يقلل من كرامتي لان كرامتي هي كرامتك
انت نسيت اني وصية رسول الله ليك
ده الرسول صلي الله عليه وسلم قال: (مَن كانَ يؤمنُ باللَّهِ واليومِ الآخرِ، فإذا شَهِدَ أمرًا فليتَكلَّم بخيرٍ أو ليسْكت، واستوصوا بالنِّساءِ، فإنَّ المرأةَ خُلِقت من ضِلَعٍ، وإنَّ أعوجَ شيءٍ في الضِّلعِ أعلاهُ، إن ذَهبتَ تقيمُهُ كسرتَهُ، وإن ترَكتَهُ لم يزل أعوَج، استوصوا بالنِّساءِ خيرًا).
وقال كمان : (فاتقوا اللهَ في النِّساءِ . فإنكم أخذتموهن بأمانِ اللهِ . واستحللتُم فروجهنَّ بكلمةِ اللهِ ).
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
