اسكربات بقلمي/menna Mohamed

اسكربت

_دووومي يادووووومي
_عايزه ايه مني يااخرة صبري
_الا انت معندكش دومي تاني اتجوزه
_نعم انتي هبله يابت
_اه ايه الجديد يعني ده علي اساس انك مش عارف
ده انا اختك بقالي ٢٠ سنه ولسه جي تعرف دلوقتي اذا كنت هبله ولا لا
_بسسسسس انا اسف اني سألت يخربيت رغيك ياشيخه عايزه مني ايه
_عايزه واحد دومي اتجوزه
_واجبلك زفت دومي منين انا
_معرفش اتصرف المهم تجبلي دومي اتجوزه
لقيته ضحك اوي وقالي_امشي ياهبله من هنا انا عندي محاضره مش ناقص هبل
_لا بقولك ايه مش علشان بقيت معيد بقي وبتاع هتتغر عليا ده انا عارفه كل بلاويك من ايام ما كنت بتعملها علي السرير وانت عندك 7 سنين ها
_بس بس يخربيت فضايحك وبعدين انا كنت تعبان هو كان بمزاجي يعني
_ميخصنيش المهم انكك تتلم مش علشان بقيت معيد تتغر عليا ها
_استغفرالله العظيم يارب ليه بس كده يارب رزقتني بأخت هبله
مهو انا لو شايف الموضوع اللي معطلاني عليه يستاهل هقول ماشي بس انتي عايزه دومي تتجوزيه انا اتنيلي واتهبب واجبلك دومي منين
:اتصرررف المهم دومي يجيلي
_طيب حاضر هنزل في الشارع هقول عايزين دومي يتحوز اختي الهبله تمام
اتزفتي قدامي بقي علشان اخرتني علي المحاضره خليني اوصلك يلا مش عارف انا قاعده في اربيزي في البيت وفي الجامعه كمان
_طب خلاص متزقش نازله اهو يلا بينا يادومي
_يلا ياقدري
ضحكت اوي انا بجد بحب اغيظه اوي يعني بحسه بقي مزاج عندي بجد دومي قصدي ادم اخويا ده اغلي حاجه في حياتي ومن كتر حبي ليه نفسي اتجوز واحد اسمه ادم برضو بجد بجد دي امنية حياتي اتجوز واحد اسمه ادم ويبقي زيه كده وفي حنيته ومناكشته ليا كمان برضو من امنيات حياتي ان ادم يتجوز ويخليني عمتو بس هو مش راضي الرخم
ايوووه نسيت ومعرفتكوش عليا انا بقي شهد عندي 20 سنه وفي كلية اداب قسم علم نفس وادم معيد في نفس الكليه ومجنناه بجد بس رغم كده ميقدرش يستغني عني ولا انا كمان علفكره بالنسبه لبابا وماما فا هما موجودين وطيبين جدا جدا وبيحبونا جدا بس انا اقرب لأدم اكتر منهم وادم نفس الكلام انا وادم حاله كده مختلفه مفيش زينا كتير المهم بقي فككو من ادم الرخم اللي سابني بعد ما وصلني وراح علي محاضرته وانا بقي معنديش محاضره روحت راحه علي الكافتيريا وقاعده وطلبت حاجه اشربها وفضلت قاعدها لوحدي انا تقريب مليش صحاب رغم ان كل الجامعه عرفاني بس مفيش واحده علاقتي معاها تعددت الزماله وشكل مش هيبقي فيه يعني يلا ما علينا المهم وانا قاعده سمعت صوت خناف فطبعا فضولي غلبني فببص اشوف مين بيتخانق لقيت واحده منتقبه عماله تعيط بصوت واطي وفي راجل عمال يشدها ويضربها والجامعه كلها واقفين يتفرجو عليهم بسم الله ما شاء الله بصراجه رجاله رجاله يعني مفيش واحد فيهم فكر يدخل يحوش حتي كله بيتفرج وبس فعلا والله الرجاله ماتت في الحرب ما علينا روحت قايمه بقي وراحه عليهم وكان لسه هيضربها روحت مسكت ايده جامد وقولتله باستفزاز _بتعمل ايه ياسيدنا الشيخ مش عيب اللي بتعمله علي لحيتك اللي مربيها دي بتستقوي علي بنت ضعيفه هو ده الدين برضو اللي انت عارفه وحافظه ولا اللحيه دي اي كلام ولا ايه
لقيته بصلي بعصبيه كده وكان عايز يضربني ولسه هيرفع ايده روحت لقيت ادم وقف قدامي ومسك ايده جامد وعجنه ضرب وهو بيقوله_ايه زعلت من كلامها طب ما هي مقالتش الا الصح ده انت مش عيب يتقال عليك شيخ لا انت عيب يتقال عليك راجل اصلا
بعد ما عجن الراجل ضرب وانا واقفه وحاضنه البنت اللي كانت بتضرب جامد وعماله بشجع في ادم وبعد ما خلص لقيته جه نحيتي وقال برخامه_خلاص كفايه تشجيع الفيلم خلص ياختي
_يخربيت رخامتك ياجدع خرجتني من الموود
ساعتها سمعت صوت اللي في حضني بتضحك علينا روحت قولتلها_اضحكي اضحكي محدش واخد منها حاجه ياعسل قوليلي بقي مين النطع ده اوعي تقوليلي خطيبك او اخوكي علشان المشهد ده قريته في تلت تربع الروايات
لقيتها ضحكت اوي وقالتلي_لا ياستي مش خطيبي ولا اخويا ده ابن خالتي وعايز يتجوزني غصب وانا مش موافقه فبيحاول يفرض سيطرته عليا بالضرب بقي والزعيق وكده
_ياقلبي طب وفين مامتك وباباكي من ده كله
_مهو بابا عايز يجوزني لأي واحد وخلاص علشان حمل المصاريف ومامتي متوفيه واخويا الوحيد مسافر بره ومش ناوي يرجع
_طب وانتي قاعده فين
ساعتها لقيت ادم قاطع اسالتي وقال_كفااااايه تعارف انا زهقت ورجلي وجعتني متتنيلو تقعدو وتتعرفو ده الناس كلها مشيت وانتو اللي واقفين
وبعدين يلا ياهانم علشان عندك محاضره
_طيب ياخويا جايه بس متدخلش المحاضره قبلي علشان انت مبدخلش حد بعدك
_انتي هبله يابت يعني عايزاني أخر نفسي علشان سيادتك تدخلي
_ايون مش اختك انا ولا مش اختك
_لا ياختي اختي وياريتك مكنتي اختي بس هقول ايه قدري انا متزفت طالع المكتب وبعدها هطلع المحاضره ولو دخلت ملقتكيش هطلعك بره ها معنديش خيار وفقوس انا
_ولا بتنجان حتي
_يااااصبر ايوووووب
وسابني ومشي مش عارفه انا هو متعصب ليه ييلا ما علينا المهم بقي لقيت البت دي معايا في نفس السنه فأخدتها وطلعنا المحاضره ومكنش لسه اخويا الرخم جه فقعدنا نتكلم وعرفت ان اسمها شمس وعرفت حاجات كتير عنها واتفقنا اننا صحاب من النهارده وبعد شويه الرخم اخويا جه وعطانا المحاضره وبعد مخلصت كان فاضل ساعتين علي المحاضره التانيه روحت اخدت شمس وروحنا الكافتيريا وقعدنا نهزر ونضحك ونتكلم عن نفسنا شويه وحقيقي حبيتها جدا جدا واكتشفت ان مش كل المنتقبين مقفلين بقي وكده لا بالعكس ده هي منتقبه وفرفووشه جدا وبتألش ألش ايه عسللل المهم بقي بعد الساعتين دول دخلنا المحاضره اللي علينا وبعد كده خلصنا واخدنا ارقام التلفونات وقولت لأدم اني هطلع اتمشي علي البحر شويه اصل البحر ده عشقققي بقي بجد يعني المهم وصلت عند البحر وفضلت قاعده بفكر في حياتي وبتأمل جمال البحر واد ايه بحس السما بتحضن البحر كده وبيبقي منظره تحفففه المهم انا من موهبتي اني بحب التصوير جدا جدا يعني روحت مطلعه الكاميرا اللي جبهالي ادم في عيد ميلادي قبل كده وقعدت اصور كتيير اووي اووي والمنظر كان رووعه بجد بعد كده فتحت الاچنده اللي بكتب فيها خواطري والكلام اللي بحسه خصوصا للانسان اللي مستنياه واللي لسه معرفش هو مين او هيجي امتي
وكتبت "انتظرك وسأظل انتظرك طوال عمري حتي تأتي لتضئ عالمي بوجودك فيه"
وبعدها كتبت "متي ستأتي انني اشتاق لك واشتاق ان افعل معك ما تمنيته طوال عمري فهل ستتحمل جنوني ياحبيبي ام ستمل مني وجنوني"
وبعدها كتبت" صغيري دومي انني احبك حد الجنون حتي قبل ان اراك ولكني اعلم ان قلبي الذي لم يدخله احد غيرك لن يخذلني "
بعد كده بقي روحت قايمه وفضلت اتمشي علي البحر لغايه ما لقيت واحد بينادي عليا وهو بيجري وبيقولي_انسه انسه
استغربت اوي بس وقفت اشوف في ايه وفضلت واقفه لحد ما وصل عندي وفضل يحاول ياخد نفسه من الجري وبعدها لقيته بيمد ايده ليا بالتليفون بتاعتي وبيقولي_حضرتك نسيتي الفون بتاعك كان ما كنتي قاعده
اخدته منه وقولتله بهدوء_شكرا جدا لحضرتك تعبتك معايا معلشي
ولسه جايه امشي لقيته وقفني وقالي_بقولك
_نعم
_هو انتي مرتبطه
_افندم
_ايه مش فاهمه اللي بقوله بقولك انتي مرتبطه متجوزه مخطوبه اي نيله
_مالك ياعم بتتكلم كده ليه هو فيه حد يسأل سؤال زي ده ويتكلم كده ما علينا مع اني مش فاهمه ليه السؤال بس لا ياسيدي مش متزفته عن اذنك بقي
_طب استني تتتجوزيني
_انت اهبل ياابني هو انت تعرفني
_طبعا اعرفك امال يعني هاجي اتقدملك كده
_تعرفني منين
_انتي اللي القلب اختارك ومرضاش يشوف غيرك ابدا
اتكسفت اوي بس قولتله_لو سمحت كده ميصحش ووقفتنا كده غلط اصلا عن اذنك
_طب ممكن تديلي رقم اي حد اتقدمله
_هتتقدم لواحده اول مره تشوفها
_بس دي مش اول مره اشوفك علفكره
انا بشوفك بقالي 6 شهور تقريبا من ساعه ما اتنقلت اسكندريه هنا وشوفتك اول يوم ومن ساعتها وانا باجي هنا مخصوص علشان اشوفك اول مره كانت صدفه وتاني مره وتالت مره مكنتش عارف بتيجي امتي بس كنت بتفاجئ كل ما باجي بلاقيكي قاعده في نفس المكان بعد كده ابتديت اجي مخصوص علشان اشوفك وعرفت انك بتيجي هنا كل يوم اربع في نفس المعاد وبقيت اجي كل اسبوع مخصوص علشان والنهارده اخيرا اتشجعت وقررت اجري اتقدملك ممكن بقي رقم والدك
فجأه لقيت نفسي بسأله _استني بس قولي اسمك ايه علشان لو اسمك مش ادم استحاله اتجوزك الا لما تغيير اسمك
لما قولتله كده لقيته ضحك اوي اوي وبصراحه ضحكته عسل بس حاولت اغض بصري علي اد مقدر وبعد ثواني لقيته هدي من الضحك وقالي ببتسامه_الحمدلله ملوش لازمه اغير اسمي لاني اسمي فعلا ادم
الهم هاتي الرقم بقي
_اتفضل ٠١٢*********
وروحت سيباه وماشيه وانا هطير من الفرحه رغم اني اصلا معرفوش بس بجد حاسه بفرحه فظيعه المهم روحت علي اوضه دومي رقم 1 واقتحمت الاوضه زي عادتي وخضيته لقيته قالي بخضه_حرام عليكي انا بسبب خضاتك دي هقكع الخلف ومش هتبقي عمه اصلا
ضحكت اوي اصل دي نفس الجمله اللي بيقولها كل مره المهم نطيت جمبه علي السرير وروحت اخده للفون من ايده ورمياه علي السرير وقولتله بحماس_اسمع علشان حصل معايا حاجه النهارده ولا في الاحلام
_اشجيني
حكيتله كل اللي حصل النهارده لقيته سكت كده بعدها ابتسم و فتحلي درعاته روحت اترميت في حضنه فلقيته حضني جامد وبسني من راسي وقال ببتسامه_مبروك ياقلبي ربنا يتمم ليكي علي خير
بس انتي غلطتي في حاجه ياشهودتي انك وقفتي اتسامرتي معاه وسمعتي منه ازاي عرفك كنتي عطتيله الرقم ومشيتي من سكان يااما كنتي مدتلوش خاحه وهو كان اتصرف وجاب ارقم لكن انك توقفي تتسامري معاع كده ده غلط ياقلبي مهو كده كده كان هيجي هنا وهتعرفي منه كل حاجه يبقي مكنش لها لزمه بقي صح ولا مش صح
فكرت شويه كده بعدها قولتله_لا صح يادومي بس انا مكنتش بفكر كده خالص
_معلشي ياروحي خلاص اللي حصل حصل انا بس كنت بلفت نظرك ليه علشان تاخدي بالك بعد كده
_ربنا ميحرمنيش منك يادومي يادومي
بس تصدق ياواد يادومي مش مصدقه اني هتجوز زي الروايات كده ياخرااااشي يالهووووتشي بقي انا كان فيه واحد بيحبني وبيتابعني
_مش فاهم علي ايه والله ده دبس نفسه تدبيسه سوده وانا عارف هيرجعك ليا تاني يوم فرحك
_انت قصدك ايه ها لا احتمل
_لا ازاااي ده انتي تحتملي ونص ياختي
_مش حساها طلعه من قلبك بس ماااااشي
بعد مقولت الجمله دي لقيت بابا بينادي عليا طلعتله وقالي علي العريس ووفقت يجي يشوفني ومفروض هيجي كمان يومين وعادي عدو اليوم بين الكليه والرخامه علي دومي حبيبي وقربي اللي زاد اكتر من البت شمس العسليه
وجه يوم اللي هيجي فيه ادم بصراحه كنت مكسووووفيه جدا جدا بس شجعت نفسي كده لما ادم جه اخدني وطلعت معاه وفضلنا قاعدين عادي لحد مسبونا لوحدنا فلقيته قالي _اخيرا هتبقي مراتي
_انا لسه موافقتش
_ابه الرخامه دي بقي ده رد
_هو انت لسه شوفت حاجه يابني ده انا ملكة الرخامه
_كمان يابني لا وماله بكره هشوف كل حاجه يامامتي
_هههههه ضحكتني والله المهم تعالي  هنا فين اهلك
_في الصعيد لما نتفق هيجو
_ايه ده يعني انت صعيدي
_اه عندك مانع
_هيبقي عندي مانع لو هنعيش هناك
_وده ليه بقي ان شاء الله
_لان ببساطه انا مش حمل العيشه هناك ومش هقدر اتحملها فيه غيري ممكن يقبلو لكن انا لا
الصعايده علي راسي من فوق واهلك في عيوني ونروحلهم زياره ونقعد بالاسابيع كمان لكن اعيش هناك واربي عيالي هناك ده انا مش هقدر عليه
هناك فيه عادات انا مقدرش اتحملها
زي مثلا ان البنت متخرجش تتفسح لوحدها وحاجات كتير انا مش هقدر اتحملها لان ببساطه انا متربتش علي العادات بتاعتكم ومعروف ان الصعيد مختلفه عن المدينه في حاجات كتير رغم كده فيه بنات كتير بتعيش هناك وبترتاح بس انا مش هقدر وتبقي حياتي كلها هناك وكمان مقدرش ابعد عن دومي اخويا ده كل  حاجه في حياتي فأنا اسفه بجد لو انت كنت مستني اجابه تانيه
_كلامك كبرك في نظري اوي انك محاولتيش تكذبي عليا واتكلمتي بكل صراحه ومقللتيش من الصعايده رغم انك مش متفقه مع عوايدنا وعادتنا
_اننا ابقي مش متفقه مع العادات حاجه واني اقلل من الصعايده حاجه تانيه الصعايده كلهم فوق دماغي من فوق وانا عرفت كتير صعادين كانو كويسين جدا ومحترمين وجدعان بجد بس هي الفكره كلها اني مش هقدر اتأقلم مع العوايد والتقاليد بتاعة الصعايده كمان فرصه تعليم العيال عندنا هنا اعلي من هناك
_عندك حق وياستي كده كده احنا هنتجوز هنا ان شاء الله بس هنبقي نروح نقعد هناك كام شهر كده مثلا اايه رأيك
_معنديش اي مشكله طالما مش هنقيم هناك علطول
عرفني علي نفسك بقي
_انا ياستي اسمي ادم احمد بشتغل دكتور باطنه وبحبك وبموت فيكي وعايزك تبقي مراتي بقي
ها ايه رأيك
_هفكر واصلي صلاة استخاره وارد عليك
عن اذنك
طلعت بره وسيبته وانا قلبي بيدق جدا وناديت ادم اللي طلع قعد مع ادم شويه وبعدها مشي ودخلي وسألني علي رأي وقولتله اني مبدئيا موافقه بس هصلي صلاة الاستخاره وارد عليه وفعلا صليتها والحمدالله كنت مرتاحه جدا ووافقت عليها وبعد اسبوع جاب اهله وجم واتعرفت علي اهله ناس طيبين جدا وحقيقي حبيتهم اوي وخليتهم يحبوني جدا وقعدت اهزر واضحك معاهم ومع اخته اللي بتضحك جدا وحسيت ان اسلوبي وتعاملي معاهم طمنه وفرحه وخلاه فخور بأختياره ليا هو تقريبا كان فاكر اني هعملهم وحش بس ميعرفش ان بنات اسكندريه جدعااان وعمرهم معاملوا حد وحش المهم بقي ان اليوم عدي بخير وسعاده وحقيقي حبيت عيلته جدا جدا واعتبرتهم عيلتي التانيه وهو كان متسربع اوي فأتفق ان الفرح بعد شهر حوالنا نقنعه يأجل شوبه بس رفض نهائي وفعلا اتجوزنا بعدها بشهر وكان ليله تحففه بجد واحلي حاجه فيها واكتر حاجه خلتني اعيط هو ادم اخويا لما طلع وغنالي اغنية اختي حبيبتي وهو اللي سلمني بأيده لعريسي وبعدها روحنا علي بيتنا وادم معانا قعد يرخم علينا لحد ما اادم جوزي طرده بهزار وانا عماله اضحك المهم بقي ان بعد مرور 4 سنين علي جوازنا كان معانا مالك وملك تؤام عندهم 2 ونص وساعتها بابا وماما عملوا حادثه واتوفو الاتنين وساعتها بجد دي كانت صدمه عمري انهارت بطريقة فظيعه كنت حاسه كأن نار ايده في صدري وكان ادم وادم الاتنين عمالين يهدو فيا وعيالي عمالين يعيطو وهما مش فاهمين حاجه ادم اخويا حاول يهديهم شويه ومفتش كام شاعه ولقيت اهل ادم جوزي جم ومامته اخدتني في حضنها بجد حضنها حنين اوي وباباه قعد يطبطب عليا ويقولي احنا اهلك وعيلتك يابتي ولو الواد ديه زعيلك بس جوليلي واني اعچنه
ساعتها بجد حسيت اني ليا ضهر غير ادم وادم بعد موت بابا وماما وان ليا اهل تانين وعزوه وسند وعمرهم مخلوني احس غير كده والايام اللي كنا نروح نقعد فيهم هناك كانو بيبقو احلي ايام علشان وسط ناس بيحبوني بجد وسط اهلي التاني وادم بقي اتجوز شمس وهي دلوقتي حامل في 7 وهتجيب بنوته واتفقوا يسموها علي اسمي وبجد فرحت اوي بقرارهم ده ربنا ميحرمني منهم ابدا ولا من دومي جوزي حبيبي ولا من عيالي ولا من عيلتي التانيه عيلة جوزي اما بقي ماما وبابا فعمري منستهم وديما بدعيلهم واوقات كتير بحتجلهم مهما كان محدش يقدر يعوض عن ام او اب وعلشان كده عمري منستهم لحظه وديما بخلي عيالي يدعولهم وجوزي وبقعد احكي لهم عليهم وبحاول ديما اتصدق علي روحهم والحمدلله عايشه راضيه عن حياتي رغم انها اكيد مش سعاده بس وكان بيحصل مشاكل كتييير وزعل وحزن بس كنت راضيه وهو ده احلي حاجه انك تكون راضي مهما تمر بحاجات تستهلك روحك وتتعبك بس ده ميمنعش انك تكون راضي ومقتنع ان ده خير ليك واختبار من ربنا ومينفعش تعيش في سعاده بس لازم تدوق طعم الحزم علشان تقدر قيمة السعاده وتحسها بجد
واخيرا فتحتك الاچنده بتاعتي وكتبت فيها
"بوجدك انت ياحبيبي اكتمل كل شئ اكتملت سعادتي واكتملت حياتي فلم يخذلني قلبي ورزقني بيك جزاء عن كل ثانيه غضت بها نظري عن جميع الشباب"

وبكده خلص الاسكربت اتمني يكون عجبكم