اسكربت ج7
ليان بقي لما صحيت من النوم فضلت قاعده شويه لحد ما جه معاد زيارة العريس قامت لبست وطلعت واتصدمت لما طلعت وشافته وقالتله_انت انت ازاي
انت عرفت عنواني منين اصلا وتعرف اخويا من امتي
و ياتري اخويا يعرف انك زميلي في الكلية وكنت بتعاكسني كل يوم وتتريق علي لبسي انا وصحابي ولا لا
_اخوكي ميعرفش كل ده ولو سمحتي اديني فرصه افهمك
_تفهمني ايه ان شاء الله هو فيه حاجه الصالح تفهمهالي
_اه فيه ولو سمحتي اسمعيني
_اتفضل اتكلم
_منكرش اني كنت بتريق عليكي وبعاكسك فعلا بس والله انا اتغيرت بجد وبعدت عن صحاب السوء اللي كنت مصاحبهم
_لا والله وانت عايزني اصدقك بسهوله اوي كده ليه اتغيرت بين يوم وليله
_الله يهدي من يشاء
وانا ربنا هداني الحمدلله وبقيت بصلي ومنتظم في يالصلاه وهروح احفظ قرأن في دار
_انا بقالي يومين بصلي صلاة استخاره ومرتاحه بس بصراحه قلقانه تكون متغيرتش
هنا ادخل والد العريس _طيب ايه اللي يثبتلك انه اتغير يابنتي
انا اهو ابوه وبقولك هو اتغير من يوم موت صاحبه وهو مبقاش ابني اللي كان بيعلق صوته عليا انا وامه ومكنش ببيصلي خالص ابني فعلا اتغير ولو مكنش اتغير مكنتش جيت معاه علشان اخطبله بنت جميله ومحترمه ومتدينه زيك
_ربنا يحفظ حضرتك ياعمو خلاص انا موافقه ان شاء الله
_تمام بس انا معرفش حاجات كتير في الدين انتي ابقي قوليلي بقي
_تمام ماشي
_طيب مش هشوف وشك ولا ايه علي ما اعتقد انه مش حرام
_لا مش حرام لاننا في رؤيه ولو اول مره موافقتش عليا وحبيت تشوفني مره تانيه مفيش مانع ومره تالته كمان بس تكون فعلا مش في موافق يعني محتاج فعلا تشوف وشي تاني
_طيب امال مش قالعه النقاب ليه علشان اشوف وشك
_لان المسموح له يشوف وشي في الرؤيه بس لكن عمو واخوك مينفعش
_تمام
قعدو شويه يتكلموا وبعد كده كله قام وساب العريس والعروسه وعمر معاهم وهنا بقي ليان رفعت النقاب
يوسف العريس تنح اوي من جمالها ليان فعلا جميله جدا وعنيها رصاصي وبشرتها قمحيه وملامحها جميله جدا جدا بعد ما فاق شويه قال بأنبهار_لازم تلبسي النقاب انتي مينفعش تلبسي غير النقاب اصلا
اتكسفت ليان ومردتش عليه فقال هو بابتسامة_عندك اي اساله عايزه تسأليها
_لا مع الايام هعرف كل حاجه من غير اسأله
_تمام وانا كمان معنديش اسأله
_تمام ناديهم يا عمر
_ماشي
راح عمر نداهم واتكلموا في كل تفاصيل الجواز وبعد ما مشيو لبست ليان وراحت علي المستشفي اللي فيها جوز تالا
منة وصلت المستشفى لما راحت لقيت تالا عماله تعيط جريت عليها بسرعه راحت تالا اترمت في حضنها وهي بتعيط جامد
اتخضت منة جامد وقالتلها_ايه في ايه حصل حاجه احمد جراله حاجه
_لا
_امال بتعيطي ليهي يازفته انتي قلقتيني
_مبسوطه اصل احمد فاق وبينقلوه اوضه تانيه
منة ضربتها علي كتفها وهي في حضنها وقالتلها_ربنا يايصبرني عليكم هتشلوني
ضحكت تالا عليها وقالتلها_ليه بس نوشا ده انتي قلبنا
_ثبتيني ياختي ثبتيني مش فالحين غير في انكم تثبتوني اكمني طيبه يعني
_ياشيخه ااتنيلي ده احنا سيبينك معانا زيادة عدد
_ايه الرخامه دي انتي هتفوقي عليا
_ايون😛
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
