اسكربت (دي ليله في العمر) الجزء التاني❤😍
مش عارفه اعمل ايه حاسه اني وسط دواامه كبيره اوي ومش عارفه اخرج منها ازاي
فضلت قاعده عماله افكر اعمل ايه واقرب من ربنا ازاي لحد ما قولت في بالي_اي حد بيبقي عايز يقرب من حد لازم يعرف عنه اكتر لازم اقرأ عن ربنا سبحانه وتعالي وعن الرسل والصحابه والصحبيات انا معرفش حاجه خالص عنهم غير اللي بندرسه في المدرسه
فعلا ده اللي بدأت اعمله بدأت ادخل علي اليوتيوب واسمع شيوخ واقرأ عن قصص الانبياء وعن المواقف اللي بتحصل بين الصحابة بدأت كمان اشتري كتب دينيه ومن هنا بدأت اعرف في ديني وبقي عندي معلومات كتير
عرفت حاجات كتير كنا كلنا بن.عملها وفاكرين انها مش حرام
كلنا في غيبويه كل تفكيرنا الدنيا وهمها وفرحها مبنفكرش في اخرتنا اد مبنفكر في دنيتنا
بس بعد اللي انا شوفته بعد ما شوفت موت اقرب انسانه ليا يوم فرحها وهي بترقص زيها زي اغلب العرايس من غير ميفكروا في ربنا وفي اخرتهم
بدأ الكل يلاحظ تغيري بعد ما كنت بهزر مع عيال عمي الولاد وبضربهم بقيت بكلمهم علي اد وفي حدود
بعد ما كنت بطلع البلكونه بشعري بقيت بلبس طرحه وانا طالعه
بعد ما كنت بحط ميك اب وانا خارجه بطلت وبقيت احط في البيت بس
اتغيرت جدا وكله لاحظ تغيري ده وطبعا مسلمتش من تريقتهم علي تغيري وكلامهم اللي كان مبيحبطني جدااا بس كنت برجع وافتكر اللي موت ايمان وده كان بيخليني اكمل في طريقي
قررت اني كل اسبوع هبتدي اعمل حاجه
بدأت بأول اسبوع بالصلاة فضلت اقرأ عنها كتير اوي قبل مبدأ الصلاه حبيتها اوي من كتر ما قرأت عنها وبدأت فعلا اصلي وااحد كام يوم مكنتش منتظمه بس فضلت ارجع في نفسي لحد ماانتظمت فضلت كل اسبوع بزود طاعة تقربني لربنا ولما مكنتش بعملها كنت يعاقب نفسي ب٢٠٠٠ استغفار في نفس اليوم فضلت علي كده لحد ما قررت البس الخمار كلمت اهلي طبعا رفضوا جداا فضلت وراهم وفضلت اقنعهم لغايه ما وافقوا لبسته وبدأت اقرب من ربنا اوي
خلصت السنه السنه اللي كانت مختلفه جداااا في حيااتي لاني اتغيرت جدا فيها
دخلت كلية تربيه قسم التربيه الخاصه واخترت اتعامل مع ذوي الاحتياجات الخاصه
بدأت دراسه وانا متحمسه اوي اني اكون الايد الطيبه اللي هطبطب علي الاطفال البريئه جدا دي
طلعت الاولي علي كليتي في سنه اولي وجيبت امتياز وده لاني بدرس حاجه انا حباها وحباها جدااا جدااا كمان
بس للاسف مع انشغالي في الكليه بدأت ابعد عن ربنا تاني لحد موصلت اني مبقتش بصلي فضلت اعيط كتيير اوي اني رجعت لنقطة الصفر من تاني
وفي يوم كنت مخنوقه علشان بعدي عن ربنا وساعتها كنت في الكليه فروحت علي مسجد الكليه
دخلت لقيت كذا بنت واقفين بيصلوا ما عدا بنت واحده بس قاعده علي جنب وبتقرأ قرأن
صوتها جذبني اوي وشدني كان فيه ايمان وخشوع مسمعتش زيه قبل كده حقيقي
حسيت بالراحه بتملاني حسيت كان صوتها في ايات القرأن بتغسلني من جوه محستش بنفسي وانا بقعد جنبها وببص عليها مندمجه اوي معاها وهي بتقرأ لدرجة اني محستش بدموعي اللي نزلت من عيوني لغاية ما هي صدقت لقيتها بصتلي بابتسامه بشوشه كده ووقالتلي بمشاكسه_صوتي عجبك ولا ايه تحبي تاخديه معاكي البيت
رديت عليها بمشاكسه مماثله_ياريت علشان كل ما اعوز اعيط اسمعه😂
_بقي كده طيب شوفي مين بقي اللي هيخليكي اسمعيها تاني
_حرمت ياباشا
_ايوه كده ناس متجبش غير بالعين الحمره
انا نانسي
_وانا هدير
_اتشرفت بمعرفتك ياديدا انتي في سنه كام
_سنه تانيه ياباشا
_انتي اللي طلعتي الاولي علي الكليه السنه اللي فاتت صح
_صح
_بارك الله فيك ياحبيبتي
_امين يارب وفيكي ياقمر
هو احنا ممكن نبقي صحاب اصلي من ساعة ما جيت الكليه متصاحبتش علي حد
_اكيد طبعا ينفع ده انا ليا الشرف
ومفاجأه بقي ليكي انا كمان تانيه يعني معاكي
_هيييه ده احلي خبر بجد
يعني اخيرا هيبقي معايا حد وحد هيعيني علي طاعة ربنا كمان الحمدلله يارب الحمدلله
انا حاسه اني بعدت جامد عن ربنا
_يبقي مبتجدديش النيه ومبتزوديش حماسك
_يعني ايه
_بصي ياقلبي احنا بنادمين مش ملايكه ولا الالات
بيبقي عندنا حماس لحاجه بس احيانا لما الحماس بيروح واحده واحده بنبتدي نكسل عنها
ده ليه علشان احنا مبنزودش ديما حماسنا فطبيعي الحماس هيقل
_امال اعمل ايه
_لازم تفضلي تقري ديما في الدين وتقري عن الانبياء ومواقفهم مع الصحابه وتقري عن كل حاجه متديش فرصه للشيطان يبعدك عن ربنا
وافتكري ديما الله لا يمل ابدا من لجوء عبده اليه حتي يمل العبد من لجوءه الي ربه
اوعي تسمحي للشيطان انه يخليكي تملي من لجوءك لربنا
كل متحسي انك بتبعدي ارجعي تاني ربنا رحيم بينا مبيقفلش بابه في وش حد مهما كانت معاصيه
انتي عارفه كمان ديما بشوف البنات بيحبوا يقرأو الروايات جدااااا وتقريبا كل يوم روايه مبيملوش ابدا منها بس بيملوا من الكتب الدينية والروايات الدينيه مش فاهمه ليه بجد
يعني انا بحب اقرأ روايات جداااا بس بحب الروايات المحترمه اللي مفيهاش تجاوز وبحب الروايات الدينيه بس رغم كده مبخليش ده يجي علي حق ديني عندي
من حق ديني اني اعرفه واعرف كل حاجه فيه
مش شرط الواحده اللي تبقي عارفه كل حاجه تبقي داعيه ومش شرد الواحد اللي يبقي عارف كل حاجه يبقي شيخ
ده واجبنا كلنا نحو ديننا اننا نعرف كل تعاليمه اننا نعرف كل حاجه عن سنة نبينا محمد صل الله عليه وسلم واجبنا اننا نعرف عن الصحابه وعن الصحابيات ده من واجبنا اللي لازم نعمله
صدقيني لو جددتي حماسك كل كام يوم مره بروايه دينيه مره بكتاب ديني مره بمحاضره لشيخ زي الشيخ محمد الغليظ كده او الشيخ حازم شومان وغيرهم كتير اوي مش هتخسري حاجه بس هتزودي حماسك للقرب من ربنا
كمان ديما جددي النيه وانتي بتعملي اي حاجه جددي نيتك زي مقلا المذكره خلي نيتك انك بتسعي لطلب العلم
جددي ديما نيتك
وان شاء الله كده حماسك مش هيقل ابدا
_هعمل كل اللي قولتي عليه يانانو تسلميلي بجد مش عارفه اقولك ايه
_سلمك الله من كل سوء ياغاليه
متقوليش حاجه احنا اخوات
_متحرمش منك ابدا يارب
_ولا منك ابدا يارب ياقمري
يلا علشان المحاضره هتبدأ
_يلا
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
