_الصحاب غداره اووي يازميلي
_انتي ايه اللي جابك هنا وعرفتي منين اني موجود هنا
_اللي جابني هنا اني حسيت انك محتاجلي وعرفت انك هنا منين فأنا اعرف كل حاجه عنك واعرف بتحب ايه وبتكره ايه
_انتي مصممه تأكديلي اني اخ وحش اووي كده
_ليه بتقول كده
_علشان في الوقت اللي كنت بعاملك وحش وبعيد عنك ومعرفش اي حاجه عنك ولا حتي كنت لما كنتي بتحتاجيلي كنتي انتي بتعرفي عني كل حاجه وفي اي وقت محتاجلك فيه كنت بلاقيكي نطالي زي فرقع لوز كده
ضربته في كتفه وقولتله_باارد بقي بعد كل ده تقول عني فرقع لوز
_احلي فرقع لوز كمان ياخرااشي
_هههههههه كل بعقلي حلاوه ياخويا
_براحتي اختي بقي واعمل اللي انا عايزه
_انت عارف اختك محتجالك اووي في حياتها
_طيب مهو باسم جمبك وطول عمره بيعاملك علي انك اخته
_باسم ابن عمي مش اخويا ياادم انت اخويا انا محتجالك انت محتاجه لأخويا حبيبي جمبي محتاجه وقت مزعل الاقيه في ضهري
_واخوكي من النهارده هيكون ديما في ضهرك
_بجد
_بجد
_بجد بجد يعني مفيش كلام
لقيته ضحك كده وقالي _بجد بجد يعني مفيش كلام يالمضه حلو كده
_اه حلو قولي بقي ايه اللي مزعلك
_اكيد باسم قالك
_بس انا مش عايزه اسمع من باسم انا عايزه اسمع منك انت
_اسلام
_ماله
_غدر بيا واتفق مع واحد زميلنا في الشغل انه يقول اني بتاع بنات علشان خاطر
_بتحبها
_هي مين
_اللي خلت باسم يغير منك ويتفق عليك مع واحد زميلكم علشان تبعد عنك
_يخربيتك دماغك دي سم عرفتي منين
_عيب عليك يااسطا انا بفهمها وهي طايره
راح ضربني بالقفا وقالي_اتنيلي ده انتي عرفتي من باسم
_ايه ده هو انا مكشوفه كده اوي
_اوي اوي بصراحه
_طيب نتكلم جد بقي
_اتكلمي يااختي
_بتحبها
_عمري محبيت غيرها
_وهي بتحبك
_مش عارف بس هي مغروره لانها بنت المدير وديما بتقولي اني مكنتش احلم بيها تحبني ودي حاجه بضايقني جدا
_يبقي ادعي ربنا يشيل حبها من قلبك لان حبها مش هيجبلك غير وجع القلب ياادم
_ليه بتقولي كده
_علشان مينفعش تتجوز واحده شيفاك قليل وانك مكنتش تستاهلها لازم اللي هتتجوزها تكون عارفه انك تستاهل حبها وبعدين الغرور في الغالب بيخلي القلب قاسي لانه بيبقي شايف نفسه علي كل الناس فبالتالي مبيحسش بيهم فبالتالي قلبه بيقسي وانت متستاهلش تتجوز واحده قلبها قاسي وهتعيشك في جحيم
_طب اعمل ايه
_ابعد عنها وقولها انكم مش هينفع تكملو مع بعض وقولها اسبابك واطلب من ربنا يشيل حبها من قلبك
_معاكي حق طيب واسلام
_اسلام ده بقي مينفعش يتسمي صاحب ابدا
ده خانك وغدر بيك بس ارجع واقول انك انت اللي اخترت غلط ياادم لان الصاحب بيبان من مواقفه وطول فترة صحوبيتكم دي انا مشوفتش منه موقف واحد يدل انه صاحب جدع بس انت اللي كنت مغمض عنيك عن الحقيقه وللاسف دي غلطه كلنا بنفع فيها اننا نعمي عيونا عن غلطات الناس اللي بنحبهم رغم ان فيه غلط منهم ممكن يعرفك ان الشخص ده ميستاهلش حبك او صحوبيتك يعني مثلا يوم وفاة بابا اسلام مكنش جمبك واتحجج بحجج فارغه كل مره كنت بتحتاجه فيها مكنتش بتلاقيه رغم انه لما كان بيحتاجك كان بيلاقيك علطول
_فعلا عندك حق من امتي كل العقل ده
_طبعا يابني امال انا محدش يتوقعي اثلا
_بعد اثلا دي انتي تخرسي خالص وتقومي يلا علشان ننزل ننام
_يلا يااخويا معرفش انا ايه حبك في القعاد في السطح كده وياريتك بتقعد زي الناس الطبيعيه لا ده انت بتق عل د علي السور اللي طوله اد كدهوت
_انتي مالك انتي حد قالك تطلعي تقعدي معايا
_لا بقي انا هقعد معاك براحتي استني بس انت ياجدع سايبني ورايح فين مش هعرف انزل ياااااادم يااااااااادم اه منك لله ياادم اه ياضهري اللي اتكسر ااااااه كان مالي انا ومال ام القعده دي منا كنت قاعده في بيتي معززه مكرمه لازم قلب الاخت وحنيتها يشتغل يعني اما وريتك ياادم اه انا لازم اقوم صح اصلي لو مقومتش هنام علي السطخ واعد النجوم فأقوم احسن
وفعلا قومت ونزل بيتنا بعد ماادم الواطي سابني ومنزلنيش ووقعت علي ضهري لما قولت انزل لوحدي ااااه ياضهري المهم معرفتكوش علي نفسيتي ومتحطوش في بالكو علي مخارج الحروف بتاعتي علشان انا اصلا بخترع كلمات من عندي😂😂😂المهم بقي اتكلم جد شويه واعرفكم علي نفسي انا تالا احمد عندي 22 سنه ولسه متخرجه من كلية الاعلام قسم صحافه وبحاول اقنع الحاج والحاجه اني انزل اشتغل وطول عمري للاسف كنت بعيده عن ادم او هو اللي كان بعيد عني بس رغم كده كنت بعرف كل حاجه عنه وكل اخباره من باسم ابن عمي واخويا التاني هو متربي معانا واخويا في الرضاعه كمان علشان ماما رضعته لما مامته ماتت وهو لسه بيبي وساعتها بابا طلب من عمي بعد متجوز انه ياخد باسم يعيش معانا وعمي معترضش لان مراته مكنتش عايزاه اصلا ورغم انه عمي بس هو عم واطي وباع ابنه علشان مراته رغم ان مراته دي تتعوض لاكن ابنه اللي من دمه وصلبه حتي لو اتعوض مش هيبقي هو مش هيبقط في غلاوته علشان كده انا ديما لما بشوفه مبتكلمش معاه وميشرفنيش اصلا انه يبقي عمي بس فعلا محدش بيختار اهله انا بكره الظلم اووي المهم بعد منزلت بيتي لقيت تليفوني بيرن جيت ارد لقيت الخط قطع ولقيت 50 مكالمه من كارمه صحبتي كلمتها بسرعه طبعا لقيتها بتعيط ومنهاره وبتقولي انها جيالي في السكه قولتلها تعالي طبعا تنوري وفعلا مفتش نص ساعه ولقيتها بتخبط قومت فتحتلها لقيتها وقعت من طولها صوت ونديت علي ادم اللي جه بسرعه وشالها ونيمها في اوضتي وجبت برفان وشممتهولها لحد مفاقت وادم سبنا وطلع بره الاوضه فأخدتها في حضني وفضلت هي تعيط كتيير اووي يمكن ساعات فضلت تعيط في حضني وانا ساكته لحد ملقيتها بتمسك هدومي وبتمسخ مناخيرها لا بقي كده كتير ساعتها روحت زقاها راحت اتخبطت في الحيطه وصوتت قولتلها
_وكمان بتصوتي ده انا هقتلك البيچامه لسه جديده وانتي بتمسحي فيها مناخيرك ايه المناديل كلها خلصت وملقتيش غير الترينج الجديد بتاعي ها ياحقووووده
لقيتها ضحكت بحزن وقالتلي_المرادي مش هتعرفي تخففي عني ومش هقدر اضحك واقولك اني كويسه علشان انا مش كويسه انا تعبت من الحمل ده والله تعبت
_مالك بس ياقلبي في ايه تاني
_احمد
_ماله
_اتمسك
_اييييييه
_اه
_تاني هو مش هيجبها لبر بقي
_مش عارفه مش عارفه انا تعبتتتت يا تالا تعبتتتتت انا مش عارفه الوم عليه ولا لا
المشكله ان لما ماما ماتت وهو كان متعلق بيها اووي ملقاش حد جمبه وفي نفس الوقت اللي هو كان مدمر فيه اتعرف علي صحااب سوء وهو مشي وراهم من غير ميفكر ودخل السجن مره وربنا ستر واخد سنه بس وطلع بس اهو متعلمش ومشي وراهم تاني اخويا الوحيد بيضيع نفسه ياتالا
_طب وابوكي فين من كل ده
_بابا مفحوت في الشغل بره مصر علشانا بس هو نسي ان احنا مش محتاجين فلوس اد محنا محتاجين وجوده جمبنا وانا مش عارفه اجري ورا اخويا يا تالا مش عارفه وملناش حد غيرك يااااااااااااااااااااارب
_ونعمه بالله طيب ايه رأيك اقول لأدم وهو يقف جمبكم
_ايوه بس
_مفيش بس احنا واحد ياكارمه
_طيب ياتالا
_تمام ثواني بس
وفعلا خرجت وروحت لأدم وحاكتله وادم قالي انه هيقف جمبهم اكيد وهيساعدهم وفعلا عرف المعلومات اللي عايز يعرفها من كارمه ونزل علطول وبعد ساعتين لقيناه راجع وساعتها لقيت كارمه جريت عليه وسألته
_ايه اللي حصل ياادم
_متقلقيش ياكارمه الحمدلله هو معلهوش حاجه المرادي هما بس علشان كانو عايزين ياخدو حد معاهم فقالو اسم اخوكي لاكن فيع واحد فيهم ضميره فاق باين وقال ان اخوكي مكنش معاهم في خطف البنت بس علفكره
_ايه
_اخوكي بقي مدمن ولازم نعالجوه في اقرب وقت
_كمان ااااه يااااااارب صبرني وقويني
_متقلقيش يااكارمه انا هفضل جمبك
_تسلم ياادم تعبتك
_لا ابدا تعبك راحه
ربنا يحفظك المهم هيخرج امتي
_بكره ان شاء الله
_تمام هروح انا بقي
_طيب متباتي معانا النهارده
_لا مش هينع ياتالا سلام
_سلام
_وبعد ما مشيت كارمه لقيت ادم بيقولي_هتقولي لأمك
_ماما عارفه اصلا وبالنسبه للجديد هتلاقي كارمه بكره بتقولها
_هي قريبه منها للدرجادي
_جدا ويمكن اكتر مني كمان
_غريبه المهم انا هدخل اناام بقي.
_ماشي تصبح علي طاعة الرحمن
_وانتي من اهل الجنه ياقلبي
وجه تاني يوم وراح ادم ومعاه كارمه للقسم علشان يجيب احمد اخوها وبعد مجبوه وطلعو علي بيت كارمه طلب ادم انه يقعد مع احمد شويه
_ليه عملت في نفسك كده
_انا مش عارف ايه الصح وايه الغلط انا تعبت من ساعك ما هي ماتت ياادم
_وانت تفتكر انك باللي بتعمله في نفسك ده بتفرحها بالعكس انت بتزعلها عليك كفايه يااحمد علشان اختك تعبت واستحملت كتير
_عندك حق كفايه
_هتيجي معايا للمصحه
مش عارف بس انا خايف
_متخفش كلنا جمبك هتتعب شويه بس هتطلع انسان جديد وساعتها هترجع لربنا وهتصلي وهتدعي ربنا يسامحك علي كل الحاجات الغلط والحرام اللي كنت بتعملها زي بيع المخدراات ها واللي اخدت بسببها سنه لانها اتعملت تعاطي مش بيع تحمد ربنا بقي انه وقف جمبك في المرتين دول وكفايه لحد كده
_حاضر هعمل كل اللي بتقول عليه علشان خاطر كارمه
_وقبل كارمه يااحمد علشان نفسك
_ماشي يلا بينا
_يلا
وفعلا ادم اخد احمد وراحو المصحه وعدي شهرين وادم مبيسبش احمد ولا بيسيب كارمه لحد ما اخيرا احمد اتعالج وراح ادم جابه وروحو البيت واول ما كارمه شافته جريت عليه وحضنته وفضلت تعيط
_كفايه عياط بقي وانت يااحمد خلاص هتبعد عن صحاب السوء دول
_هبعد عنهم ياادم انا بقيت انسان جديد خلاص ومش عايزه ارجع للي كنت فيه
_شاطر يابطل ومن بكره هترجع كليته
_بس ده راح مني سنتين
_وماله يمكن كل اللي حصل ده علشان تتعلم حاجات كتير
_فعلا معاك حق انا اتعلمت في السنتين دول اللي متعلمتوش طول عمري
_طول ما احنا عايشين هنغلط وهنتعلم اهم حاجه اننا نتعلم من غلطنا ونستغفر ربنا عن غلطنا ده ومنعملوش تاني
_عندك حق ياادم
_همشي انا بقي وهسيبك ترتاح واه هستناك بكره تيجي تشتغل معايا في السنترال ها
_اكيد مش هتأخر
وفعلا مشي ادم وعدي شهر وكان احمد بيشتغل مع ادم وهو بيدرس في كلية تجاره
وبعد الشهرين دول قرر ادم قرار مهم في حياته واخيرا قرر انه النهارده يتكلم مع اهله عن القرار ده وفعلا روح البيت وجمع العيله كلها وقال
_انا قررت اتجوز
_بجد يابني لولولولولولولولولولولولي
_هههههههههه اه ياست الكل بجد
_مين هي بقي العروسه
_كارمه
_كارمه مين
_كارمه صحبتك ياتالا
_بجد هيييييييييييييييه
_مجنونه
_طالعه لأخويا المجنون
_استنو بس مش وقت هزار
انا مش موافقه ياادم
_ليه بس ياست الكل مش انتي بتحبيها
اه والله يابني بحبها وبعتبرها بنتي التانيه ولو مكنش اخوها رد سجون مكنتش رفضت ابدا
_طيب وهو ده ذنبها يعني
_مش ذنبها بس ده هيبقي خال عيالك والعرق دساس يابني
_غلط ياامي غلط العرق مش دساس وكل واحد مسئول عن نفسه وبس وعيالي انا راضي انه يبقي خالهم علشان كلنا بنغلط محدش معصوم من الغلط واحمد غلط وندم ورجع عن الطريق ده وحتي لو مكنش رجع عنه وفضل زي ما هي عمري مكنت هاخد كارمه بذنب اخوها وما ربك بظلام للعبيد
ربنا مبيرضاش بالظلم ياماما
_معاك حق ياابني بس الناس
_وهما يعني الناس هينفعوني بأيه لما اكسر قلبيعلشان كلام هيقولوه
_انت بتحبها
_بعشقها
_طب واا
_عارف هتقولي مين متكمليش مكنتش حب حقيقي ياتالا انما كارمه انا حاسس انها بتجري في دمي
_وانا عن نفسي بكره الظلم ياادم علشان كده انا موافقه ان كارمه تبقي مرات اخويا واختي
_وانتي ياماما
_مش عارفه ياابني والله بس ده هيبقي اخو مراتك يعني
_ماما حبيبتي المشكله ان الناس بتبص للظاهر بس يعني شوفي رغم ان احمد دخل سجن قبل كده بس انا متأكد انه هيبقي احن علي عيالي من اي حد في حال ان فيه خلان بياكلو في لحم عيال اختهم ومنهم اخوكي رغم انه مش رد سجون بس مين اللي كان عايز يجوز بنتك غصب عنها لأبنه بعد ما بابا مات مين اللي شمت فينا وقت ما بقينا من غير سند
_عندك حق ياابني وانا موافقه وكارمه هتفضل طول عمرها بنتي اللي انا مخلفتهاش
_ربنا يطولنا في عمرك ياست الكل
_وافرح بيكي ياقلبي انت وكارمه
_ان شاء الله ياقمري انا هروح بقي اتكلم مع احمد واطلب ايديها
_روح حبيبي ربنا يسهلك طريقك
وفعلا راح ادم لاحمد وطلب ايد كارمه واحمد وافق وقاله هيشوف رأيها ويرد عليه وبعد يومين ردت كارمه وقالت انها عاوزه تقهد مع ادم الاول وفعلا ادم راحلها واحمد سابهم شويه لوحدهم
_بص ياادم انا عيشت طول عمري في تعب ووجع قلب لو انت جاي علشان توجع قلبي اكتر يبقي احسن تمشي من دلوقتي لاني والله مش مستحمله
_وانا جاي علشان اعيشك اللي عمرك معشتوش وكل اللي اقدر اوعدك بيه دلوقتي اني هحافظ عليكي وعلي قلبك وهراعي ربنا فيكي
وفضلو يتكلمو شويه وبعد ادم مشي وفات يومين وكازمه وافقت وجم اهل ادم واتفقو علي الحواز بعد سنه بالظبط وبعد سنه كانو اتقربو من بعض جدا كانت كارمه حكتله كل حاجه عنها وادم كمان حكالها كل حاجه عنه وبمعني الكلمه بقو روح واحده واتجوزوا فعلا وخلفو ليلي علي اسم مامت كارمه وامل علي اسم مامت ادم واحمد خلص كليته واتجوز بنت محترمه واهلها كانو عارفين كل حاجه وادم اقنعهم ان احمد اتغير وهو حارب كتير لحد متجوزها وتالا كمان اتجوزت من صاحب باسم سيف شافها واعجب بيها وبطرقته خلاها تحبه وبالنسبه لباسم بقي اتجوز من اخت سيف وحكايته نفس حكاية سيف شافها وحبها وبطريقته خلاها تحبه وكلهم عايشين حياه طبيعيه فيها حزن وفيها فرح بس الاكيد ان كارمه ربنا عوضها بالزوج اللي يحبها بجد ويكون سندها وضهرها اللي ميهونش عليه زعلها ابدا اللي بيعاملها علي انها طفله علي انها بنته قبل متكون مراته والاكيد برضو ان احمد اتعلم من غلطه ورجع عنه وبدأ حياه جديده لما قرر يتعالج وحياته الجديده اكتملت يوم ما حب بجد حب اللي حاربت معاه لحد مقدر يتجوزها اللي حاربت كل الناس علشانه وهو كان يستاهل الحرب دي وحارب هو كمان علشانها وعلشان الاتنين حاربو علشان بعض قدروو يوصلو ليعض ويكسبوو الحرب حرب حبهم اللي مكنوش هيقدرو يكسبوها غير لما يحاربو مع بعض وعلشان بعض
وبرضو الاكيد ان باسم وتالا لقو نصهم التاني واختارو صح واتجوزو من اللي بيحبو واللي هيصنوهم كمان
وبكده خلص الاسكربت 16 يارب يكون عجبكم ووصلت منه الفكر اللي كنت حابه اوصلها وانا المرادي مطوله الاسكربت علشان ده كان طلب من بنوته جميله كده فيارب تكون استمتعت وتكونو انتو كمان استمتعتو ومتكنوش زهقتو وانتو بتقرو ومستنيه طبعا رأيكم فيه اللي ديما بيفرحني وبيشجعني
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
