اسكربات بقلمي/menna Mohamed

اسكربت

_اسرااااااااء يااسرااااااااااااااااء
_ايه ايه انتي بتنادي عليا من اخر الدنيا انا في الاوضه اللي جمبك علفكره
_قولي والله مكنتش اعرف
_اديكي عرفتي يااختي انا عايزه اعرف حاجه بس اخويا اتجوز واحده مجنونه ليييييه هو انا ناقصه جنان انا مجنووووووونه لوحدي
_😂😜😜قدرك بقي
_انتي فرحانه فيا صح
_طبعا طب اخلصي ندتيني ليه يانيله
_صراحة نديتك علي تمسكي ريان علشان عايزه انام شويه
_عاااااااا انا عملت ايه في دنيتي بس ياااربي هشد في شعري منك انتي واخويا
_اهدي بس الله انا عاوزه انا يا اسووو
_ياسماء حرام عليكي عندي مذاكره
_علفكره ده ابن اخوكي ها يعني مسؤليتك
_ليه ياختي وانتي روحتي فين
_انا عاوزه انااام
_طيب هاتيه يااخرة صبري
ومديت ايدي ولقيته عمال يمدلي ايده بلهفه كده علشان اشيله خلاااثي عليه ده بقي حبيب قلبي وروحي وعمري كله لما بكون مخنوقه من يوم متولد وانا بقعد احكيله كل اللي مضايقني هو دلوقتي عنده 6 شهور المهم طلعت بيه بره ودخلت اوضتي وقعدته جمبي بعد مبوستهوحطيتله لعب قدامه وحوطته من كل ناحيه علشان ميقعش وبعدها قعدت كملت مذاكره انا في تالته ثانوي وعندي 18 سنه لاني متأخره سنتين المهم فضل قاعد يلعب شويه وبعدها لقيت شد مني المذكره وقطعها وانا بقي روحت مبلمه لقيته بيبصلي وبيضحك غصب عني ضحكت بقي حد يبقي عنده الملاك ده ويزعل مهما يعمل اخدته في حضني وشيلت كل الكتب والمذكرات وقعدت لعب معاه كتير اووي وبعدها حسيته جاع قومت عملتله خضار مسلوق وقعدت اكلته وبعدها كملت لعب معاه وبعدين نيمته وقعدت كملت مذاكره وبعد شويه جه اخويا
_عامله ايه يابت
_بخير يامعلمي وحشتني
_احنا قاعدين علي القهوه صح
_ايوووون عندك مانع ياعم الحج
_لا طبعا يازميلي وانا اقدر ايه اللي منيم رينو هنا اما فين سماء اوعي تكوني قتلتيها
_لا ياخويا دي تقتل بلد اهي نايمه وسابتلي رينو ودخلت تنام
_طيب انا هصحيها علشان جعان
_لا سيبها نايمه ياحازم هي يعيني كانت سهرانه مع رينو اليومين اللي فاتو لما كان تعبان انا هحضرلك تاكل
_ماشي ياقلبي تسلميلي يااحلي اخت
_حبيبي انت ويحفظك ليا من كل شر
_صحيح ماما وبابا بيسلمو عليكي
_الله يسلمهم
_مش ناويه تروحي تزوريهم
_لا سبني براحتي ياحازم
_طيب ياقلبي براحتك بس هما عاوزين يشفوكي
بدموع قولتله_ده من امتي ده ان شاء الله وانا من امتي اصلا كنت افرق معاهم
حضني جامد وقالي بحنانه المعهود_خلاص متعيطيش علشان خاطري وقومي اغسلي وشك
_حاضر يلا ادخل غير وانا هحضر الاكل
_اشطا
_اشطا اتجوزت وخلفت عيل من غير وش
_ايه الظرافه دي يابت حد قالك قبل كده انك بقيتي ظريفه
_اه انت بتقولهالي كتير وانا عارفه اني عثوله
_عسل اسود ومهبب
_كده طيب
روحت ماسكه المخدات ورميتها عليه راح شلني ووقعني جمب ريان وقعد يزغزغني وفضلت اصوووت انه يسبني ابدا لحد مريان صحي وقعد يعيط افتكره بيضربني روحت زقيته وجريت حضنت ريان وقعدت اهديه وقولتله بضحك
_يخربيتك خوفت الواد
_وانا مالي هو انا جيت جمبه
_كده طب ادخل غير يارخم
_طيب ياختي
هديت ريان ونيمته وبعدها قومت حضرت الاكل وحطيته علي التربيزه وروحت علي اوضة حازم وخبطت بعدها دخلت لقيت سماء بتقولي
_معلشي ياقلبي سبتك تعملي الاكل وتحضريه كمان معرفش ازاي راحت عليا نومه
_ولا يهمك يابت انتي اختي وانا وانتي واحد بطلي هبل يلا قومو كلو
_لا انا مش عايزه انا هنام
_ماشي يلا انت يااحاازم
_يلا ياستي
وطلعنا واكلنا وبعدها حازم دخل ينام ودخلت انا نمت جمب
رينو حبيب قلبي علاقتي مع مرات اخويا جميله جدا حقيقي بتمني تكون دي علاقتي مع اخت جوزي مستقبلا انا بعتبرها اختي بجد هي حنينه جدا وبمليون راجل بجد يعني حقيقي بسببها اعترفت ان مش شرط مرات اخوكي تبقي شريره بالعكس فيه مرتات اخ بيبقو طيبين جدا ده بيرجع للشخصيه نفسها مش لصفتهم ايه في حياتنا ومنها بجد اتعلمت اني محكمش علي حد معرفوش لازم اعرفه الاول وبعدين احكم عليه المهم نمت وانا اخده رينو في حضني وصحيت الصبح علي عياط رينو شيلته وهديته روحت علي اوضة خازم وخبطت ودخلت صحيت سماء علشان ترضعه وفعلا اخدته رضعته وطلعت انا لبست وروحت علي درسي بس المستر ده انا مبفهمش منه حاجه خالص فبعد الدرس وقفنا نتكلم انا وصحابي علشان نلاقي مدرس تاني لحد ملقيت نور بتقول_فيه مدرس تحفه وشرحه ممتاز علفكره بس هو سنه صغير كده
_ملناش دعوه بسنه احنا هنتجوزه المهم شرحه ايه
_ممتاز يابنتي والله تحففففه
_كده طيب كلميه قوليله اننا هنروحله كلنا الحصه الجايه
_اشطا
وفعلا نور كلمته قدمنا وهو وافق وبعدها نور قال
_عنده مجموعه بكره علفكره
_اشطا نروح بكره
الكل_تماموز
وبعدها مشيت وروحت ودخلت الشقه جريت علي رينو وحضنته جامد وبوسته وقعدت اقوله _وحشتناااااااااي وحشتنااااااااااااي
راح ضحك جامد بصوته كله ضحكه انا بعشقها بجد ولقيته قال:رااااااارااااااااراااااا
ضحكت جامد لما لقيته بيقول كده وفضلت احضنه وابوسه لقيت سماء بتقولي وهي بتضحك_انتي عارفه انتي هتبقي ام حنينه اووي زي ماانتي عمه حنينه اوي كده
_انتي اللي ام جميله ياسماسيمو انتي عارفه
_ايه ياقلبي
_انا عمري معتبرتك مرات اخويا انا بعتبرك اختي اللي ربنا رزقني بيها
_وانا والله انتي عارفه انا معنديش غير اخت واحده ومسااافره ومشغوله في بيتها وربنا رزقني بيكي انتي مش اخت جوزي انتي اختي حبيبتي اللي شالتني في حملي وبعد مولدت ولغايه دلوقتي بتشلني
_حبيبه قلبي انتي ياسماسيمو وكل اللي بعمله قليل علشان انتي اختي
_حياااتي يانااااس
هقوم انا بقي اعمل الاكل
_اشطا
وعادي عدي اليوم بلعب مع رينو وشويه قاعده علي النت وتاني يوم روحت علي الدرس ودخلت لقيت شاب تقريبا كده عمره ميتعداش 26 سنه او 27 سنه بالكتير استصغرته بصراحه بس لما دخلت وقعدت سمعت شرحه لا بجد ممتاز بسم الله ماشاء الله عليه شرحه فعلا تحفففه
بعد مطلعنا لقيته وقفنا وقالنا بابتسامه_ها يابنات فهمتو
كلنا_اه يامستر
_حقيقي يامستر حضرتك شرحك جميل
_تسلمي اهم حاجه عندي انكم فهمتو ولو فيه اي حاجه مش فهمنها انا موجود ديما اعتبروني اخوكم ومتتكسفوش مني لو فيه حاحه مش فهمنها قولولي
الكل_تمام يامستر
وعادي روحنا وعدت فتره كبيره وحسيت بشعور غريب من ناحيه مستر خالد لا انا مش بتاعه كده انا مش عايزه احب غير جوزي لا ده هبل اكيد ده مجرد شعور ومسيره يروح كده كده دي اخر سنه ليا معاه فمش هشوفه تاني وكده مش هحس الاحساس ده
محطتش في بالي وعادي كملت السنه وسط قربي من رينو حبيب قلبي وبين الدروس والمذاكره وشيلت من دماغي خالص الموضوع ده علشان طاعة ربنا انا عارفه ديني كويس ومبحبش اغضب ربنا علشان كده نسيت الموضوع ده غلشان ربنا ميزعلش مني وبعد مخلصت سنه تالته ودخلت سنه اولي كليه تربيه اهتميت بدرستي جدا لاني بحبها جدا وعدت سنه كمان وبعد كده فوجئت ان فيه عريس متقدملش واخويا عطالو معاد يجي فيه ساعتها حسيت احاسيس كتيره وجه في بالي مستر خالد وقلبي دق جامد وكالعاده شيلته من دماغي وقومت صليت ودعيت(يااااارب لو كان فيه خير ليا يبقي ارزقني حبه ياكرييييم واجعله من نصيبي ولو كان حبه فيه شر ليا فشيل حبه من قلبي ياااااااااااارب )
وتاني يوم كان اليوم اللي هيجي فيه عريس الغافله وسماء كان فرحانه اوووي ليا بحد سعتها فعلا اتأكدت انها اختي فرحتها ليا كانت فرحت اخت مش مرات اخ ابدا
المهم بعد كام ساعه جه العريس وشويه وسماء دخلت عليه وخلتني اطلع بالحاجه الساقعه ولما طلعت عطيت لكل واحد من الموجود الكوبايه واول مرفعت عيني علشان اديها لعريس الغافله لقيت مستر خالد قدامي روحت مصوته ورميت الصنيه بالحاجه الساقعه عليه وطلعت اجري علي اوضتي وبجد المنظر كااان مسخرررررره😂😂😂😂 وبعد شويه لقيت حازم داخل عليا وهو بيحاول يكتم ضحكته واول مضحك لقيته ضحك جامد اوووي ومكنش عارف يتكلم اصلا وانا بصاله بغيظ_يارخم بطل ضحك
راح رد عليا وهو بيضحك_مش قاااادر هموت ايه اللي انتي عملتيه ده يامجنونه
_اعمل ايه يعني اتفاجأت
_وانتي علشان اتفاجأتي تعملي كده في الراجل
_خلاص بقي الله😂😂😂بس احييييه منظره كااان مسخررررررره
_بصراحه جداااااا😂😂😂😂تعالي بقي يلا نطلع
_نعمممممم انسب اني اطلع بعد الموقف ده
_يلا يابت بدل مطلعك ليهم وانا ماسكك من قفاكي
_لا وعلي ايه انا اطلع بحترامي احسن
_شطووووره
وفعلا طلعت معاه وانا مكسوووفه اوووي واول مطلعت بره وشوفت منظره بعد ممسح العصير بمنديل ومايه حاولت اكتم ضحكتي لحد مهو قالي_طلعيها طلعيها متكتميهاش هو المنظر مسخررره فعلا منه لله اللي كان السبب بقي
ساعتها بقي مقدرتش امسك ضحكتي اكتر من كده وانفجرت ضحك وبعد شويه سبونا لوحدنا ولقيته قالي_عامله ايه يااسراء
_كويسه يامستر
لقيته ضحك جامد وقالي_مستر ايه في القاعده اللي احنا قعدنها دي
_امال اقولك ايه
_تقوليلي خالد
_لا انا اتعودت علي مستر
_لا معلشي تعالي علي نفسك وخليها خالد
_امممم هحاول
_طيب ياستي عندك اسأله
_اه اشمعنا انا
_القلب لما يحب مينفعش حد يقوله اشمعنا انا معرفش اشمعنا انتي اللي اعرفه اني من اول لحظه شوفتك فيها وقلبي دق وجيت اتقدمتلك لقيت اخوكي بيقولي استني سنتين كده لانك مش هتقبلي دلوقتي واديني اهو فعلا استنيت سنتين وجيت اتقدمت
_طيب انت ليه مجتش تكلمني
_لانك غاليه اووي وفي كل الاحوال مكنش هيبقي فيه حاجه رسمي الا بعد سنتين فأصونك لحد متبقي مراتي
بصتله بتقدير وفخر_انت كبرت في نظري اوي علفكره
_بجد
_بجد
_طيب ايه موافقه
_هصلي استخاره وبعدين اقولك رأى
_ماشي بس متتأخريش
_حاضر
وبعدها نادي اهله وقعدنا شويه اتعرفت علي اهله فيهم هما ناس طيبين جدا ويتحبو كده وطبعا طول القعده رينو حبيبي مسابنيش لحظه ومسك فيا حتي امه رفض يروحلها وبعد ما مشيو اخدت رينو وغيرنا هدومنا ولما جينا ننام لقين رينو بيقولي_امتو
_نعم ياروحي
_انتي مث هتثيبي رينو ثح
_طبعا ياقلب عمتو هو انا اقدر اعيش من غير رينو
_انا بحبت اووووي
_وانا بعشقككك اووي يلا بينا ننام بقي
_يلا ياامتو
ونمنا وهو في حضني وعدي يومين وصليت الاستخاره ووافقت وجم اتفقو مع حازم علي كل حاجه وان الجواز هيكون كمان سنه والسنه الباقيه هقضيها في بيت جوزي وانا وافقت واتخطبنا وبعد خطوبتنا بشهرين لقيته بيكلمني وقعدنا نضحك ونهزر شويه وبعدها لقيته قالي_انتي عمرك مكلمتيني عن اهلك يعني ديما بتكلميني عن اخوكي ومراته ورينو رغم ان حازم قالي انهم عايشين
_فعلا هما عايشين بس انا بقالي سنين مرحتلهمش
_ليه
_علشان هما مش بيحبوني كانو ديما بيدعو عليا ربنا يخدني وكمان كانو بيسبوني لوحدي وعمري مفرقت معاهم وديما بيضربوني
_حتي لو كلامك صح بس انك مترحلهمش ده غلط جدا
_ليه
_لان ربنا امرنا ببر الوالدين وانتي كده مش بتسألي عليهم
_ايوه بس انا مش قادره احبهم ولا اسامحهم
_مقولتلكيش حبيهم قلوبنا مش بأدينا بس لازم تبريهم وتسألي عنهم وبالنسبه للمسامحه حاولي تحبيهم علشان نفسك مش علشانهم
_طيب تيجي معايا وانا راحه هناك
_اجي ياستي
_تمام
كلمت حازم وتاني يوم علطول اخدت حازم وخالد وروحنا علي بيتهم طبعا مهو انا مش هخرج مع خالد لوحدنا مينفعش هو لسه مش جوزي المهم روحنا هناك واول موصلت لقتهم اخدوني بالحضن وفضلو يعيطو ويطلبو مني اسامحهم قلبي وجعني عليهم وسامحتهم من جوايا وطيبت خاطرهم حتي لو مش قادره احبهم بس ده ميمنعش اني ابر بيهم واراضيهم واطيب خاطرهم الحب فعلا مش بأدينا ده بيجي بالمعامله والرصيد اللي بيبنيه الشخص ده في قلبك لاكن البر والمعامله الطيبه دي في ادينا اقتنعت بكلام خالد وحمدت ربنا انه في حياتي ومرت سنه كمان وانا كل يوم بيمر بحمد ربنا علي انه رزقني بخالد هو ديما بيساعدني اني اتقرب من ربنا وكمان انا بساعده احنا بنعين بعض علي طاعة الله واتفقنا اننا هنربي عيالنا سوا وهنربيهم علي طاعة الله واننا مش هنمد ادينا عليهم نهائي وبعد مرورالسنه جه يوم فرحي واهلي جم وكل صحابي كانو جمبي وسماء بقي هي اخت العروسه ورينو كان فرحان جدااا بجد وكان عمال يرقص رغم انه امبارح كان خايف اني اسيبه بس ساعتها انا حضنته وطمنته اني مقدرش اسيبه وهاجي ديما وهو كمان هيجي يبات معايا فأطمن فعلشان كده هو فرحان النهارده ومش خايف وبجد كان يوم جميل اوووي علشان بقيت فيه حرم خالد اطيب واحن راجل في الدنيا وقعدنا نرقص ونغني وفرحت اووي بحد انا كنت لابسه طرحه اليوم ده مرضتش اقلعها وحاطه ميكاب قليل جدا ورقيق خالص وبعد مخلص الفرح روحت انا وخالد غلي بيتنا ودخلنا صلينا ركعتين لله وحط ايده علي راسي وقال الدعاء وبعدها بدئنا حياتنا بحب وتفاهم وكل يوم بيمر بحمد ربنا وبشكره علي وجوده في حياتي وعمري منسيت اهلي وبقيت بروحلهم كل فتره اطمن عليهم واشوفهم لو محتاجين حاجه واهل جوزي بقي دول اهلي التانين منكرش انه كلن بيحصل احيانا بس انا مكنتش بحكي لخالد الا في المشاكل الكبيره جدا اي مشاكل تانيه كنت بحلها انا وبعد سنه ربنا رزقني برهف وبعد 3 سنين ربنا رزقني بمازن بس برضو ريان فضل هو ابني الكبير ده اللي انا ربيته وكبرته مع امه وهو ديما بيعتربني امه التانيه وده يثبت ان مش ديما العمه بتبقي حربايه الرك علي الشخصيه نفسها في عمات بيبقو حنينين جدا وبيبقو امهات تانيه وعشت حياتي بين عيلتي اللي بحبهم وبيحبوني بجد العيله دي اجمل حاجه في الدنيا بس لو بيحبو بعض بجد

وبكده خلص الاسكربت 19 يااااارب يكون عجبكم ومستنيه رأيكم فيه والاسكربت ده معمول مني لصحبتي اسراااء كهديه مني ليها بمناسبة عيد ميلادها كل سنه وانتي طيبه ياقلبي وديما معايا وجمبي ❤❤❤❤ا