unicode
Single bed . .
အရပ်ခြောက်ပေပတ်လည် ကောင်လေးနှစ်ယောက် . .
တစ်ယောက်ကို တစ်ယောက်ကျောပေးအိပ်ရင် သိပ်မကြာခင်မှာ ကျောကုန်းမက တင်ပါးပါ အချင်းချင်းထိတွေ့ပြီး မျက်နှာချင်းဆိုင် အိပ်ရင် နမ်းမိတော့မလို ဖြစ်သည်။
ဝမ်ရိပေါ်က နည်းနည်းမှ မလှုပ်ဘဲ တစ်ဖက်လှည့်အိပ်နေသလောက် ရှောင်းကျန့်က ဘယ်ဘက်ကို လှည့်အိပ်လို့ အိပ်ရမှန်းမသိ။
ရိပေါ်ရဲ့ ကျောကိုပဲ အနမ်းပေးပြီး အိပ်ရမလား။ တင်ပါးထိတွေ့ပြီးပဲ အိပ်ရမလား။
တကယ်ကို တလှိမ့်လှိမ့်ရှောင်ရင်း ဒုက္ခရောက်လှသည်။
အစကတည်းက အပြင်ခန်း နှင်ထုတ်လိုက်ရင် ရရဲ့သားနဲ့။ စေတနာပိုမိတော့ သူပဲဒုက္ခရောက်သည်။
မနက်ရောက်ရင် မွေ့ရာတစ်စုံ အသစ်သွားဝယ်မှပါ။
" အိပ်လို့မရဘူးလား "
သိပ်မကြာ။ တစ်ဖက်လှည့်အိပ်နေသော ရိပေါ်ဆီက ခပ်တိုးတိုးမေးသံ ထွက်ကျလာသည်။
သူ မကြားဟန်ဆောင်ပြီး အိပ်ဖို့သာကြိုးစားလိုက်သည်။
ဒီလိုမျိုးနေရခက်နေချိန်မှာ စကားစမြည်ခြင်း မလုပ်ချင်။
" အိပ်ဟန်ဆောင်မနေနဲ့ ခင်ဗျားအသက်ရှူသံကို နားထောင်တာနဲ့ အိပ်မပျော်သေးမှန်း သိတယ် "
" ဒါဆိုလည်း တိတ်တိတ်နေလေ ဒီမှာ အိပ်ပျော်ဖို့ ကြိုးစားနေတယ် "
" မန်နေဂျာအန်းကို သတိထား သိပ်မယုံနဲ့ "
ရိပေါ်က သူ့နားကိုရောက်လာတာ တစ်ရက်တောင် မပြည့်သေး။ သူနဲ့ငါးနှစ်တာကာလကို မငြီးမငြူ ဖြတ်သန်းခဲ့တဲ့ မန်နေဂျာအန်းနဲ့ သွေးခွဲဖို့ ကြိုးစားနေတာလား။
" မင်းထက်တော့ယုံတယ် ငါ့ကို တစ်ခါမှ အန္တရာယ် မပေးဖူးဘူး "
" တစ်ခါမှ အန္တရာယ်မပေးဖူးလို့ ပေးလာမှာစိုးရိမ်တာ "
" မင်းကဘာလို့ စိုးရိမ်တာလဲ ငါ့ဘဝနဲ့ငါပဲကို သေသေရှင်ရှင် မစိုးရိမ်နဲ့ "
YOU ARE READING
My Beloved Partner
FanfictionWang Yibo × Xiao Zhan Yizhan Fanfiction Unicode+Zawgyi story cover crd to Kitra# fanart picture crd to original owner#
