unicode
ရိပေါ် ဖမ်းချုပ်ထားသော ရှောင်းကျန့်လက်ကောက်ဝတ်က နာလာဟန်ရှိသည်။ အနည်းငယ်ရုန်းဖယ်လာသဖြင့် ရိပေါ်အလွယ်တကူ ပြန်လွှတ်ပေးလိုက်သည်။
ရိပေါ်လွှတ်ပေးလိုက်သည်နှင့် ရှောင်းကျန့်ရဲ့ အဓိပ္ပါယ်ပါသော အကြည့်တစ်ချို့က ချက်ချင်း ရိပေါ်ဆီ ကျရောက်လာသည်။
တရားဝင်ပြန်လက်တွဲလိုက်ပြီဆိုတော့ နာအောင်မလုပ်ရဲတော့ဘူးမလား ဆိုသည့်အကြည့်မျိုး။ ပါးနပ်သောသူကလည်း ရှောင်းကျန့်ဘာအဓိပ္ပါယ်နှင့်ကြည့်မှန်း ချက်ချင်းသဘောပေါက်သည်။
" နာအောင်မလုပ်ရဲတာ မဟုတ်ဘူးနော် ကောကို မနာစေချင်လို့ လွှတ်ပေးလိုက်တာ "
ထိုစကားကိုကြားတော့ ရှောင်းကျန့်က နှုတ်ခမ်းတစ်ဖက်ကွေးတက်ရင်း ဖျတ်ခနဲပြုံးသည်။ ဖြစ်ရဦးမယ်ဆိုသည့် သဘောမျိုး။
" ဘာလဲ မယုံတာလား ကျွန်တော် ကျိန်စာပြန်သင့်သွားလည်း ကောက ကျွန်တော့်ကို အနမ်းပေးမှာပဲကို ပစ်မထားရက်ဘူးမလား "
" ဟား ... အပိုင်တွက်လှချည်လား "
" အင်း ... ကောအချစ်ကို ယုံတာမို့ အပိုင်တွက်ရဲတယ် "
သူ့စကားကို ရှောင်းကျန့်သဘောကျသွားဟန်။ သွားများပေါ်သွားသည်အထိ သဘောကျစွာ ရယ်လေသည်။
" မနက်စာ စားပြီးပြီလား ရိပေါ် "
" မစားရသေးဘူး ... နိုးတာနဲ့ သတင်းတွေ့လို့ မျက်နှာသစ်ပြီးတာနဲ့ ထွက်လာတာ "
" မနက်စာ စားမလား စန်းကောလာပို့ပေးထားတယ် "
" မစားတော့ဘူး ကောပဲစားလိုက် "
" အတူစားရအောင် "
ရှောင်းကျန့်စကားကို သူ စက္ကန့်ပိုင်းလောက် တွေဝေနေပြီးမှ ခေါင်းညိတ်ပြလိုက်သည်။
" ကောင်းပြီ စားရအောင် "
ရိပေါ် သဘောတူစွာ တုံ့ပြန်ရင်း ရှောင်းကျန့်ကိုယ်ပေါ် အုပ်မိုးထားရာမှ ပြန်ထပေးလိုက်သည်။
YOU ARE READING
My Beloved Partner
FanfictionWang Yibo × Xiao Zhan Yizhan Fanfiction Unicode+Zawgyi story cover crd to Kitra# fanart picture crd to original owner#