unicode
ရိပေါ်ရဲ့စကားအဆုံး တိတ်ဆိတ်သွားသောလေထုကို ရှောင်းကျန့်ကသာ ပြန်ဖြိုခွင်းလိုက်ရသည်။
" ငါ အထဲဝင်တော့မယ် "
အထဲဝင်တော့မည်ဖြစ်ကြောင်း ရှောင်းကျန့် သတိပေးလိုက်ပေမယ့် ရိပေါ်က ဘာမှမပြောဘဲ ငေးသာစိုက်ကြည့်နေသည်။
ရိပေါ်ရဲ့ အကြည့်များထဲတွင် ဆွဲငင်မှုတစ်ခုခုက သက်ရောက်နေသောကြောင့် ရှောင်းကျန့်အကြည့် လွှဲကာအိမ်ထဲ ပြန်ဝင်လာတော့သည်။ အိမ်ထဲဝင်ပြီး ဖိနပ်ချွတ်နေခိုက် နောက်ကနေ ဗြုန်းခနဲ တင်းကျပ်စွာ အပွေ့ဖက်ခံလိုက်ရတာကြောင့် ရှောင်းကျန့်လန့်ဖျပ်သွားရသည်။
ရိပေါ်ဟု ဒေါသတကြီး အော်မည်လုပ်ပြီးမှ မန်နေဂျာအန်းက ဆိုဖာခုံပေါ် အိပ်နေတာကြောင့် အသံကို ပြန်ထိန်းရသည်။
" ဘာလုပ်တာလဲ လွှတ်စမ်း "
သူအသံတိုးတိုးဖြင့် လွှတ်ခိုင်းပြီး ရုန်းပေမယ့် ရိပေါ်က နည်းနည်းမှ မလွှတ်ပေး။
" ဘယ်လိုခံစားရလဲ အမှန်အတိုင်းပြော ရှောင်းကျန့်ကော မလိမ်နဲ့ "
" ရူးနေလား ငါကဘာကို ခံစားရမှာလဲ "
သူ့စကားအဆုံး ရိပေါ်က ပိုတိုးဖက်သည်။
" ရိပေါ် လွှတ်တော့ မန်နေဂျာအန်း နိုးလာရင် မကောင်းဘူး "
" ဘာမကောင်းတာလဲ "
" မင်းကိုငါ အလုပ်ဖြုတ်မှာနော် ဒီလို ပေါက်ကရတွေ လုပ်နေရင် "
" ဟိုစီစီတီဗီမှတ်တမ်း ဖြန့်ပစ်မှာနော် "
" ခွေးကောင် "
သူ့ပွေ့ဖက်မှုကို ရှောင်းကျန့်က ဘာမှခံစားမိပုံမပေါ်ဘဲ ရုန်းသာရုန်းနေသဖြင့် ရိပေါ်လက်လျော့ လိုက်တော့သည်။
သူတစ်ယောက်တည်းပဲ ထူးဆန်းနေတာပါလား။
ရှောင်းကျန့်ကို လွှတ်ပေးလိုက်တော့ ရှောင်းကျန့်က ချက်ချင်း နောက်ပြန်လှည့်ပြီး သူ့ပခုံးကို ခပ်ပြင်းပြင်း တစ်ချက်ရိုက်ထည့်သည်။
" ကတိပေးထားတာ ငါ့လက်သည်းခွံ့တောင် မထိဘူးဆို အခု ဘာလုပ်တာလဲ "
YOU ARE READING
My Beloved Partner
FanfictionWang Yibo × Xiao Zhan Yizhan Fanfiction Unicode+Zawgyi story cover crd to Kitra# fanart picture crd to original owner#