Unicode
Taehyungရဲ့ဝမ်းပန်းတသာအသံကြီးဟာ သူ့အတွက်တော့ ငှက်ဆိုးထိုးသံလိုပင်။
သူဘာကြောင့်ဒီလိုလုပ်လဲမသိ၊ ဘာကြောင့်ကျွန်တော့်ကိုလက်ထပ်ချင်ရတာလဲ။
အကူအညီကိုလဲလက်ခံပြီးပြီဆိုတော့ သူပြောသလို မနက်ဖြန်ဘုရားကျောင်းမှာ လက်ထပ်ရတော့မှာပေါ့။
ချစ်ရမဲ့သူရှိနေတာကို မနီးစပ်ခင် ဝေးကွာခဲ့ရပြီ။
***
အခုချိန် ကမ္ဘာပေါ်မှာအပျော်ဆုံးလူသားကိုပြပါဆိုလျှင် ကျွန်တော်ဖြစ်နေနိုင်သည်။
Jungkookလက်ခံမည်လို့ထင်မထား၊ ယုံကြည်မှုက 50 - 50ဖြစ်နေတဲ့အချိန်မှာ ဖုန်းဝင်လာခဲ့သည်။
အကူအညီကိုလက်ခံမယ်တဲ့။
နောက်ဆုံးတော့ ကျွန်တော့ဆန္ဒတွေပြည့်ခဲ့ပြီ။
ဖေဖေကတော့ ဘာကိုမှမပိတ်ပင်။
မပိတ်ပင်ဆို ကျွန်တော် Jungkookအကြောင်းပြောတုန်းက အရမ်းကိုအံ့သြနေခဲ့တာ၊ ကျွန်တော့်ပါးစပ်က လူတစ်ယောက်ကို ချစ်တယ်လို့ပြောတာကိုဖေဖေကမယုံနိုင်။ ဒီအရွယ်ထိရည်းစားလဲမထားခဲ့ပဲကိုး၊ ဖေဖေကတောင်ရည်းစားထားဖို့ပြောယူရတဲ့အထိ။
Jungkook ဖုန်းဆက်ပြီးတော့ ဖေဖေလဲကုပ္မဏီကပြန်ရောက်နေပြီမို့ ဖေဖေ့အားပြောပြလိုက်သည်။
ဖေဖေကမေးတယ် "သားကို Jungkookကချစ်လား" တဲ့။
ကျွန်တော်ပြုံးလိုက်မိကာ ခေါင်းအသာယမ်းပြလိုက်သည်။ ဘယ်ချစ်ပါ့မလဲ သူ့မှာမတတ်သာလို့အကူအညီယူလိုက်ရတာကို။
"သားပျော်ရွှင်နိုင်ပါ့မလား
သားကိုမချစ်တဲ့သူကိုအနားထားထားတာ"
"သားသူ့ကိုချစ်တယ်ဖေဖေ ပိုင်ဆိုင်ချင်တယ်
အနေကြာရင်သားကိုပြန်ချစ်လာမှာပါ"
"အဲ့လိုဖြစ်ရင်လဲကောင်းတာပေါ့
မနက်ဖြန်မင်္ဂလာပွဲလုပ်မယ်ပေါ့"
"ဟုတ်ကဲ့"
"မမြန်လွန်းဘူးလား ဘာမှတောင်မစီစဥ်ရသေးဘူး"
"အင်းး ဟုတ်တော့ဟုတ်သားနော် ဘာမှမစီစဥ်ရသေးဘူးပဲ သဘက်ခါမှပဲဆောင်တာပေါ့"
"ဘုရားကျောင်းမှာပဲဆောင်မှာလား သေချာလား"
"အင်းး အဲ့မှာပဲဆောင်မယ် ဟိုးလေးတကျော်ကြီးလဲမလုပ်ချင်ဘူး Jungkookလဲသဘောကျမှာမဟုတ်ဘူး"
![𝕯𝖊𝖈𝖊𝖒𝖇𝖊𝖗 𝕷𝖔𝖛𝖊 [Completed]](https://img.wattpad.com/cover/223616205-64-k595749.jpg)