C A N D A R Y
"Grandfather paradox." Mahinang basa ni Vaughn.
Nandito na kami ngayon sa isang fast food chain ngunit hindi pa rin tumitigil si Vaughn kaka-search. Siya pa ang nagsabi kanina na tumigil na kami. Palibhasa ay may free WiFi dito ngayon.
Parehas kaming chicken fillet at fries ang inorder. Halos wala pang bawas 'yung kanya kaka-scroll sa iba't-ibang search engine.
"A classical example of the grandfather paradox, in which a time traveler goes back and kills his parents or his grandfathe-" Natigil siya sa pagbabasa nang kinuha ko ang cellphone niya at inilagay sa loob ng bag ko. Ayaw na ayaw namin ni mama ang nagce-cellphone sa tuwing nasa harap ng hapag.
"Hey! That's my phone." Singhal niya na para bang bata.
"Kumain ka muna." Sinamaan ko siya ng tingin.
"You're not my girlfriend." Umismid na parang babae.
Aba.
"Bakit? Kailangan ba girlfriend mo ako para sawayin ka? Masamang paghintayin ang pagkain. Hindi ka ba natatawa? Kung papatayin niya ang magulang niya paano? Ang off no'n. Tapos buhay siya sa future." Pakiramdam ko ay nanay ako na nagsesermon dito.
Napailing na lang siya. Ganoon din ako.
Bilisan na lang namin ang pagkain, nakakahiyang paghintayin ang kagrupo.
Hindi pa naman nagte-text si Vil.
Dumiretso muna kami sa Pilar's para mamili ng gagamitin sa activities. Namili kami ng lobo, medida, ruler, marker. 'Wag na raw naming i-print ang activity sheets, text ni Vil kagabi. May printer naman daw sa kanila.
Hindi naman mabigat ang pinamili kaya nilagay ko na rin sa bag ko 'yon. Ibinalik ko na rin ang cellphone ni Vaughn.
Nang makalabas kami sa Pilar's, naramdaman kong may humigit sa braso ko mula sa likuran.
"Hija!"
Pareho kaming napatingin ni Vaughn sa matandang nakakapit sa braso ko.
"Po?" Tanong ko at nginitian ang matandang babae.
Kulubot na masyado ang mga balat niya. Nakasuot ng paldang mahaba, long sleeves na luma. May suot din itong turban. Noong una akala ko namamalimos. Napansin ko ang batang nasa likod niya. Nakangiti ito.
"Nagmamadali ka ba?" Nginitian ako ng matanda. Mukha naman siyang mabait. Sumulyap siya kay Vaughn.
BINABASA MO ANG
Above Heavens
Ciencia FicciónIn a parallel universe, are you the same person or not? Would you like it if you will meet you? If heaven is real, then what lies above it? Join Vaughn and Candary, as they follow the omens given by their future selves, and avert the threads that w...
