سلما للسماء 🖤

part 2

مُتناقضة لدرجة ‏أصل إلى أقصى رغباتي بثوانٍ وأرفضها بالثانية التي تليها !

🖤🖤🎶
# امير ...مو تدللين كم اخت عندي اذا متقطيني لعد منو يقطني بس بطلي اخبالاتج وادللي
# ميران... اهووو امير شبيه شنو خبالاتي ترا ابطل ومااروح والله
# امير... لا ولج يلا لتتدلعين امشي نروح بطلنا يابه اصلا اني الخبل امشي يلا لنتأخر
#ميران ... وكفت وعدلت ملابسي وطلعنا
وشفت علي واكف يم سيارته ويباوعلي وضايج اني غلست وعفته عود زعل دطير
#علي ... من بعد مااطلعت رويحتي ميرو وضوجتني بكلامها اصلا اني متعود ع اسلوبها الجاف وياي يمكن بدأت تفهم انو احبها ف دتبعدني عنها المهم طلعت لسيارتي وداامسح بيها وطلعت هي وامير حتى يرحون
# امير ها علي متروح ويانه واباوع لميران ضايجه يمكن متعاركين من الصبح وتكرص بأيدي يعني متريده يروح ويانه
# علي ... لا عندي شغل اريد اخلصه طبعا جذب گلت هيج اني معندي شغل بس شفت ميران باوعت لأمير وحسيتها ضايجه وعيونها حمر متريدني اروح وياهم ف كلت اخليها ع راحتها ماريد اضوجها وتنقهر وتتخربط ياالله غير اتخربط وياها ...
#ميران .... طلعنا واني ادعي بلكي انقبل اعلام احب هذا الفرع واحب اختصاصاته وشجعوني عليه اهلي
وصلنا واني وامير نزلنا لكافتريا تريگنا لان صارت ساعه 9:30 واني ممتريكه لازم اتريك علمود اخذ علاجي اباوع للجنطه مليانه علاج وفيتامينات ؤؤف يربي الصبر الصبر
رحنا لقسم التسجيل سجلت وافترينا شوي واخذنا صور ههه لازم اوثق اللحظه وامير يكولي ولج يلا اخرتينا بعد نمر للسوك واني اكوله بس لحظه بس لحظه وظليت اخذ صور لحد ما جرني من ايدي وهو يكول ...ولج حبيبه يلا بسرعه دنروح
#ميران ... تأفأفت ورحنا ونمتشى للسياره نفتر واباوع عالشباب والبنات كل اثنين خاتلين بزاويه واباوع لأمير يضحك ... حبيبي اميري ذولي ليش خاتلين شيسوون
#امير انجبي يروحي معليج بيهم
#ميران حاضر انجبيت ... خلصت الطريق كوله اسمع اغاني وصلنا لمول المنصور لان اثير هناك يشتغل عنده بوتيك خاص اله نزلت وعدلت ملابسي واباوع جفلت لما شفته واكف بباب المول يربي هذا شيسوي هنا ... 
#علي ...طلعت من البيت للشغل عدنا اسواق غذائيه خاصه بالعائله مفتحها اني وعم ميران دااشتغل وابيع للناس خابرت صديقي استاذ جامعي يداوم بجامعه بغداد سألته ع القبولات وگوتله اللي معدله 85 شنو ينقبل فريحني جوابه طلعت الملعونه معدلها يقبلها كليه افضل من الاعلام بس هي تحب الاعلام عبالها بكيفها اخليها تصير مقدمه برامج لو مراسله ؤؤف شكد احبج مرمر شوكت تحسين مرمرتي گلبي والله... داافكر وكلت خل اروح للمول حتجي وامير عنده شغل حتى اني ارجعها للبيت وياي واريد اصالحها ضوجتها الصبح ولو المفروض هي تصالحني لان علت صوتها عليه بس عادي كلشي الها يهون حبيبة گلبي وطفلتي خابرت امير ودزلي صورتها كاعده تاكل علمود تاخذ علاجها لان ممتريگه بالبيت هي طبيعتها متتريك من الصبح متحب الاكل من الصبح وخبلتني شكد ضعيفه يربي متاكل ابد امير طلع يريد يشتغل وصاني اني افتر وياها بالمول وهو يروح لشغله وصلت قبلهم ووكفت بالباب انتظرهم ....
#امير ....يلا حبيبي ميرو نزلي دااروح للشغل خابروني جماعتي علمود شغل اوك يروحي بالج ع نفسج وهذا علي وياج وهاج فلوس طلعتلها 300 حتى تاخذ كلشي بنفسها الوالد انطاني الصبح الها فلوس واني هم جملتهم وهذا علي هم راح تقطه متشبع 😹المهم متتخربط ومتتمرض ؤؤؤف
#ميران... ماشي يلا رايحه رحت ووكفت بصف علي وهو جر ايدي ومبتسم هذا شبي يضحك شكو والله يربي انوب كاشخ ...
#علي.... امير راح ووصاني عليها مااحتاج توصيني هي رويحتي شلون توصيني عليها اجت تتمشى اباوعلها قميصها شوي صاعد ليفوك من ورا وطالع ظهرها الابيض يربي تخبلت وصلت يمي جريتها من ايدها وبدون متحس نزلت قميصها
ميرو عدلي شالج رگبتج طالعه وقميصج جان مرفوع وطالع ظهرج مو كوتلج بدليهن ملابسج واباوع لعيونها وخدودها صارو حمر يربي اكرطهم كرط عود استحت جريتها وخليتها تمشي كدامي واني وراها حتى اللي يفكر يباوعلها اخربطله وجهها دنمشي ووكفت يم اكسسوارات يبووو متشبع شكد تشتري اسوارات ومحابس وسلاسل وحجل وماعرف شنو متنزعهم ابد ....
#ميران ... عزا خجلت لما يگولي ضهرج طالع وركبتج طالعه صعدت الحراره بوجهي متت بدمي مااعرف ممنتبهه المهم عدلت ملابسي ولزمت ايده وبدينا نفتر عجبني محل اكسسوارات اخذت كم شغله وطلعت بطلاع الروح اخذت ملابس خبلني علي يعلق ع هذا وهذا وميقبل البس هيج موديل وميقتنع اخر شي قنعته واخذت كل الموديلات اللي احبهم تنانير وجينزات وشالات وكم قميص هلكته لعلي ورجعنه للبيت طبعا الطريق كله يحاول يحجي وياي ومنطيته مجال ابد ...
#علي... رجعنه للبيت من بعد مااتغدينا ونمنا كعدنه العصر كلمن راح لشغله وبلليل نتجمع عالعشه اليوم جدو يجي اكيد حيفتح موضوع ميران وهذا اللي خاطبها مدري منين طلعلي اني انتظرها تكبر حتى اخطبها وهذا مدري منين طلعلي خل يركعون راسهم بألف حايط اخربها الخطبه اخربها ...

حبايبي محتاجه دعمكم الي حتى اكمل بارتات القصه القصه حقيقيه 100% جريئه وحزينه بس محتاجه تنشروها

العبارة الخالدة للشاعر عبدالأمير العضاض تگول :
— احنه ندري من أمس مكتول باچر.

انتظروني ببارت جديد