سلما للسماء 🖤

part 3

#ميران ... رجعت للبيت ظميت ملابسي وفتت للحمام اخذت دوش دنيا صيف وموت حر وغرفتي فوك حيل حاره طبعا مكتلكم م احنا بيتنا طابقين الجوه بي 3 غرف لماما وبابا ولعلي غرفه وصاله وهول ومطبخ وصحيات والفوك 3 غرف الي ولأمير ولأثير وصحيات وحولي واكو باب براني ينزل عالطرمه وبالكونه بس محد ميقبل اطلعلها لان جيرانه ناصبين كاميرات ف اذا طلعت يشوفوني بالكاميرا
غيرت ملابسي وتأفئفت واني اتذكر اليوم يجي الطاغيه جدو والله حرام اصيحله جدو لان ظالم وهو سبب كل مشاكلنا انوب جايبلي واحد من گرايبه يريد يخطبني ايع ماريد بعدني صغيره وانوب مريضه ....
#علي... كاعدين بالحولي اني والشباب ولد عمام ميرو وبناتهم واحفادهم وميرو نزلت ؤؤف گلبي والله احلا وحده بالبنات الشعر شطوله نازل جوه الخصر انوب اشگر ابد مابي سواد والحجل اللي محلي رجلها نزلت من الدرج واحسها دتمشي وتدوس بگلبي بهذا لبسها جانت لابسه برموده حمره وتيشيرت اسود ربع ردن والزنود الطالعه وكاعدين شباب صخنت من الغيره وهي تتشاقه وياهم وتضحك ويضربوها بالشقه وتتمضحك يربي خبلتني هالبنيه حكوم اربطها واخذها فوك واقفل عليها غرفتها ليش هالگد احبها يربي ساعدني قاطعني جدو وهو يگول يلا ياابو امير الناس رايدين ميران وهي كبرت بعد شكو والولد عاجبته وهو خوش ولد ومكمل معهد يعني خريج ومتعين وعنده شغل وحالتهم الماديه زينه واخلاقه احنا بعد اقاربهم ونعرف اخلاقهم ...
#سرمد ابو امير ... يابه بنيتي مااكدر اجبرها وبعدها صغيره واريدها تكمل دراسه اجل هالموضوع ولتفتحه ...
#جدو محمد.... هو موبكيفكم انطيت كلامي للناس وخلص الخميس يجون يشوفون البنيه ...
#ميران.... طبعا اني كاعده مثل المزهريه وهمه يتعاركون ويحددون مصيري ولا كأنه اني انسانه والي حق احب واختار الشخص اللي يعجبني وبعدين بعدني صغيره والف مرض بيه منو يقبل بيه والله ذولي يمسلتون واباوع لعلي وجهه صار احمر دم وعيونه دم ويريد ينفجر يربي هذا شبي ...
#علي... اسمع كلامهم ومتت بدمي صخنت ونار بگلبي تشتعل مااكدر اتخيل ميرو تتزوج غيري وشخص ثاني يلمسها ويباوع لعيونها هذا جسمها وشعرها وعيونها اووف يعيونها وشفايفها اللي اموت بيهم مااسمح لشخص ثاني ياخذها مني تعبت سنين من جان عمرها 6 سنوات لسه اكبر بيها وربيتها ع ايدي وؤؤف من تتمرض اتمرض وياها وانومها بحضني لحد متنام ابوس راسها واروح لغرفتي ؤؤف يگلبي هاي اخليها تروح لغيري لا مستحيل بس اشو هي تباوعلي وتباوعلهم وضايجه يربي كون تحس بيه لج ميرو احبج مو مرمرتي گلبي والله محد يحبج بگدي ....
#ميران... بابا اني ماريد اتزوج اريد اكمل دراستي وبعدين بعدني صغيره ...
#سرمد... خلص بابا اللي تردي يصير ..
#علي... فرحت من سمعت كلامها ويا ابوها صعدت لغرفتها كلت خل اروح احجي وياها اشو بس طبيت هي جرتني وحضنتني ؤؤؤف يحضن الجنه ردتلي روحي من حضنتني متدري هي من تحضني تشعل بيه ناار ...
#ميران... شفت علي واكف بباب غرفتي وگلت خل اصالحه مهما يكون حجه هيج لان يخاف عليه ويحبني مثله مثل امير جريته وحضنته هو تفاجأ ليش ماادري اني متعوده احضنهم هو واثير صح مو اخواني بس تربيت يمهم واحسهم اخواني مثلهم مثل امير واعتذرت منه اسفه علوش حغير طريقة لبسي وانوب اسمع كلامك وبسته بخده ...
#علي... تحجي وتعتذرلي واني بالي يم خدودها وشفايفها يربي اريد اكرطها اعشقههها يااانااااااس انوب باستني بخدي اتمنيت الزمن يوكف هنا وتظل بايستني وعطرها اليسطر وشعرها ؤؤؤف احبها احبهااا اريد اخذها بحضني
باوعتلها وكوتلها كعدي هي كعدت وكعدت اني قريب عليها ميرو عمري حتوافقين ع هذا الخاطبج؟...
#ميران ...لاعلوش مااحبه وماريد اتزوج وبعدين مريضه منو يقبل بيه ...
#علي .... رقرقت عيوني وهي تكول مريضه ومنو يقبل بيه متدري انطيها روحي لو بس توافق عليه لو بيها الف مرض اظل اعشقها ...لايروحي لتكولين هيج ارفضي ومعليج خيولي وان شاء الله تتزوجين اللي يحبج ...
#ميران... ان شاء الله وانت هم ان شاء الله تتزوج اللي تحبها ههه واني اغمزله
اشو هذا اخذني بحضنه حيلل حيلل احس عظامي حتتكسر من قوة الحضن
جر حسره طويله واخذ شعري يشمه وباس خدي اباوعله انفاسه تغيرت ودفعني وطلع يا هذا شبي تخبل والله يربي عود ليش دفعني دطير خل اشوف فلم رعب اكشن اي شي ...
#علي... حطيت راسي عالمخده وطلعت صورها بالموبايل واباوع لوجهها يربي شوكت اخذج لحضني وتصيرين الي 13سنه انتظر مليت وتعبت يربي اريدها الي هالبنيه موتتني كل يوم تحلا وشيبت راسي اووف يالشامه اللي برگبتها تموت متحملت كمت طلعت وصعدت لغرفتها ماكو صوت فتحت الباب ع كيف لگيتها نايمه وشعرها نازل من السرير وممتغطيه غطيتها واني استغفر ربي طفيت التلفزيون واتقربتلها شميتها من رگبتها وهي احسها تضايقت رأسا ابتعدت عنها وبعدين متحملت بستها بخدها وؤؤف رحت لشفايفها طبعت بوسه خفيفه وطلعت ورحت لغرفتي ونمت ...
#ميران... الايام استمرت عادي لحد مااجه يوم الخميس ويجون اليوم الناس والله بطرانين ارفضهم ماريد اتزوج ...
💟......💟.....💟......💟....💟...💟
‏

"‏حتى في الخيال لا أستطيع خلق نهاية سعيدة لقصتي.. "
#its'meme'haj

حبايبي شاركو القصه لصديقاتكم واريد تصويتكم وتعليقاتكم الحلوه 🤭🖤❤️