سلما للسماء 🖤

part 5

#ميران... اباوع علي مثل الوحش وبسرعه اتقدم عليه لزمني من كتافاتي توجعت ع قوة قبضته ومخنزر وعيونه حمر ويلهث وهو يگولي ليش ليش هيج سويتي وجان الانكسار مبين بصوته ظليت ابجي مكدرت اجاوبه شنو اكوله اكوله وافقت عليه بسببك ع مود متتعلق بيه؟ كل هذا وهو منتظر مني جواب جان كوتله اي عجبني ووافقت عليه ليش بيها شي ؟ كملت كلامي دفعني وكعت عالجربايه وطلع واني هنا وكأنه مجان مسموحلي ابجي بس طلع بجيييت وظليت ابجي وابجي علي ميستاهلني اني احبه مثل اخويه والله ؤؤف يگلبي ظليت ابجي لحد منمت من التعب ..
#علي... واحد وضربني ع راسي من كلتلي موافقه طلعت من الغرفه ووكفت ببابها واسمعها تبجي وتحجي ويا نفسها اعرف تحبيني مثل اخوج بس اوووعدج ياااميران حتحبيني ك اي رجل والزمن يثبتلج اخذت السويج وطلعت...
🖤🎶🖤🎶🖤🎶🖤🎶
واخيرا اجه دور هشام ...
#هشام....واخيرا حنروح ونشوف ميران واطلب ايدها بشكل رسمي ممم موبحالها ومتعجبني وسمعت يكولون مريضه اشبع من جدها فلوس وافتحلي مشروع واتروجها عادي بلا حب بلا بطيخ المهم لازم اتأنق وارتب حالي ....
#اوم هشام....يلا ياامي يلا هشام كوم رتب نفسك نلحك نروح ونخطبلك بسرعه ياعيني تأخر الوقت هم يالله نوصل ...
#هشام....كملت يووم طلعنا بالسياره ووصلنا لبيت ميران دكينه الباب وطلعلنا اثير رحب بينا ومن بعد سلام دخلنا جوه واجو الاهل كعدنا وسولفنا وننتظر العروس تجي من بعد وقت قصير دخلت هي دتقدم الضيافه لابسه فستان اسود وطالعه تجنن صحيح هي حلوه بس غايتي ارتبط بيها ع مود فلوس اهلها سلمت علينا وكعدت شوي وطلعت وبعد مجتي واخذنا موافقتها وقرينا الفاتحه وطلعنا الحمدلله عدت ع خير عبالي ترفض...
#علي... سمعتها وافقت عالخطبه واني كاعد مثل الصنم مابيدي شي اسوي وكلبي احسه ديتگطع تعبي كله حيروح بس لابعدني ماافقد الامل ؤؤف انوب نزلت لابسه فستان اسود يجنن ع جسمها وذاك المكياج النازك والعطر اللي يرد الروح مرت ساعه احسها ساعااااات مااكدر اجبرها عليه رحت لغرفتها انتظرتها تجي شوي واجتي دخلت تفاجأت بيه كاعد بغرفتها وظلمه وبارده وهي طالعه تجنن كمت وجريتها كعدتها يمي اسمعيني هذا الجمال اريده الي هي خافت ورجعت ليورا تقدمت بستها من راسها باوعتلي ونظراتها كلها خوف حضنتها حيل نامي حبيبي نامي لتتخربطين غطيتها وطلعت ....
#ميران... طلعنا اني وماما للسوك نشتري اشياء عرايس ورحنا للكاظميه زرنا الامام
وهم مرينا للسوك اشترت فستان اسود مطعم بذهبي من يم الصدر ومفتوح الظهر وطويل ومفتوح بفتحه من الفخذ لنهايته وبشت وردي فاتح وحذائين وعطورات ومرطبات طبعا الفلوس همه دزولي عود هذا النيشان علمود عقد القران بعد 4 ايام ومجنت اعرف انو بعد يوم العقد حتتغير كل حياتي وينقلب عاليها واطيها ....
خلصنا هاي الايام بين تنظيف البيت وتجهيز انواع الاكل لان حيجون اقاربنا واني انخبصت بين تنظيف للبشره وجلسه ليزر شلت كللل الشعر وخلصت واجه اليوم اللي انتظرته جنت متحمسه لان هشام عجبني وهاا علي سافر لأربيل بشغل وماعرف شوكت يجي بعد احسن خلي بعيد ...كعدت ساعه 11 الصبح ويمي بنات عمو وبنات عماتي ومن ظمنهم ناريمان الانتيم مالتي عزا نزلت جوه البيت مملي جهال وولد وبنات وعجايز يبووو عازمين بغداد كولها شكو متكلولي تريگت عسريع واخذت علاجي صارت ب12:30 توجهت للصالون اني وناريمان وعمتي جانن اكو كم عروس جهزت 2منهم وبقيت اني وورايه عروسين بدت خلتلي ماسك تنظيف بشره ومرطبات اختاريت تسريحه بسييطه شعري خليته مجرد تسريح بسيط وشالت شوي منه والباقي عفته نازل حتى يغطي فتحة الظهر مال الفستان ومكياج هم بسيط ونازك مجرد تركيز للعين ولبست العبايه صارت ساعه 5العصر لازم نكمل ونرجع للبيت البنات وياي كملو تجهيز نفسهم وهناك واجاني اتصال باوعت علي ...الو ميرو احجي خل اسمع صوتج ترديني اجي؟ شجيبلج وياي (وهو يبجي)  اي صدكو سمعته يبجي لا شكرا ماريد شي بس مكانك فارغ بين كل هالهوسه ...تتدللين اجي بعد ساعتين اني ببغداد كم ميرو عندي اني وبداخلي فرحت يعني حاسه بغيابي ؟ؤؤف يربي
نهيت الاتصال وتوجهت للباب ورجعنه للبيت جنت مبوشه نرعت وطبيت اشتغلت الهلاهل والموسيقى والركص وساجده عبيد وعفتهم وصعدت لغرفتي كتلهم اريد اكل جوعانه وهنه يعيطن ياا مكياجج يخرب غير تاكلين قبل كل شي يمعودات عاد انطني كيكه وعصير المهم اكلت شوي وبديت اتوتر اقترب موعد العقد بعد ساعتين واصير ع ذمة هشام
ظميت وجهي بأيديه من الخجل والابتسامه شاگه حلكي ومغمظه عيوني اندكت الباب وطب وشايل بوكس ورد معطر ودب ابيض جبير مغطي وجهه بي يربي هذا امير؟  ركضت نسيت نفسي شلابسه وحضنته لحظات وسمعت صوته اقشعر جسمي من رفعت راسي وبحركه سريعه وخرت الدبدوب اللي مغطي وجهه وجان اشوف علي نظرته متتفسر غضب ع حزن انكسار حب فقدان ماعرف شنو نظرته لحظات من السكوت اللي بيناتنا كسر هالسكوت وهو يكولي مبروك مقدما وقدملي بوكس الورد والدبدوب حطه عالجربايه واني ساكته مصدومه مدري شبيه جان ديطلع وبحركه سريعه مني ......

وباااااي احبكم منتظره ارائكم وتعليقاتكم الحلوه
تصويت +تعليق ❤️

بقلم الكاتبه ميران الخفاجي 🖤🖤