سلما للسماء 🖤

part 40

ي ام الـسـان
شـمسويـتلي خـاطـر هـيـج حبـيتـج 💙

#ميران... مرت الايام وصار ع زواجنا 5 اشهر احيانا نكون مرتاحين مرات لا يعني مرات نتعارك ونتصالح عادي بس اني صرلي فتره متغيره احوالي واطباعي صايره معصبه زياده يعني علي بس مجرد يحاجيني كلمه ارده بعشره ومرات يسكت ومرات لا يظل يعيط عليه ويعصب هاي من غير صايره مبتعده عنه ومااخلي يتقربلي مدري شبيه صايره مااحبه ماعرف ماانام الا بحضنه بس من يتقربلي اكرهه ماعرف شصايرلي ومشاكلنا كثرانه وتكررت سالفة هشام طلعنا اكثر من مره نروح لاهلي ونشوفه بفرع قريب ع بيت اهلي وعلي من يشوفه ينجن يظل يعيط عليه عباله لسه اتذكره واحبه هو ميدري صرت اعشق شي اسمه علي اتنفسه بسس اووف شيقنعه وهذا الشي سوالنا مشاكل هواي بحيث ميمر اسبوع اذا منتعارك 3 او 4 مرات ..اليوم سويت دولمه للغده جهزتها وحطيتها ع نار هادئه وطبيت سبحت وبدلت ومشطت ورتبت وجهي وصليت للساعه 1:30 اجه علي
مدري شبي ضايج ركع الباب وبسرعه طب للحمام سبح حتى كلمه وحده ماحاجاني اني حضرت الزلاطه واللبن والطرشي وخبز حار جابه علي
ها علي كملت ترا صبيت الغده
ماريد زقنبوت اريد انام لتكعديني
ماشي ..ضميت الدولمه بالفرن وبقيت اباوع تلفزيون لو العب بفوني وعلي مدري شبي يتگلب بنومته ممرتاح
علي
هااا
شبيك احسك متضايق
ميران عوفيني مالي خلكج
زين كولي شنو مضايقك فطفطلي
ميرااااان كوتلج اسكككتتتتي عوفيني بحااالي عووفيييني (بعياط)
صدوك استهظمت منه عفته ودرت وجهي ونمت وغفيت بعد مادري كعدت العصر علي ماهو طالع جعت كولش كمت طلعت الدولمه اكلت شوي ورجعت للغرفه اوووف ملل شسوي وين اروح اتصلت ع اهلي وظليت اسولف ويا ماما وسهى وانوب اتصلت ع نريمان هم ظلينه نحجي كومه وفجأه انفتح الباب
ويامن تحجين
ويا نريمان ليش
هيج
سديت الاتصال وظليت اباوع تلفزيون اباوع لعلي يحوص مدري شبي
جوعان؟
اي شوي
احضرلك شي تاكله عندي دولمه
اي
حظرتها وياها زلاطه ولبن وطرشي وخبز وكعد ياكل
لعد وانتي شنو متاكلين
لا اكلت
ها ومن شوكت تاكلين بدوني
يعني جعت شسوي اظل انتظرك مثلا
اهاا ماشي
اي وسويتله جاي وشربه وكاعد صافن عالتلفزيون لو عليه
شبيك تباوعلي
ميصير اباوعلج مثلا
اي شكو
مدري كوليلي انتي شكو
يعني شنو مفهمت
الصبح هم طلعتي
الف مره كوتلك مااطلع بدون علمك
والبيت قافلته
اي طبعا
طلعتي للطرمه
لا شعندي طالعه اشو حتى من انظفها الا انت موجود
اه ماشي
شبيك علي
مبيه شي بسس
بس شنو احجيلي
علساس متدرين
شنو ادري عن شنو
هشام
شبييي صخااااام
لتعيطييين
شبيييك انساااا انسااااا شذكرك بي
والله كلما انسا اشوفه لااا والحلو شفته اليوم كبال بيتنااا
اي وطززز شنسويله يجوز عنده هنا اقارب اصدقاء
واحتمال اجه يشم ريحتج مو
شدااتحجي انتتتت شبييييك علللي
لعد شيسوي هنااا هااااا حيخبلني
روح سأله ولتزيد بكلامك وياي فهمت
شمرت فوني وتغطيت ودرت وجهي ونمت او سويت نفسي نايمه وعلي كاعد يتأفأف والله يربي مخبل
بعدج تحبي؟
علليييييييي شبيككك انتتتتت هااااا احبكككك انت وبسسسس انت زوووجي شلون تحجي هيج حجي ويااي يعني تشك بيه هاي من اولها هييييج تخبلت انت اكيددد
نامي انطمري لتعيطين
دااكولك احبك تكولي انطمري؟
اي انطمري يلا
ماشي من صدوك انقهرت وبجيت وهو طلع وركع الباب حيل ورا وبعدين شوي ورجع سويت نفسي نايمه باس راسي ونام والله ياالله مخبل ورب مااسامحه
وبقينه ع هالحال اسبوع وكلما يريد يعتذرلي اصده وماانطي مجال احسن حتى بعد ميشك بيه واللي خلاني مااسامحه لان عرفت هشام ليش يجي لهنا وهواي دنشوفه لان اخته متزوجه هنا قريب علينا وديجي لأخته مبيها شي لهذا السبب مااسامحه حتى بعد ميشك بيه ظليت معانده مسامحته وهو ضايج وطاكه روحه وحاس بذنب واللي زود الطين بله مره اجه علي طاب للبيت متخبببل اني واكفه بالمطبخ دااطبخ واريد اطب اسبح بسرعه اجه يعيط
ميرااااااان وينججج
شبييييك تعيييط ها
هم طلعتي
عللييي ونبييي مااطلع واللله اذا تريدد اقفل البيت واخذ كل المفاتيح وياااك حتى تطمن
يعني مطلعتي هااا
لااا هاي شبيييك ليش اطلع
لج راح اتخببببل واكف يباوع ع باب بيتناااا شسويله اذبحه هاااا
لج اذا طالعه ولامح طولج ادفنج هناا والله ادفنج وادفن نفسي
عود اجيت دااهدي لزمت خده ودااكوله اهدأ بسرعه دفعني دفعه قويه ووكعت صارت وكعتي ع ظهري انلزك بالحايط وهو ولااهتم طب للغرفه مدري شخذ وطلع ظليت ابجي بسرعه لبست اخذت فوني وطلعت من البيت الدنيا المغرب قفلت البيت وطلعت ورحت لأهلي تخبلو من شافوني ابجي صعدت لغرفتي بدون مااحجي ولا كلمه ونمت لليل بوقت متأخر كعدني امير
#امير... ميرو احجيلي اني اخوج يروحي شصاير
امير مالي خلك احجي حباب عوفني
علي جوه اجه عليج
مااروح ويا خل يطير مااريد اشوفه
ميصير هيج لازم نعرف شصاير
اي روح هو يحجيلكم
نزل امير واسمع علي يعيط ويريدني ارجع ويا واني ابد ولا نزلت خل يولي حتى بعد ميمد ايده عليه ولايشك بيه المهم نمت وهو بايت بغرفته هنا كعدت الصبح هدوء نزلت تريكت وسبحت ورجعت لغرفتي طبعا يتصل ماارد عليه للظهر اجه بابا وكعدت حجيتلهم كووولشي شلون عصبي وشلون يشك بيه وشلون دفعني وطبعا الحق وياي وهم اجه راد يرجعني كوتله ماارجع بابا عيط عليه ورزله وامير هم واثيير ينصح وماما تكوله مو هيج ربيتك وميرو مستحيل يطلع منها شي موزين تربايتي هاي وانت هم ربيتها وكبرتها يعني تشك بتربيتك
المهم بقيت اسبوع يم اهلي وهو يتصل ويدز رسائل اعتذار واني ابد مااجاوبه
وبهالايام انتبهت دورتي متأخره حاجيت ماما كلتلي الصبح اخذج لمختبر نحلل
صدوك نمت بس والله مشتاقتله هالمخبل تعودت انام بحضنه والله صار الصبح نزلت تريكت وسبحت وبدلت ورحنا اني وماما حللت وفعلا طلعت حامل 6 اسابيع فرحت حيللللل يربي ممصدكه حصيرررر اممم اووووف تذكرت علي المفروض هسه هو يعرف بجيت طبيت للبيت باركولي واني ابجي صعدت لغرفتي ونمت ...
#علي... طبعا مر عليه الاسبوع وكأنه سبع سنوات تعودت ع حضن ميرو اذا مااحضنها وانام ماارتاح بس اووف الشيطان سيطر عليه والشك عمى عيوني شكد ردتها ترجع موافقت حقها انوب مو بس شكيت بيها لا دفعتها اوووف تخبلت اني بس والله غصب عني اغار عليها وخفت المهم مر الاسبوع وماما خابرتني وكلتلي تعال للبيت صدوك رحتلهم اشوفهم كولهم يضحكون بس امير كالب وجهه عليه
#امير... باوع اذا بعد مديت ايدك ع حبيبتي اكسرها الك وانسى انك ابن خالتي وصاحبي ونسيبي
#ماما.. اي يوم مريتك حامل بالاسبوع السادس خلي بالك عليها البنيه تحبك معدها غيرك لتعذبها اصعدلها صالحها
#علي... يووم تحجين صدوك حامل
بسرعه كمت صعدت لغرفتها اووف شكد مشتاق الها اباوعلها نايمه الخشم احمر والعيون حمر يمممه شكد باجيه نزلت دك بوووس لحد مكعدت
#ميران... انت شسوي هنا وخر مااريد اشوفك
ابني اكيد مشتاقلي معقوله امه ممشتاقتلي
لا ممشتاقتلك وخر
لعد ليش هالبجي كوله اذا ممشتاقتلي
مااا وخر منااا انزل وروح يلا ماارجع وياك
ترجعين وغصبا يلا كومي لااشيلج واخذج والله كافي دلع اعتذرت منج وسامحيني واسف وهاي بوسه من راسج وبوسه لخشمج الاحمر وهاي بوسه لخ لخدج وطبعا الشفايف اووف اخذت شفايفها وكطعتهم بوووس وهي ذابت بحضني شلتها ورفعت وجهها يلا نروح
وين
لبيتنا شكو ظالين هنا
ماروح
انجبي لااسحلج يلا بساع لبسي وتعاي لو البسج اني
لا اني حلبس وانزل ..فعلا رجعت لبيتي عاااا وصخ يلعب النفس كاعده انظف وعلي ينظف وياي بس احسه مفرحان بحملي وبدا وحامي يصير قوي وعلي كرهت ريحته وماريده يتقربلي وهالشي سببلنا مشاكل هواي يعني لمدة اسبوعين هو ممتقربلي مااكدر كلما يريد يتقربلي اختنك ويضوج ويعوفني اكوله ترا حامل اني وجان جوابه ايي بيها الخير شسويلج لعد يعني اذا حامل تحرميني من حقوقي ها يعني مااشتاقلج شنو
اسكت وابجي ماعرف شسوي مدااكدر اتقبله شكد ماما حاجته كلتله هاي وحام بس اول كم شهر وبعدين ترجع طبيعيه وهو ضايج وطالعه روحه يعني واحد 20 يوم ممتقرب لمرته حقه ترا بس هم لازم يعذرني انوب رحت للدكتوره كلتلي التهاباتج قويه ولازم تنامين ع ضهرج ومتتحركين وممنوع زوجج يتقربلج هو سمع هالحجي تخببببل يكولي لعد وين اروووح للك....اب هااا ويعيط وابجي ومرات يداريني ويكولي لا يلا اصبر لعد شسوي مره من المرات كلت خل اجرب لبست قميص نوم اسود ومكياج حلو وشسورت شعري هو طب للغرفه تفاجأ وباسني وعافني ياا هذا شبي اجيت نمت يمه تحرشت بي وكككوووه بصعوبه كدرت اسمحله يتقربلي المهم صارت عادي بس هو احسه ممرتاح ويخاف عليه لان حامل بيومها وجعتني بطني حيييل وسبحنا ونمت هذا الحمل صار نقمه عليه صار علي كلما يريد يتقربلي امنعه مااكدر والله مو بأيدي لحد مايوم من الايام اجه بلليل لكاني لابسه ثوب ماروني قصير باوعلي واجه تقربلي بدون مقدمات باسني لفيت ايدي ع رگبته وبادلته البوسه بسرعه شالني حطني عالسرير وماعرف شبي حيل يعصر بجسمي صرت اعيط وممهتم هو مستمر بحركاته كرهته حيل اذاني راد يتقربلي اكثر هنا من الم بطني عطتت حتى هو نسى انو اني حامل متت بطني موتتني رجع نام عليه ويبوس دفعته حيل كل قوتي وابجي من الم بطني بسرعه اجى رفعني وضربني بكف ع وجهي متوجعت من الضربه توجعت منه لان صار مرتين يمد ايده عليه بيومها ظليت ابجي للصبح وهو ممهتم اصلا يعيط انتي متحبيني وصايرا تنفرين مني ومو كل الحوامل مثلج هاي بس انتي مترديني واني اعيط وهو يعيط كلمه مني وكلمه منه كمت لبست ملابسي وكوتله هسه توديني لأهلي هو بالبدايه مقبل يوديني بس اني اصريت وحلفت ماابقى ويا ابد بعد فعلا شغل السياره وطلعت ورحت لأهلي اهلي اخترعو جايتهم بوقت متأخر بلليل ابجي من الم بطني هو شغل سيارته وراح واني صعدت لغرفتي نمت وعفت اهلي محتارين شصاير محجيت ولا كلمه بجيت لحد متعبت ونمت ....

توقعاتكم للقصه شنو حيصير ...تفاعلو حبايب
طبعا شكد احب تعليقاتكم الحلوه تنطيني طاقه ايجابيه وتشجعني عالكتابه اكثر واكثر
تصويت +تعليق 😘😘

#ميران الخفاجي
#miran_it's_jy 🖤