سلما للسماء 🖤

part 14

#ميران...مرت الايام وحالتي من سيئ الى اسوء دائما اتذكر هشام وابجي واكول جان هسه احنا متزوجين ومنا علي اللي شاغل تفكيري شلون اخلص منه مااعرف لان ماكدر ارتبط بعد مابيه حيل هشام اخذ كل گلبي احس بعد مااكدر احب وعلي اعرفه اعرررررفه شكد يحبنييي بس انيي ماااحببببه حاسبته اخوووويه مثله مثل امير
....المهم مرت الايام رحت سويت فحص للقلب طلع الفحوصات كولش موزينه لازم عمليه حددناها يوم الخميس يعني بعد 10 ايام اليوم اول يوم من محرم حلوه اجواء شهر محرم صح حزن بس حلوه ننجمع كولنا كل يوم يم بيت من بيوت عمامي ويطبخون ويوزعون لو هريسه لو زرده لو تمن وقيمه
كمت سبحت ومشطت وبدلت وخليت مرطب لوجهي وشوي مسكارا ومرطب لون لشفايفي ولفيت شالي ونزلت
هااا ماما كملتووو
اي ياامي يلا كملنا
اليوم نروح لبيت جدو ديسوون مجلس عزاء اهم شي ننجمع احب تجمعاتنا .. صعدنا بالسياره توجهنا للكراده وصلنا بسرعه نزلت وتلكني بنات عمامي وولدهم هناك وخبصه الامه العربيه كلها هناك سلمت وبوستهم يمكن الف بوسه وصلت لجدو سلمت عليه بست ايده وطلعت جدو من النوع الصارم ومتسلط صعب حيل وابد مااحس بحنيته بس يظل جدو دااطلع من الغرفه ومااحسيت غير العوبات يجرجرن بيه هاااا شبيييجن ياااراح اوكع سحلني سحل للطابق الفوك وكعدنا بغرفة عمو عصام اصغر واحد بعمامي وصاااك يمه يجنن وعايش يم بيبي وجدو وبعده ممتزوج شوكت يتزوج وارتاح
انتن شببجن ولجن سحلتني سحل
كعدنا بالغرفه وكل وحده تحجي وعااا صارت هوسه شيسكتهن ظلينا نسولف لحد مااندفر الباب علينا واجه مصطفى ابن عمو هااا ولكم انتوو هناا
انت شبيك هيج تدفر الباب خرعتنا يول
المهم ظلينا نسولف ويا مصطفى وانوب اجو الولد كولهم وصارو الف نفر ورا شوي اجه عمو عصام شاف هالتجمع كوله بغرفته يباوع مصدوم ناس كاعده ع جربايته ناس عالكاع ناس ومجموعه عالمكتب مالته واني فاتحه الكنتور مالته وواكفه
#عصام...شسووون هناا
#ميران...عمو حبيبي الحلوو عصومي
#عصام...وخري اوكفي ولكم شمسوين بغرفتي انعل ابوكم رتبوها قبل متنزلون وممنوع تلعبون بشي
#مصطفى...شنو جهال كدامك شنو لتلعبون
#عصام...اي والله جهال لعد شنو وتعاي انتي تعاي ويأشر عليه
#ميران...ها عصومي شبيك شتريد مني
#عصام...ولج شنو عصومي عمج اني يول
#ميران...ها عمري عصومي عصايم  شتريد حبيبي وطفرت شردت
#عصام...انعل يومج عصومي موو
ههههههههههههههههه
نزلنا جوه وبدت التحضيرات للتعزيه
صعدت لغرفة عصومي وعدلت وجهي ونزعت شالي فليت شعري دااعدله وانفتح الباب باوعت هذا شجابه هناا
انت شجابك هناا
#غيث..شنو ميصير اطب لغرفة عمي
#ميران...من اطلع اني عود ادخل وراي يلا بلا زحمه اطلع منا
انتي هيييييي شبيج هااا شنو طاب لبيت الخلفوج وماادري
لبست شالي وداانزل لان الحجي ويا هالنموذج التعبان المنحرف ضايع
محسيت غير انجريت وانلزكت بالحايط الممر البرا غرفة عمو وخررر عنننييي
مااوخر شتردين تسوين مثلا
وخر منا ورب اعيط والمهم عليك وافضحك فضيحه
ههههه عيطي وبديت اتلمس بجسمها اووف شهالجسم العندج انتي
لكك حقيييررر ابتعد عنننني وضربته حيل بين رجليناته ودفعته وكع ونزلت اركض انضربت بمدري منو اباوع والكاا اميررر حضنته وابجي والهثث وهو مصدوم
شبيج ميرو شبييج
اميرر ذاك غييث غيث 😭😭
شسوالجججججج احجججييي
دفعني وراحله موته تموت كل ضربه يضربها لغيث ارتاح من يضربه بس حسيت امير فقددد يربي حيموت الولد طز بي بس امير يتأذه نزلت بسرعه واشوف علي بالمطبخ سحلته سحل وهو مصدووم
شبيج ميرو شكوو
بسرعه اصعد لغرفه عمو عصام امير ديضرب غيث
بسرعه علي صعد ولحگته
لك امممير ليش تضربه شكوو
ولك عللييي اليوم اشرب من دمه مدري شمسوي بميران
علي هو اسم اسمي بالسالفه باوعلي وعيونه تحولت دمم حمر ونزلو عليه ثنينهم دك موتو الولد اني كمت اعيط وذولي جوه ملتهيين بالمجلس وميسمعون بسبب اصوات الدي جي وناس هوسه خبصه ركضت لأمير دفعته وخرته وعلي هم اجيته كااافي خيولي ميستاهل تضربو وتوصخون ايديكم بي
#امير...ولج هذا سوالفه قذره مو اول مره يسويها سحلو سحل وذبو جوه
نزلو ونزلت وراهم بقيت كاعده بالمطبخ انهبطت ورجليه احس بعد ميشيلني اجه علي رفع راسي
شبيج ترجفين ميرو وداعت عيونج الحلوه موتنا تموت ومستحيل بعد يعيدها هذا خنيث وجبان وصارله درس ليش ترجفين عمري سوالج شي احجييي
#ميران..لامسوالي لان دفعته وضربته
#علي...عفيه عليج يروحي يلا كومي نطلع برا وشوي ونروح ماابقيج هنا
كمت واني بين ايدين علي حاضني وكأنه حطير منه احسه يرجف من عصبيته ودمارات وجهه مبينه باوعتله لگيته يباوعلي نزلت دمعه مني ...تدري لو مااضاربته جان هسه اني ...
اشششش لتكملييين والله ادفنه والله ادفنه اللي يمس شعره منج لتبجين كافي يروحي حضنتها حييللل واني گلبي صاير جمرر بسبب هالحقير هذا نفسه دنيئه يتجرأ ع عرضه كافي يروحي لتبجين يلا ضحكي وشوي ونروح
امممم ماشي
طلعنا يمهم برا وجانو مهوسين ومخبوصين يطبخون وميدرن بالملحمه الصارت فوك كعدنا ساعه ساعتين اباوع علي وينه شو مااكو
#علي...نزلت لغرفه جد ميران لكيته كاعد بالمكتبه طبيتله حجي ممكن ادخل
ادخل ابني انت علي؟
اي علي
تعال فوت علي الغالي
حجي محمد عندي موضوع وياك
تفضل ابني احجي
حجي من الاخير وبدون لف ودوران اني اريد حفيدتك ميران ع سنة الله ورسوله واني احبها مو بس احبها اعشق التراب التمشي عليها بس المشكله هي متحبني وتحسني مثل اخوها امير بس اريدها ومااخليها تضيع مني واريدك تساعدني وانت تخطبها الي
ولميران ماالكه احسن منك ومن اخلاقك كلنا احنا ندري بيك تريد ميران وان شاء الله تكون الك خلص اخذها مني
شكرا حجي ربي يطول بعمرك
ادلل ابني ....
#ميران_الخفاجي ...🖤
#meran_it's_jy

# ميران...مرت الايام واجه موعد عمليتي صادف يوم 9محرم وباجر عمليتي سويت فحوصاتي وتقريبا شوي خايفه بس اتمنى اموت خلصت كل عمري مريضه وانواع الادويه اخذتها وادعي من الله اموت اثناء العمليه واروح يم ماما ارتاح يمها اكثر معندي كل امل بالحياة ظليت افكر وافكر وساعه ابجي وساعه اسكت لحد منمت وافكر باجر اخر يوم بحياتي لو ينكتبلي عمر جديد استسلمت للنوم كعدت الصبح سبحت مشطت لبست ونزلت جوه لكيتهم كاعدين يتريكون ومتحظرين يرحون وياي
ها صباح الخيررر
#الكل...صباح النور يحلوه
بابا يلا بنيتي جاهزه؟
اي بابا جاهزه
طلعنا بالسياره ووصلنا للمستشفى
من بعد مااكملنا الاجرائات صارت ساعه 12 الظهر صليت وكملت صادف يوم 10 محرم  توجهت لصاله العمليات واهلي وياي بابا وماما واخواني وعلي وعمتي وناريمان طبعا اجتي وصيتهم لان ماعرف العمليه تنجح او لا

شنو توقعاتكم تنجح عمليه ميران؟

تفاعلكم حبايبي تفاعلكم ضعيف نشرو القصه ممم اكثر شي داانشر بارتات لعيون حبيباتي اللي يعلقون 💜🖤