كانَ عندما يمرض يهذي باسمها
فيعلَمُ الجميع انها عِلتهُ والدواء ،
#ميران... عيني عليه شلون كاعد تعبان ووجهه اصفر الظاهر منايم البارحه ولحيته عاليه وشعره هم متوتر ويهز برجله ويفرك بعيونه يمسح دموعه تذكرت كل الاشياء الحلوه اللي سواها الي من جنت صغيره لحد اليوم ماعرف شلون طلع مني هالكلام رفعت وجهي لعلي ووجهت كلامي للشيخ ... شيخ اريد انطي لزواجنا فرصه بسرعه علي رفع راسه الي وصفن بوجهي واني ابتسمت ونزلت راسي
الشيخ ...صلو عالنبي واله هاهي بيها الخير وان شاء الله تحلون كل مشاكلكم زين مسويتي بنيني وانت ابني اخذ زوجتك لبيتكم وتفاهمو ومبروك ان شاء الله ..
#علي... كاعد ع اعصابي ومعصور گلبي داادعي بداخلي ربي ياخذ روحي ولاانطق كلمة انتي طالق نزلت دمعتي ومسحتها احس نفسي دايخ وتعبان ومتوتر صعب هالموقف حيل لما تحس حتخسر البنت اللي قضيت كل حياتك وانت تتمناها الشيخ سأل ميرو واني غمضت عيوني حيل وماريد اسمع ولااشوف ولااريد اعرف شنو حتكول بس فاجئتني واحس جنت صايم وفطرت لما سمعت جوابها اووووف طبعا صفنت بوجها رسمتلي ابتسامه تجنن ونزلت راسها وممصدك الشيخ باركلي وامير واثير مبتسمين كمت سحبتها من ايدها وفقدت عفتهم وطلعت بيها بسيارتي وهي صافنه
#ميران... متوقعت هيج حتكون ردة فعل علي نسى نفسه وين احنا شكد عيب سحبني من ايدي وطلعنا بالسياره وورانا امير واثير يضحكون صعدنا السياره جانت الساعه 12 الظهر وموت برد شهر 11 الطريق كوله يسوق ولازم ايدي ميعوفها وكفنا بمكان عالشارع العام وطفى السياره ووجهه صار اصفررر بلون الليمونه كولش خفت عليه يربي شبيك علللي شوو باوعني قربته عليه صار راسه ع كتفي لكيت بطل مي غسلتله شربته مي شوي وغمض عيونه واني متت خوف يربي شبي شديصير بي كمت اعيط وابجي وماعرف احنا وين هسه بيا منطقه مشينا هواي اوووف اضرب بوجهه ماكو ميصحه متت خوف ياالهييي اتصلت بأمير وصفتله المكان اللي احنا بي وكوتله السياره موكفيها عالشارع العام گلي قفلي السياره ولتنزلين وفعلا قفلت السياره وصدوك ورا ربع ساعه علي مصحه واجوي امير واثير اثير رجع بسيارة علي للبيت واني امير اخذنا علي للمستشفى طلع ضغطه هابط كولش المهم ورا شوي صار زين اول مفتح عيونه بسرعه فزز ويصيح وين ميرو ويننن بسرعه اجيت كعدت يمه لزمت ايده وابتسملي ونام ورا ساعه رجعنا للبيت طببنا كبل لغرفته ونام وماما فرحانه وتهلهل لان رجعتله كولهم فرحانين بس اني مدري شبيه استحي ابقى يمه لان بقيت يم اهلي فتره طويله تعودت وحدي رجعت استحي منه تغدينا وكملنا ل 4 كعد علي شوي وجهه احسن صار عالمغذي ماما صبتله غده وتبوس بي وتوكله ويباوعلي ويبتسم ويكول لأمه لعد شو ذيج البنيه مباستني هههه رجع علي الميستحي عفتهم وصعدت لغرفتي سبحت وبدلت وكلت خل انام شوي لان نعست نمت كعدت لكيت علي غافي يمي لازم ايدي ونايم راسه صاير عالسرير وجسمه عالكاع بسرعه كمت غطيته لان بارده حيل اباوعله وجهه تعبان حيل شفايفه مقشرات ذبلانات جوا عيونه سواد لحيته عاليه وشعره ممرتب بس حلو يجنن جان عنده كرش صغير هسه ماكو رايح معقوله ع فراگي هيج صاير بي اممم
#علي... فرحان حيل وماكو كلام يوصف احساسي برجوع زوجتي وحبيبتي وعمري رجعت تنور حياتي بوجودها صعدت لغرفتها لكيتها نايمه وغرفتها تجنن دافيه وفاتحه ضوه قليل تخليك غصب تنعس وتنام اباوعلها شلون نايمه تجنن لزمت ايدها ابوس بيها ونمت يمها فزيت ع حركه يمي وغطتني سويت نفسي نايم وهي قريبه مني حيل
اممم شنو حتظلين تباوعيلي هيج
عزاا انت كاعد
ههه اي
ماشي كمل نومتك واني حنزل
وين تنزلين تعاي لسه متفاهمنا
ع شنو نتفاهم
تعاي هسه
وين اجي
تعاي هنا واني أشرلها ع حضني
هو كاعد ويأشرلي اجي بحضنه وبعيونه لمعه دموع دتنزل اتذكرت نفسي بأخر ايام شكد اشتاقيتله وتمنيت حضنه بسرعه شمرت نفسي بحضنه وحضنته حيل وهو حضني حيل اشم بريحته احس نفسي دخت ورحت بغير عالم شكد مشتاقه لوجوده بحياتي احبه ومااكدر ع فراكه اعشقه وهو حاضني بقوه ويشم شعري رفع راسي والتقت نظراتنا جانت عيونه تبجي وعيوني مدمعه بس شفته يبجي صرت ابجي ويا علت صرخاتنا وبجينا هواي مثل اي ثنين متفاركين ويحبون بعض ورجعو التقو يبجي ويبوس بيه واني ابجي واضرب بأيدي ع صدره شلون كدرت كل هالفتره متسأل عني هااا 3 اشهر لا يوم ولايومين معقوله حضني مغزر بيك
اسف حبيبي اسف سامحيني وابجي سامحيني ع كلشي سببته الج ع كل دمعه سامحيني لان بجيتج ومديت ايدي عليج وموكفت وياج من خسرتي ابننا سامحيني لج والله فراكج صعب لج هالفتره ممرتاح ابد رحت لساحة التحرير وادعي ربي اموت تجي الدخانيه واوكف كدامها ومامتت بس احتركت ومن بقيتي مصره عالطلاق جنت اموت الف موته باليوم يومين اني منايم ولاساعه وخلصت الليل بطوله بحضرة الامام الكاظم(عليه السلام) وادعي يتغير قرارج ومن گلتي ننطي زواجنا فرصه احس متت ورجعت للحياة تعوفيني بعد هااا والله اسجنج اقتتلج خلاااص ومااخليج تعوفيني متعوفيني بعد ابد موو
لا ابد مااعوفك ابد حبيبي اسفه سامحني
انتي سامحيني يروحي احبج يعمري
مسامحتك حبيبي
نمت بحضنه وهو يلعب بشعري ويباوع بعيوني وممصدك اني بحضنه يتلمس بوجهي ويصفن ومرات يبجي ومرات يسكت ومرات يبتسم ماعرف بشنو ديفكر بس دموعه وصفناته بوجهي تشرح كل اللي مر بي الحمدلله رجعلي عقلي وماخذت القرار الخطأ الحمدلله مخسرت الانسان اللي يحبني الحمدلله ابتسمتله وبسته من خده حيل امم صايره لحيتك تضوج عاليه
اي هسه شوي واروح احلق
اوك ...علي
عيونه
تحبني؟
لا ماحبج
وخرر زعلت وخر
هههه تعاي لج اعشقج مو بس احبج يعافيتي وروحي انتي
اممم احبك عمري انت
اكولج شوكت نرجع لبيتنا
مدري ليش شكو مستعجل ع شنو
لعد شعدنا باقين هنا نرجع لبيتنا احسن
اليوم خلينا هنا بعدين نرجع واكيد وصخ مبيه حيل انظفه
اني اساعدج بكلشي
ماشي بس اليوم نبقى هنا وبعدين نرجع
اوك بس وين ننام بغرفتج لو بغرفتي
نعممم شنوو حبيبي هههه كل واحد ينام بغرفته
لاااااباللله خاف متقبلين ونبببي هاي حلفت باعي ب12 اجي لغرفتج اذا الكاها مقفوله اكسر الباب واطب افضحج فضيحه
ههههههههههههههااااي
ولج فضحتينا هي هاي ضحكه دبسز
ههههههه الا اقفل الباب لعد
دقفليها وشوفي شسوي
شتسوي يعني
قفليها والله كريم
هههههه يلا روح مو تريد تحلق
ايبااه تطرديني
هههه لا حتى تجيبلي وياك جبس وبيبسي
ادللي يروحي يلا حروح
ماشي حبيبي
.......
تعليقاتكم حبايب 🤭😍
اكيد كولكم فرحتو من قريتو البارت 🤭😹
ممممح ميران الخفاجي 🖤
أنت تقرأ
سلما للسماء 🖤
عاطفيةقصه عراقيه جريئه 🔞🔞🔞 باللهجه العراقيه عن فتاة تعاني مرض نفسي تجبر ع الزواج من شخص لاترغب به وتبدأ رحلتها مع العذاب ....
