سلما للسماء 🖤

part 38

: أكثر وحدة قوية وأكثر وحدة حساسة !

#ميران... مرت الايام وعلاقتي بعلي كولش حلوه كلها حب وغزل واشتياق بس صار يغار هواي وصار يسوي مشاكل من اروح للدوام احيانا يداوم وياي ويظل يحجي عالشباب رغم اني معندي علاقه بيهم حتى سلام مااسلم عليهم مدري شبي حيل ديغار واني تعبت احسه يشك مو بس غيره بدأت تصير مشاكل بيناتنا ونتعارك هواي ويعلا صوتنا ع اتفه الاسباب نتزاعل ومنحجي مع بعض هالشي تعبني وقلقني علي متغير مجان يزعلني هسه صارت عنده عاديه الشغله يزعلني ويعلي صوته عليه وبعدين يجي يراضيني
وييينج ميراااان قميصي السمائي ليش مكاويته
جيبه هسه اكوي
وين الحك بعد لخاطر الله شبيج ليش مكويتي مو تدرين معزوم ع حنة صديقي شلبسس
علي شبييييك شنو معندك غير هذا القميص البس غير واحد كولهم نظاف ومكويين يعني بس انت تريد تسوي مشكله من لا شيئ تعودت عالمشاكل وطگت روحي من علي ميمر اسبوع اذا منتعارك حياتنا صارت عباره عن مشاكل واسباب تافهه يدير وجهه عني وميحجي وياي واصالحه ومن ازعل عليه هم يجي يصالحني بس شنو الفائده هم نرجع نتعارك بدا الملل يدخل لحياتي صرت مشغوله بتنظيف البيت والطبخ والدوام والدراسه ومتطلبات علي تعبت من هاي حياتي احس نفسي شلت مسؤوليه وحمل فوق طاقتي بيوم رحت للدوام عندي امتحان مجاوبت زين لان مكدرت اقرا زين وعلي مكدر يجيني عنده شغل طلعت وحدي ورحت للبيت اللي عباره عن فوضى اماعين ريوك علي ملحكت اغسلهم واروح للدوام الغساله بيها ملابس والبيت حالته حاله بديت اشتغل ايد هنا وايد هنا صرت انظف منا ومنا لحد مهلكت متت تعب طبيت للحمام سبحت وطلعت خابرته يجيب ويا غده لان مبيه حيل وملحگت اطبخ
اتأخر للعصر يلا اجي عود اجيب عشى وياي ماشي
اوك بيومها علي اتأخر حيل هو يشتغل احنا عائلتنا عدهم اسواق كبيره يعني مجمع وبي اقسام للمواد الغذائيه والملابس واجهزه منزليه واثاث ومن هالاشياء واللي لازمين الشغل امير وعلي وولد عمامي كل واحد منهم يملك قسم خاص بي وعلي مسؤول عن قسم المواد الغذائيه المهم بهذا اليوم تأخر حيل يمكن صاير ميعجبه يجي للبيت كمت حضرت العشه وخابرته الو علي لتجيب عشه سويت
ماشي ..ميران
نعم
مشتاقلج
شعجب مشتاقلي
ليش شعجب
اكول لتظل تحجي هواي ماريد نتعارك يلا اريد اروح مشغوله باي سديته قبل ليحجي قال مشتاقلي قال هو انت صاير بس تتعارك وياي منين تشتاقلي بعد والله يربي ثحضرت العشه وعفته بالفرن وانوب نظفت جسمي بمكينه براون جان اكو شعر ناعم كولش المهم كملت طبيت للحمام سبحت ومعطرات جسم ومعطر خاص للشعر طلعت شسورت شعري ولبست هذا 👇👇