سلما للسماء 🖤

part 42

لگيتَج من بعَد دعوه شكبرها .. وضيعيتج

#ميران... درت وجهي وشفت علي كدامي مدري شنو راد يحجي عفته ورحت بسرعه صار كدامي وسحبني اله
انت شتسوي هااا وخر عني لتلزمني وخرر
بس اريد احجي وياج سمعيني
مااحجي وياك كل حجي وياك معندي وخر عنني فهمتت وخررر
سحلتها سحل للطرمه فارغه مبيها احد وهي تعيط اسكتتتي بس اريد احجي وياج اكعدي
مااكعد يلا بسرعه احجي مفارغتلك
شوكت ترجعين لبيتج
هذا يابيت دتحجي عنه
بيتج بيتنا اني وياج
معندي بيت وياك ولتظل تحلم اوك واعتقد طلبت الطلاق منك بيك خير طلگني فهمتتت
شو صايرا متعرفين تحجين شنو بيك خير
اكولك لتظل تحجي حجي ماله معنى رجعه الك ماارجع وماكو بيناتنا غير المحاكم
لج انتي شدااتحجين هااا تخبلتييي ترديني اطلكج
طبعا ع عياطنا الكل طلعو
اي تطلكني لان بسببك خسرت ابننني لك ابني خسرته ومكلفت نفسك تتصل وتسأل ع شنو ارجعلك هاااا ع شنوو مو تشك بيه مو حابسني بالبيت وتقفله عليه ومتخليني اطلع للطرمه انت شنو متحس ع نفسككك هاااا من شنو مخلوق ومعجون من انانيه اهم شي نفسك شوف علي اسمعني وافهمني كولش زين كلامي مراح اعيده ابدااا رجعه الكككك ماارجع جان ابننا هو الامل اللي يخليني ارجعلك لان مستحيل اربي بدون اب بس خسرررتتته وبسبببكككك حالتي النفسيه تدمرت ايام وليالي اني ماانام وانت لاتسأل ولااحتى رساله منك ع شنو ارجعلللك لخاطر الله زواجنا غلط من البدايه غصبتني عليك وكرهتك بس بعدين حبيتك وخليتك بگلبي وع راسي وانت بشنو جازيتني هااا حبستني وتشك بيه وتتعارك ومديت ايدك عليه مرتين واني حامل ضربتني وماهتميت لوجع بطني وعفتني باتعس ايام حياتي شنو الاستفاديته من هالزواج هااااا مو حلفتلي تحبنييي احجييي مو حلفت كدام الكل انك تعوضني ومتغدر بيه مو ظليت تبجي لما سويت عمليتي هاا  طلع كل كلامك كذبب انت اكبر كذاااب وهسه عوووفني واطلع منا ماريد اشوفك ولااسمع صوتك ومااريد المح وجهك وطلكني لان مااطيييقك واااكره الكااااع التمشي عليييها لك كلما اشوفك اتذكر الم بطني والنزف اللي نزفته وانت متدري عني وتسمي نفسك رجال لك انت موووو كفوووو اطلع منااا اطللللللللع اطلعععع منا مااريد اشوف وجهههههك ظليت ابجي واعيط واصرخ وفجأه اسودت الدنيا بعيني وكعت وبعد محسيت ع شي
#علي... ميران تحجي وگلبي يتكطع من كلامها ياااربي اني شكد حقير كل هذا مسوي بيها واني ماادري عضعضت اصابعي ندم بس شيفيد حطمت گلبي وكسرته لقطع صغاااار لما كالت (مو انت اللي حلفت كدام الكل انك تعوضني وتحبني) ظلت تعيط وتصرخ وتبجي واني ابجي وفجأه سكتت ووكعت بسرعه ردت اشيلها اجه امير دفعني حيل واخذها لسيارته وراحو هو واثير لحكتهم بالسياره وهناك انخبصو الدكاتره بيها ورا شوي طلع الدكتور وكال صايرلها انهيار عصبي قوي تخبلت يعني بنيه بعدها بعمر 20 تزوجت غصب عنها وخسرت ابنها من غير الامراض العدها وهسه صار بيها انهيار عصبي لك اني شسوييييت هااااا شسووييييت ظليت ابجي واعيط بعلو صوتي اجه امير وسمعني كلمتين اختار اموت ولاسامعهن گالي ( هذا عقابك من ربك وتطلكها وغصبا ع راسك)  عفتهم وطلعت من بعد مااطمنت عنها رجعت للبيت كالعاده طلعت قطعه من ملابسها فرشته يمي وحضنته وابجي للصبح حتى منمت بس مااكدر اطلگها والله ماكدر هاي روحي من الدنيا اووف كوله من ايدي اني اللي خسرتها ...مرت الايام وميرو صارت زينه بس ماما تكول كلامها قليل حيل ومتطلع من غرفتها خفت عليها اكثر بس مطمئن حتى اذا اني مموجود يمها امير يمها ويخاف عليها وبعدها مصره عالطلاك متريدني ومتريد ترجعليشكد حاولت اشوفها واحجي وياها ابد متقبل دائما اوكف بالشارع واباوع ع شباك غرفتها واشوف الضوه مفتوح لوقت متأخر كولش يعني تسهر ومتنام قلقان عليها هواي شكد اتصلت عليها لحد محظرتني من كل البرامج وحظرت رقمي واني سكنت ساحة التحرير كلما يرمونه بغازيه اجي واوكف كدامها صرت اتمنى الموت فعلا اللي مصبرني ع فراگها ارجع للبيت اشم ملابسها واحضنهم وانام وصورها الماليات موبايلي اتمشى بالبيت واتذكرها بكل خطوه وبكل زاويه هنا حضنتها هنا زعلتها هنا تعاركنا هنا بجيتها هنا بستها هنا دفعتها وضربتها هنا طبختلي هنا وكلتني هنا حضنتني اووووف شكد ذكريات متطلع من بالي ابد
من طلبت الطلاك مني لليوم اني متخبل مامر يوم مبجيت قبل نومي اني الرجال صرت ابجي ع فراكها ضيعتها من ايدي مصدگت بحبها اشك بيها حطتني بكلبها وع راسها وجانت ممقصره وياي صحيح تجيها فترات تهملني وتهمل البيت بس بسبب حالتها النفسيه وشكد هملتها اني وهي محجت ولاعتبتني ولا طلبت مني اهتملها معقوله اني اللي استقتلت ع مودها هيج سويت بيها مديت ايدي عليها ومهتميت لا الها ولا اللي ببطنها شكد جانت تتألم وتتوجع ومجنت اهتم اووووف شيفيد الندم بعد شيفيد بعد متريدني ومتريد شوفتي وقررت خلص اطلگها بس فتره وارجعها لان مستحيل اضيعها من ايدي مستحيل بس فكره الطلاك شلت عقلي شل شلون اطلكها واني مااكدر ع فراكها والله ماكدررر اووووف رببببيييي ساااعدني ...
صديقي بساحة التحرير خابرني كلي تعال وصدوك رحتله وبهالفتره القتل صار بفلسين الجو بدا يبرد نهاية شهر العاشر والمتظاهرين قسم منهم يبجون وقسم يركصون ويغنون وقسم يعيطون ويركضون يعني منظر متشوفو غير بس بالافلام وكل شوي مستشهد شخص واعتقالات ودخانيات جنت اتقرب للموت بس الموت مديجيني الدخانيه توكع يمي والله بس متوكع بيه شكد اتمنيت استشهد ولاافترق عن حبيبة گلبي شكد اتمنيت تجيني منها رساله او اتصال تدري بيه بساحة التحرير كلت بلكي تخاف عليه بس الظاهر اني جرحتها جرح كبير لدرجه صارت متهتملي اذا متت او انجرحت او صارلي حادث كاعد واافكر وعلت الاصوات والشباب يتراكضون اباوع لكيت نفسي كاعد بنص النار واكو خيم ورايه دتحترك اني كلت خلص هذا يومي حموت
النار مشتعله بكل مكان واكو شباب يردون يطلعوني ميكدرون ليتأذون اريد اطلع مااكدر النار محاوطتني من كل مكان واختنكت وجانت اكو قنينة غاز قريبه عليه دخت اريد اطلع حتى لو احترك بس اريد اطلع وانفجرت القنينه بوجهي وايدي ووكعت بعد ماادري بنفسي
...