سلما للسماء 🖤

part 35

شــديت حيلي وكابـــرت رغم اني حّــيـل بنيه🤍

#علي... كعدت الصبح الجو بارد ومطر خفيف كمت تريكت وافتر وحدي بالبيت هاي الساعات الاخيره الي لوحدي وبعدها تجي يمي حبيبة گلبي صحيح حيجيني بس جسمها روحها وگلبها بمكان ثاني مجرد جسد حتفتر بالبيت وتصير هي ام البيت تحسرت حسره طويله باوعت لوجهي بالمرايه هذا مو وجه عريس صحيح فرحان بس اكو غصه ومتروح هالغصه الا تحبني وتجيني بكامل ارادتها بس اعرفها عنيده ومراح تجيني ابدا والدليل بارحه اتصلت عليها اكثر من مره ترفض رغم اعرف بيها كاعده واعرف بشنو دتفكر واعرف منو ديخطر ع بالها تنهدت واني بالحمام وجوه الدوش والمي ينزل ع راسي وجسمي اتمنى ارتاح وهمي ينزل مثل نزول المي بس احس همي حيزيد اكثر واكثر اني الجبتها لنفسي اختاريتها من بين كل البنات واستقتلت عليها ودگيت رجل لو هي لو مااتزوج طول عمري وياريت تحس بحبي الها بس هم اعذرها لان موغصب مثل مااني مكدرت اطلعها من راسي وكلبي هي متكدر تفتح باب گلبها الي ومراح تحبني ماعرف شگد ظليت بالحمام التفكير اخذ عقلي وكل هذا بكفه ومن اشوفها ببدلتها البيضه وجمالها بكفه شلون حسيطر ع نفسي وهي حلالي شلووون احس رميت نفسي بدوامه ومراح اكدر اطلع منها عندي ايمان بربي يحنن كلبها عليه بيوم من الايام حطيت راسي عالمخده واستسلمت للنوم من بعد مااتعبت من التفكير كعدت الساعه 3 عندي موعد يم الكوافير اخذت ملابسي ورحت بالطريق تلگوني اثير وولد عم ميرو امير مجاي لان اخو العروس وصلنا للكوافير كعدت وبدا الولد غسل شعري ورتبه وشسوره بشكل مرتب وحلو والولد يهلهلون ويركصون گلبو المكان لحفله مو محل للحلاقه واني ساعه اضحك وياهم وساعه تغيب الضحكه عني من اتخيل ميران هسه دتبجي اكيد كملت كمت لبسوني القاط والساعه وتعطرت وكلشي خلص وبهذا الوقت اجه عصام عم ميران مزروق سيارته سيارته سوده وعاليه حلوه صعد واني صعدت بالصدر وورانا الولد اجوي بسياراتهم افترينا بالمنطقه تقريبا ساعه واني احسب دقيقه دقيقه حتى اوصل لحبيبة گلبي بديت اتوتر واخاف من ردة فعلها خاف تفشلني كدام الناس وتتراجع وتبطل لو تنتحر لو تشرد لو تطلب الطلاق احس راسي حينفجررررر من التفكير والخوف وصلنا للبيت نزلت من السياره وطبيت للبيت بدت الهلاهل واغاني وركص من النسوان تلگتني ماما وبوستني وبست راسها وايدها هه ضحكت ع نفسي من دخلت للصاله وملگيت ميرو عروستي يمكن اني اول عريس يوصل لبيت العروسه وميلگه عروسته تستقبله ظليت اباوع واسأل وينها گالولي قبل شوي جتي من الصالون وتعبانه ودترتب مكياجها لان بجت سكتت وكعدت بمكاني تفشلت ادري هالشي كذب لتعدل مكياجها ولاشي بس هي تقصدت هيج تسوي تفشلني اثير واكف ع جهه ومعصب باوعتله ونزلت راسي ايييي يميرااان هاي من اولها هيييج اوووف شحيتحمل گلبي منج وهنا گالو نزلت العروس رفعت راسي وبدون وعي مني رجليه شالني من مكاني ورحتلها صعدتلها للدرج اباوعلها البدله تموت عليها طالعه ملاك ونازل من السما شمسويه بحالها يربي تموت تجنن منزله راسها ولازمه الورد (بوك ورد 😹) وقران صغير وعيونها مدمعه بس طالعه تجنن يايابه حتجلطني بجمالها هالبنيه موتتني ممصدك صارت الي وبعد دقائق اخذها لبيتي اوووف لزمت ايدها ونزلتها وكعدنا عالكوشه والبنات يركصون وماما تركص واني صافن ع ملاكي وروحي كاعده يمي واخيرا ياربي بعد صبر صارت الي واخيرررا تحقق حلمي وصارت الي ..
#ميران... كمت بخطوات متثاقله اباوع لنفسي بالمرايه طالعه حلوه كل هذا الجمال يخفي اللي بداخلي من حزن وانكسار غمضت عيوني ونزلت دمعتي وفجأه اجه ببالي تذكرت وجهه الحلو وصوته الرجولي ولمساته وهمساته من يگولي مستحيل اخلي احد غيري يلمسج انتي الي وبس وتذكرت خيانته الي اوووف لييش دااتذكره بعد كل شي سوا الي لسه دااتذكره ليشش لييش بجيت واحس اختنكت شهكت وكعدت بالكاع وابجي ااخخ ياكلبي صععببب لما شخص يتزوج اللي ميحبه مستحيل مااكدر احب علي مستحيييل فجأة انفتحت باب غرفتي ودخلت نريمان وتخبلت لما شافتني ابجي وكالت شوي ويوصل علي
بدا جسمي يرجف وبديت اتوتر مسحت دموعي ونريمان رتبت مكياجي وبقيت كاعده اقرا قران بلكي هالتوتر والافكار السيئه تروح من دماغي ظليت اقرا قران بالتحديد سورة النور العروس لازم تقراها بالعرس ورا شوي سمعت صوت الهلاهل والاغاني يعني علي اجه كملت قرايه القران حسيت ارتاحيت شوي كمت اخذت الماسكه وقران صغير بأيدي واجتي ماما تنزلني بديت انزل من الدرج ومنزله راسي وانوب اجه علي لزم ايدي ونزلني كعدنا عالكوشه لازم ايدي ورفعها لحلكه وباسها وكومني وكفنا باسني براسي وبخدي وجوه شفايفي شكد ميستحي ومنحرف خزرته ودفعت ايده وهو يضحك شكد ميستحي كدام الناس ويبوسني دخل ايده لجيبه طلع علبه فتحها طلع سلسه ذهب طويله تقرب عليه ولبسنياها وهمس يم اذني احبج وابتعد ووحده من البنات شغلت اغنيه هادئه حتى نرگص عليها اني ويا لزم ايدي ديكومني ونركص بسرعه سحبته وكوتله (بعصبيه) مااركص كافي شهالمهزله كعدت وهو كعد شوي وكالو يلا علمود نزفكم كمت لبسوني برداء ابيض لفيت نفسي بي وهو يغطي بوجهي وايديناتي وخلا ايده من ورا ع ظهري ولازمني بالايد الثانيه هنا متحملت رجعت ابجي طلعنا وصعدني بالسياره وجانت بدلتي حيل جبيره يعني طويله من ورا كوولش طويله من كعدت بالسياره احس اختنكت ومتت حر شكد جان الجو بارد ومطر بس اختنكت واحتريت ظليت كاعده شوي اجه بابا باسني ويبجي وامير هم واثير سلمو عليه ويبجون صعد علي وطلعنا وورانا الولد بسياراتهم وصلنا للاستوديو نزلنا دخلنا جوا اجوي وياي ماما وسهى ونريمان رتبت وجهي لان تخربط شوي من بجيت واجتي المصوره اخذتلنا كم صوره وراحت رجعو لبسوني واباوع لعلي مبتسم وفرحان صعدني بالسياره ورا شوي وصلنا للبيت طبعا رادو نحجز بفندق بس رفضت ميحتاج ومستحيل اسمح لعلي ننام بغرفه وحده نزلني وطبينا للبيت اجوي ذبحو ذبيحه جوه رجليناتي وراحو بقينا بالبيت وحدنا اني وعلي اجه علي تقرب عليه ونزع سترته واني اراقبه تقرب عليه راد يبوسني بعدت وجهي عنه كعد عالسرير ومنزل راسه وصافن اني سكتت كعدت كدام المرايه وبديت انزع الطرحه وهو صافن يباوعلي فتحت بدلتي جانت مجرد خيط من ورا افتحه وبس يعني مااحتاج مساعدة علي فتحته وبسرعه جريت منشفه لفيتها ع ظهري ودخلت للحمام وكل هذا وعلي ساكت طبيت سبحت وطلعت ولافه المنشفه ع جسمي طلعت ملابسي لبستهم ختلت ورا المرايه ولبستهم ملابس داخليه وبرموده وشيرت من انام هيج البس حتى لو الجو بارد شغلت الصوبه مشطت شعري وانوب رحت توضيت ولبست رداء الصلاه
شنو منصلي؟
اي يلا بس انتظريني لحظه
#علي... طبينا للبيت ردت ابوسها دارت وجهها عني ضجت حيل وكعدت اباوعلها شلون تفتر بالبيت نزعت الطرحه وطلع ظهرها والجسم يموت شلون شيصبرني اني شيصبرني حموت والله طبت للحمام واخذت منشفه وياها ورا شوي طلعت ولافه المنشفه ع جسمها تسوي اغرائات ومتقبل اتقربلها احس نفسي احتريت واشتعلت نار وكفت ورا المرايه بدلت وجففت شعرها واني اباوعلها بس اريد اهجم عليها اوووف راحت للمغسله ورجعت ولبست رداء الصلاه وكلتلي يلا نصلي رحت سبحت عالسريع ولبست تراك وفرشنا السجاده وكفت ورايه وصلينا وكملنا
ميرو
ها
تتعشين
لا مااشتهي اريد نت ضايجه
اي معدنا شبكه نسيت هسه افعلج عالخط
اوك شكرا نمت عالسرير وكعدت اتصفح بفوني اجه علي كعد يمي
علي ياريت كل واحد ينام بغرفه او انت نام عالسرير واني جوا
لالا انتي نامي عالسرير واني جوا انام عالكاع براحتج نامي
#علي... وهاااي ليلة العمر اللي احلم بيها هي نامت عالسرير واني فرشت جوا عالكاع ونمت ....ومنا بدت معاناتي ويا ميران
#ميران...تغطيت وغمضت عيوني وعلي يتكلب بمكانه استخطيته بس مكدرت اكوله يجي ينام بالفراش عفته ونمت
#علي...فزيت نص الليل بردان رحت عليت التدفئه باوعتلها لكيتها نايمه بشكل حلو نمت بصفها شميت شعرها بستها من رگبتها اللي تموت صعدت لشفايفها بوستهم بوسات خفيفه اخاف تكعد شميتها وبست ايدها وغطيتها ورجعت نمت بمكاني ...

بقلم الكاتبه ** ميران الخفاجي 🖤
#miran_it's _jy 🖤
تعليق + لايك حبايبي 😘😘