سلما للسماء 🖤

part 32

• طفلةة وعنيدة من اٌلزغر مثل الورد ربيتهـاُ

مشتاقتلكم حبايببببب امممح صوتو واريد تفاعل نااار 😘😘

#ميران... كاعده بغرفتي وباجر اول امتحان الي ودااقرا فجأه سمعت صوت اغاني برا فتحت شباك غرفتي بهدوء واشوف علي كاعد عالمرجوحه ومنزل راسه وديسمع لأغنيه (مروان خوري -كل القصايد) احب هالاغنيه فبقيت استمع ويا وفجأه رفع راسه واجتي عيني بعينه اشرلي نزلي لبست ترواكه ونزلت حضرت كوبين نسكافيه ورحتله انطيته كوب وكوب الي وكعدنا نشرب
#علي... مشتاق لميرو ابد متنزل ومتشوفني واني مااكدر اضغط عليها كافي عليها ضغط الامتحانات والزواج ومنا مريضه عفتها براحتها بس مشتاقلها حيل ومره من المرات كعدت بالحديقه وحاط يمي الموبايل ورافع الصوت واسمع اغاني رفعت راسي للسما واشوف ميرو تباوعلي من شباك غرفتها وفاتحته اشرتلها نزلي اووف مصدكت من شفتها شكد مشتاقلها وولهان عليها كاعدين بنفس البيت وحارمتني منها ورا شوي نزلت انطتني كوب نسكافيه وكعدت يمي ومحجت ولا كلمه ..ممم طيب عاشت ايدج
بالعافيه
شلونج
خايفه باجر اول امتحان الي
قريتي زين ؟
اي بس بعدني خايفه
لتخافي تنجحين وتطلعين الاولى مثل كل مره
ماعرف بعد
ميرو
ها
مستعده ؟
لشنو
لزواجنا ورا امتحاناتج
لا ممستعده
شوكت تستعدين
مراح استعد بعمري كوله لان لحد هسه ممتقبله فكرة زواجي
لو شخص ثاني تتزوجي؟
ماعرف ...زين انت ليش لسه متمسك بيه يعني مجرد دتنفذ وصية ماما الله يرحمها بس انت مراح تنسعد وياي
تعاي اشش سكتي منو كلج اني دااتزوجج لمجرد تنفيذ وصية امج لا عيناي لاا غلطانه
لعد شنو السبب الخلاك لسه تظل وياي رغم صدي ورغم نفوري منك شنو اللي حصلته مني حتى هيج تحبني وتتمسك بيه
محصلت شي ومااريد منج شي كوتلج من قبل وحرجع اكولها احبج ومااتخلا عنج لو مهما صار لو شسوين بيه اظل احبج
بس اني مراح اتقبلك
نخليها ع الله
يعني مصر انك تتزوجني
اي طبعا
بس اني ماريد ليش تغصبني علي خل نفسخ
امشي نامي ميران امشي لااحرك عشيرتج شكد مشتاقلج جنت امشييي كومي منا وولي لغرفتج انعل يومج طينتي عيشتي كووومي روحي درت وجهي عنها وهي كامت بقت واكفه وشوي واحسها راحت اااخخخ ياكلبي مامنك غير الاذيه لشوكت بس اريد اعرف هذا العذاب اله نهايه لو لااا اااخخخ ياااميييي ااااخ كلبي والله تعبت والله بعد 20 يوم زواجنا وتكولي نفسخ الخطوبه حرت شسوي وياها حرتت هاي من هسه هيج ورا الزواج شلون شلووووون راسي انسطر من البرد والقهر والتفكير والتعب ظليت كاعد للصبح وراها محسيت ع شي غير واني بغرفتي وكولهم واكفين ع راسي احسه راسي ثكيل ومااكدر اكعد ومااكدر افتح عيوني بس اسمع صوت ماما
#ماما...حبيبي نام انت مصخن سويتلك كمادات وهسه تصير زين ياامي عاقل مخبل تظل للصبح برا بهالبرد لييش ياامي
..اسمعها تحجي ومبيه حيل اجاوب رجعن نمت ماعرف شكد مر وقت كعدت احس لمسات احد يتلمس وجهي هاللمسات اعرفهن اعرفهن فتحت عيوني وو...
#ميران... كعدت الصبح غسلت وبدلت ونزلت دااطلع للجامعه تفاجئت علي بعده نايم عالمرجوحه يعني الليل كوله هو هنا اجيت اكعده ميكعد بس يون بصوت ركضت جوه گلت لبابا وماما واثير اجوي اخذو طببو بغرفته حرارته جانت مرتفعه عفتهم يسووله كمادات وطلعت امير وصلني للجامعه نزلت دورت اسمي بالقاعات لكيته كعدت وزعولنا الدفاتر والاسئله امتحنت وطلعت نزلت للنادي اكلت كيكه وعصير وطلعنا مجموعه بنات اخذنا تكسي وطلعنا كلمن نزلت ببيتها وانوب نزلت اني وبالي يم علي خرب كله بسببي الولد اتمرض عزا بعينج ميران حتموتين الولد شلون بيج ظليت احجي ويا نفسي طبيت للبيت ساعه 12:30 ماما دتصلي وسهى دتطبخ سلمت عليهم وسـالتهم ع علي كالو نايم صعدت لغرفتي سبحت وبدلت ومشطت وجففت شعري وصليت وتعطرت ونزلت لان جوعانه كلت اتغده وارجع اقرا لكيت بابا واثير وامير وكلهم يحجون ع علي لان متمرض واحس ديحجون عليه لان بسببي تمرض كتلهم اروح اكعده يتغده ويانا فتحت الباب وطبيت الغرفه دافيه حيل واني لابسه تيشيرت ربع ردن وترواكه متت حر نزعت الترواكه وكعدت يمه تلمست وجها زين حرارته طبيعيه ويمه كاسة شوربه مماكلها ظليت اباوعلها علي ملامحه حلوه اسمراني فاتح ولحيته وشعره الكفشه وحواجبه طوال وخشمه طويل وكانه اول مره دااشوفه حاولت اكعده واحجي بصوت هادئ علي اكعد وتعال اتغده فتح عيونه باوعلي وابتسم رفع ايده لزم وجهي
#علي... فتحت عيوني واباوعلها لابسه ربع ردن شنو مبردانه ؟
لا غرفتك دافيه
شلونج بالامتحان
زينه
شوكت اجيتي منو جابج
قبل ساعه اني ومجموعه بنات اجرنا تكسي
تعاي كعديني
اوك.. سندته وكعدته وهو يشمشم بيه
علي ليش باقي للصبح برا
اسكتي وانطيني علاجي
لا كوم اتغده وبعدين اخذ علاجك
شنو الغده
مادري
انطيني علاجي
داكولك كووم اتغده وبعدين العلاج
لا قصدي بوسه
اهووو كووم
لج تعاي مبيه حيل ومريض وبسببج ضوجتيني ومرضتيني تعاي بوسيني
شنو كل يوم ابوسك شكوو
هي بوسه من الخد مثلا بغير مكان ؟قابل شطالب منج المستحيل؟
اي مستحيل
بس انتي هواي بايستني وجريتها عليه وصارو عيوني بعيونها وهسه تبوسيني لو ابوس اني ومن غير مكان
شقصدك هاا
اشو تعاي انتي الحجي ضايع وياج وجريتها عليه والتهمت شفايفها مثل العطشان وارتوى مثل الصايم وفطر اووف ياطعمهن لعبت خلقه بيهن وهي تدفع بيه وخرتها عني وكلت افيييش هسه رجعتلي عافيتي وصرت مثل الحصان يربي بوسه لو وصفة طبيب مو مثلها 😉
#ميران... شلون يحجي عابتله عفته وكمت ضايجه سألوني شبيج
مبيه شي رحت للمغسله غسلت ورجعت حمرت شفايفي لان الاستاذ خرب حمرتي
كعدت يمهم ويسألوني عالامتحان وشلون اجيت جاوبتهم ورا شوي طلع علي 😒عابتله شلون ميستحي ومنحرف ماما وسهى صبو الغده تغدينا وكملنا بسرعه ركضت لغرفتي قريت صارت الساعه 5:30 نعست وقتت فوني ساعه واكعد نمت وصدوك كعدت وبديت اقرا لحد ساعه 9 نزلت اتعشه وعلي يباوعلي ويغمز واني اعيب عليه واطلع لساني 😝كملنا عشه رجعت لغرفتي قريت لحد ساعه 12 ونمت ميته تعب نعسانه وباجر معندي امتحان وقتت المنبه ساعه 10 الصبح اتريك وابدي اقرا وهكذا مرت الايام وكملت امتحانات واجاك الموت ياتارك الصلاه 🙂اقترب موعد زواجي اصلا بعد يومين 🙂🤦‍♀️...

بقلم الكاتبه *ميران الخفاجي 🖤
#miran_it's_jy 🖤