سلما للسماء 🖤

part 1

باچر البرزخ يلمنة..،
ونحچي يم الله الصدگ. !
🎶
🎶
🎶
گمت بخطوات متثاقله امشي وصلت للمرايه واباوع لوجهي ومكياجي وبدلتي
وعيوني ودموعهم غمضت عيوني واتذكر كلامه واتخيله يگولي "انتي الي وبس ومحد مراح يكدر يلمسج غيري انتي حبيبتي الي وبس اتذكر صوته الرجولي ووجهه الحلو وكلامه وغيرته وخوفه عليه كل شي بي حلو كل شي " فزيت من صفنتي ع صوت بنت عمتي (ناريمان) وهي تطلب مني استعد حتجي الزفه ويجي سعيد الحظ وياخذني لقبري اقصد لبيتي الجديد .....
💙...🖤...💙....🖤....💙....🖤
هلاو اسمي ميران من بغداد عمري 18 يعني دخلت ب 19 المهم كملت سادس اعدادي وقدمت ع جامعه بغداد وداانتظر قبولي مواصفاتي طولي 155 وزني 55 يعني زينه شكلي عادي شعري طويل عيوني مجرورات لونهم عسلي شفايفي كبار صديقاتي يگلولي ضاربتهم بوتوكس من الله المهم يعني هاي مواصفاتي
من عائله حالتنا الماديه فوق التمام الحمدلله ماما (ساره)متوفيه من جان عمري 6 سنوات وبابا (سرمد) حبيبي ممخلي شي بنفسي شطلب منه يجيبلي مدللني وعندي اخو واحد حبيبي وعمري وسندي (امير) عمره 26 يحبني ومدللني ومطلع عيني عايشين ببغداد احنا وكل عمامي وعماتي بس عندي عمتي متوفيه اللي هي ام (ناريمان) متزوجه ببابل وتوفت وجدو ابو بابا ؤؤؤف شكدر اوصفه شخص متسلط متملك ظالم يفرض سيطرته عالكل ع اولاده وبناته واحفاده وكل تعاستي بسببه والحد الان عايش يمكن نموت كلنا قبله المهم ورا وفاة ماما بسنه اهل بابا لحو عليه انو يتزوج ف بابا يخاف انو يتزوج وحده غريبه وتظلمنه اني وامير خاصة اني جنت مريضه وعندي اكثر من مرض عندي شقيقه والتهاب امعاء حاد وفقر دم بحيث دمي يصفر وجنت كلما اتخربط ويغمى عليه اكره نفسي واتمنى اموت واخلص اهلي مني من طفولتي تعودت عالعمليات والمستشفيات اضافه لمرضي بالقلب جان عندي ثقب بالقلب ولادي وجنت مااتحمل اي قهر وضوجه اضافة لحالتي النفسيه المدمره حاولت انتحر اكثر من مره وبكل مره الناقذ يكون لو علي لو امير وياخذوني للمستشفى ويلحگون عليه باخر لحظه لحد مااصارو يخافون عليه وميخلوني اظل وحدي حتى من انام تنام وياي ماما لهذا السبب بابا قرر يتزوج خالتي (سرور) اخت ماما الله يرحمها هم ارمله زوجها شهيد وتركلها ولد 2 اللي همه (اثير) عمره 28 و(علي) عمره 26
اهل زوجها تركوها وتركو ولدها ف عادي وافقو تتزوج بابا المهم صار الزواج واني هنا جان عمري 7 سنوات هنا علي بده يهتم بيه يطلعني يشتريلي وياخذني ويا
وحتى يمشطلي شعري بمرور الوقت بدأ اهتمام علي يزيد وصار يگولي انتي الي امج وصتني عليج ووصت ابوج وكالت ميران لعلي واني ماافهم شنو يقصد جنت بس اضحك جنت صغيره وماافهم شنو معنى كلامه ........
كبرت وجنت شاطره بدراستي ونجحت للرابع اعدادي واختاريت فرع الادبي لان مااحب المواد العلميه رياضيات اكرهه وكلما اكبر يكبر اهتمام علي بيه لحد ماا لگيت نفسي اعتمد ع علي بكلشي بس جنت اعتبره اخويه وممفكره اتجاهه بأي شي .. (نرجع وياكم لأحداث القصه بالوقت اللي صار بي عمري 18)