سلما للسماء 🖤

part 18

هلاوو حبااايب شلونكم
قبل لتبدون قرائتكم للقصه ضغطو عالنجمه 🤭ولتنسون كومنتاتكم 😍

#ميران...ورا يوم طلعت من المستشفى ورجعت للبيت لكيت العشيره كلها متجمعين عمامي وخوالي والعمات والخالات والولد والبنات والاحفاد ادري شكو عرس ايع اكره هيج تجمعات ومبيه حيل لسوالفهم ابد مالي مزاج المهم صعدت لغرفتي بصعوبه طبعا ماكدر اتحرك هواي جسمي يوجعني من النوم والعمليه تأذيني اجتي ماما غيرتلي ملابسي ورتبت نفسي
ها ماما تنزلين جوه لو تظلين هنا
اي ماما شوي وانزل
لا متنزلين وحدج اصعدلج امير لو علي يشيلوج ميصير تنزلين وحدج وتعبين الدكتور منعج تبذلين اقل جهد واقل تعب ممكن يأثر عليج خلي هالشهر احنا نهتم بيج وبعدها بكيفج شتردين تسوين سوي ويمكن انزلج بالغرفه الجوه
وك ماما مثل متردين ...اباوع لغرفتي مشتاقتلها احس صرلي سنين مطابتلها كعدت ع كرسي وغمضت عيوني واتذكر الاشياء اللي شفتهم واني بغيبوبه جنت احس بأهلي وهم يمي احس لما يزمون ايدي سمعت اصواتهم وبيها نبرة الحزن ولما فتحت عيوني اول مره وجان علي لازم ايدي اي هاي اول مره افتح عيني بيها مو لما اثير جان يمي لا وهذا الشي محد يعرفه غير بس اني مغمضه عيوني واتذكر شلون يبجي ومنزل راسه يبجي بقهر ويبوس ايدي ووراها عافني وطلع ومنتبهلي جنت اباوعله بصعوبه فاتحه عيني ...فتحت عيوني ع لمسات لوجهي ذني العيون اللي بجو ع مودي وبسببي هذا اللي لحد هسه لاارتبط ببنت ولاجاب موضوع الزواج رغم البنات يتمنون اشاره منه بس عاف كل البنات وحظه الاثول اي حظه اثول وخلا يحبني ...
#علي...من بعد مااخذنا ميرو ورجعنا للبيت كعدت شوي يم حجي محمد (جد ميران) وعمامها وخوالها ترخصت منهم لان جنت تعبان حيل
رحت للمطبخ لكيت البنات مخبوصات يطبخون وماعرف شيسوون ...نريمان وين ماما
هاا فوك صعدت ميرو لغرفتها
ليش مصحتولي وميرو ليش صعدت وهي مريضه ليش مكلتولي
والله ماعرف هي اصرت تصعد تريد ترتاح وتنزل
اوك...صعدت فوك تلكتني ماما
ها يوم شلونها ميرو
زينه حبيبي شوي ونزلها جوه احسللها افتحلها الغرفه الجوه تكعد بيها حتى متتعب وتصعد
اي يوم هيج احسن
يلا وليدي شوي ونزلو حتى تتغدون وترتاحون صرلنا كم يوم لامرتاحين لانايمين الحمدلله والشكر المهم ميرو صحتها تمام
بالج ع نفسج يوم انتي هم ماريدج تتعبي
الله يخليك الي حبيبي
ويخليج النا يغاليه ..نزلت ماما وفتحت باب غرفة ميرو جانت كاعده ع كرسي ومرجعه راسها ورا ومغمضه عيونها ونازل شعرها تجنن طالعه بس الوجه ضعفان واصفر  دخلت شوي شوي وتقربت عليها ولزمت ايدها واتلمس بوجهها فتحت عيونها وتباوعلي بهدوء بدون كلام لاهي حجت ولااني حجيت ظلت تباوعلي وكأنه تحجي بداخلها بس كلام ماعرفه قربتها عليه بهدوء وضميتها لصدري حضنتها ودفنت راسي برگبتها واشم شعرها وبجيت واني اشم شعرها ..تدرين وانتي هسه بحضني ماريد من الدنيا شي بعد غير بس انتي اريدج انتي وبس لج اذا صار بيج شي اموت
#ميران..اااخ علي اذيتني عمليتي
#علي...اسف يروحي اسف خو متوجعج هاا
يسألني بلهفه وخوف مو عمليتي التوجعني گلبي اليوجعني حجيت بگلبي ماعرف شلون حتخلص وياك ياعلي ...لالا متوجعني
اوك يلا ننزل
يلا
تعاي ع كيفج وبعدين اني اشيلج
لا عليمن تشيلني شبيه مثلا مااكدر امشي انزل بهدوء عادي
خوش يلا ...ها شبيج تباوعين ورا
لا نسيت شالي انطينيا البسه
وشعرج مفتوح؟ شلون
اي هسه ارفعه
لا تعالي اني ارفعه اكعدي
اريد ارفعلها شعرها ماعرف صاو هوسه هههه
ها علي هاي شسويت 😂😭
شمدريني امشي 😂
لبست شالي ونزلنا ...
عزاا عليي هاي الهوسه والله مزاجي مو لهيج خبصه مبيه حيل خل ابقى بغرفتي فدوه
لالالا اكعدي هناا شوي وتغدي وبعد ماكو مترجعين لغرفتج حنرتبلج الغرفه الجوه يجوز هسه امير واثير رتبوها حتى تبقين بيها
هااا لعد شنو شو ماادري طردتوني من غرفتي وجبتوني هنا ومااعندي علم
انجبي حبيبي
انجبيت ..جوعانه اريد غده ام السوس شطابخه
والله مادري المطبخ صاير ارض معركه متعرفين منو اللي دتطبخ البنات كلهم كاعدين بي
ههههه
اضحكي يروحي ربي يديمها
ويديمك علوش فدوه علي صيح بابا وامير واثير مشتاقتلهم اريد اشوفهم
واني ممشتاقتلي؟
طبعا مشتاقتلك بس انت شفتك اول واحد ...عزا هاي شحجيت اني
شنو شنو اول واحد مفهمت
لا هيج
لا احجي شنو يعني فهميني
بعدين اكولك
هاا
هاا
هاا
اييي بعديين احجيلك من يرحون ذولي الهوسه
اوك
اوك ...
#ميران_الخفاجي...🖤
#meran_it's_jy 🖤

تبدو كالموسيقى تأخذني بعيداً عن واقعي 🎶

اعرف بارت قصير اعوضكم ان شاء الله حبايبي
واللهي داانشر بس لعيون كم متابعه يعلقون لان التفاعل صفررررر..