سلما للسماء 🖤

part 41

#علي... مدري شبيه احس نفسي متضايق ومتغير ومنا ميران حملها متعبها وكلما اتقربلها تمنعني واني اشتاقلها واريدها ومااكدر امنع نفسي عنها انوب هي حليانه عالحمل تجنن وتغريني وتلبس ملابس يموتن بس كلما اريد اتقربلها تمنعني تكول وحامي صعب لحد ملعبت نفسي وصار اللي صار ضربتها وهاي اول مره اضربها وظلت تبجي وعندت الا تروح لأهلها وفعلا شكد منعتها بس ظلت تبجي انوب تأذت من بطنها وخفت عليها وديتها لأهلها بس ضايج منها حيييييل حيل متضايق منها عفتها يم اهلها ورجعت للبيت ونمت
#ميران... كعدت الصبح نزلت تريگت وسبحت وبدلت وامير يباوعلي ويحوص انوب گابلوني هو وماما الا تحجين شكو شصاير حجيتلهم كولشي واكيد هم الحق وياي لان اني مغلطانه بشي وكتلهم بعد ماارجعله ماريده سكتو وعفتهم ورجعت لغرفتي ظليت العب بفوني وهو ابد ماكو منه اي اتصال ولا اي رساله وامير كل شوي يريد يروح يضربه واني امنعه بس اثير يلتقي بي ودائما يرزله مرت الايام وصار لازم اراجع دكتوره بالاخص لما نزفت شوي دم رحتلها اني وماما وامير
#الدكتوره... ماما ماكو نبض
حنطيج ابره مثبت وبعد 3 ايام تعاي اذا يظل مبي نبض نضطر نسويلج اجهاض
متت وبجيت دكيت ولطمت ضربت الابره ورجعنا للبيت صعدت لغرفتي وظليت ابجي وماما خبرت علي وسولفتله كلشي وبيومها اجه بلليل للبيت وامير ضربه وطرده واني ابجي عيوني مسكتن ولا لحظه مرو ال 3 ايام بسرعه رجعت للدكتوره وبشرتني انو بي نبض الحمدلله فرحت رجعت للبيت صليت صلاه شكر وحمدت ربي وشكرته الف مره وظليت نايمه ع ظهري عفت غرفتي لان صعدة الدرج تأذيني ف نزلت جوه مرت الايام والاسابيع وعلي ماكو ليتصل ولااجه بعد ابد والناس بدت تحجي واقاربي وجدو بدو يحجون وعمامي حاولو يرجعونا بس اني قافله ماريد ارجعله لحد مايوم من الايام وجعني ضهري حيل وبطني حيل توجعت متت من الالم وحالتي النفسيه زفت ازفت من الزفت بيومها نزفت هوااي ظليت ابجي وادك والطم رحت للدكتوره سوتلي سونار كلتلي ماكو نبض لازم ننزله بس اذا تريدين تتأكدين سوي سونار لخ وفعلا رحت سويت سونار ثاني ونفس الكلام مبي نبض بيومها تخبلت ظليت ادك والطم بالعياده والناس التمو عليه وامير حاضني ويبجي كتبولي علاج عباره عن حبوب للاجهاض لان هو اصلا حجمه حيل صغير ينزل بالعلاج بدون عمليه او كورداش المهم طلعت من العياده اخذت العلاج ورجعنا للبيت بلليل اجتي ماما كلتلي لازم تاخذين العلاج ميصير يظل ببطنج تتسممين مجرد دم فاسد ببطني اووووف كلما اتذكر اموت الف موته وعاندت بقيت 3 ايام ابجي والطم ومااخذت علاج لحد مااجوي اثير وامير وبابا كابلوني ورزلوني
لج اذا تسممتي شنسوي هااا اذا صار بيج شي شنسوي
وهنا يلا اخذت العلاج اووووف شصار بيه مصاريني تكطعتت متت الف مره بطني بعد مااحس بيها من الالم اعض المخده من قوه الالم ونزفت كووووومه دمي صفررر وتخربطت ومغذيات وعلاجات بقت شهر كااامل اني انزف مثل الدوره الشهريه بس بقت لمده شهر كامل بهذا الشهر علي ابد ماكلف نفسه واتصل عليه نهائي كرهته وطلعته من گلبي وقررت خلص اطلب الطلاق منه باجر عمدي موعد وياالدكتوره لازم تفحصني حتى تشوف يجوز اكو بقايا من الجنين يعني لازم رحمي يكون نظيف بالكامل المهم رحتلها وطمنتني وكلتلي ماكو شي بيومها كاعده واباوع ع ايدي هاي شنو بعدني لابسه الحلقه بأيدي نزعتها والمفاجأه من طلعنا من العياده شفت علي واكف بالباب برا بالشارع وجان شكله مبين ابد ممرتاح لحيته عاليه وضعفان بس حلو وكاشخ بس مقهور مبين وكفت من شفته جاي باتجاهي والحلقه العب بيها بأيدي انتبهتله بعده لابس حلقته اجه بأتجاهي راد يحاجيني ع گد ممقهوره وكارهته وخسرت ابني بسببه لان لو حالتي النفسيه مرتاحه جان الجنين بقى بس بهيج ظروف اكيد ينزل من البدايه هو ضعيف بسرعه تذكرت شلون يعيط عليه وشلون ضربني وشلون كل هالفتره ابد مسأل عني لا اتصال ولا رساله رفعت ايدي وضربته راجدي بحيث ايدي وجعتني ع قوته راد يحجي بسرعه شمرت الحلقه بأيده وتركته وتركتهم كولهم اصلا اجرت تكسي ورجعني للبيت وحدي بيومها حسيت نفسي ضايعه وكل امل بحياتي معندي فقدت ثقتي بعلي ممصدكه علي هيج يسوي ويتركني جان ابني هو الامل اللي يخليني ارجعله لان مستحيل اربي بدون اب بس خسرت ابني وبسببه وخلص بعد علي مااله وجود بحياتي زواجنا صار غلط من البدايه بغصب ماكو داعي نكمله خلص كل واحد يروح بطريق بيومها ظليت ابجي وابجي وممليت من البجي ولا تعبتصادفت ايام مظاهرات اكتوبر والشوارع مغلقه وحظر تجوال والقتل صار ببلاش واسمع منهم انو علي يروح للمظاهرات ابد مخفت عليه بالعكس حقدت عليه وكرهته وتمنيته يموت اتفقنا اني والبنات بالدوام وطلعنا كلنا جامعه بغداد طلعنا تظاهرات ضخمه وقويه حيل ومرت الايام وعلي يحاول يرجعني وهواي اجه للبيت بس ابد مطلعتله وطلبت الطلاق بس هو ابد ميوافق ويكوللهم مرتي احبها اريدها ومستعد اعوضها عن كل شي مره من المرات بلليل رحنا لبيت عمو وواكفه بالمطبخ اني ومااحس الا شخص واكف ورايه وحيل قريب مني درت وجهي وجان اشوفه علي ...
#علي... كل ذيج الفتره اللي مرت ميرو ابد مطلعت من بالي بأستمرار افكر بيها صحيح مااتصلت عليها بس دائما اسأل ماما عليها وشكد حاولت ارجعها متقبل والخبلني طلبت الطلاك وانكسر ظهري لما شفتها بالعياده والعيون منفخه من البجي وحالتها تكسر الخاطر خسرنا ابننا وبسببي طبعا بسببي صحيح هو قدر الله بس لو مداريها ببيتي جان مصارلها هيج بيومها شمرت الحلقه بوجهي وراحت تخبلت اني رجعت للبيت كسرت كلشي بي مخليت بي شي صاحي صارت مظاهرات وبقيت بساحة التحرير وعفت شغلي وصرت اتمنى الموت لان شكد حاولت ارجعها موافقت ابد ومتحجي وياي ومتشوفني ومتقبل ترجع ومصره عالطلاق لحد ماايوم من الايام رحت لبيت عمها وشفتها هناك واكفه بالمطبخ اجيت وصرت وراها وهي متدري ياااربي شكد مشتاقلها اوووووف دارت وجهها عليه وهي متفاجأه وتباوعلي ...

توقعاتكم حبايبي تفاعلو 🤭😘

ميران الخفاجي 🖤