ركضت ووكفت كدامه وسديت باب غرفتي وجان شفت دموعه اني هنا بجيت بس شفته بهالمنظر بجيت ماعرف ليش اخذني بين ايديه وحضني حيل بكل قوته وحسيت بدموعه التنزل ع رگبتي وكتفي ... #علي... ابتعدت شوي بس بقيتها بين ايديه لزمت وجهها ميران اسف سامحيني ع اللي حسوي بس ماكدر اخلي شخص غيري يسوي هالشي قبلي انتي ملكي تعودين الي ظمن املاكي وبحركه سريعه اخذت شفايفها بين شفايفي اتعمق بالبوسه اكثر واكثر وهي تضرب ع صدري لزمت ايديناتها واستمريت ع هالوضع حسيتها اختنگت وبعد متتنفس بعدتها عني ومخلي جبيني ع جبينها احبج .....
#ميران... تفاجئت من تصرفه واحس النفس كوه اجره وكلبي حيوكف يوجعني حييل اباوع لوجهي صار هوسه نقذتني نريمان وعدلت وجهي وصار لازم انزل نزلت جوه من بعد مااتعشو الناس والكرايب جهزت نفسي حتى يعقدلنا الشيخ هنا واجه علي خله شال ابيض ع راسي ولف ايده ع كتفي واخذني يم الباب ومناك كاعدين بابا والشيخ وهشام وكلما اقترب للشيخ علي يزيد بقبضته ع كتفي واباوعله الدمعه بطرف عينه وشرايين رگبته حتطك كعدت عالكرسي وبده الشيخ يرتل استغليت الوقت همستله لتتخيل اللي سويته فوك حيخليني احبك لا مستحيل رخصت نفسك اصلا شكد جنت معتبرتك اخ وسند الي هسه كل هذا راح ومن اليوم تحرم عليه لان حصير ع ذمة رجال كمل الشيخ وعفته مصدوم ودمعته نزلت وهنا كلت نعم قبلت وانت وكيلي علت الهلاهل والصلوات والركص واني عيني ع ذاك الي كسرلي كلبي وهو منزل راسه ومااهتم لكل الموجودين مبتسم ويبجي وبعد ماادري بي لان التهيت بالحفله تونست صح بس جان بالي يمه خربيومه خرب فرحتي شوي وكالو حيجي العريس اجه هشام كعد يمي لزم ايدي واحس كهرباء سرت بجسمي اباوعله يجنن طالع كشخه فد شي اكلنا كيك وشربنا العصير واخذنا صور وهو يلبسني الذهب طبعا الذهب همه اختارو جنت مبيه حيل اطلع واختار فجان جايبلي حلقه وكرداله وتراجي وخاتم وسلسله عنقيه حول الرگبه ورا شوي حاجه امه اشو كام واخذني من ايدي توجهنا للغرفه عود نكعد شوي وحدنا طبينا وسد الباب واني متوتره وكف يمي وكعد وكعدني ع رجله اني الدم تجمد بجسمي احس جان يگولي طالعه ملااااك يروحي صرتي مرتي بقت بس نعقد محكمه ورا شوي طبت امه وكفت مستحيه وهو جرني رجعني ع رجله كعدني صفنت بوجهه عزا ميستحي انطته مغلف اسود وباستني من ورا خشمها وطلعت يربي ماعرف ليش ممرتاحتلها هي ووحده شابه يطلع عمرها ب20 كصتني كص بعيونها ونظراتها المليانه حقد وتباوع ع هشام وعيونها تدمع هاي شبيها المهم طلعلي من المغلف موبايل هاج حبيبي هذا الج مبروك يروحي زين ليش ساكته عالاقل كولي شكرا صرلي شكد احجي وانتي منطقتي بحرف جان اني هنا كوتله هشام ...عيونه كولي حبيبي رايده شي ؟ لا بس خل نطلع لان خجلانه وكافي صرلنا هواي هنا اخذني من ايدي وشبه الابتسامه راحت من تعابيره وتوجهنا برا وطلعنا وهمه شوي وراحو ورا ساعه احس نفسي تعبت كولش راح الناس بقو بس الاقارب يعني عائلتنا صعدت لغرفتي دخت حيل احس رجليه بعد ميشيلني كوه واكفه ع طولي اريد اوصل لغرفتي ماكدر غوشت عيوني بعد ماكدر اشوف زين وصلت لغرفتي دافتح الباب شوي واوكع حسيت ع امير شالني وبعد ماادري شصار ...
#علي... رحت للجادريه مكدرت اظل بالبيت واني اشوف حبيبتي تلبس الحلقه لشخص ثاني ظليت كاااعد واباوع للمي وللسمه والنجوم واباوع كل ثنين يمشون سوه ولازمين ايدين بعض الا اني ايدي بجيبي وايدي الثانيه ع گلبي اللي احسه حيوكف من قوة النبض... موبايلي يرن امير يتصل رفعته وامير يعيط لك علي بسرعه تعال الحگنا ميرو تخربطت جيب سيارتك وتعال اني طرت اريد افتح السياره ماعرف بعد ماعرف اتصرف ومبين حالتها موزينه من عياط امير وصلت للبيت بطلعان الروح ازدحامات طبيت واشوفهم محوطيها كولهم وهي شبه فاقده لبسوها صايه وشال واخذناها اني وامي وامير للمستشفى ...علي ها دكتوره بشري ...اهتمو بيها حيل ضغطها مرتفع الا شوي جان انجلطت شصاير وياها ليش هيج ؤؤؤف من بعد ماا طبينالها ايدها اليسار كوه تحركها اخذناها للبيت من بعد ماا طمنونا انو نكتبلها خروج الطريق كله بحضن ماما وتقرا ع راسها هاي طبيعتها اذا واحد من عدنا صار بي شي تظل تقراله قران وادعيه .
وصلنا للبيت صعدناها لغرفتها
#سرور...يبنات خل نسويلها شوربه بس ممنوع ملح تخلون ابد ولتضوجوها ويلا اني باقيه يمها...
#ميران... من بعد مااغبت عن وعيي فتحت عيوني واني بالمستشفى وامير وماما وعلي كاعدين يمي بس اخر شي اتذكره وكعت بالبيت وبس وصلنا للبيت واني اشوف الخوف بعيون اهلي اصلا اني تعودت ع خوفهم والمفروض همه هم يتعودون لان هاي للمره الالف اغيب عن وعيي و100مرض بيه يعني ليش يسوون هيج ويخافون ماافهم صعدوني لغرفتي وطلعو بقيت وحدي اني وماما...ماما اريد اغير ملابسي ليش اخذتوني بالفستان شلون هيج ..ياماما احنا وين لحگنا اندهشنا وياج وبعدين علي لبسج صايه المهم هسه اكلي واخذي علاجج ؤؤف هذا خطيبج وجهه شؤؤم بيوم عقدكم تتخربطين لييش .. هههه يماما والله ضحكتيني فدوه خل اغير ملابسي ..
غيرت ملابسي وغسلت وطلعت لكيت امير بوجهي حضنته بسرعه اميرر ايدي مااكدر احركها ترجففف (بدموع) ...
#امير...يروحي ارتاحي عوفيها ايدج لتبجين خلص ماكو شي
الباب دق دق ها تعال تفضل
#علي... ها ميران اكلتي عشاج؟
اي اكلت عاشت ايديكم وربي يخليكم الي من دونكم شسوي واميرو ضربني ع راسي هههه ...ولج لو ما مريضه ضربتج اكثر لج انتي حبيبتنا واخر العنقود وهذا واجبنا مثلا نشوفج مريضه منسويلج شي؟ وطبعا علي اللي اخذج ..
#ميران... اشكركم يرويحاتي ربي يخليكم الي يلا سوولي واهس نتعشه سوه مننزل بالهوسه صيحو اثير وخل نتعشه هنا
#علي... تردين شي اجيبلج شي ؟
#ميران... لا تعال هنا ناكل كل شي ماريد
ؤؤف يكعده الكاع شكد مريحه ههه كعدنا ناكل كملنا مدلليني همه شالو الاكل الزايد وعزلو الغرفه والله ارتب مني هههه فدوه ورا شوي نزلو امير واثير وصعدلي بابا ...هابنيتي اكلتي زين ؟بالج ع نفسج محد يفيدج تقهرين نفسج علمود اي احد
اهتمي بصحتج زين اني خايف عليج بس مدامهم يمج وبجانبج علي وامير ف اني مطمئن عليج ومأمن واذا تضوجين نزلي جوه ويانا ...
#ميران... ماشي بابا
#علي... اباوعلها شلون تحجي ببطئ حيلها رايح وتعبانه وايدها ترجف لزمت راسي وافكر يربي اذا انجلطت شسوي اني شيصير بيه والله اموت وراها ...
#ميران... طلع بابا ...اباوع علي صافن بشنو يفكر ابتسمتله واجه كعد يمي بدون ميحجي ولا كلمه اخذ ايدي اللي ترجف اليسار وباسها وطلع بسرعه بعدين صفنت اتذكرت يا والله ناسيه اني انخطبت اصلا الحلقه ناسيتها وينها مو بأيدي دخلت للحمام لكيتها لبستها واني اتذكر علي ؤؤف هذا الولد عود ديتجاهلني توجهت لفراشي وحاولت انام فكرت وفكرت وفكرت تعبت من التفكير وواخيرا نمت ......
حبايبي تصويت وتعليق ❤️😘احبكم
أنت تقرأ
سلما للسماء 🖤
Romansaقصه عراقيه جريئه 🔞🔞🔞 باللهجه العراقيه عن فتاة تعاني مرض نفسي تجبر ع الزواج من شخص لاترغب به وتبدأ رحلتها مع العذاب ....
