سلما للسماء 🖤

part 12

#علي...كاعده بنصنا وتبجي بهدوء واني كلبي يتقطع الف مره ويا كل دمعه تنزل منها ...باعي ميرو فتحتلها فيديو لما ضربنا تسمع صرخاته وتشوفه شلون يتوجع من الضرب هنا سكتت بعد متبجي كأنه ارتاحت لما شافته بهالمنظر كأنه ارتاحت لما انتقمنالها منه ...
#ميران...اباوع للفيديو ويتقطع گلبي واحس دموعي ع خدي تيزاب شلون لازم ايدها ويضحك شلون يتلمس جسمها ويبوسها وبعدين من طبتله للشقه اللي اخذني الها وهنا تذكرت شسوه وياي غمضت عيوني وابجي اتذكر لما باسني ولمسني وحضني ويغازلني ااخخخ ياخاين فززني صوت علي وهو يشغل فيديو لخ ضاربي والدم يجري من وجهه شلون يتوسل الهم يعيفو هنا اتمنيت اني اللي اضربه واشرب دمه هالخاين بعدين صحيت ع روحي واحاجي نفسي ها ميران دمعتج هيج رخيصه وتنزليها بسبب واحد خاين مسحت دموعي وسكتت وكمت والولد صافنين ع ردة فعلي ...يلا اني جعت
#الكل...صافنين وساكتين
#ميران...شبيكم يلا ننزل نتعشه صارت الساعه 8:30 مجعتو؟
#اثير...هاا اي طبعا جعنا يلا ننزل
#ميران...يلا سبقوني اني اروح اغسل واجي ...رحت لغرفتي طبيت وسديت الباب رحت للحمام اغسل غسلت وبدلت ورتبت وجهي ومشطت شعري عفته نازل ورحت لسريري لكيت فوني فتحته شكو صوره الي ولهشام مسحتها حظرت رقمه من كل البرامج وحذفته وطلعت الشريحه كسرتها وكمت طلعت السلسله اللي جابها الي نزعت حلقتي خليتها وياها وعفتهن كمت داانزل ولكيت علي صافن عليه ...ها علي من شوكت انت هنا
من اول مطلعتي من الحمام
شنوووووووو عزاا بدلت كدامك؟
😂لا ولج انتي مو بدلتي بالحمام ثوله
عزا يمه عبالي
اووف ياكلبي تجنن شلابسه والشعر اللي طوله يجيب اخرتي اووف هالشعر شوكت الفه عليه وانام
ها علي شبيك صافن يلا بس اخلي عطر وننزل
يلا اي ..وكفت كدام المرايه وترش عطر تقربتلها ...مرتاحه؟
شتقصد؟
اقصد هشا....سكتتني قبل مااكمل اسمه
علي عفيه لتذكره كدامي خلص هشام انتهى حذفت كلشي يخصه بموبايلي صورنا ورقمه وكلشي وهاي الحلقه نزعتها والسلسله جابلياها هم نزعتها وماعرف وين اوديهم اذبهم او ارجعهم اله ماعرف ..
تحجي والدمعه بعينها تجذب ممرتاحه بس بعد عرفت حقيقته واستسلمت للواقع ابتسمتلها ...ميرو يروحي اوووف تعاي حضنتها وهي حضنتني حيييل بكل قوتها رفعت وجهها عليه غمضت عيوني وبستها براسها وتعمقت بالبوسه بعدتها عني
يلا ننزل؟
اوك يلا اخذت فوني ونزلنا لگيناهم كاعدين وماما دتجهز العشه وبابا وامير كاعدين يحجون واثير ملتهي بفونه وعلي يمي رحت ويا ماما جبت البيتزا ورتبت المقبلات بأماعين وحضرت الطرشي وكلاصات للبيبسي والعصير وماما جابت الدجاجه وماعون كباب كعدنا كلنا ناكل ونسولف ونضحك
#بابا...ها بنيتي ناسيه ابوج لاتجين يمي لاتسولفين وياي
#ميران...هابابا حبيبي اسفه انشغلت
#بابا...اهم شي مرتاحه يروح ابوج ولتشيلي هم كل شي اله حل
#علي...عمو يلا نتعشه وغمزلته يعني غير الموضوع مو وقته هسه
#ميران...طبعا اكلت كومه جنت جوعانه وصرلي فترا مدااكل زين وعلي كاعد يمي وخلاني اكل 5 قطع بيتزا وكباب ومقبلات متت بعد مااكدر اتنفس من الاكل وهو يضحك الخبيث كملنا اكل وصارت عندي طاقه عجيبه مااجذب عليكم صح گلبي يأذيني بسبب اللي صار بس لازم اصير قويه لازم كمت عزلت المطبخ ومتعجبين لان اني مااشتغل بس عافوني براحتي كملت تعزيل المطبخ كعدت يمهم نسولف ونضحك وبابا وامير وعلي كاعدين ع جهه ويبسبسون بس اني اذاني يمهم العب بفوني بس دااسمعلهم
سمعت بابا يكول هاهي طز بي اهم شي بنتي يروحلها فدوه وراها سكتو وبعد مااعرف شنو حيصير
وبعدين كلمن راح لغرفته طلعت فلم تابعته خلص ونمت كعدت الصبح نفس الشي نفس الروتين مضت الايام ماكو شي جديد غير ننتظر شوكت هشام يفسخ الخطوبه بس مسمعنه عنه اي شي واحنا هم ساكتين الا ان بيوم من الايام ....

#meran_it's_jy

#ميران_الخفاجي ...🖤
#ميران...بابا تواصل ويا ام هشام واتفقو ع فسخ الخطوبه المهم كعدت بيوم من الايام الصبح ونزلت جوه لكيت بابا كاعد جان گلي اتحظري اليوم يجي السيد حتى تتطلگون كوتله ماشي بابا ماانكر هالشي نغزلي گلبي وانكسرت واتحطمت كل احلامي وامنياتي اللي تمنيتهم ويا هشام جان اول شخص حبيته هو اللي حبيته وتعلقت بي بس طلع خاين وحطمني فوك حطامي .... كملنا ريوك صعدت لبست بشت وردي فاتح يصير ويا
بنطلون اسود وشيله سوده ولبست حذاء عالي رتبت وجهي ب ميكااب بسيط مجرد ترطيب للبشره ومسكارا ولشفايفي وردي شوي بلون البشت وعطرر قوي واكسسورات عندي ذهب بس مااحب الذهب احب اشياء عاديه اكسسوارات فضيه هيج شي المهم نزلت رحنا اني وبابا وامير توجهنا للمحكمه واكو يمها مكان خاص يكعد بي شيخ او سيد طبينه لگينا هشام هو وامه كاعدين يم الشيخ اجت عينه بعيني ظل يباوعلي عفته يباوع درت وجهي وكعدت ع كرسي ورا دقائق بدت اجرائات الطلاق وتمت وانتهى كلشي ...هشام عندي شي الك اريد انطيكيا هو كام اووف شكد مشتاقتله فتحت جنطتي طلعت علبة السلسال والحلقه اخذت ايده وخليتهم بأيده خانتني دمعتي ونزلت كدامه اباوعله عيونه مدمعه شكرا ياخاين درت وجهي عنه وعفته ورجعنا للبيت وعفت گلبي يمه ...
#هشام...لما اجتي ميران اباوع لطولها وجمالها تجنن الورد ياكل ويشرب عليها تموت حلقتي بعدني لابسها اجت يمي رادت تحجي وياي انطتني الحلقه مالتها والسلسال اللي انطيته الها بأحلا يوم لما اخذتها لشقتي ماانسه هاليوم حبيته بكل تفاصيله أذتني وكسرتلي گلبي لما شفت دمعتها نزلت وگلتلي شكرا ياخاين صح خنتها مع وحده رخيصه ومتزوجه ااااخ يالندم ياكل بگلبي بس بعد ميفيد الندم حتى اذا ردت ارجعها ع ذمتي هي بعد مراح توافق بالاخص من كشفت خيانتي الها عافت ايدي ودمعت عيني ونزلت دمعتي ودارت وجهها وراحت ياريتها لو معتبتني ياريت لو ضاربتني غالطه عليه اي شي بس كتلتني بهدوئها محجت غير كلمه وحده فلشت گلبي بيها وراحت ماانكر حبيتها بس جان عيبها مرضها فكرت باطفالنا شلون حيكونون راحت بعد الله يسعدها
.....

‏يا خسارة نوحنه ويا رخص ذيچ الونه !
-عريان 🖤

#meran_it's _jy
#ميران_الخفاجي...🖤

تفاعلو حبايب 🖤