سلما للسماء 🖤

part 17

مرحبا حبايبي
طبعا اللي سأل عن القصه
القصه حقيقيه 100% والابطال موجودين ببغداد
وحجولي القصه لان اني اقاربهم و3 ارباع القصه اني اعرفها بقت اكو احداث خاصه هم حجوها الي

بس تفاعلكم ابد ابد ابددد مو شي ف اذا تردون اكمل القصه محتاجه دعمكم مبيها شي حبايب اذا نشرتوها ببرامج التواصل وتنطوها مشاركه لصديقاتكم وشكرا حبايب واذا متردون ف احذفها وانتو بكيفكم القصه بيها عبره واجتماعيه وواقعيه مجبت كلام من عندي هيج قصص اغلبنا عايشيها مع بعض اختلاف الظروف طبعا دزولي ارائكم عالخاص وبالتعليقات وشكرا 🤚❤️

#علي...كاعد بمكان كوله زرع وورد من كل الانواع والالوان والجو يجنن ونسمات الهوى تضرب بوجهي
عليييي هذا صوتهادرت وجهي واشوفها تركض بين الورد وشعرها الطويل يتطاير وياالهوى كاعد واباوعلها ممصدك واكفه وتسولف وتضحك ...هااا علي يلا امشي نروح مدتلي ايدها واخذتها ودنروح نمشي ونمشي واباوع ورانا واكف رجال لحيته بيضه طويله ووجهه حلو ويبتسم النا اشرلي بأيده سلام واشرتله بأيدي ودرت وجهي وميران مبتسمه بوجهي واني اضحك والدمعه بعيني اووف الحمد لله ..... علي موبايلك يدك عليييي
فزيتت ع صوت موبايلي عفته ورجعت غمضت عيوني واتذكر الحلم ونزلت دمعتي حسيت ايدينات صغار ع ايدي فتحت عيوني واشوف طفل صغير يريد يلعب بموبايلي هههه ضحكت كعدته بحضني بوسته شهالجمال هاا يحلو
اجه شاب اخذ الطفل سلم عليه وضحك لان ابنه خبيث الظاهر متعبهم ضحكت واخذ ابنه وراح يم اهله جانو عائله كاعدين يمي والظاهر ابنهم زحفلي 😹 المهم باوعت للموبايل وشفت الوقت اووه
الساعه 11:00 بلليل و10مكالمات من امير ومكالمات من اثير شكووو شبيهم ياربيي شصااايررر بسرعه ركضت للسياره شغلتها واتصلت ع اثير ....الووو رددد هذا ليش ميرد ليييش
اتصل ع امير ونفس الشي ميرررد شبيهم ذووولي خربالحظ ياااربي ليكون صاير شييي لااياربي لااا لاا عفوك ورضاك ورحمتك يارب رحمتك الطريق احسه صار اطول بس اريد اوصل واعرف شكو شصاار اوووف الطريق كوله افكر وافكر ودماغي صار يجيب ويودي ماكو فكره مااجتي ع بالي وين الافكار الطايحظها جتي ع بالي واخيرا بعد وقت وصلت عقلي مو وياي حتى مااعرف شلون وكفت السياره وشلون نزلت ببالي شغله وحده بس اريد اعرف شصاير بالمستشفى ركضت وركضت طبيت وجان الگه صاله الانتظار فارغه ....
#ميران_الخفاجي...🖤
#meran_it's_jy 🖤
#امير...ورا ماطلع علي بشوي طلعت اشتريت عشه ورجعت كعدنا كعدنا دناكل وكملنا طلعت برا دااشرب جاي راسي احسه انسطر ورجعت واشوف اثير وبابا وماما واكفين ويبجون هنااا گلبي احسه طلع من داخلي والممرضات يتراكضن والدكتور اجه يركض ودخل لميرو ...هاشكوو شصار يمعودين ياناس
#اثير...لك امير ميران ميران وابجي
#امير...لك شبيهااا ميرااان احجيي شبيهااا
#اثير...لك واكف دااباوعلها من الشباك وشفت ايدها ايدهااا
لك شبيييها ايدهاا احجي خبلتنييي
#بابا...بنيتي حركت ايدها ومصدكنا بأثير
#اثير...لك اي اي مصدكو بيه حتى اني عبالي متوهم بي الممرضه شافتها بكاميرات المراقبه واجويي
#امير...عليك الله لك احللف لك تحجي صدوك حركت ايدهاااا ؟ايدددها اتحركتتت واخيرراا هاا
#اثير...اي تحركت اي وخر خل اشوف شيسوون ..
#امير...ظلينا نريد نباوع من الشباك نريد نعرف شكو شصار سادين البردات ومحد طلع منهم ظلينا ننتظر ومحد خبرنا وطمنا يوووو اصعب وقت ممكن يمر عليه شكد مار بظروف صعبه بس مثل هالظرف مستحيل يجي توجهت للقبله وسجدت وطلبت من ربي تكون بخير بقيت ساجد ومنا ماما ارتفع صوت بجيها ودعائها وبابا هم يبجي وامير يركض يروح منا ويجي منا شلتهم من تفكيري وظليت اناجي ربي واشكي واتوسل بدعائي ماعرف شكد مر من الوقت وحسيت ع صوت خطوات واضح رفعت راسي واشوف الدكتور مبتسم واثير مبتسم ويبجي واني كاعد اباوعلهم ماكدر اكوم احس انشليت ماعرف من الصدمه بس مبين من وجوههم الخبر يفرح
#اثير...لك امير كووممم اختنا رجعت رجعت لوعييههها
شنوو
ولك ميران فااااقتت
تعال كومني ماكدر اكوم
اجه اثير سندني امشي بصعوبه من الخوف والصدمه طبينا للغرفه ونسمع نبضات گلبها تقربت يمها لزمت ايدها ضغطت ع ايدي باوعتلها لگيتها فاتحه عيونها عالنص ورجعت غمضت باوعت للدكتور بتساؤل
عادي ابني بعدها تعبانه ساعه ساعتين وتصحه وتسمعون صوتها هسه عيفوها ترتاح
بست راسها ورجعلي حيلي وطلعت اثير صافن عليه
ها ياعار شبيك قبل شوي انشليت
لك وخر مالي خلكك 😹
العار الثاني اتصل عليه لومغلق لو ميرد وين صار
اي خل اتصل اني
اتصل ع علي وماكو ميرد مر الوقت وصارت ساعه 11:00 واجه الدكتور وسمحلنا ندخل لميرو طبينالها وجانت كاعده الحمدلله ...

#علي...لزمت مقبض الباب وايدي ترجف اريد افتحها ماكدر اخاف من اللي ممكن اشوفه داخل الغرفه غمضت عيوني وفتحت الباب وقدمت رجلي وسمعت اصواتهم
...اجه علي...فتحت عيوني واشوفها يااللللللله ماعرف بدون وعي مني ركضتلها ولزمت ايدها واباوعلها ممصدك صافن بوجهها بدون كلام
ابتسمتلي وبعدني صافن اكول يمكن هذا حلم احس دخت ورجليه بعد ميشيلني بصعوبه سيطرت ع حالي وكعدت ع كرسي غمضت عيوني ورجعت فتحت لا هذا مو حلم اباوعلهم يضحكون عليه واني مثل المسطور صافن وماعرف شسوي ...
#ميران...جنت طول الوقت احس بوجودهم يمي سمعتهم لما حزنو وحسيت بوجعهم حسيت بأمير وتوسلاته ودموعه ولما لزم ايدي وعلي وبابا وماما حسيت بيهم كولهم بس جنت رافضه الحياة حياتي مااحبها معندي بيها احد الكل
يريد مني شي محد يريدلي الشي اللي اريده اعرف علي واتفاقه ويا جدو واعرف حيضغطون عليه حتى اوافق ع علي جنت ادعي ربي ياخذ روحي شكد حاولت انتحر بس ابد ماضبطت وياي ودائما جانو يلحكون عليه وسمعت انو فارقت الحياة مرتين ووكف گلبي مرتين اثناء العمليه ورررجع ينبض وبقيت بغيبوبه لمدة 35 ساعه وايظا رجعت للحياه ماعرف شنو هالحكمه شنو السبب اللي رب العالمين مااخذ روحي علموده ...هذا كل تفكيري واني صافنه بوجه علي اللي يبجي وصافن بوجهي ولازم ايدي وداخ وكعد ع كرسي جان شكله مبهذل شعره مخربط وساكت بس ساكت مااحجه ولاكلمه واني ابتسمتله بصعوبه حجيت بصوت اقل من الهادئ ...عطشاا...نه
علي...هاا
عطشانه
اي اي هاج مي جان اكو بطل مي وكم قصبه شربتها شوي مي
#بابا...عيني عليهم واشوف اهتمام وخوف علي ع ميران هنا اتأكدت انو هو الرجال المناسب لبنتي واذا سلمتها اله مراح اخسر وراح يحبها ويصونها ويحميها لان خوفه عليها مو اقل من خوفي وحرصي عليها بس كون هي تقبل وتوافق لان بنتي واعرفها تحسه مثل اخوها بس ان شاء الله هالشي يتغير ويصير بيناتهم زواج لان مااأمن عليها غير بس يم علي ...
#ميران_الخفاجي...🖤
#meran_it's_jy 🖤

تفاعلكم حبايبي 🤭💜

قدرو تعبي دااتعب لما اكتبلكم فياريت تتفاعلون
واذا متردوها للقصه ف بكيفكم احذفها ونزعل بطلتنا الحلوه ميران وبطلنا الصاك علوش 😝😹
وك حبايب بااي
انتظر ردكم 💜