سلما للسماء 🖤

part 15

#ميران...دخلت غرفة العمليات وتجهزت للعمليه وبدا تأثير البنج الدكتور يحجي وياي وارد عليه وفجأه بعد مااحس بأي شي وبدو بالعمليه...
#امير...دخلت ميرو الساعه12 الظهر للعمليه ومرت ساعه وساعتين و3 ومااكو مطلع ولادكتور ولااي ممرضه نريد نطمئن ماكو ميطلعون متنااا وملينا وتعبنا من الانتظار لحد ساعه 5 العصر طلعت ممرضه
بشري هاا شلون حالتها عفييه منتظرين ع ناررر
الممرضه جاوبت بكلمه وحده '''ادعولها''' الاهل واكفين الوجوه اصفرت ظلينا ندعي ونصلي ونقرا قران لساعه 7:30 بلليل يلا كملت العمليه وطلع الدكتور ركضناله ...بشششر دكتور طمنا الله يطمن گلبك
#الدكتور...طبعا معجزه وعاشت مرتين توقف گلبها اثناء العمليه وهسه الحمدلله نبضها طبيعي بسي
#الكل...بس شنو دكتور
#الدكتور...حاليا هي بغيبوبه
#الكل.....شنوووو لييش لييش
#الدكتور...سوينا واجبنا وبقت ع الله ولازم تبقى تحت المراقبه اذا مرت 24 ساعه وكعدت يعني الحمدلله مبيها شي واذا بقت اكثر حتظل بغيبوبه ومنعرف شوكت يرجع وعيها... ادعولها
#علي...مبيدنا شي بس نتوسل برب العالمين يعدي هالوقت ع خير وتكون ميرو بخيرر ...دكتور نكدر ندخللها عادي؟
#الدكتور...شخص واحد يدخل
#علي...شكرا دكتور ...رحت لبست ملابس معقمه وكمامه ودخلت اووف منظر يكسر ويحطم الگلب موقف مااعرف اوصفه ماعرف بس صوت الاجهزه يمها ونايمه ووجهها اصفررر كعدت يمها لزمت ايدها ميرو حبيبي شوكت تكعدين مو شلعتي لگلبي دومج مأذيته لگلبي بس رجعي واصحي فدوه اروحلج حبيبه بستها وطلعتت ...مر الوقت وحالتنا حاله منتظرين ع نار ولسه نايمه ومتتقدم حالتها ومنعرف شوكت يرجع وعيها بقينا بالمستشفى لانوم لاراحه اكل بالغصب ناكل نمت ساعتين كعدت وسألت الدكتور ونفس الشي حالة ميرو رغم عمليتها سهله ونسبة النجاح 73% بس ليش توقف گلبها مرتيييين اثناء العمليه ليييش لهالدرجه متريد تعيش ومتريد حياتها شكد حاولت تنتحر ونلحك عليها اخر لحظات
وهسه هي فاقده الوعي وكأنه استسلمت للموت
ؤؤف اسم الله عليها ان شاء الله ترجع واحسن من قبل يارب يارب والله مبينا حيييل خل كلهم يموتون الا ميرو قطعه من گلبي روحي وعمري مااكدر استغني عنها يربي بحق هذا اليوم العظيم والمصاب الاعظم تتحسن حالتها ويرجعلها وعيها ...صارت ساعه 2:00بلليل وماكو اي تقدم صار الصبح وماكو كل تحسن تقريبا هنا بديت افقد الامل وامير وابوها وامي واثير منتظرين ع نار ومنعرف شنو مصيرها احس دمي صفرر ورجليه بعد ميشيلني شسوي شسوي صارت ساعه 12 الظهر ونفس الشي يعني مرت 24 ساعه ع عمليتها ومكعدت ...دكتور وهاي مرت 24 ساعه شنسوي فهمني دكتور
والله ياعلي مبيدنا شي يااما تطول بالغيبوبه او تكعد بقت يم الله اللي علينا سويناا
طلعت من الدكتور مكسور خاطري وبقى كل دعائي وتوسلاتي لرب العالمين اللي قادر ع كل شي ويرجعها النا وبأحسن صحه ....
#امير...مر يوم كامل ع عملية ميرو وماكو تقدم بحالتها نايمه وبس دخلتلها الدكتور كال احجو وياها المريض بهيج حاله يسمعكم تفائلو وحاجوها وتمسكو بيها عسى ولعل تزيد ارادتها وقوتها ويزيد تمسكها بالحياة وترجع تعيش طبيت ولزمت ايدها بجيت وشكد بجيت ميرو عمري كعدي فتحي عيونج حركي ايدج بس اشاره صغيره منج تنطينا شوية امل لتستسلمين للموت اباوع عيونها تدمع تنزل دموع خفيفه اااه ياالله اكعدي ياابعد اخووج اكعدي فدوه اروحلججج لتخذليني اختي وحيدتي اذا رحتي منو يبقى الي كوليلي ...طلعت منها ورحت للدكتور...ها امير حجيت وياها
اي دكتور سويت مثل مكوتلي وبس نزلن دموع من عيونها
اي ان شاء الله تستفيق خلو ايمانكم بألله 💜
ان شاء الله ترجع لوعيها ان شاء الله ....

#ميران_الخفاجي....🖤

#meran_it's_jy 🖤

اللهم شافي كل مريض بحق محمد وال محمد بحق هذا اليوم العظيم والمصاب الاعظم استشهاد الحسين واخيه العباس (عليهما السلام) اسألك ياارب بحقهما ان تنكشف هذا البلاء والوباء عن هذه الامه وتشافي كل مريض وتقضي حاجة كل طالب حاجه يااااررررب 🖤