سلما للسماء 🖤

part 45 الاخير

‏أما اسمّري فـأحببتهُ فوق حُب المّحُبيِن حباً 🤍.

البارت 🔞🔞🔞🙆‍♀️

#ميران...صادف عيد زواجنا بعد يومين علي وصى ع كيكه جاهزه واني من بعد ما نظفت البيت ورتبته جهزت حالي ورتبت نفسي لليل صار وقت جية علي من شغله كمت لبست فستان نيلي طوله لجوه الركبه كولش حلو ونازك وميك اب نازك ومرتب وشسورت شعري ونزلته واكيد كعب عالي شوي حتى اصير بطول علي 🙆‍♀️😂سمعت الباب انفتح اجه علي بسرعه تعطرت وعطرت البيت واجه حبيبي يمه فدوه جايبلي باقه ورد تجنن
#علي... شهالجمال يروحي يمه فدوه ربي يخليج الي كل عام وانتي يمي وبحضني ياشمعة بيتي
#ميران... يروحي انت كل سنه وانت حبيبي وتاج راسي يااحلا واجمل سند الي ربي ميحرمني منك وليحرمك مني ياعمري
#علي... يمه فدوه لحبيبتي تعاي نقطع الكيك بس لحظه وين الكيك انتي لو هاي
هههه حبيبي لتخجلني
فدوه اروح للتخجل
قطعنا الكيكه واكلنا شوي وطبعا شغلنا اغنيه هادئه ورگصنا شوي وراها عشنا ليله من احلا ليالي عمري بحضنه وضعت بهمساته ولمساته فدوه اروحله حبيبي
ونمنا وكعدنا ثاني يوم الصبح سبحنا وريگته وطلع لشغله
#ميران...  طبعا خلصت شغله المظاهرات انوب بدا وباء كورونا هاي السنه اني 3 كليه مداومت اجلتها وبديت اراجع دكتوره وكلتلي مبيه شي وان شاء الله يصير عندي حمل واخذت علاج بسيط وفعلا ورا فتره بيوم من الايام وكعت تخربطت اجه علي اخذني للمستشفى وهناك اصرت الدكتوره انو احلل وسألتني عالدوره وفعلا جانت متأخره عليه فحللت وطلعت النتيجه ايجابيه فرحت حيل وعلي فرح رجعنا للبيت قللت حركتي وشغلي بالبيت وظليت نايمه ع ظهري طبعا هاي وصايا الدكتوره وماما جانت تجيني للبيت هي وسهى يطبخولي او علي هم يجيب اكل جاهز ورحت لدكتورتي اخذت مثبتات وعلاج وجنت مااكوم اسوي اي شي غير بس للشغله الكولش ضروريه وعلي ساندني عكس تصرفاته بحملي الاول بس اللي صار قتل فرحتي لان بعدها بأيام معدوده كولش صرت انزف شوي شوي ظليت ابجي وعلي عاف شغله وكعد يمي واني ظليت نايمه صخنت بيومها حيل جانت نهايه شهر 3 بعده الجو شوي بارد للمغرب علي طلع يجيب عشى واني كمت هيج شوي افتر بالبيت ضجت وحسيت شي نزل عليه شي هنا عرفت انو خسرته مره لخ كعدت الطم وابجي اتصلت ع علي واجاني بسرعه لگاني لابسه ومتحضره ورا شوي اجه علي يركض وملهوف مرينه لأهلي اخذنا ماما ويانا وطرنا للمستشفى واني ابجي ويواسوني ويصبرون بيه واني متأكده خسرته هذا صار ثاني حمل وخسرته اوووف ربي الحمدلله ع كل حال شنو حكمتك من هالشي المهم وصلنا للمستشفى دخلت بسرعه ماما شرحت حالتي للسستر دخلت لقسم اللي موجوده بي الدكتوره نمت عالسديه وفحصتني بسونار بسرعه انتبهت لملامح وجهه تغيرت لحزن
#الدكتوره... ماما انتي حامل؟
اي دكتوره
شوكت حللتي
قبل اسبوع وطلعت نتيجتي ايجابيه
للاسف حبيبتي رحمج فارغ هم وكع عليج شي
اي وكعت قطعه دم كبيره
اي ماما هذا الجنين خسرتي ربي يعوضج
هالخبر نزل عليه مثل الصاعقه جنت متأكده انو خسرته بس هسه من بعد السونار تأكدت اكثر طلعت ابجي اباوع لعلي وجهه ميتفسر حزن ع صدمه ع خيبة امل يعني احساس بشع الله ليراوي للكافر اوووف رجعت ويا ماما لأهلي وعلي وياي حاضني ويبجي وابجي ماعرف شنو السبب صار حملين اخسرهم ليش ياربي لااعتراض ع حكمك بس ردت افرح ويصير عندي طفل بس يافرحه ماتمت ع كد التعب والقهر نمت بدون اكل كعدت الصبح علي وجهه اصفر
#علي... حبيبتي امشي اخذج لدكتورتج بسرعه بدلي
ها ليش
نتأكد شنو ليش يمكن اكو طفل كومي نسوي سونار لخ
وكأنه صار عندي امل بسرعه كمت سبحت وبدلت وفعلا رحنا اني وعلي وماما حجزنا وبقينا ننتظر الرقم ختمت القران والادعيه والزيارات بين موصل سراي طبيت للدكتوره وسولفتلها كلشي وفحصتني بسونار وتأكدنا انو خسرت الجنين طلعت ومحجيت ولا كلمه دمعتي ع خدي تشرح حالتي لعلي ولماما مبيه حيل احجي شي من شافو دموعي عرفو شصاير رجعت لبيتي وماما بقت يمي وعلي طلع جابلنا غده ورجع واني دموعي منشفت احس عيوني بيهم طاقه عجيبه ينزلون دموع وميخلص هالدمع هذا متت احس مبقالي كل امل دخلت بحالة سكون وهدوء عجيبه اعتزلت العالم كوله عفت علي واهملته وعفت اهلي وعفت صديقاتي وتركت نفسي وهملت نفسي وهملت كل شي بالغصب اكل وگوه يلا اسويلي شغله علي صار اكثر وقته بالبيت يمي تقريبا ترك شغله وبقى مگابلني يخاف عليه لتنتكس حالتي النفسيه اكثر وأذي نفسي يعني بالمختصر لو شنو اوصفلكم حالتي بذيج الفتره الكلام يعجز عن الوصف صرت جلد وعظم نزل وزني هواي ترا صعبه حيل خلال سنه اخسر حملين حيل تأذت نفسيتي تدمرت خلاص انوب حظر تجوال صار بسبب الوباء منكدر نطلع واغير جو تعببببت حييييل كاعده بالبيت احس نفسي حنجننن كمت گلت خل التهي بشغل البيت سويت حمله عالبيت تنظيف وغسل نظفته كوله وطبخت برياني لحم وعفت الطبخ عالنار اباوع لشكلي حيل هامله نفسي لشوكت اظل هيج بسرعه شغلت المكينه ونظفت كل جسمي من الشعر وطبيت سبحت وشسورت شعري ولبست برموده وردي وتيشيرت اسود ورتبت وجهي بميك اب بسيط ونازك وصليت وكلت انام شوي بين ميجي علي ..
#علي... طول هاي الفتره هملت نفسي وهملت شغلي وكل شي بس ع مود حبيبتي خايف عليها لتسوي بنفسها شي وتأذي روحها تأذيت حيل من بعد مخسرنا الحمل الثاني يعني خبلتني لتاكل لتشرب متكوم من فراشها هامله نفسها وبس تبجي اووووف والله خايف عليها استمرت ع هاي حالتها فتره طويله لحد ماا بيوم من الايام رجعت من شغلي الظهر وجايب غده وياي طبيت للبيت الطرمه تلمع والصحيات كذلك المطبخ يلمع لمع من النظافه والطبخ عالنار يمه فديت حبيبتي رجعت لحيلها يعني فديتها روحي غرفتنا تجنن من النظافه واباوعلها نايمه وتجنن شلابسه وطالعه تموت دخلت يمها حضنتها وردت انام بس كعدت حبيبتي من نومها
#ميران... نايمه وحسيت احد نايم يمي فتحت عيني واشوف علي فدوه لوجهه الحلو عمري هذا واتذكر مواقفه وياي الحلوه شكد سندني ووكف وياي عالحلوه والمره يباوعلي ويبتسم ابتسمتله
شوكت اجيت حبيبي
مصارلي هواي يروحي اسف كعدتج
لاعادي عمري
عاشت ايدج شنو البيت اليوم مطلعته فد شي بس جان انتظرتيني اساعدج ليش هيج تعبتي نفسج
لا حبيبي اني ضجت وكلت التهي شوي وطبختلك شلون برياني يجنن الا تاكل اصابيعك ورا
بس اني ماريد برياني
لعد شتريد بس لا جبت غده وياك
هههه اي جبت شمدريني عبالي مطابخه
اممم يلا عادي حبيبي هسه ارتبه واضمه ناكله بعدين
اي لان جوعان اني
يلا حاضر حگوم احضر الغده
لا تعاي
ها
تعاي اكلج الج
هههه حبيبي مووو هسه ورا الغده فدوه
تعااااي وووو 🔞🔞🔞🔞
هلكني علي طلع ظيم هاي الفتره من عيني نمنا وللعصر سبحنا وتغدينا مرت الايام والاشهر امم حياتنا مثل اي متزوجين تجي ايام نتعارك ونتصالح عادي هواي تصير مشاكل وتعودنا نحلها وبقيت اراجع دكتوره وطلعت عندي مضادات ترفض الجنين ظليت اخذ علاج وان شاء الله يصير عندي حمل ويثبت ادعولي بنات فدوه لروحكم واتمنى تكون عجبتكم حكايتي اخذو منها العبره صحيح مريت بطفوله قاسيه بدون ماما بأعتباري يتيمه وصحيح انجبرت ع علي وكرهته بس بعدين حبيته لان يستاهل الحب والاحترام ادعي الله يخلي اللي شمعه لبيتي ويرزقنا طفل يملي علينا البيت بوجوده صحيح انجبرت ع علي وكرهته بس الله سبحانه وتعالى ميسوي شي اذا مبي صالح علي عوضني عن هواي شغلات جنت فاقدتها بحياتي بنات اختارو الشريك الصح اللي يتعلم من اخطائه ويعترف بغلطه صحيح علي اجته فتره غلط وياي بس فررررق هوااااي كبير بينه وبين هشام اللي اجتي فتره من الفترات حبيته بس جازاني بأذيه اثرت ع حياتي هواي وعلي جان الوجه الاخر اللي عوضني عن كلشي ربي يرزقكم بشريك حياة ابن حلال اللي يحترمكم ويصونكم احبكم حبيباتي ودمتم سالمين ❤️😘

بقلم الكاتبه ميران الخفاجي 🖤
حبايبي فدوه اشكركم ع حسن متابعتكم وتعليقاتكم الحلوه فديتكم 😘😘اتمنى تكون عجبتكم القصه وحبيتوها وتاخذون منها الاشياء الايجابيه والعبره منها انتظروني بقصه جديده واريد تفاعلكم اكثر واكثر بالنسبه لعلي وميرو خلص اتفقنا انشركم يومياتهم بين فتره وفتره واكو كم متابع ومتابعه ديقرون القصه بس ميعلقون احب تعليقاتكم علقو فديتكم شتخسرون اذا تكتبون كم كلمه تشجعوني بيها 🙂 ممح باي حبايبي ❤️😘

ميران الخفاجي 🖤