قطار الآخرة

الحلقة الأولى

السماء تمطر بشدة وكأنها تبكى لحالنا و الرعد والبرق فسبحان من سبح الرعد بحمده والملائكة من خيفته .
يوم وداع أبى وامى إلى التراب سمعت دعوات كثيرة مثل اللهم ابعدهما عن النار وادخلهما لجنة وسمعت الجميع يبتهلون إلى الله أن ينجيهما من عذاب القبر
أسئلة كثيرة ظلت تدور فى رأسى قبر عذاب جنة نار ما هذا ؟
ظللت افكر وانا هشام ذو التسع سنوات
تعالوا معى لاخبركم بقصتى سريعا
اليوم سنذهب لزيارة جدتى زينب لا أصدق كم اشتاقت لها سمعت والدى مؤمن ينادى باسمى اسرعت إليه
مؤمن اكيد انت جاهز من بدرى ،يا ترى اخوك مروان جهز ولا هيتاخر كعادته
مروان لا يا بابا انا جاهز انا مقدرش اتاخر على جدتى ابدا
مروان هو اخى الأكبر ذو العمر الحادى عشر
وهنا جاءت والدتى مثلما يشبهها والدى بالحور العين ترتدى الملابس الفضفاضة وخمار الرأس الذى يعطيها الوقار
والدتى هناء توكلنا على الله اللهم إنا نسألك خير ما في هذا اليوم وخير ما بعده ونعوذ بك من شر هذا اليوم وشر ما بعده توكلنا على الله . وفى سيارة أبى كانت امى تقرا فى مصحفها الذى تحمله دائما وانا واخى نمزح سويا
هناء يا شباب مينفعش نضيع وقتنا كله فى اللعب لازم نستغل اغلب الاوقات فى طاعة الله لو بذكر الله بقراءة القرآن أو نعطر اللسان بالصلاة والسلام على رسول الله صلى الله عليه وسلم
مروان بس احنا من حقنا نلعب يا ماما مش هنقضى الوقت كله صلاة وذكر
مؤمن يا حبيبي ماما تقصد احنا لازم نستغل كل الوقت فى اللى يفيدنا لكن لازم يكون عندنا وقت للراحة واللعب ولكن بأدب وضوابط
وفجأة سمعت صرخة امى بلا إله إلا الله
لم اتذكر اى شى بعدها وجدت نفسي نائما على سرير المستشفى واخى بجانبى وسمعت حديث الممرضات
الاولى الحمد لله الولدين بخير بس للاسف هيعشوا ايتام
الثانية ما شاء الله حسن الختام واضح على وجه الرجل وزوجته ربنا يرحمهما برحمته الواسعة
الاولى يا ترى الاولاد بيعملوا ايه لوحدهم مين هياخد باله منهم للاسف اليتيم مظلوم وبيضيع حقه بسهولة
الثانية اليتم ده شرف لكل يتيم خير البشر صلى الله عليه وسلم يتيم وهو الهادى البشير وشفيعنا يوم الدين أن شاء الله
وهنا استقيظ اخى مروان وظل يصرخ باسم ماما وبابا
الممرضة يا حبيبي دلوقتى هما فى مكان احسن
مروان لا انا مليش دعوة انا عاوز بابا وماما ازاى يسيبونا ويمشوا انا محتاجهم
ولكن انا هشام كنت مندهشا لا استطيع التحرك أشعر بعجز
حتى جاءت جدتى زينب وتبعتها عمتى نسرين وظلت عمتى تلطم خدها وتبكى وتلعن الايام والظروف
ولكن ما زاد من دهشتى جدتى التى ظلت تردد لا اله الا الله محمد رسول الله انا لله و انا اليه راجعون
جدتى لو سمحت انا عاوزة اشوف ابنى وزوجته
الممرضة ممكن حضرتك تشوفيهم بس الأولاد يعنى
هشام انا عاوز ادخل اشوف بابا وماما واودعهم
جدتى ماشى يا حبيبي وانت كمان يا مروان تعالى معانا
مروان بغضب انا مش هادخل ماما وبابا لا يمكن يموتوا
جدتى بهدوء اهدا يا مروان خليك معاه يا نسرين
ودخلت مع جدتى إلى الغرفة ووقفت بجانب جدتى التى كشفت الغطاء عن وجه أبى وقبلته بين عينيه وكذلك فعلت مع امى وانا فعلت مثلها ،وقفت جدتى أمام رأسيهما وتحدثت
جدتى يا اولادى انتم بين يدى رب كريم يرضى بالقليل ويعفو عن الكثير ،ابشروا برضا من الله ورضوان ورب راضى غير غضبان انا لله و انا اليه راجعون
وبعد وقت من الغسل والتكفين ثم الصلاة والحمل على الأعناق إلى ربك يومئذ المساق ثم التراب
وظلت الشيخ يدعو والناس يرددون خلفه وظللت ابكى على فراق والدى حتى انتهى العزاء
واخدتنا جدتى إلى غرفتها وجلسنا معها وانا ابكى وهى تكفكف دموعى وهنا ظل مروان يصرخ بغضب
مروان انت بتبكى ليه عشان ماتوا ؟ ليه احنا نكون ايتام ؟ ليه نعيش من غير اب وام ؟ ايه الظلم ده ؟
جدتى اسمعينى يا ابنى ،حرام نقول ليه لربنا ؟ لازم نقول الحمد لله فى السراء والضراء والحمد لله وعلى كل حال
هشام الحمد لله رب العالمين بس يعنى ايه عذاب القبر ؟ بابا وماما الله يرحمهم كانوا بيعلمونا الدين وحفظ القرآن بس عمرهم ما تكلموا معانا عن القبر
جدتى طيب اسمعونى كويس الدنيا دى زى محطة القطار وكلنا ركاب بس للاسف مش احنا اللى بنحجز التذكرة ،تذكرتك محجوزة وليك ميعاد هتركب القطار فيه عشان كدة لازم تكون مستعد دائما بالأعمال الصالحة
مروان بغضب يا سلام حضرتك طالبة منى افضل طول العمر اصلى واصوم واعتكف فى المسجد ،طب فين التعليم فين الطموح يا تيتة ؟
جدتى مبتسمة ربنا سبحانه وتعالى بيقول بسم الله الرحمن الرحيم وَابْتَغِ فِيمَا آتَاكَ اللَّهُ الدَّارَ الْآخِرَةَ ۖ وَلَا تَنسَ نَصِيبَكَ مِنَ الدُّنْيَا ۖ وَأَحْسِن كَمَا أَحْسَنَ اللَّهُ إِلَيْكَ ۖ وَلَا تَبْغِ الْفَسَادَ فِي الْأَرْضِ ۖ إِنَّ اللَّهَ لَا يُحِبُّ الْمُفْسِدِينَ.
ورسول الله صلى الله عليه وسلم صح عنه أنه قال اعمل لدنياك كأنك تعيش غدا واعمل لاخرتك كأنك تموت غدا .
هشام وايه عذاب القبر اللى كان الشيخ بيدعى ربنا أن يحمى بابا وماما منه
جدتى يا حبيبي اول منزل من منازل الآخرة والقبر هو صندوق العمل بياتى ملكين ويسالوا الإنسان عن ربه ودينه والرجل الذى بعث فيهم وان ثبته الله بالجواب كان يا سعده وان كان العكس فيا حسرة عليه
مروان انا مش مصدق الكلام الفارغ ده انا هاقوم انام
هشام بغضب كلام فارغ ايه ؟!ده كلام ربنا لازم نقول سمعنا واطعنا غفرانك ربنا وإليك المصير
جدتى بحسرة سيبه يا بنى دلوقتى هو مصدوم من موت والدك ووالدتك بس أن شاء الله هنساعده
ومرت الايام حتى وفقنى الله والتحقت بكلية الآداب واخى مروان التحق بكلية الهندسة وتخرجنا وعملت بإحدى المدارس المجاورة لبيت جدتى واخى بإحدى شركات البترول
وذات يوم عدت إلى جدتى وجلسنا كعادتنا
جدتى حمد لله على سلامتك اخبار يومك ايه ؟
هشام الحمد لله يا تيتة فى نعمة وعافية وستر هو مروان خرج ولا ايه ؟!
جدتى طبعا يا حبيبي خرج ربنا يهديه
هشام لا حول ولا قوة الا بالله اخويا مروان كل إجازة بيرجع البيت ومبنلحقش نشوفه ولا حتى ساعة واحدة
جدتى أن شاء الله بكرة ربنا يكرمه ويتجوز وينسى السهر والخروجات والكلام الفارغ بتاع اليومين دول
هشام معتقدش يا تيتة لازم مروان يظبط حياته قبل ما يرتبط ويتقى الله عشان لو معملش كدة هو هيظلم البنت اللي هيتجوزها .
جدتى أن شاء الله هاقوم أحضر الغدا
هشام هاغير وانزل اصلى العصر على ما حضرتك تخلصى الطبخ يا زينبووو يا عسل
وقبل يد جدته وخرج وهى مبتسمة واخذت تدعو الله
جدتى ربنا يكرمك يا هشام يا ابنى ببنت الحلال اللى تصونك ،انت ابن حلال وتستأهل كل خير
دخلت اوضتى وبدأت اتوضا عشان العصر وفضلت ادعى ربنا يصلح حال اخويا مروان معرفش هو اتغير ليه ؟
وقبيل المغرب اتت عمتى نسرين وزوجها حسان وابنها احمد
وبعد تحية الإسلام والجلوس
جدتى يا اهلا وسهلا شرفتنا يا حسان يا ابنى ،ازيك يا احمد
احمد بطفولة انا طلبت منهم نزورك كل يوم وماما رافضة
وأخذته الجدة وظلت تقبله والطفل يضحك ،فامسكت منها احمد واجلسته بجانبى
هشام بغيرة انا كمان حفيدك يا تيتة ولا ايه
نسرين مبتسمة انت بتغير من ابنى يا هشام ولا ايه
وهنا احتضنت الجدة وقلت بفخر
هشام ايوه باغير ، ولا ايه يا زنيبوووو؟
احمد تيتة بتحبنى انا اكتر منك يا عمو هشام
هشام عمو مين ياض ؟انا أسمى هشام قال عمو
حسان هو ابن عمتك صحيح بس الأدب واجب ولازم بناديك بعمو احتراما لسنك
هشام لا طبعا أنا مبحبش حد يناديني عمو عشان افضل صغير وقمر وامور ،اسف يا جماعة اندمجت شوية
وهنا اغرق الجميع في الضحك
نسرين مش هتكبر ابدا ، دائما مشاكس وبتحب الضحك
وهنا سمعوا اذان المغرب فنزل هشام بصحبة حسان إلى الصلاة فى المسجد ( اللهم ردنا إلى المساجد قريبا😭😭)
وغادرت عائلة عمتى مع حلول الساعة العاشرة وتقدم الوقت حتى صارت الساعة الواحدة والنصف صباحا ومروان لم ياتى
وانا انتظره وجدتى قد تركتنى منذ قليل ونامت
هشام يارب أهديه واحميه،يا رب يرجع بالسلامة يا رب احفظه من شر نفسه ومن شر جلساء السوء
وهنا أتت جدتى ووضعت يدها على كتفى
جدتى انت لسه منمتش يا هشام ؟عندك شغل الصبح
هشام مش قادر انام يا تيتة واخويا لسه مرجعش ده انا حتى مشوفتش مروان من يوم ما جه غير مرة وانا قلقان عليه
جدتى يا ابنى ده عادة مروان بيتاخر متتعبش نفسك وقوم ارتاح ونام عشان شغلك
و انصت الى كلام جدتى وكدت أن أذهب إلى غرفتى لأنام ولكن سمعت صوت فتح الباب وأنه هو مروان وما أن رأيته انا وجدتى حتى اصابتنا الدهشة وصرخنا بصوت واحد مروان انت .............
انتظرونى
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم