قطار الآخرة

الحلقة السابعة

السلام عليكم ورحمه الله وبركاته
مروان بصراخ انت السبب في كل ده يا تيتة ،انت اللى ظلميتنى طول عمرك بتفضلى هشام عليا عشان انت ظالمة وكمان انت سرقيتى فلوس ابويا
وهنا وقف اسلام يستمع بشماتة فقد نجح جزء من خطته وتذكر يوم أن كشفت حقيقته أمام أخته وأبيه
هناء بدموع خد الفلوس وخد كل حاجة وافرح بالدنيا بس لعلمك الدنيا دى غدارة و مهما فرحتك اكيد هتكون السبب فى حزنك وندمك فى يوم مش هينفع فيه الندم
اسلام بسخرية بركاتك يا شيخة هناء إن كنت فاكرة انك كدة بستعطيفنى عشان اعطيك نصيبك يبقى بتحلمى
هناء يا مسكين انا أغنى منك بكتير ربنا رزقنى بزوج صالح و اولاد أن شاء الله هاسعى كل السعى وهاخد بالاسباب عشان اربيهم على كتاب الله وتعاليم النبى صلى الله عليه وسلم وحب الناس ربنا يسامحك
وتركته وهو وقف ينظر بغيظ ثم قال بصوت يمتلئ بالغل : انا اللى هاندمك يا هناء وهاخليكم تندمى و ولادك هاكون السبب فى دمارهم
ثم تذكر خروجه من بيت زينب بعدما هددها و انتظر قليلا وبعدها رأى مروان يخرج غاضبا فاقترب منه واصطنع الحزن
اسلام معلش يا مروان ده حال الدنيا وانا موجود يا ابنى وهاساعدك وهاكون جمبك
مروان بفرحة بجد يا خالى هتساعدينى هاكون زيك غنى
المال هو طموح جميع البشر الا من رحم ربى صدقت يا الله فى قولك سورة آل عمران ايه ١٤
اعوذ بالله من الشيطان الرجيم بسم الله الرحمن الرحيم
زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ۗ ذَٰلِكَ مَتَاعُ الْحَيَاةِ الدُّنْيَا ۖ وَاللَّهُ عِندَهُ حُسْنُ الْمَآبِ
اسلام طبعا يا حبيب خالك بس لازم توعدينى محدش يعرف ولا حتى اخوك هشام وجدتك
ووعده مروان وغادر سريعا واسلام ابتسم بشر وظل طوال السنين يملأ قلبه حقدا و يقنعه أن جدته اخذت أموال أبيه لها
وآفاق من شروده على صفعة على وجه مروان وكانت من هشام الذى قال طول عمرى وانا باحترمك كاخ كبير لكن لما تغلط فى الست اللى كانت السبب في حالنا الكويس دلوقتى يبقى لازم اوقفك عند حدك
زينب بعتاب بعد أن ابعدت هشام : ليه كدة يا هشام مهما كان اخوك وسندك ومعلش غلط
مروان : عارف يا هشام انا مش هاردك القلم ده لانك اكيد واقف معاها ومقسم معاها يا اخويا طول عمرها بتحبك طول عمرها بتفضلك عليا علمتك القران والصلاة وعلمتك تبقى انسان كويس وانا لا
وهنا انهار مروان كالطفل الصغير وجلس يبكى بدموع فاقتربت منبع الحنان كما يسميها هشام منه وجلست بجانبه : رب العالمين وحده عالم أن انا عمرى ما فرقت بينك و بين هشام بس انا باعترف بتقصيرى معاك بس كنت دائما باشوفك حد كبير وهيتعلم من غلطه سامحنى انا قصرت ارجوك انا غلطانة بس صديقنى انا لسه جمبك واقدر اساعدك
و اراد مروان أن يتحدث فقاطعه هشام وبالنسبة لفلوس بابا حتى البيت اللى كنا عايشين فيه كل الفلوس دى تيتة احتفظت بها ورفضت حتى حقها و جهزت لكل واحد فينا شقة وقسمت الباقى بالنص و حفظته فى البنك
مروان شقق ايه البيت من يوم ما قعدنا فيه وهو زى ما هو متغيرش شوف كذبة تانى يا هشام
هشام بسخرية عشان انت عايش معنا زى الغرباء مشوفتش البيت بس اقولك عاوز فلوس انا من دلوقتى مستعد أتنازل عن نصيبى وكمان عن شقتى
مروان وانت هتعمل كل ده ليه ؟ عشانى انا وتعيش فقير !
هشام بصدق ايوه هاعمله عشانك انت اخويا اينعم اوقات كتيرة موقفتش جمبك اوقات كتيرة ظهر أن انا وحش معاك بس صديقنى محدش بيحبنا قدك
الجدة تعالى معانا يا مروان تعالى ارجع الى طريق الله
مروان مقدرش ارجع يا تيتة ذنوبى عظيمة اوى هل ربنا هيحبنى ويغفر لى
الجدة زينب ومن قالك أنه مش بيحبك ربنا ....
مروان مقاطعا كل مرة باحاول ارجع وحاجة جوه نفسى بتقولى لا مش هينفع ترجع ذنوبك كتيرة
هشام هو هدفه كدة ابليس مش عاوز يروح النار لوحده لما تسمع صوت بيقولك مش هينفع ترجع ده مش مروان ده ابليس اطرده والعنه وارجع الى طريق الله
الجدة زينب ربنا لو مش بيحبك مش هيرجعك تانى لطريقه ربنا بينادى المدبرين عنه ما بالك بالمقبلين هل هيردهم
اعوذ بالله من الشيطان الرجيم بسم الله الرحمن الرحيم
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
سورة الزمر ايه ٥٣ .
وهنا نزلت ياسمين ابنه اسلام بعد أن حاولت امها منعها
ياسمين صدقهم يا مروان الناس دى اكتر ناس بتحبك وابويا عاوز يدمرك بس عاوز يكمل انتقامه
وهنا أمسكت هاتفها وفتحت احد مقاطع الفيديو وهنا ظهر اسلام وهو يتحدث مع أحد شركائه
الرجل سبحان الله مروان انت اكتر واحد بتكرهه وعاوز تدمره وهو بيساعدك
اسلام بسخرية مروان ده زى العجينة اشكله زى ما احب ، ضحكت عليه من و هو صغير وفهمته أن جدته وأخوه بيكرهوه بس الغريب من حكايتهم الست اللى اسمها زينب ميراث ابنها مبلغ كبير اوى لو كنت مكانها كنت اخدته وطردتهم بس دى بتحبهم حب
الرجل عشان كدة فهمته أن جدته اخدت فلوسهم بس الغريبة أن محدش يعرف بالموضوع ده ازاى عرفته
اسلام انا عاملهم مراقبة وكاميرات وشغل يعرفنى كل نفس عشان اضمن مروان تحت أيدى
وهنا نظر مروان له بغضب يا ******* طول السنين دى بتضحك عليا انا هاندمك
ووقف هشام والجدة محاولين تهدئته ونظرت الجدة : عيب يا ابنى مهما كان خالك واحتراما لوالدتك نحترمه الحمد لله ربنا نور بصيرتك وعرفت الحق
مروان بس لازم انتقم منه عن ظلمه لينا
الجدة خد اخوك وأخرج بره يا هشام حالا
وخرج الاثنان ووقفت الجدة وقالت بصوت واثق بربه : كنت متأكدة أن ربنا هيظهر الحق و أن شاء الله ربنا هينتقم منك
اعوذ بالله من الشيطان الرجيم بسم الله الرحمن الرحيم
وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ سورة إبراهيم الآية ٤٢
وخرجت الجدة ليصرخ اسلام غاضبا محدش يفتكر اننا كدة انتهينا بالعكس دى بدأت الحكاية من جديد مصيركم زى مؤمن وهناء
انتظرونى دمتم بخير
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم
السلام عليكم ورحمه الله وبركاته