قطار الآخرة

الحلقة الثالثة

هشام بقلق انا ؟ ليه خير ان شاء الله
العم محمود اكيد خير يا ابنى أن شاء الله واضح أن فيه ولى أمر طالبة واكيد عاوزين يعرفوا مستواها
هشام والله يا عم محمود انا حاسس بقلق بس ربنا معايا وده يكيفينى بعد اذنك
العم فى نفسه محمود ربنا يستر يا ابنى و يعديها على خير
لاحظت زهراء العم محمود الذى وقف والقلق يبدو على وجهه فاقتربت منه زهراء
زهراء مالك يا بابا محمود شكلك قلقان ؟ خير ان شاء الله
العم محمود الاستاذ جمال المدير طالب الاستاذ هشام وربنا يستر انت عارفة قد ايه هو صعب يا استاذة زهراء
زهراء مبتسمة لا اله الا الله يا حج انا زهراء بنتك يعنى مينفعش انك تقولى استاذة ولا ايه
العم محمود يا بنتى انا خايف حد من زمايلك ولا الطالبات يعرفوا ان ابوكى بواب المدرسة
وهنا نزلت زهراء إلى قدمه وقبلتها فجثى وامسك بكتفيها ووقفت ونظرت له
زهراء البواب ده اللى كبرنى وعلمنى وبقيت بسببه فى احسن حال ،حضرتك شرف ليا وتاج على رأسى ياريتنى اقدر ارد جزء من اللى عملته معايا
وهنا امسك العم محمود خدها بيده وقال مداعبا
العم محمود اتفضلى يا استاذه زهراء على حصتك قال بابا انا اللى البنات كلها هتموت نفسها عليا خمسين سنة ونظرى على قدى و اصلع يعنى شاب متكامل
وهنا ابتسمت زهراء وتركته واخذت تتذكر يوم وفاة والدتها وتركتها هى و اخيها حسان وكان العم محمود عمهم و زوج امهم بعد ابيهم الذى تكفل برعاية اولاد أخيه ،لم يشعروا ابدا باليتم حتى بعد وفاة والدتهما كان لهما الاب والام والعائلة
زهراء ربنا يكرمك يا بابا محمود انت اكرمت اليتيم عشان الرسول يتيم وعشان ترضى ربنا واكيد الجزاء كبير من عند ربنا لاكرامك اليتيم
سار هشام إلى غرفة الناظر وهو يشعر بالقلق فعلى الرغم من تواضع المدير إلا أنه يتميز بالحزم والشدة ،طرق هشام الباب فأذن له وما أن دخل حتى وجد رجل وامرأة يبدو أنهما ثريان جدا وذو نفوذ
هشام السلام عليكم ورحمه الله وبركاته حضرتك طلبتنى يا استاذ جمال خير ان شاء الله
المدير (جمال ) وعليكم السلام يا استاذ هشام البيه والهانم والد و والدة الطالبة ياسمين اسلام فصل ٤/٣ اكيد تعرفها
هشام اهلا وسهلا يا فندم فعلا انا اعرفها من الطالبات المجتهدة ما شاء الله بس ليه السؤال
والد الفتاة (اسلام ) بغرور بقى انت هشام ؟ اللى بيقولوا عليه غريبة ده مستوى معلم بمدرسة بنات زى دى
جمال الاستاذ هشام مثال للأدب والاحترام والمعلم المجتهد
والدة الفتاة بغضب واضح أن حضرتك متعرفش حاجة عن الموظفين عندك ده مثال الإرهاب والتطرف
وقف هشام مندهشا للغاية والكلمات تدور فى رأسه ارهاب وتطرف ،فماذا فعل لكل هذا ؟
جمال حضرتك بتقولى ايه ؟ واتهام الاستاذ هشام على أساس ايه ؟
والد الفتاة انا هاقولك لما بنتى اللى كانت مثال للموضة وفجأة تلقيها لبست حجاب وملابس فضافضة وعاوز تلبس كمان نقاب وكمان أصحابها الولاد طردتهم والتحقت بدار لحفظ القران وتقولة فين الإرهاب وده كله بنصيحة مستر هشام يا حضرة الناظر المحترم
هشام فى نفسه لا حول ولا قوة الا بالله العلي العظيم صدقت يا سيدى يا رسول الله كفى بالمرء إثما أن يضيع من يعول بقى زعلان أن بنتك عاوزة ترضى ربنا احنا بقينا في زمن العجائب و الالتزام بقواعد الاسلام بقى جريمة
جمال بسخرية وانا اللى باقول اخدها داعش ولا بتشتم وتقتل فى الناس ،الاستاذ هشام كل هدفه كمعلم أن يربى اجيال ويعلمهم الاحترام
المرأة بغضب ده واضح انك كمان مشترك معاه وبتدعى للإرهاب اتصرف يا اسلام
هشام ارهاب ايه يا مدام ؟ احنا بنحاول نربى بناتنا ونخرجهم من التأثيرات الغربية اللى عاوزها تقلل من قيمتها ،بنت النهاردة هى أم وزوجة بكرة لازم نعلمها كويس لانها هى الأساس هى المجتمع كله
اسلام انا مش فاضى الكلام الفارغ ده انا هاندمك
وهنا وقف اسلام والد الفتاة وامسك بهاتفه وتحدث وبعد لحظات دخل بعض رجال الشرطة وامسكوا بهشام
هشام انت بتعملوا ايه ؟ سيبونى ؟
الضابط انت هيتقبض عليك بتهمة تحريض الفتيات على الإرهاب ونشره فى المدرسة
جمال متقلقش يا هشام انا مش هاسكت انا هاساعدك
هشام بثقة متشكر لحضرتك يا استاذ جمال بس انا معايا رب العالمين وهو خير معين ونصير
ونزلوا إلى الفناء ليصيبهم جميعهم الدهشة الفتيات تقف كصف واحد خلف بعضهم البعض وكذلك زملاء هشام
الضابط احنا بنعمل ده عشان خاطركم عشان نخلص الناس من الاشرار اللى بينشروا الفساد كأمثال استاذ هشام
إحدى الفتيات احنا مش هنسمح بخروج استاذ هشام من المدرسة واللى عاوز يخرجه هيخرجه على جثثنا
وكانت هذه الفتاة ابنه الرجل وتدعى ياسمين
اسلام والدها انت اتجنتتى يا ياسمين اللى بتعميله ده
ياسمين بادافع عن الرجل اللى عملنا اللى انتم فشلتم فيه استاذ هشام علمنا الاحترام و ساعدنا نقرب من ربنا
فتاة أخرى عرفنا قيمتنا اللى الاسلام وضعنا فيها كملكات انقذنا من التحديات الجديدة اللى هدفها تدمر الاسلام وتدمرنا احنا المسلمين واللى حضراتكم بتسموها تحضر
والدة ياسمين عاوزين ترجعوا تلبسوا الحجاب والنقاب وتخبوا جمالكم وتتمعوا بشبابكم
فتاة احنا بنلبس الحجاب عشان احنا غاليين والغالى دائما الناس بتغطيه عشان تحميه وكلنا هنلبس الحجاب لما نموت فنكون مستعدين من دلوقتى
الأستاذة زهراء يا جماعة الاستاذ هشام زميلنا احنا كزملائه علمنا حجات كتير كالتواضع و ازاى نكون قدوة صالحة
زميل آخر احنا مش هنسيبك يا هشام احنا معاك يا هشام
وهنا نزل الاستاذ جمال ووقف معهم وقال
جمال اعتقد حضراتكم شوفتوا عيلتنا وقيمها مفيش هنا ارهاب ولا تطرف ،هنا التعاليم الإسلامية المحمدية الوسطى
وهنا نظر الضابط وقال ......
انتظرونى
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم