قطار الآخرة

الحلقة السادسة

السلام عليكم ورحمه الله وبركاته

الصوت احنا لازم ننتقم منه ،وكان هذا صوت مروان
الجدة زينب بسعادة مروان حمد لله على سلامتك يا ابنى
وهنا تقدم وقبل يدها وقال الله يسلمك يا تيتة هو ايه اللى حصل ؟ لازم افهم كل حاجة و ازاى هشام مجروح ؟
الجدة بارتباك محصلش حاجه الحمد لله على كل حال
هشام مصدقا الحمد لله متقلقش يا مروان
مروان بغضب حاول أن يخفيه مقلقش ازاى ؟ و اللى سمعته ده معناه ايه ؟ انا سمعت كلامكم كله ولازم نتحرك
الجدة زينب طيب نقعد نفكر بالعقل وبهدوء ونستهدى بالله
مروان بغضب عقل ايه يا تيتة ؟! ده واحد كان السبب في موت ابويا وامى ، لازم يتقدم للمحاكمة
هشام خلاص نتوكل على الله ونروح نتكلم معاه بهدوء ونعرف هو عمل كدة ليه
الجدة زينب يا اولادى الموضوع ده انتهى من اكتر من عشرين سنة و الجانى اكيد هيعاقبه ربنا فى الدنيا والآخرة ،ربنا سبحانه وتعالى يقول
اعوذ بالله من الشيطان الرجيم بسم الله الرحمن الرحيم
ومن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا .
هشام معلش يا تيتة لازم نروح نتكلم معاه الاول
مروان خلاص يا تيتة احنا مش هنخسر حاجة لو اتكلمنا معاه
وذهبوا سريعا بسيارة مروان ( عذرا نسيت أن أخبركم أن مروان ثرى ولديه سيارة ولكن لا يظهر ثراءه أمام عائلته فهم فقط يعلمون بأمر السيارة ويخفى أمر ثراءه فما السر ؟ )
وأثناء الطريق اوقف مروان السيارة أمام إحدى محطات الوقود واستاذن قليلا وذهب بعيدا عن السيارة وامسك بهاتفه وأجرى الاتصال بأحد ما وقال اتصرف و ألحق نفسك
وبعد قليل تابعوا الطريق وعندما وصلوا إلى البيت وجدوه أقل ما يقال عنه أنه قصر ثم استاذنوا بالدخول
الخادم اهلا وسهلا مين حضراتكم ؟
مروان بغضب قول لاسلام راشد الماضى الخاص بيك واقف على بابك وجه وقت الحساب
ودخل الخادم الى اسلام ليصيبه الغضب الشديد
اسلام مين اتجنن وجاى يهدد اسلام راشد فى بيته ؟ دخلهم شكلنا هنتسلى كتير اوى
وبدخول الثلاثة كاد قلب اسلام أن يقف من الصدمة ولكن حاول التمسك بقناع الشجاعة
اسلام انتم مين ؟ وجايين هنا عاوزين ايه ؟
الجدة زينب لا لا لا شكلك عجزت يا اسلام ونسيت انا مين والشباب ولاد مين ؟ خلينا نرجع بالزمن شوية وافتكر ليلة وفاة مؤمن و هناء
وبدأ يتذكر ما حدث فى تلك الليلة حينما انتهى العزاء وذهب ليشمت بالجدة زينب
اسلام بسخرية لا حول ولا قوة الا بالله معلش يا خالة زينب ده حال الدنيا هنعمل ايه ؟
زينب جاى هنا عشان تشمت فينا يا اسلام يا راشد جاى تشمت فى موت اختك وزوجها يا عديم الإنسانية والقلب
اسلام ههههههههههه معلش يا خالتى واضح أن الصدمة ناثرة عليك بس هاعمل باصلى الطيب
ثم امسك ببضع النقود و القاهم عليها قائلا دى شوية فلوس خديهم عشان الولاد و لما تحتاجى تعالى وانا هاعطيك مش معقول ولاد اختى يعيشوا شحاتين و خالهم موجود
وهنا قامت زينب بأخذ المال والقته بوجهه ثم قالت بغضب فلوسك متلزمنيش يا اسلام دى فلوس كلها ربا و اكل ميراث بالحرام انا هانتقم منك وهاوديك فى داهية
اسلام بغل انتقمى زى ما تحبى لكن يوم ما تفكرى تبلغى الشرطة انا هاسجنك لان مفيش دليل وهاشرد الاولاد ،خليك بعيد عن طريقى الا اقسم بالله هتناموا جمب هناء ومؤمن
ثم نظر بشماتة وغادر بابتسامة صفراء فقامت الجدة على الفور وتؤضأت ووقفت بين يد الله ثم قالت فى دعائها اللهم انتقم منه اللهم إنه قد ارنا قوته فاللهم ارنا فيه قوتك فأنت حسبنا ونعم الوكيل
ثم عادوا إلى الواقع و قالت الجدة فى اليوم ده انا متكلمتش خوفا على الأولاد لكن النهاردة اكيد هتدفع ثمن غلطتك
اسلام بارتباك انا مش فاهم والله انتم عاوزين مننا ايه يا ست زينب هو انا اعرفكم اصلا واضح أن حضرتك عندك مشكلة في مخك عشان كدة جاية هنا
وهنا تقدم هشام وامسك من مقدمة ملابسه ثم قال اوعى تفكر تغلط فى تيتة تانى لانك لو عملتها تانى هاوريك اللى عمرك ما تحلم به وإذا كنت زى ما بتقول انك متعرفش احنا مين؟ عرفت منين أن اسمها زينب
وهنا أصاب اسلام الارتباك وهشام مازال ممسكا بقميصه حتى فجأهم دخول رجال الشرطة ليقف اسلام مدعيا الخوف
اسلام حضرة الضابط الحمد لله انكم جئتم فى الوقت المناسب الأستاذ ده والست دى جايين يتهمونى و يعتدوا عليا
الضابط سيبه يا استاذ انت بدل ما اقبض عليك
الجدة زينب متصدقش يا حضرة الضابط ده كذاب ومخادع
الضابط باحترام بعد اذنك يا امى متتكلميش الا لما يطلب منك عشان ميحصلش مشاكل اكتر
اسلام بغضب انت بتتكلم بهدوء ازاى معاهم الاتنين عاوزين يقتلونى ولا ايه يا مروان
مروان مصتنع البكاء اعمل ايه بس اخويا وتيتة مجانين يا فندم كل شوية بيعملوا مشكلة مع الناس
وهنا وقف هشام و جدته جاحظين العيون من شدة الصدمة
هشام مروان انت بتقول ايه ؟ انت اكيد مش فى وعيك ؟
الضابط وانت موجود هنا بصفتك ايه يا استاذ مروان
مروان انا هنا بصفة المدير العام لشركات اسلام راشد بس اخويا و جدتى كتير حذرتهم من اللى بيعملوه بس هما الاتنين عاوزين يبتزوا الراجل المحترم ده على الرغم أنه خالى انا واخويا و كتير اوى وقف جمبى من صغرى
وهنا وقف اسلام يبتسم بشماتة ويتذكر حديث مروان معه
مروان دلوقتى هم جايين عشان يتكلموا معاك بس احنا لازم نقلب الدنيا عليهم ، اتصرف و ألحق نفسك
اسلام متقلقش يا مروان انا عامل حسابى لكل حاجة
وهنا عاد ينظر إلى هؤلاء هشام و زينب وكما يقولون بأمثالنا وكأن القط قد أكل لسانهم ،وهنا نظر اسلام بغل قائلا لو سمحت يا حضرة الضابط اقبض على هشام و جدته بتهمة محاولة التعدى عليا وابتزاز أموالى
الضابط وحضرتك معاك شهود على الكلام ده
وهنا نادى اسلام بعض الخدم الذين أكدوا ذلك و شهدوا زورا فيا ويل شاهد الزور يوم العرض على الملك الحق
مروان وانا كمان شاهد على الرغم أنهم عائلتى لكن الحق حق
وهنا امر الضابط بالقاء القبض عليهم ليقف اسلام و مروان ينظرون بشماتة وضحكة صفراء على وجههم ولسان الحال يقول لهم ولأمثالهم ممن غدروا بأقرب الناس إليهم :
يا اللى غدرت أحبابك توبك ندالة و عار
صعب وعسير حسابك يا خاين يا غدار
اللى بيخون الاهل غدار ونذل و جبان
و الوفى ابن الأصل ذاق الأسى وما خان
يا اللى بقلبه انعدم الحب والاحساس
بيفرح أن ساد الالم بقلوب كل الناس
وتقدم أحد العساكر ليمسك بالجدة فمنعهم هشام من الاقتراب منها قائلا احنا جايين من غير ما حد يلمسها
وهنا جاء صوت ياسمين ايه اللى بيحصل هنا بالظبط ؟ و ازاى بتقبضوا على هشام وجدته هم اهلنا ودى مشاكل عائلية واحنا هنتصرف ونحلها لوحدنا أن شاء الله ولا ايه يا بابا
وهنا لم يستطع الاب اسلام الجواب فقد فضح أمام ابنته الوحيدة فأشارت إليه فتحدث متعلثما
اسلام احنا اسفين يا حضرة الضابط احنا عيلة وهنقدر نصلح امورنا وآسفين على الازعاج
الضابط الحمد لله انا قولت مش معقول وجه البراءة زى هشام و جدته يعملوا كدة
وغادر أفراد الشرطة لتتقدم الجدة زينب نحو مروان و تصفعه على وجهه ثم قالت بدموع ليه ؟عملت فيك ايه؟ عشان تعمل معانا كدة ؟ مش معقول ده حتى اولاد الشوارع ميعملوش كدة ؟ ليه انا جدتك وده اخوك ؟
مروان بصراخ انت السبب في كل ده يا تيتة
انتظرونى دمتم بخير
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم
السلام عليكم ورحمه الله وبركاته