قطار الآخرة

الحلقة الثانية

جدتى ما شاء الله داخل علينا وسكران ،حاجة حلوة اوى تقدرى تقولى لو مت وانت كدة دلوقتى هتقول لربنا ايه
وكان اخى مروان ممسكا بزجاجة صغيرة
مروان ببرود على فكرة يا تيتة انا باشرب شوية صغيرين ومباسكرش وطالما مفيش سكر يبقى مش حرام
وهنا نظر إليه جدتى بغضب شديد
جدتى الأيام دى بقى كل واحد بيفتى فى دين ربنا على حسب مزاجه ويحلل ويحرم زى ما يحبه متعرفش أن حديث عن جابر رضي الله عنه عن رسول الله صلى الله عليه وسلم أنه قال مَا أَسْكَرَ كَثِيرُهُ، فَقَلِيلُهُ حَرَامٌ
مروان خلاص يا تيتة مكنتش اعرف هابطله من النهاردة عشان حضرتك ترضى عنى
جدتى المهم مش انا اللى ارضى ،المهم أنه هو سبحانه وتعالى يرضى عنك ويسامحك عشان تفوز فى الدنيا والآخرة عشان يفضل توفيق ربنا معاك
مروان بصراخ انا معرفش كلامك ده غريب اوى ،طب انا عندك مبصليش ومش ملتزم ودخلت أعلى كلية وطول السنين بامتياز توفيق ايه بقى ؟
الجدة ضاحكة عارف يا مروان انت لو بتقرا قرآن او تعرف حاجة عن رسول الله صلى الله عليه وسلم هتعرف أن ربنا اسمه العدل وطالما الإنسان بياخد بالاسباب ربنا بيساعده وبيعطيه على قد تعبه واكتر كمان
مروان خلاص بقى يا تيتة انا صدعت من محاضراتك اللى ملهاش لازمة اقولك اهتمى بهشام بتاعك احسن الشيخ هشام الملتزم مربى الأجيال الفاصل الصراحة انا لما باشوفه باقرف أن حد زى ده اخويا
الجدة بفخر ماله هشام على الاقل مش زيك
مروان مقاطعا بسخرية طبعا انا واحد شيك والبنات هتموت نفسها عليا وكمان مركز مرموق ولا ايه يا اتش
وهنا غادر هشام والدموع فى عينيه على استهزاء أخيه به أما الجدة نظرت لمروان
الجدة على الأقل هشام راجل الناس كلها بتحلف بسيرته الطيبة أما انت بص لنفسك انت، آسفه فى اللفظ ما شاء الله سلسلة فى رقبتك زى الحريم وبنطلون مقطع
مروان دى الموضة يا تيتة انتم ناس مش متحضرة
جدتى السلسلة موضة انت متعرفش أن رسول الله صلى الله عليه وسلم قال لعن رسول الله ﷺ المتشبهات من النساء بالرجال، والمتشبهين من الرجال بالنساء .
جدتى تيتة انا مسافر الصبح أن شاء الله وقريب اوى هاسيب البيت وامشى عشان ارتاح من قرفك ده
وهنا صفعته الجدة على وجهه ونظرت له بغضب وقالت يا خسارة تربيتى فيك طلعت واحد قليل الاصل
وذهبت إلى هشام لتجده يبكى وما أن سمح لها بالدخول حتى مسح دموعه سريعا
الجدة معلش يا هشام مهما كان اخوك ومعلش انت عارف أنه عصبى ربنا يهديه يا ابنى
هشام انا مش زعلان من مروان يا تيتة هو اخويا الكبير وله احترامه انا خايف عليه من عقاب ربنا المعاصى نهايتها وحشة
الجدة هنحاول معاه مرة و اتنين وعشرة لحد ما ربنا يهديه ويرجع لطريق الصواب باقولك قوم صلى ركعتين لله ده وقت السحر و ادعيله
وكان مروان يتجسس إلى حديث أخيه والجدة اما علمت يا مروان أن ديننا يحرم التجسس استحى يا رجل
مروان باستهزاء قال ارجع قال هما الاتنين عاملين فيها زاهدين ، مش عارف ازاى رغم التحضر والتقدم والناس دى لسه زى ما هى غض بصرك ومتكلمش بنات ،انا عن نفسى مبكلمش بنات هم اللى بيرموا نفسهم وعارفين أننا الشباب بنتسلى بيهم وبعد كدة عاوزة متدين عشان تتجوزه ههههه بنات اغبية
فى صباح اليوم الجديد سافر مروان إلى شركته وودع الجدة وأخيه ببرود وجلس هشام لتناول الإفطار مع جدته ،لاحظت الجدة أن هشام يبتسم
الجدة ربنا يديم ضحكتك يا ابنى بس ايه السر ؟
هشام الدنيا والناس عجيبة لما الدين قال للناس قصروا الملابس اقتداء برسول الله صلى الله عليه وسلم قالوا الاسلام ارهاب ومتشدد ولما نجوم المجتمع زى ما بيقولوا عملوا كدة بقى يقلدوهم
الجدة ربنا يهدينا جميعا يا ابنى ويعفو عنا ويهزم أعداء الإسلام ويرد كيدهم في نحورهم أن شاء الله
وقام هشام وقبل يدها ثم ودعها وغادر
دخل المدرسة التى يعمل بها وسمع شيئا فاندهش سمع الحديث عنه فغضب بشدة ،لم يكن يقصد التجسس ولكن
إحدى الفتيات انا معرفش ايه لازمة وجود أشخاص زى استاذ هشام فى المدرسة واحد متشدد ومتخلف
الأخرى المهم انا حاولت اصاحبه ونتكلم بس قعد يدينى محاضرة وقفل المحادثة بأدب
مشى هشام وظل يستغفر الله ويسأله أن يعفو عنه وعنهم
كان هشام معلم للغة العربية وسمع نداء زميلته الأستاذة زهراء فرجع إليها ووقف خافضا بصره للأرض
هشام السلام عليكم خير يا استاذة زهراء ؟
زهراء وعليكم السلام ازيك يا استاذ هشام حبيت اعرفك أن انا النهاردة المشرفة ، وكنت باعرفك انك عليك الحصة الأولى والثانية أن شاء الله فصل ٥/٣ربنا معاك
هشام الحمد لله فى احسن حال ،تمام متشكر يا استاذة
ودخل إلى حجرة الطلاب فوقفت الطالبات احتراما له
هشام مبتسما السلام عليكم ورحمه الله وبركاته اتفضلوا
وجلسوا جميعا وكعادة الطالبات بدأت كل فتاة تتحدث مع رفيقتها بصوت منخفض
قام هشام وامسك القلم وكتب على السبورة بسم الله الرحمن الرحيم مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ
هشام مبتسما بسم الله الرحمن الرحيم هنبتدى درس النهاردة هل حد يعرف يا شباب الآية دى من سورة ايه ؟
إحدى الفتيات سورة النساء يا استاذ هشام
هشام ما شاء الله جزاك الله خيرا
ثم اخرج قلم من شنطته وأعطاه له كمحفز لها
هشام دى جزء من الآية ٢٥ من سورة النساء الجزء الخامس ربنا هنا يأمر المومنين بالزواج من العفيفات وهنا ربنا بيقول ولا متخذات اخدان وهنا ربنا بيحرم اخذ الصديق واللى بالمعنى العصرى الحديث بوى فريند ده حرام وهنا ممكن اقولكم الصداقة اللى بتحصل الأيام دى الولد يكلم بنت ويتقابلوا ده حرام شرعا
وهنا قاطعته إحدى الفتيات برفع يدها فأذن لها
الفتاة لو سمحت يا استاذ هشام زى ما حضرتك عودتنا اسلوب الحوار عشان الكل يستفيد دلوقتى ممكن الولد بيحب البنت والبنت بتحبه وعاوز يتجوزها فبيكلمها عشان يفهموا بعض وبعدين يقدروا يكملوا الارتباط أو لا
هشام سؤالك رائع الحب عبارة عن دقتين دقة قلب ودقة باب زى ما بيقولوا فى الأمثال يعنى لما قلبى يحب ويختار البنت المناسبة فورا اتقدم لأهلها ربنا بيقول بسم الله الرحمن الرحيم وَلَيْسَ الْبِرُّ بِأَن تَأْتُوا الْبُيُوتَ مِن ظُهُورِهَا وَلَٰكِنَّ الْبِرَّ مَنِ اتَّقَىٰ ۗ وَأْتُوا الْبُيُوتَ مِنْ أَبْوَابِهَا ۚ وَاتَّقُوا اللَّهَ لَعَلَّكُمْ تُفْلِحُونَ .
وبعدين ربنا شرع فترة الخطبة عشان التعارف بس بضوابط شرعية غير كدة لا بيلعب بيها وبتسلى والأشخاص دى الا من رحم ربى كتير جدا ،طيب انا باكلم بنت والبنت انا باكلم ولد اول حاجة تعملها خاف من ربنا وزى انك مبتقبلش ده على أهل بيتك خاف على بنات الناس والبنت خاف من ربنا وخليك قد ثقة اهلك ده الصح . وكدة درس النهاردة يكون انتهى لو حد حابب يستفسر عن أى حاجة انا مستعد أن شاء الله
قامت إحدى الفتيات وقالت استاذ هشام محاربة الحجاب والنقاب فى الأيام دى كتيرة اوى ،ممكن نعرف رايك ؟
هشام اولا خلينا نعرف أن الحجاب ده فرض من ربنا للمرأة ،الاسلام وضع المرأة فى مكانة الملكة فجعلها الام والجنة تحت اقدام الامهات ورضا الام والاب من رضا الله وجعلها البنت وحديث الرسول ان الأب اللى يربى بناته كويس بيكونوا حجاب له من النار ولو كانت بنت واحدة وجعلها الزوجة وأمر الزوج بالاحسان إليها وجعل لها ذمة مالية تتصرف كما تشاء وجعل لها حق الميراث والكثير من الحقوق
طب ممكن سؤال لو الوالدة فى البيت جهزت الطعام وكل الاطباق مكشوفة وطبق واحد مغلف مثلا ايه رد فعلك ؟
فتاة طبعا يا استاذ كلنا ننتظر نعرف ايه الطبق ده لانه مميز واكيد جوه طبق حاجة غالية عشان ماما غلفته
هشام مبتسما وده الحجاب يا شباب جعل المرأة ملكة وسمح لاربعة عشر شخص يكونوا محارمها وغير كدة لا ،الححاب حفظك من عيون الناس جعلك غالية مش جارية كل واحد يشوفها ومن يشترى اكتر
وهنا ضرب جرس انتهاء الحصتين فابتسم هشام وقال قبل مغادرته نكلم الحصة الجاية أن شاء الله فى حفظ الله سبحانك اللهم وبحمدك نشهد أن لا إله إلا أنت أستغفرك ونتوب اليك السلام عليكم
الفتيات وعليكم السلام ورحمه الله وبركاته
وغادر هشام لتنظر بعض الفتيات وتدعو له بالتوفيق فما اجمل دعوة المسلم لاخيه المسلم بظهر الغيب وأخريات
الفتاة يا عم غور فى داهية احنا ناقصين ناس متخلفة زيك العالم بيتقدم وهو بيرجع لأيام الهجرة
أخرى معك حق والله حاسة أننا كنا فى خطبة ولا محاضرة دينية ،راجل متخلف
ثالثة لا يا بنتى ده واحد عاوز يرسم نفسه قدامنا
وعلى صعيد آخر
فتاة الحمد لله ربنا جعل استاذ هشام سببا أن انا التزم فى الصلاة ربنا يكرمه بالخير
أخرى وانا الحمد لله مكنتش محجبة وبسببه حبيت الحجاب والتزمت
سار هشام إلى غرفة المعلمين فى المدرسة ليسمع بواب المدرسة العم محمود يناديه فنظر إليه فوجده قلقا
هشام مالك يا عم محمود حضرتك كويس
العم محمود انا الحمد لله فى احسن حال يا ابنى بس الناظر طالبك فى مكتبه حالا ربنا يستر
هشام بقلق انا ..............
انتظرونى
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم