قطار الآخرة

الحلقة الخامسة

السلام عليكم ورحمه الله وبركاته
هشام بهدوء انا الحمد لله كويس والحمد لله على كل حال بس انا عاوز امشى من المستشفى
الجدة زينب نستنى شوية يا ابنى لما نطمن من الدكتور
زهراء متقلقيش يا ست الكل هو كويس هو الدكتور كتب شوية مسكنات وطلب كمدات عشان السخونية بالليل
الجدة زينب زهراء يا بنتى معلش تعبتك معانا وانت يا حاج محمود احنا مش عارفين نشكرك ازاى
العم محمود متقوليش كدة يا ست ام مؤمن احنا أهل وبعدين هشام زى ابنى بعد اذنكم اشوف الدكتور عشان الخروج
زهراء استنى يا بابا انا جاية معاك
وما أن خرجا حتى نظرت الجدة زينب بعيون كلها دموع
الجدة الف سلامة عليك يا ابنى ،ايه اللى حصل ؟
هشام قدر الله وماشاء فعل يا تيتة معلش تعبان شوية ومش قادر اتكلم
الجدة سامحيني يا ابنى باتكلم كتير بس والله من لهفتى وخوفى عاوز اطمن عليك
هشام متقلقيش انا الحمد لله كويس
وبعد وقت قليل غادروا جميعا وفى طريقهم نزل العم محمود وزهراء إلى بيتهم وغادر هشام وجدته زينب
العم محمود بس غريبة أن هشام رفض يعمل محضر يا ابنتى
زهراء الاستاذ هشام من بعيد تحسه كتاب مفتوح لكل الناس ولما تقرب منه تلاقى غموض
العم محمود يارب يا زهراء ربنا يقرب البعيد يارب
وخجلت زهراء من حديثه لأنها فهمت مقصده وغادرت سريعا قائلة بسرعة يا بابا نلحق نتؤضا عشان نصلى العشاء فى اول الوقت وأحضر العشا عشان تعبانة وعاوزة انام
أما فى بيت هشام ذهب إلى غرفته وبدأ يؤدى صلاته وكذلك جدته ثم أعدت بعض الطعام وذهبت إليه واذن لها بالدخول بعد طرق الباب
الجدة مبتسمة انا حضرتلك اكل خفيف وكمان لبن
هشام مليش نفس يا تيتة معلش تعبتك معايا
تنهدت الجدة ثم نظرت له قائلا يا هشام انا بفضل الله باقدر اعرفك من عيونك من غير ما تتكلم والأكل ملوش دعوة تعبان زعلان لازم تأكل عشان تقدر تفكر
ودهش هشام من هذه الجدة هى حقا تعرفه ولا يستطيع اخفاء شى عنها ،بدأ فى تناول الطعام ثم بدأ يخلد إلى النوم والجدة جلست بجواره تقرا القرآن وتضع الماء البارد حتى تخفض الحرارة ومضى ثلاثة أيام ،كل يوم كان يزورهم العم محمود وكذلك جميع الزملاء ومعظم الطالبات وهشام لا يتحدث حتى مع جدته سوى بضع كلمات حتى جاء هذا اليوم
الذى دخلت الجدة وجلست بجواره ثم قالت
الجدة زينب هشام يا ابنى من ثلاثة أيام كنا اسعد اتنين لكن اتغيرت اوى معايا اهملتنى و مبقتيش تسال عن صحتى ولا عن دوائى و اصبحنا اغراب هو انا بقيت حمل تقيل عليك
ونظرت إليه بدموع ثم أكملت انا عارفة يا ابنى أن الإنسان لما بيكبر بيبقى تقيل وانت كتر خيرك مستحملينى وانا
وقطع حديثها هشام الذى هب وقبل قدمها ويدها ورأسها
هشام بدموع وانت حياتى وعيلتى والدنيا كلها انت مش حمل انت امى الحنون والاب المربى الحازم والاخ النصوح والاخت المرحة والصديق الحق انا يعنى انا
الجدة اتكلم يا هشام انا تقريبا بقيت على معرفة بالموضوع لانى سمعتك وانت نائم وبدأت الجدة تتذكر وهى تضع الكمدات ماما ،ميراث جدى ، اسلام ،تنتقم منى ،اسال جدتك
الجدة بخوف استر يارب ، يارب الدفاتر القديمة متفتحش تانى لأن المصائب هترجع تزيد
ثم أفاقت من شرودها وبدأ هشام يقص عليها ما حدث وما انتهى حتى أخذ يسألها
هشام ارجوك عاوز افهم ؟ مين ده ؟ وبيقول انك تعرفى كل حاجة ! وبيقولى يا ابن اختى ؟
الجدة زينب كنت بادعى ربنا الماضى يفضل مقفول لكن اسمعينى كويس يا ابنى من زمن طويل اكتر من ثلاثين سنة والدتك بنت راجل غنى جدا اسمه راشد وليها اخ وحيد اسمه اسلام المهم لما والدك أتقدم اسلام خاف على أملاك جدك من مؤمن عشان كدة عمل فتنة بين جدك وهناء امك والعلاقة انقطع لكن امك كانت بنت حلال وكانت بتحاول تبر ابوها لحد ما ربنا أراد والعلاقة رجعت احسن مما كانت وجدك كان حابب يعطى امك مبلغ مقابل حرمانها السنين اللى فاتت لكن
هشام لكن ايه يا تيتة وبدأت الجدة تتذكر ذلك اليوم
راشد انا قررت أعطى اختك مبلغ بسيط عاوزك تحوله الصبح
اسلام ههههههههههه تحوله منين هو انت معاك فلوس ده انا باعطف عليك والله انت راجل مجنون
وهنا قام راشد وصفعه انت واحد مش متربى
اسلام بغضب انت ابويا عشان كدة مش هارد عليك لكن اسمع بقى كل حاجة بقيت باسمى انا ،انت اتنازلت عن كل املاكك ليا يا بابا العزيز
اسلام انت كذاب اتنازلت امتى ،انا هاوديك فى داهية يا نصاب يا حرامى
اسلام بابتسامة صفراء معلش يا حجوج انت عملت توكيل ولكن للاسف انا استخدمته لصالحى ولعلمك كل المشاكل اللى حصلت بينك وبين هناء انا السبب فيها
راشد انا هابلغ عنك البوليس لازم تدفع تكن غلطتك
وهنا امر اسلام الخدم أن يأخذوا والدهم خارج البيت وهنا لم يستطع التحمل وإصابته جلطة وانتقل إلى المستشفى و طلب من الدكتور أن يسمح له برؤية هناء
الدكتور مدام مؤمن والدك حابب يشوفك بس ياريت ميتكلمش كتير خمس دقائق وأخرجى
ودخلت هناء وبدأ مؤمن يسأل الطبيب عن أحوال راشد
الدكتور المريض بيحتضر ادعوله بالرحمة والثبات
الجدة زينب لا حول ولا قوة الا بالله
ودخلت هناء لترى والدها تقدمت منه وعيونها دامعة فابتسم والدها ثم قال رغم ظلمى ليك ولسه خايفة عليا سامحيني يا بنتى سامحيني
هناء انا مسامحك يا حبيبي بس متتكلمش
راشد اسمعيني يا بنتى كان نفسى اقدر اعوضك بس للاسف اخوك سرقنى و طردنى يا بنتى مقدرش اقول غير ربنا يسترك ويعفو عنك ويزيدك طاعة وإيمان اما اسلام اللهم اطمس على قلبه واطل فى عمره وقبح عمله وختامه وبارك له فى الحرام واجعله نار له فى الدار الآخرة لا اله الا الله محمد رسول الله
ومات راشد لتحتضنه ابنته باكيا وهى تردد انا لله و انا اليه راجعون ثم أغمضت عينيه وأغلقت فمه و ووضع الغطاء على وجهه
وهنا انتهت الجدة من الحديث ونظرت لهشام
الجدة ومن اليوم ده وقررت امك تقدم شكوى للبوليس ولكن للاسف كان هو السبب وراء الحادثة وموتهم
هشام ازاى يا تيتة كان لازم يتحاكم
الجدة يا ابنى الكلام من زمن والدنيا مكنتش متطورة ولكن جه البيت هنا وهددنى بيك انت ومروان فاضطرت اسكت
وهنا أتى الصوت احنا لازم ننتقم منه
انتظرونى دمتم بخير
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم
السلام عليكم ورحمه الله وبركاته