قطار الآخرة

الحلقة التاسعة

السلام عليكم ورحمه الله وبركاته
اذكروا الله وصلوا على رسول الله صلى الله عليه وسلم
ركزوا معايا في هذه الحلقة هنكتشف سر جديد ؟؟؟؟
اقتربت الجدة زينب حتى تعلم من اين ياتى صوت البكاء حتى تيقنت أن الصوت من غرفة مروان فتحت الباب بعد الطرق ووجدته يصلى ويبكى حتى أنه لم يشعر بها حتى وضعت يدها على كتفه فالتفت إليها واحتضنها وهو يبكى كطفل صغير حتى انتهى بعد قليل
الجدة زينب مبتسمة ما شاء الله ربنا بيحبك عشان كدة اصطفاك تقعد معاه لوحدك ،كنت ايقظنا انا وهشام نكسب ثواب ركعتين لله ولا حابب تاخد الثواب لوحدك
(ما اعظمه من شرف للمؤمن قيام الليل )
مروان ظلمت نفسي كتير لما أذنبت فى حق ربنا وظلمت ناس كتير اوى وكنت السبب فى خراب بيوتهم
الجدة زينب مبتسمة طالما أذنبت فى حق ربنا فربنا بيسامح الله لا يمل من توبة العبد حتى يمل العبد من الاستغفار ربنا بيقول : سورة النساء ايه (١٧)
اعوذ بالله من الشيطان الرجيم بسم الله الرحمن الرحيم
إِنَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِن قَرِيبٍ فَأُولَٰئِكَ يَتُوبُ اللَّهُ عَلَيْهِمْ ۗ وَكَانَ اللَّهُ عَلِيمًا حَكِيمًا
وبالنسبة للناس رد المظالم لاهلها وان شاء الله كدة يسامحك ربنا لانك رجعت الحق لأصحابه ،انا عارفة انك معاك فلوس كتيرة وتقدر ترد الحقوق ولو مقدرتش نصيبك فى ميراثك يساعدك .
ونظر مروان بدهشة إلى الجدة زينب فقطعت نظرته بقولها يا ابنى انا شيبت و شيبى يخلينى ابص فى عيونك وافهم انت عايز تقول ايه من غير ما تتكلم يا مروان
مروان بتردد بس يا تيتة دى فلوس من تعبى وشغلى كان ليا نصيب في كل مرة وكمان معاهم مرتبى
الجدة زينب سبحان الله الناس في الزمن ده بقت طماعة الا من رحم ربى الناس همهم الفلوس على رأى احمد مجاهد
الناس لهاتها الفلوس ولا حد بيعمل خير
والدنيا دى لو تدوم ما كان رماها الطير
اعمل ليوم القيامة يومها هيبقى عسير
وكتر الزاد لان الآخرة ابقى لك
واللى يراضى اليتيم ويا النبى يسير
انت مشيت في الغلط عشان المرتب قليل وجمعت الحرام عشان تكتر الحلال واسمع الشافعى بيقول ايه
ﺟﻤﻊ ﺍﻟﺤﺮﺍﻡ ﻋﻠﻰ ﺍﻟﺤﻼ‌ﻝ ﻟﻴﻜﺜﺮﻩ
ﺩﺧﻞ ﺍﻟﺤﺮﺍﻡ ﻋﻠﻰ ﺍﻟﺤﻼ‌ﻝ ﻓﺒﻌﺜﺮﻩ
الحرام ده هياكل الحلال رد المظالم لاهلها واكسب رضا ربك حتى لو هيطرودك من الشركة ربنا بيده الرزق واحنا ناخد بالاسباب ولا ايه ؟!
وهنا قبل يدها وقال مبتسما ربنا ميحرمنيش منك ومتقلقيش خلاص عرفت هاعمل ايه ؟ أن شاء الله انا هاسافر بعد الفجر وبعد يومين أن شاء الله هيكون كل شى بخير
وحقا صدق مروان ذهب وأخذ أمواله وبدأ يرد الحق لأصحابه وما تبقى رفض أن يبقيه معاه وتبرع به لأحد دور الأيتام حتى ينتهى من كابوس المال الحرام وهذا الفخ القاتل
وحذر جميع عملاء و شركاء اسلام راشد ليفقد اسلام فى لحظة كل شى ويصبح مهدد بالافلاس وعليه قضايا ويتم القبض عليه وأثناء التحقيقات جاءت زوجته سعاد وطلبت الطلاق منه فمن جمع من أجلها المال وترك أحبابه تركته هى الأخرى فطلقها وهو يتوعد لها وأثناء الترحيلات تمكن اسلام من الهروب ليذهب إليها
الحارس حضرتك ممنوع من الدخول يا اسلام بيه ؟
اسلام بغضب انت مجنون ده بيتى ولو مدخلتش دلوقتى هاقتلكم كلكم
ومع إصراره اضطر الحارس بالسماح له بالدخول ليذهب وما أن رأته سعاد حتى قالت بغضب : انت جاى هنا ليه ؟ انت ملكش حاجة هنا اتفضل بره .
اسلام بصدمة : انا مش مصدق انك اتخليتى عنى بالسهولة دى ،انا كنت فاكر انك اول واحدة هتبقى جمبى ،ليه بعتنى بعد ما انا بعت كل حاجة عشانك بالظبط .
سعاد بسخرية : ما شاء الله بتسال وترد على نفسك انت واحد باع كل عيلته وناسه عشان مراته ومفكرش فيهم وكان السبب فى موت أبوه واخته الوحيدة ،اللى ملوش خير فى اهله اكيد ملوش خير فى مراته ولا فى اى حد
اسلام بدهشة : عائلتى اول مرة تتكلمى عنها كدة ،طول عمرك بتحرضنى عليهم انا فعلا كنت السبب فى موت ابويا واختى هناء واخدنا الفلوس عشانك لكن انا عملت كدة بناء على كلامك
وهنا أصابت سعاد نوبة من الضحك بصوت عال
سعاد : انت معملتش كدة عشانى انت عملت كدة عشان غبى انت وأمثالك واحد عايش مع أهله سنين طويلة وتيجى وحدها يعرفها بشهور وتقلبه عليهم وتغيره مع أنه لو فكر هيلاقى أهله على حق بس انت غبى
اسلام بصراخ : وطالما انت إنسانة كويسة كدة ؟ ليه عملتى فينا كدة ؟ ودمرتى سعادتنا
سعاد بشماتة : عشان اقدر انتقم من هناء ايوه انتقم منها طول عمرنا اصحاب فى الجامعة وعمرى ما حبتها لأنها كانت بترسم دور البنت الطيبة المحترمة الملتزمة أما أنا فكنت الفقيرة وكانت بتعطف عليا بس باسلوب مهذب تقولى اشتريت الفستان وجبتلك واحد زيه عشان احنا اخوات وهى كانت بتعمل كدة عشان تذلنى وحتى مؤمن حبها وانا لا ؟'
اسلام بدهشة : مؤمن ؟!!!!!! و انا لا ؟!!!!!!
سعاد : ايوه مؤمن كنت باحبه حتى يوم ما كلمنى كنت طائرة من الفرح وفى الاخر عرفت أنه حابب اسعاده يتكلم واول ما حاول يكلمها منعته وقالت له يدخل البيت من بابه واتبسطت أنها ردته لكن مؤمن تتعلق اكتر وكان لازم ادمرهم
اسلام : عشان كدة اخدتنى كطعم مش كدة انا هاقتلك وانتقم منك واخلص الناس من شرك
وعندما اقترب منها وأخرجت مسدس ووضعته مصوبة اتجاه رأسه وأمرت الخدم بإخراجه فابعدهم ثم قال
اسلام : انا هاخرج وصدقنى هانتقم منك ومن مروان
سعاد ضاحكة : فعلا فضلت تكبر فيه واول واحد لدغه كان انت معلمه ،اسمعينى كويس ابعد عن طريقى عشان متندمش
اسلام : الصبر حلو يا سعاد انا خارج بس عاوز ياسمين بنتى
سعاد : بنتك انت عارف ان ياسمين مش بنتك و .........
انتظرونى دمتم بخير
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم .