قطار الآخرة

الحلقة الثامنة

السلام عليكم ورحمه الله وبركاته
قبل البداية اذكروا الله وصلوا على رسول الله صلى الله عليه وسلم ،مهما مشيت في الطريق الخطأ أو غرقت في بحور الذنوب واردت الرجوع لا تستمع إلى من يقول لك قضى الأمر مصيرك إلى جهنم ،قف وقل له عبد الرجل الله عشرين عاما وعصاه عشرين سنة ولما رأى الشيب فى وجهه وقف وقال ربى اطعتك عشرين وعصيتك عشرين فهل إذا عدت اتقبلينى ؟
فسمع المنادى فى غرفته يسمع صوته ولا يرى أثره اطعنا فاحببناك وعصيتنا فأمهلناك وان عدت الينا قبلناك
هيا بنا جميعا لنعود لربنا العالمين حتى يرضى عنا ويعفو عنا ويرفع عنا البلاء
عاد الثلاثة إلى البيت ومروان يشعر بأنه ولد من جديد
الجدة دلوقتى احنا هنصلى العشاء وعاوزك يا مروان مش وضوء لكن اغتسل زى صلاة الجمعة عشان نبدأ صفحة جديدة مع ربنا
مروان بخجل تيتة انا اسفة انا ......
الجدة مروان بعد ما نصلى هنتكلم ونقول زى ما تحب دلوقتى عاوزين نلحق وقت العشاء من بدرى
وذهب مروان مع اخيه وبدأ يعد له ثياب نظيفة وأحس هشام بلباقته أن مروان لا يعرف فقه الغسل والوضوء فبدأ يشرح له
وكأنه يذكر نفسه فابتسم مروان وذهب بعدما استمع لاخيه
وعندما شرع استمع لمن يناديه ؟
الصوت معقولة يا مروان تترك حياتك الجميلة والسعادة والبنات اللى بيتمنوا إشارة منك وتروح تزهد معقولة ارجع يا مروان ده مش طريقك
الصوت الآخر متسمعش كلامه يا مروان ده عاوزك تندم فى يوم مينفعش فيه الندم اسمع منى انت تركت كل شى عشان الله ومن ترك شى لله عوضه الله خيرا منه
الصوت الاول يا مروان فاكر ايام الشرب واللعب ده انت كنت اكتر واحد بيكسب اصحابه ومسمينك الملك حد يترك كل اللذات الجميلة دى
الصوت الآخر يا مروان النار محفوفة بالشهوات والجنة محفوفة بالمكاره يا مروان افتكر جزاء المؤمن جنات فيها ما لا عين رأت ولا أذن سمعت ولا خطر على قلب بشر اوعى تسمع كلام نفسك الإمارة بالسوء
وقطع الحديث بين نفسه الإمارة بالسوء أو شيطانه و نفسه اللوامة اذان العشاء النداء الحق وبدأ يستمع الأذان الذى اخترق قلبه وانهمرت دموعه وانتهى سريعا ثم خرج
هشام مبتسما نتوكل على الله عشان نصلى فى المسجد
وخرجا الاثنان لتقابلهما الجدة زينب مبتسمة قائلة اوعى تنسى جدتك فى دعاء سجودك يا مروان
مروان انا اللى محتاج دعوة منك يا تيتة عشان اتوب
الجدة زينب هاقولك على حاجة جميلة لما تكبر تكبيرة الإحرام الله اكبر رب العالمين سيقف امامك فاسأله ما شئت
وذهب الاثنان إلى الصلاة وبدأ الإمام بعد ترتيل الفاتحة بصوت عذب فإذا اعجبت صوت القارئ فاعلم أن الصوت صوت انسان والمتحدث هو الله جل وعلا وكان يرتل
اعوذ بالله من الشيطان الرجيم بسم الله الرحمن الرحيم
قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (٥٣)وَأَنِيبُوا إِلَى رَبِّكُمْ وَأَسْلِمُوا لَهُ مِن قَبْلِ أَن يَأْتِيَكُمُ الْعَذَابُ ثُمَّ لا تُنصَرُونَ (٥٤) وَاتَّبِعُوا أَحْسَنَ مَا أُنزِلَ إِلَيْكُم مِّن رَّبِّكُم مِّن قَبْلِ أَن يَأْتِيَكُمُ الْعَذَابُ بَغْتَةً وَأَنتُمْ لا تَشْعُرُونَ (٥٥) أَن تَقُولَ نَفْسٌ يَا حَسْرَتَى عَلَى مَا فَرَّطتُ فِي جَنبِ اللَّهِ وَإِن كُنتُ لَمِنَ السَّاخِرِينَ (٥٦) أَوْ تَقُولَ لَوْ أَنَّ اللَّهَ هَدَانِي لَكُنتُ مِنَ الْمُتَّقِينَ (٥٧) أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً فَأَكُونَ مِنَ الْمُحْسِنِينَ (٥٨) بَلى قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنتَ مِنَ الْكَافِرِينَ (٥٩) وَيَوْمَ الْقِيَامَةِ تَرَى الَّذِينَ كَذَبُواْ عَلَى اللَّهِ وُجُوهُهُم مُّسْوَدَّةٌ أَلَيْسَ فِي جَهَنَّمَ مَثْوًى لِّلْمُتَكَبِّرِينَ (٦٠) وَيُنَجِّي اللَّهُ الَّذِينَ اتَّقَوا بِمَفَازَتِهِمْ لا يَمَسُّهُمُ السُّوءُ وَلا هُمْ يَحْزَنُونَ (٦١) سورة الزمر
وانهمرت دموع الجميع ومروان كذلك وانتهى من الصلاة وجلس ووجد لوح مكتوب به اذكار ما بعد الصلاة ظل يرددها حتى اقترب منه هشام مبتسما ها يا مروان حاسس بايه ؟
مروان مش قادر اوصفلك يا هشام مدى السعادة اللى انا فيها حاسس كأنى اتولدت من جديد ،نفسى اواظب على الصلاة
هشام مبتسما متقلقش هنساعد بعض أن شاء الله هاقوم اصلى ركعتين السنة وبعدين نمشى ( بعض العلماء قالوا إن سنة العشاء ركعتين قبلها والله اعلى واعلم ) ،واخذ مروان هو الآخر يصلى وخرج الاثنان سويا من المسجد
هشام تعرف يا مروان دى اول مرة انا وانت نمشى مع بعض فى مكان واحد
مروان بحسرة انا اللى كنت غلطان سامحينى يا هشام
هشام بمرح بعد كل اللى عملته عشانك تبيعنى يا مروان لا متقوليش لا متقوليش
و لم يستطع مروان كتمان ضحكته من أخيه المرح و أثناء استكمال الطريق سمع هشام صوت بكاء فاوقف مروان قائلا لحظة يا مروان واقترب واذا به يجد فتاة بعمر الخامسة تقريبا تبكى فمسح على شعرها واوقفها
هشام بحنان مالك يا عمو بتبكى ليه ؟
الطفلة ببراءة عاوزة العب هناك وعمو بتاع اللعبة بيقول لا
هشام مبتسما وهو بيقول لا ليه
الطفلة عشان عاوز بابا يكون معايا وانا باجى هنا يوم ويوم ويوم ويوم وعمو بيقول لا
هشام وبابا فين يا حبيبتي ؟ ليه مبيجيش معاك
الطفلة عشان ماما بتقول بابا عند ربنا
وهنا اقترب هشام وقبل يدها ومسح دموعها وقال لها بصوت يخنقه البكاء ولا يهمك انا بابا وهنلعب مع بعض اسبقنى انت يا مروان وانا هالحقك
مروان لا انا جاى معاك يا هشام
الطفلة بفرحة بجد يا عمو هتلعب معايا
وذهب الاثنان معاها إلى المكان و وجدا لعبة الأرجوحة وبعد وقت اشترى لها بعض الاشياء وأعطاهم لها و ذهبت إلى منزلها شديدة السرور
هشام الحمدلله رب العالمين أننا قدرنا نكون السبب فى ضحكتها تعرف ان من احب الاعمال الى الله ادخال السرور على قلب المسلم وشوفت الرزق طفلة و يتيمة
مروان ما شاء الله جميلة اوى البنوتة ربنا يحميها
هشام بمرح شد حيلك يا مروان واتجوز عشان اكون عمو
مروان لالسه بدرى اوى على الجواز اظبط حياتى بفضل الله وأصلح كل الاخطاء وبعدين افكر فيه أن شاء الله
و بعد دخولهما المنزل حتى سمعا مناجاة الجدة زينب
يا ربِّ إنْ عَظُمَتْ ذُنُوبِي كَثْرَةً
فلقد عَلِمْتُ بِأَنَّ عفوك أَعْظَمُ
إِنْ كَانَ لاَ يَرْجُوكَ إِلاَّ مُحْسِنٌ
فَمَن الذي يَدْعُو ويَرْجُو المجرم
أَدْعُوكَ رَبِّ كما أمرت تَضَرُّعاً
فَإِذَا رَدَدَّتَ يَدِي فمن ذا يَرْحَمُ
مَالِي إِلَيْكَ وَسِيلَةٌ إِلاّ الرَّجَا
وَجَمِيلُ عَفْوِكَ ثُمَّ إِنِّي مُسْلِمُ
وانتهت الجدة وابتسمت ثم بدأت فى أعداء العشاء وبعده أخذتهم الجدة حيث الطابق الثانى للمنزل وفتحت الباب
الجدة زينب مبتسمة دى شقتك يا مروان ايه رايك
وبدأ مروان يرى الشقة واثاثها كل شى بسيط ولكنه أنيق صدق من قال الاناقة فى البساطة
مروان بجد يا تيتة كلمة جميلة قليلة اوى ما شاء الله تبارك الله احسن الخالقين .
الجدة زينب الحمد لله انها عجبتك وبعدين تقدر تفكر لو حابب تغير حاجة احنا معاك والشقة التالتة دى لهشام و صاحبتها هتشرف قريب إن شاء الله
هشام مسرعا طيب انا نازل اشرب بسرعة بعد اذنكم
مروان ضاحكا يا الله هشام شكله اتكسف يا تيتة بس شكلك مجهزة عروسة كويسة أن شاء الله
الجدة زينب طبعا زهراء هنروح قريب نخطبها أن شاء الله
مروان بس حضرتك اخدتى رأى هشام
الجدة زينب يا ابنى انت شوفته اختفى اول ما سمع السيرة انا عارفة أنه بيحبها والحب أوله و اخره الجواز وبعدين انا عرضت الموضوع على نسرين وحسان وهما هيكلموا محمود وزهراء وبعدين نحدد معياد زيارتهم أن شاء الله
مروان يا جمالك انت يا زنوبة يا مبدعة ياحاسس الجيل
الجدة بحركة مسرحية الحمد لله هذا من فضل ربي مبحبش اتكلم عن نفسى كتير
وذهب هشام وهو سعيد للغاية كم تمنى أن تصبح زوجته واقترب حلمه أن يصبح حقيقة
وقبيل الفجر استيقظت الجدة ولكنها سمعت صوت بكاء فاقتربت وقالت .........
انتظرونى دمتم بخير
واذا ما شئت فى الدارين تسعد فأكثر من الصلاة على سيدنا محمد صلى الله عليه وسلم
السلام عليكم ورحمه الله وبركاته