🌟Polaris🌟

Part 1

              Both ZG & Uni Code

ကုတင်တစ်ဘက်ခြမ်းမှာ ခွေခွေလေး အိပ်နေတဲ့ Ruby အပေါ် စောင်လေးကို အသာခြုံပေးရင် မျက်နှာဖောင်းဖောင်းနုနုလေးကို တစ်ချက်ကြည့်ပြီး အိပ်ရာပေါ်က ဆင်းလိုက်တယ်။

Ruby က Jisoo ရဲ့ မိန်းမ ။ ကိုးရီးယားလို နိုင်ငံမျိုးမှာ ဘယ်မိဘကမှ မိန်းကလေးချင်း အိမ်ထောင်ချမပေးကြသလို လက်လည်း မခံကြပါဘူး ။ ဒါပေမဲ့ Jisoo ကတော့ ဘာကိုမှ စောက်ဂရု့မစိုက်ပဲ ဖြစ်ချင်ရာကို ဖြစ်အောင်လုပ်ခဲ့တာပဲ။ လောကမှာ အရေးကြီးဆုံးက ပိုက်ဆံလေ။ ပိုက်ဆံသာ ရှိနေရင် အရာအားလုံး ဖြစ်တယ်။ တစ်နည်းအားဖြင့် Ruby ကို Jisoo က ပိုက်ဆံနဲ့ သိမ်းခဲ့တာ။ ဒီနည်းလမ်းတွေက ရိုးနေပြီမလား ။ ဟုတ်တယ် အဲ့ထပ်ချည်းတလဲ ရိုးအိနေတဲ့ နည်းနဲ့ပဲ သိမ်းခဲ့တာ။ Ruby တို့ မိသားစုက နည်းနည်းတော့ ခေါင်းမာတယ် ။အဲ့အရေးမပါတဲ့ အချစ်ဆိုတာကြီးကို သူတို့မိသားစုကြားမှာ တော်တော်သုံးသုံး။ Rubyကိုရဖို့ ပိုက်ဆံ 2သန်းလောက် ရင်းခဲ့ရတယ်။ သူ့မောင်လေးကို ဆေးစွဲအောင်လုပ်ဖို့ သူ့အဖေကိုအလုပ်ပြုတ်အောင်‌လုပ်ဖို့ အို အများကြီး အချိန်ပေးလုပ်ခဲ့ရတယ်။ Jisoo က အဲ့လို တစ်ခုခုပေါ်မှာ အချိန်အများကြီးပေး လုပ်ရတာမျိုးမကြိုက်ဘူး။ အလုပ်မှာလည်း ဒါက ဖြစ်နိုင်လား မဖြစ်နိုင်ဘူးလားဆိုတာမျိုး Jisoo ဘဝမှာမရှိဘူး ။ ဖြစ်နိုင်တယ် ဖြစ်ရမယ်ဆိုတာမျိုးပဲ ရှိတယ်။ သေနတ်ကိုင်သင့်ရင်  ကိုင်ရတယ် ။ ပိုက်ဆံနဲ့ ပစ်ပေါက်သင့်ရင် ပစ်ပေါက်ရတယ်။ လောကမှာ အာဏာနဲ့ပိုက်ဆံ တစ်ခုခုရှိရင်ရပြီ ။ ပိုက်ဆံရှိရင် အာဏာရှိတဲ့သူတွေကို ကစားလို့ရသလို အာဏာရှိရင် ပိုက်ဆံက အလိုလို ရလာတာပဲ ။ အချစ် လူတော်တော်များများ ပါးစပ်ကအလွယ်လေး ပြောကြတဲ့ အချစ်တွေ မေတ္တာတွေ ဂရု့ဏာတွေဆိုတာတွေကို Jisoo မယုံဘူး ။ ဘာမှအရေးမပါတဲ့ အရာတွေ အသုံးလည်းမဝင်ဘူး။ ဒါပေမဲ့ Rubyကိုတွေ့တဲ့အချိန်မှာတော့ ပထမဆုံး သူစိမ်းတစ်ယောက်အပေါ် ပိုင်ဆိုင်ချင်တယ်ဆိုတဲ့ စိတ်မျိုး ဖြစ်လာတာပဲ။ မနက်တိုင်း စက်ဘီးလေး နင်းပြီး အလုပ်သွားတဲ့ Ruby ကို ကားပေါ်ကနေ ထိုင်စောင့်ကြည့်မိတယ်။ Rubyက လှတယ် လှတာထက် ချစ်ဖို့ကောင်းတယ် ။ ရယ်လိုက်ရင် သွားသေးသေးလေးတွေနဲ့ အတူ ပေါ်လာတက်တဲ့ သဖုံးအနီလေးတွေကို လည်း သဘောကျတယ်။ သူရယ်နေတာကို ကြည့်ပြီး ကိုယ့်ပါအဝေးကနေ လိုက်ရယ်မိသွားတာမျိုး အထိ တက်စွမ်းနိုင်တယ်။ အဲ့တစ်ချက်နဲ့တင် သူ့ကို သိမ်းပိုက်လိုက်ဖို့ ကြိုးစားလိုက်တာပဲ။ အပေါ်ယံ ဟန်ဆောင်အရယ်အပြုံးတွေကြားမှာ ငြီးငွေးနေတဲ့ Jisooအတွက် သူ့ရဲ့ အရယ်အပြုံးတွေက စိတ်သက်သာရာ ရစေတယ် ။