لعلك تكون اقوى دروس حياتي ((لعنة اختيارك))

البارت الرابع

السلام عليكم

لعلك تكون أقوى دروس حياتي
(لعنة اختيارك)

بقلمي (سقين الشمري)

لا يسمح او يحلل نشر القصة دون ذكر اسمي

.........................

باوع علية وكال
:
ما بية شي اذا تريدين كومي بدلي يلة علمود نتعشى صفنت بوجهه ومحجيت شي كمت واجر بالبدلة جانت كلش ثكيلة
:
جان اكو حمام بداخل الغرفة اخذت ملابس وعفت سيت النوم الي معلكي بالزاوية ودخلت للحمام اني والبدلة
:
اسحل بيها سحل خليت الملابس بالتعلاكة وكمت اريد انزع البدلة افتح بالسحاب وما ينفتح
:
شلون بلوة هاي استحي اكول لاحمد ضليت احاول واحاول لكن ما كدرت للحضة ردت ابجي
:
طولت بالحمام صاح روان وينج وين صرتي صحت دقيقة ورجعت اريد افتح السحاب وهم بدون فايدة
:
انوب كد ما ارجع بايدي لورة ضهري وتصير مثل الي عبالك تنلوي احس لزمني دمار بالقفص الصدري
:
واحس اكو عضم التوة بحيث حتى النفس صعب علية الله شاهد صدك بجيت هو يمكن سمعني ابجي
:
دك الباب وصاح روان بيج شي رديت بخنكة تكدر تصيح عمتي او وحدة من البنات
:
ليش شبيج شتريدين كولي زين بس افتحي الباب
:
فتحت الباب وباوعت علية بعيون مدمعة ما داكدر افتح السحاب حاولت والله وياه وماكو وكد ما عوجت ايدي لزمني دمار يم القفص الصدري
:
اي يعني متعرفين تصيحين الي اني افتحة الج شو انداري دافتحة
:
انداريت واني خجلانة ممتعودة هسه بس يفتح السحاب ضهري كلة يبين خلة ايدية على البدلة ديفتح السحاب وايدية لامست ضهري
:
احس جسمي كلة قشعر وكمت ارجف والي زادني خجل وخوف من فتح السحاب واباوع علية بالمراية صافن على ضهري واني عندي شامة
:
جوة ركبتي ومو بالوسط صايرة لا صفح بلعت ريك وهو صافن ايدة كامت تمشي على ضهري واني ارجف قربني علية بس ما دارني علية
:
لا ضليت على نفس وضعيتي يعني ضهري الة حضني وضل يشم بركبتي كزبر كل جسمي باسني من ضهري ودارني علية
:
فتح عيونة وصفن بوجهي ضل يباوع بتفاصيل وجهي واخر شي شفتي واني صافنة علية جان يكول
:
يلة فتحت الج السحاب بدلي بسرعة اني كاعد هنا علمود نتعشى وخلة واندار مشة كعد عالكرويتة ويفرك براسة
:
صفنت هذا شبي عفتة وسديت باب الحمام نزعت البدلة وفتحت شعري وغسلت المكياج وسبحت
:
كملت وطلعت وهو لكيتة مدري المن يراسل بموبايلة رحت مشطت شعري بس بعدة يجري مي واستحي افتح الشسوار وانشفة رشيت عطر
:
وضليت واكفة محتارة شنو اسوي هو ابد ما رفع راسة وباوع علية ملتهي يراسل كلت يجوز من جماعتة وديحجي ويا
:
زين الفرشة مفروشة وكلها ورد وزينة مو مال اخربها الكرويتة هو كاعد عليها الطابورية الي اني كاعدة عليها مال المكياج قابل اضل كاعدة هنا
:
انوب كد ما استحي حتى ما اتنفس قوي لا ينسمع صوتي ضليت ادعفس بالميز واجيب الغراض منا وارجعها منا عساس دالهي نفسي
:
وهو ولا يمة ولا رفع راسة ولا حجة ولا كال ملتهي بالموبايل ضليت هيج لحد ما اندكت الباب يلة رفع راسة
:
شفتة ايدية تتحرك عالموبايل بمعنى ديكتب كمل وسد التلفون وكام فتح الباب طلعت عمتي جايبة العشى
:
كمت من مكاني وتقربت يمها خومو اضل كاعدة خلت الصينية بالكاع وباوعت على احمد عبالك يحجون الغاز انتبهت اباوع الها كالت حبيبتي يمة
:
محتاجين شي
:
لا عيني عمة ما محتاجة غير سلامتج
:
فدوة لطولج يبعد روحي انتي عمة واجت باستني من راسي
:
اتاكدت من عدنة منريد شي بعد وطلعت سد الباب احمد واندار علية يلة تعاي تعشي
:
رحت امشي يمة هو راح عالكرويتة ورد لزم التلفون
:
شنو ما تتعشى انتة
:
لا ما اريد اكلي وحدج