لعلك تكون اقوى دروس حياتي ((لعنة اختيارك))

البارت الثالث

السلام عليكم

لعلك تكون أقوى دروس حياتي
                                   ((لعنة اختيارك))

بقلمي (سقين الشمري)

لا يسمح او يحلل نشر القصة بدون ذكر اسمي

.....................

احمد عادي احجي وياج وحدنة
:
راسا ردت جديتي اي اخذها وروح احجو بالحديقة عادي باوعت على امي ما كالت شي
:
كام هو طلع وطلعت وراه كعدنة بالحديقة عالكراسي وماكو شي غير السكوت ما افتهمت على شنو لعد طالعين
:
ورة شوية حجة وكال اي شلونج
:
رديت : زينة الحمدلله
:
احمد : الله يجعلج واتنهد
:
رديت : احمد شبيك خير خومو اكو شي
:
باوع بعيون تعبانة ورد لا ليش
:
روان : ما ادري احسك مو نفسك احمد طبعا استجمعت قوتي يلة كدرت احجي ويا واحجي هيج
:
لان اني كضيت عمري رغم احبة لكن قليل يسمع صوتي يعني استحي احجي كدامة كملت كلامي
:
شو انتة تغيرت من يوم الي اجيت بليل علمود يتفقون اهلي واهلك وبالخطوبة هيج وهيج سويت واصلا حتى ما بقيت راسا طلعت
:
وعايف حتى الخطوبة ومتغير كلش قبل جنت تجي تسلم من تشوفني تحجي وياي هسه ابد ماكو من يوم الي صار موضوعنة وانتة ما جاي
:
واشوفك ضايج وماعاجبك الوضع ومو على بعضك اذا بيك شي كول او اذا متريدني مو مشكلة من دام بعدنا باولها
:
احمد : لا اني ما كلت ما اريد وبعدين منين جبتي هذا الحجي شلج بي بس اني تعبان هالفترة وبيوم الخطوبة كتلج شنو صار وليش هيج سويت واعتذرت
:
روان : ما ادري احمد احسك ما رايد هذا الزواج والارتباط لان من عمو حجة بموضوعنا وانتة تغيرت موذاك احمد الي جان يضحك ويسولف
:
احمد : لا انتي غلطانة ماكو شي من الي بالج تفكيرج هيج يكول الج ما بية كلشي وبعدين اني هسه تعبان غير يوم تحجي انشالله بس اكولج شغلة وحدة روان هالفترة اذا بدر اي غلط مني تحمليني
:
روان : ليش احمد اكو شي ليش هيج تكول فدوة لا تضم علية
:
احمد : مو كتلج ماكو شي بس اهدي انشالله بالعرس ومن تجين يمي اعوضج هسه اعذريني هاي الايام تعبان
:
روان : ترخص مني وراح لبيتهم من الحديقة واني واكفة اباوع علية ونطيتة كامل العذر رغم ادري واعرف اكو شي صاير واكو غلط بالموضوع
:
لكن ضليت اسكت بنفسي واجذب عقلي واستمع لكلبي لان احبة وما اريد اخسرة هو راح واني واكفة اباوع على طولة وجمالة
:
رجعت للبيت وامي كالت شنو راد كتلها هيج وهيج ورحت لغرفتي لكيت صديقاتي داكات يباركلي حجيت وياهن
:
خلص اليوم ومشت الايام واني اجهز لعرسي من نيشان وغراض وعقدنة محكمة واني جنت طايرة من الفرح لكن احمد ابد ماكو فرحة بوجهه ولا عبالك عريس
:
من رجعنة هو ابد ما متصل بية ولا محاجيني ولا جاي وشايفني حتى امي حجت بليل اتشجعت واتصلت علية
:
دك دك ما جاوب دزيت الة رسالة كتلة من تفرغ اتصل علية او تعال للبيت اريد احجي وياك بموضوع
:
ما جاوب ضليت انتضر ثاني يوم اني نايمة العصر اجتي امي كعدتني كالت احمد اجى ويريدج
:
كمت من الفراش واحير شنو اسوي مدري اغسل مدري ابدل مدري اعدل بروحي رشيت عطر اخر شي وطلعت الة
:
رحت سلمت علية واخذتلة مي وياي هو كاعد وساكت رد السلام كعدت كال اي داكة علية ودازتلي رسالة
:
روان : اي صحيح خلي اجيب جاي الك واجي ما حجة رحت جبت خليتة كدامة شربة وهو ساكت
:
حجيت وكتلة العرس ما بقى الة شي واني اريد من عندك طلب باوع علية وكلي كولي
:
روان : احمد فدوة حلم حياتي وامنيتي جانت انو يصير عرسي بقاعة خلي نسوي بقاعة راسا رفع راسه علية وباوع
:
ضل يباوع بوجهي وجان يكول لا خابت كل امالي من ما قبل ضليت اتوسل بي وهو رافض كتلة زين يلة لتسوي بس خلي نروح لفندق
:
عاط بية وكال كتلج لا يعني لا لا هذا ولا هذا افتهمتي لو لا ولا تضلين تلحين احسن ما حتى العرس الغي واخذج منا ومن هاي الباب اطببج بعباتج حتى مو من باب الشارع
:
شمر الطبلة وكام راح لبيتهم وسد الباب الداخلية الي ابد ما نسدها احنة وركعها همين ضليت صافنة ومصدومة بتصرفة
:
احس الدنيا سودت بعيني من شفت احمد هيج سوة وياية ضليت تقريبا ربع ساعة كاعدة بمكاني. الصدمة بعدها بية ودموعي تجري
:
تفاجأت بتصرفة وياية ومبين من هذا تصرفة انو ميريدني شكد انقهرت وكمت رحت وراه لبيت عمي
:
طبيت لكيتة كاعد بالمطبخ ولاول مرة اسويها رفعت اصبعي بوجها وكتلة مو خدامة عندك تعيط علية افتهمت لو لا
:
وهاي خلقتك الي كالبها علية من يوم الي انخطبنة لليوم لتكلي تعبان وصديقك مستشهد افتهمت لو لا
:
ما رايد هذا الزواج ما بلازم واني هم بعد ما اريد وبطلت نزعت الحلقة من ايدي وشمرتها عالميز كدامة
:
وهو اتخبل على ابو شلون شمرتيها بوجهي على عياطنة طلعت عمتي تركض وتصيح الرحمن يمة هاي شكو
:
بعدني احجي بحركة اعصاب وكتلها عمة ابنج ميريدني والشغلة واضحة ما الة داعي يكعد يبرر يومية بجذبة جديدة
:
هايهية لهنا وكافي وكلشي انتهى من دام بعدنا باولها اني رايحة لامي ابلغها هية وخواني قبل لا يصير العرس وكلشي اشتريتة من فلوسة ارجعة
:
انداريت اريد اطلع وابجي والبنات يصيحن وراية ويردني اوكف وما اروح لامي بهذا شكلي وعمتي بس اسمعها تعيط وتتوسل
:
لكن احس وشة باذني كد ما انقهرت ما كمت اسمع اي شي وصلت باب بيتنة اريد اطب وما احس الا ايدي انجرت
:
انداريت وعيوني متروسة دمع لكيتة احمد كلي اوكفي الحجي مو بس الج اكلتيني حاصل فاصل