لعلك تكون اقوى دروس حياتي ((لعنة اختيارك))

البارت الخامس

السلام عليكم

لعلك تكون اقوى دروس حياتي
(لن أتخلى ابدا)

بقلمي (سقين الشمري)

لا يسمح او يحلل نشر القصة بدون ذكر اسمي

............................

:
باوع علية وكلي :
:
يا نسيت اجيبلج الدوة ونمت
:
يلة مو مشكلة كوم تغدى عود العصر جيبة
:
نهض من مكانة وطب غسل وجهه وطلع انتضرتة ونزلنة سوة بس يعني لا سوالف ولا ضحك مجرد سوة نزلنة
:
تغدينة والبنات غسلن المواعين واني صبيت جاي ووديتة الهم صعدت صليت بعد ما اجاني نوم
:
كمت سويت شعري كيرلي اموت علية كيرلي وخليت مكياج هو هم كال شعرج حلو طالع
:
المهم خلص اليوم ونفس الي بعدة كلشي ماكو بينة ولا حتى كلام واليوم الي بعدة كذلك لحد ما كال اني رادوني بالدوام ضروري ما اكدر ابقى بعد
:
محجيت شي صح ضجت لكن كلت بداخلي على شنو اضوج اذا هو وجودة وعدم وجودة نفس الشي لكن ضجت يمكن لان ما اشوفة هنا عالاقل اشوفة
:
محد عارض غير عمتي سمعتها تكلة بغرفتها يمة بعدك عريس شعدك رايح للدوام من هسه مو طلبت اجازة
:
احمد :  تسكتين مني لا قسم بالله اسوي الشي الي ما صاير وديري بالج انتي لو ابوي تفتحون حلكم وتحجون كلمة وحدة وياي
:
صفنت شبي هذا ليش هيج يكول لعمتي شكو يا ستار هنا تاكدت بي شي ومو خالي ابداً محجيت كلت خلي يروح للدوام ومن يرجع الله كريم
:
صعدت فوك وهو صعد اخذ جنطتة والي قهرني حتى ما ودعني الي يكول ولا شايفني اصلا اخذ جنطتة ونزل
:
شكد بجيت بوكتها تالي كمت توضيت وصليت لوجه الله ركعتين ودعيت الله يهدي علية وكعدت اقرة قران
:
صارت السبعة وهو ما موجود وامي سالت ليش راح وهو بعدة عريس وهو طول فترة روحتة للدوام ما دك ولا سال علية ولا حتى دز رسالة
:
صدك كلبي ورم منة وحلفت بس يرجع لا اكعد واحجي ويا واخلي حد لهاي المهزلة مو قصة ما مصدكة وكاتلة روحي علية
:
بس اريد اعرف وافتهم الي ديسوي شنو معناه صار وكت نزولة خليتة ارتاح وسبح وتغدى وراها كعدت حجيت ويا
:
صح جنت مستحية والكلمة كوة تطلع من حلكي بس لازم اجرئ نفسي واحجي ويا الى متى تضل هاي الحالة
:
اليوم النة مزوجين صار ١٣ يوم هو كالعادة الموبايل ما يوكع من ايدة كعدت يمة على طارف الجرباية
:
كتلة احمد اريد احجي وياك
:
باوع علية ومدري شكتب وسدة كلي
:
كولي
:
ا ا ا ا هو ما ادري شلون احجي ومنين ابدي بس اريد احجي وياك بخصوص موضوعنة
:
شبي موضوعنة ويا موضوع اكو شي
:
لا ماكو بس اريد اعرف وافتهم انتة ليش هيج تتعامل وياية وما معتبرني زوجة واحسك مدري شبيك من يوم الي خطبتني لليوم
:
حتى حجي متحجي وياي يعني قبل لا تخطبني ونزوج جنت تحجي تسولف وتضحك وياي هسه لا عبالك غريبة مو زوجتك
:
لا هاي انتي يتخايلج هيج ماكو شي من الي بالج
:
احمد اني مو زغيرة ترة وتقشمر علية ترة كل تصرفاتك تدل على انو انتة متريدني يا ابن عمي اذا متريدني احجي وكول ما بيها شي
:
اذا متريدني هسه الله شاهد اعوفلك كلشي واروح لبيت اهلي ولتكلي ما صار كم يوم من زوجنة وشيكولون العالم ما علية بالعالم
:
لو نبقى عالعالم حجيهم ما يخلص ترة وهو لو الواحد يصير نبي هم يحجون علية مو عاد بشر عادي
:
لا يابة شكو شبيج كتلج ماكو شي يمكن لان هيج فجاة وصرتي مرتي واني ما جنت متعود وشي صار فجاة يمكن بسبب هذا الشي
:
لا ما معقولة عالاقل جان سولفت ضحكت انتة داشوفك حتى وية عمتي وعمي والبنات هم هيج
:
اهوو يمعودة لتلحين كتلج ماكو شي يعني ماكو شي هذا اني شسويلج يعني
:
لا ما جنت هيج ترة سمعتك من كلت لعمتي تسكتين لا اسوي شي الي ما صاير شبيك احمد انتة متريدني كولها يعني
:
لج انوب تتسنطين علينة اني وامي شنو نكول وشنو نحجي
:
لا والله مو هيج بس اني جنت جاية اجيب الجاي الها وانتة صوتك جان عالي شوي فبدون قصد سمعتك
:
لا انتي تعمدتي تسمعيني واطلعي من الغرفة اريد انام لا اشوفج شي ميعجبج وانعل ابو الزواج لابو الي يزوج
:
انتة شنو شبيك شكتلك اني علمود هيج تسوي اخذتني بعياطك علمود لا احجي واسكت وانجب
:
شو انتة من ساسك لراسك غلط ويومية اكول اتحمل واشوف ليوين توصل وياك بس طكت روحي انتة متريدني ومبين ولتكول لا
:
بس عليش اتعب نفسي واحجي وياك لان الحجي وياك ميفيد ولا يجيب نتيجة اني عايفتلك البيت وطالعة
:
انداريت عنة وشلت موبايلي اريد اطلع كمز علية وضل يعت بية ويكول كاتلتج النومة شبيج مفلفلة هسه اني اريحج
:
اندكت الباب صوت عمتي والبنات يريدن يفتحنها ويصيحن شكو شبيكم عاط بيهن وكال اذا فتحت الباب ولكيت وحدة منجن هنا وما نازلة جوة اراويها نجوم الضهر سمعتن لو لا
:
ردت عمتي يمة بس افتح الباب خلي اشوف شبيكم خومو روان بيها شي سويتلها شي
:
كلت الكل جوة يللللللللللللللة بسرعة صار مثل الاعصار لو ادري محاجية سمعنة صوتهن نزلن جوة انوب عمي تغدى وطلع
:
راح لفاتحة بغير منطقة مو منطقتنا اندار علية وشمرني عالجرباية وشك هدومي علية ضليت ارافس جواه بس هو قوي
:
نام فوكاي وضل يعظ بركبتي وحتى صدري كمت اعيط سد حلكي بيدة وما امد واجر واطولها عليكم اخذني بس بطريقة وحشية
:
خلاني صرت نزيف كمل وكام مني كلي هاي الردتيها مو انتي جبتيها لنفسج كاتلة روحج عالنومة مو دخذيها لعد
:
اخذ ملابس وطب يسبح وخلاني على وضعيتي من الوجع حتى ما اكدر اتحرك وهدومي مشككة متنلبس بعد وما بية اكوم واطلع ملابس من الكنتور
:
ضليت ابجي بمكاني متفاجاة تصرفة ومقهورة وكلبي محترك احس شي ينزل وبكمية جبيرة عرفتة دم
:
الجرجف غرك لونة ابيض صار عبارة عن لون احمر طلع هو من الحمام باوع علية بنضرة فسرتها يمكن بوكتها باشمئزاز
:
عاط بية شبيج مطمورة متكومين تبدلين لو ما شبعتي تريدين بعد زدت بالبجي اجة عتني من ايدي
:
عطت فدوة عوفني متت من الوجع مدري ليش من كتلة راسا جر الفرشة الي جانت مفروشة من علية شاف الجرجف صاير عبارة عن دم
:
ضل يباوع عالجرجف وعلية ووجهه لونة بهت استغفر الله وراح كعد عالكرويتة دنك راسة بين رجلية
:
ومخلي ايدية على راسي ويباوع بالكاع اني ما ينسمع مني غير صوت الشهكات دكت الباب عمتي انوب
:
وتحجي بخوف يمة احمد عليك القران افتح الباب بس اشوف شبيكم روان ليش ما الها حس افتح الباب خلي اشوفها ترة دكيت على ابوك واجة بالطريق وترة والله لو سويت شي الها اروح اكول لاهلها
:
يمة ماكو شي عركة بسيطة بيني وبينها وعلى شنو مخابرة ابوية ترة ما الة داعي شنو ما يصير شي بين الرجال ومرتة
:
وبعدين ترة احنة بوضع ما يسمح النة نفتح الباب وروان هيانها بحضني نايمة وخجلانة منج ونزلي لا البنات يسمعن
:
وابوية خابري وكوليلة ماكو شي وهسه اذا ماكو زحمة لان ترة انتي كاطعة الارزاق صايرة
:
عمتي كيفت من سمعت هيج عبالها صدك كلتلة بس اسمع صوتها زين رد عليها تستحي تحجي
:
هو جذب كاعد عالكرويتة والي كالة نسبة ١بالمية ماكو صدك بي بس حقير لافها ولافها للسالفة يعني
:
نزلت عمتي وهية مصدكة بحجي احمد ضل هو بمكانة تالي ورة يمكن خمس دقايق من نزول عمتي
:
كام واجة علية كومني رغم دفعتة بس هو بقى مجلب بية ما هدني واني منا روحي رايحة من الوجع والنزف ما الي طاقة اجادل واعاند
:
او استند على نفسي كومني للحمام وكعدني بالبانيو وترسة مي راد يبعد الجرجف مقبلت ضليت حاضنة نفسي وابجي وما احجي ولا اي كلمة
:
روان بس كولي بيج تسبحين وحدج لو اسبحج اني ما رديت علية جر الجرجف عطت اطلع برة لتلزمني
:
استغفر الله وطلع وركع الباب مال الحمام ضليت ابجي بمكاني وانعل بكلبي الي حبة وذبح نفسة علية
:
اريد اسبح ما بية ضليت كاعدة بالبانيو همزين الدوش من هذا الي يتحرك يعني تكدرين تشيلي بايدج وتسبحين بي او تخلي بمكانة
:
جريتة وفتحت مكان الي يطلع منة المي وخليت البانيو يفرغ وسبحت اريد اكوم احس رجلية نملت والوجع مديخليني اتحرك اتصيخت يمعنى الكملة والنزيف بعدة مستمر
:
تاخرت دك الباب استغفرت ربي ما عندي حيل وقوة اكوم وماكو غيرة هو يساعدني تالي كتلة من ورة خشمي خلصت وما اكدر اكوم
:
طب هو حضنت نفسي ما اريدة يشوف جسمي وخجلانة اجة لف المنشفة علية جانت معلكة يم الباب بعيدة علية
:
شالني وخلاني عالجرباية ردت بس اكدر اكوم اجيب ملابس الي ما كدرت راح هو طلع الي بدون ما احجي
:
اجة لبسني طبعا الجرجف شفتة شايلة ذابة يم باب الحمام مخلي الفرشة بس نومني عليها من اجى يبدلي
:
انتبه بعدني انزف رفع راسة علية وكلي بعدج موجوعة شدتحسين ما حجيت ويا بس هزيت راسي اي بمعنى داتوجع
:
كوة حجيت ويا كتلة بس جيبلي دوشك امدد علية بالكاع حرامات دمرت الفرشة مقبل يكلي طبها مرض لحيت علية يلة جابلي
:
ضليت ساعة كاملة انزف وموجوعة وهو كاعد ويتافاف ويستغفر تالي مدري المن خابر بس الي فهمتة انو حيوديني لدكتورة
:
بس شلون شراح نكول وهمة عبالهم كلشي تم بيناتنة بس عيني هو اسد او شيطان شتريدون تسمو سمو لان لافها وفرها
:
اول شي سواه انطاني حب مسكن هودت نسبة واحد بالمية يمكن هو نطا الي علمود اكدر اكوم وامشي شوية
:
كعدني عالكرويتة وراح طلع الي ملابس بس هو عاكد حواجبة وضايج بدلت اني وكاعدة كلي وجهج شوي لونة شحب وصار اصفر رتبي بالمكياج
:
:
ما رديت علية كمت امشي على كيف رحت كعدت عالطابورية باوعت لوجهي بالمراية صدك صاير اصفر طبعا اذا نزفت يمكن بطل ونص دم
:
عدلت وجهي ولفيت الشال كملنة كلشي هو هم بدل وطلعنة جانت الساعة ب٣ ونص وخمسة همزين نايمات عمتي والبنات
:
بس تقى لكيناها تسوي اندومي بالمطبخ كللها احمد عود احنة راح تطلع نفتر شوية ما طلعت روان من زوجنة لحد هسه اذا كعدت امي كوليلها وابوية اذا اجة وسال كوليله طلعو يفترون
:
هزت راسها فرحانة لان احمد ديطلعني هية متدري شنو الفلم همزين ما كالت اريد اروح وياكم جان شكلنة الها
:
طلعنة وبالطريق دك التلفون علية ما جاوب ضل كم مرة يدك وينطي رفض اخر شي شفتة كتب رسالة وسدة
:
راسي صار شكبرة من الوجع ولزمتني دوخة رجعت راسي عالكشن وغمضت عيوني
:
هو بس اسمع بي من يشهك الجكارة وصلنة للدكتورة وطبينة اول الناس رغم هواي مراجعات كاعدات بس هو عالباج ولان ضابط فتنة راسا
:
دخل وياي وشرح الها وضعي لان اني اصلا خرسيت وخصوصا اول مرة اروح دكتورة نسائية وما اعرف شنو احجي
:
طلبت مني اصعد عالسدية تفحصني بعد ما فحصتني كلتلة يراد الها خياط لان متاذية شوية بس يلة بس خياطين مو هواية
:
اني راسا شهكت ورفعت نفسي من السدية وكتلها لا فدوة دكتورة ما اريد هو راسا خزرني وكللها سوي الي تشوفي
:
عطت بي شنو تسوي الي تشوفة قابل حيوان اني ما ما اريد اخاف اجة لزم ايدي وعصرها قوي كللها اشتغلي
:
طلبت منة يطلع بس هو كللها مرتي مو غريبة اشتغلي صح خلتلي بنج بس كلاوات مو بنج يمة من غرزت الخيط راسا عطت بكل قوتي
:
بس احمد شافني وراسا خلة ايدة بحيث يعني محد سمع صرختي دموعي عشرة عشرة والوب جواها علما كملت اني روحي رايحة
::
كملتني وكامت راحت تكتب علاج الي ضليت نايمة ما اكدر اكوم ودايخة وموجوعة واحس نفسي فصلت عنهم اسمعهم يحجون بس ما ادري شنو يحجون وشة باذني صارت
:
منا خوف منا هبطة ومنا نزفت هواي ومنا موجوعة هو ضل لازم ايدي وكاعد يمي ويحجي وياها اخر شي سمعتة كالت الدكتورة
:
هسه من تطلع خلي تاكل معلاك وكرفس علمود دمها يصعد شوي لان هواي نازفة ييع واني اتخبل من المعلاك حشة نعمة الله
:
ضليت ربع ساعة يمكن نايمة من الوجع اجتي ضربتني ابرة مسكن كلتلة روح جيب الدوة وتعال اريد أأشر علية
:
:
سمعتة كللها بشغلة صدمتني انو يريد تنطيني مانع لانو ميريد اطفال هسه انداريت علية اباوع وبعدني ابجي
:
يابة شكد قهرني احس سجينة وغرسها بنص كلبي ردت علية مو شوي مو زين عليها وترة بي اضرار لان هية بعدها ما مخلفة
:
هيج يصير عدها تيبس بالمبايض ما انصحك رد عليها ميخالف دكتورة اني اتحمل المسؤولية ما الج اي ذنب حتى لو صار شي
:
ضلت تقنع بي ميصير بس هو مقبل كلتلة على حب مانع مقبل يكوللها خاف متشربة اللولب مو زين
:
صدمني من كال الها اضربيها هاي الابرة مال مانع الحمل ام ال٦ اشهر راسا شهكت كلتلة الا هاي اصلا عمرها زغير وميصير لعمرها
:
لازم من ٣٠ وفوك وبعدين يجوز يصير تيبس بالمبايض مالتها هواي احتمالات بيها
:
خوب اللولب احسن منها رد عليها اي لعد خلي الها كلتلة لا هو قابل هيج ميصير
:
هية اصلا منا مخيطة لازم تطيب ويطيب الجرح يلة ولازم خامس يوم الشهرية مو هسه
:
فرك راسة باعصاب كللها اضربيها الابرة واني اتحمل المسؤولية ما عليج انتي مقبلت بس هو اصر
:
اني ضليت ابجي واشهك عطت بي ما اضربها والله لو اموت رجعني لاهلي فوك كل هذا انوب تريد تسكطني
:
اندار علية وخزرني وكال سكتي خلي افتهم عاد كمت كعدت اريد انزل كتلة والله ما اضربها وبس ارجع لاحجي كلشي لامي وخواني
:
وبعد ما ابقى وياك اجى عساس ديكعدني ويهديني عصر ايدي وخزرني بس بدون متشوفة الدكتورة وكلي حبيبي اني بعدين افهمج ليش ما اريد اطفال هسه علمودج
:
سكتت خوفا منة وما عندي قابلية احجي ومنا تعبانة وروحي رايحة ورضخت للامر الواقع
:
بس طاح حضي كون قبل لا اقبل يمكن لو فاضحتة ومعيطة ولامة العيادة علية احسن من ما ضاربة الابرة
:
من طلع التفتت الي الدكتورة كلتلي شنو مغصوبة وهيج مسوي بيج هزيت راسي لا وبجيت كتلها بغصة ابن عمي وحبيتة وتزوجنة ما صار النة ١٥ يوم
:
وشو مبين ميريدني واليوم هيج سوة هزت راسها باسف طب هو طلعت العلاج وهية بنفسها ضربتني الابرة
:
وكلتلة ترة هاي مو ٦ اشهر ٣ اشهر وينتهي مفعولها ويجوز الشهرية متجيها ٦ اشهر او سنة الي علية كلتة الك
:
انداريت علية وابجي بقهر توسلت بي وكتلة فدوة احمد لتسكطني عوفني والله وعد بس نرجع اروح لاهلي وطلكني هم بس لصكطني
:
ما سمع مني المهم طلعنة وعلى شكلي حتى المراجعات شافني من طلعت وكلهن ضلن يباوعن
:
:
.................. الكلام الي ذكرتة عالابرة الله شاهد على كلامي وكلام روان حجي الدكتورة مو جذب ولا تلفيق ونقلتة بالحرف الواحد
:
صح هواي ضربنها واكثرها حتكول ماكو هيج حجي بس هذا كلام الدكتورة ان كان صدك او جذب ولان جان عمر روان صغير
:
:
:
ركبنة بالسيارة حلفت اروح لاهلي بس ارجع هو ما رجع للبيت شوي مشة مفعول المسكن هدء الوجع بس مو بالكامل لا ضليت احس بوجع
:
لكن احسن من قبل طبك على جسر الجادرية وبدة يحجي وياية ويعتذر مني عالسواه ومو قصدة
:
والصوج مني لان ما تركتة على راحتة يتقبلني ولافها الف لوفة وكلي وحلف الي انو خلاني اضرب الابرة
:
وميريد اطفال لان يريد يشبع مني هسه ويكول اريد افتهم من زواجنة شوي مو راسا تحبلين وتضلين مريضة وتعبانة
:
وكلشي ما افتهم منج وهنة ٣ اشهر وراها عود سوي طفل ضل يقنع بية واني الثولة طايحة الحظ صدكت
:
وضل يعتذر مني وباس ايدي ويشاقيني خلاني نسيت الاول والتالي كلة المهم عندي شوفتة فرحان ويبتسم
:
نسيت الوجع ونسيت كلشي سواه وصار بية وحتى اتخيطت من وراه صح سامحتة وغيرت رايي ما اروح لبيت اهلي ههه الشمر على روحي هو اني اصلا وين اكدر افاركة
:
ما صدكت على الله صرت مرتة وبيت واحد وبغرفة وحدة هسه اجي اعوفة بس جنت تعبانة بالكوة احجي الكلمة طلبت منة يرجعني للبيت اريد ارتاح
:
كلي شوي خلي تتعدل نفسيتج علمود ميشوفونج هيج ويشكون اكو شي افتر بية شوي راد ياخذ الي موطة كتلة ما اريد ما بية اكل
:
طبك يم سوبر ماركت ونزل اشترالي حلويات رد اخذلي من المطعم معلاك واخذ عشة للبيت وخابر عمتي كللها لسوين عشة جبت وياي كملنة ورجعنة للبيت وبس طبيت عمتي جانت بالمطبخ
:
خطية فرحانة لان مطلعني متدري شصار اني احس روحي كوة واكفة اريد بس انام انتبهت علية ما الي خلك
:
كلتلي خير عمة شبيج كللها احمد شوية داخت ووكعت من دنمشي وهيج صار بيها ردت عمتي بفرح يلة بلكي حامل
:
راسا باوعت علية هو دار وجهه كتلها ما ادري عمة بس احس نفسي اريد انام وتعبانة هية كيفت بعد اكثر لان الحامل يصير عدها هيج اعراض
:
كلتلي صعدي كلشي ما عدنة والبنات يخلن العشى وهو اصلا جاهز ارتاحي وحتى العشى اخلي البنات يصعدنة الج للغرفة
:
اصلا انتي صايرة ما تخليني لا اني ولا البنات نشتغل شايلة شغل البيت كلة وحتى الطبخ اكثر الانواب عليج
:
صعدت واحمد يمشي وراية طبيت للغرفة احتاجيت اسبح ما اعرف ضجت لان فحصتني الدكتورة وخياط ومدري شنو سبحت بس اقل الخمس دقايق
:
وطلعت عفت كلشي وحتى احمد ما انداريت علية راسا لفيت راسي ونمت ما كعدت غير نص الليل
:
باوعت احمد ماكو بالغرفة كمت طلعت ادور علية بس امشي على كيفي لان اكيد هسه نايمين وكلت اريد اشوفة شديسوي
:
:
سمعت صوتة بالغرفة الثانية الي بصف غرفتي فتحت الباب على كيف جانت بس مردودة ما مطبوكة لكيتة .........
:
:
:
يتبع ................
:
تصويت وتعليقات مو تعليق علمود انزل البارت من وكت
:
دمتم في حفظ الرحمن 😘❤️😘❤️😘❤️