لعلك تكون اقوى دروس حياتي ((لعنة اختيارك))

البارت السادس

السلام عليكم

لعلك تكون أقوى دروس حياتي
(لعنة اختيارك)

بقلمي (سقين الشمري)

لا يسمح او يحلل نشر القصة بدون ذكر اسمي

.............................

لكيتة .......
:
يخابر بس صوتة ناصي من فتحت الباب صار صوت بيها راسا اندار علية ويباوعلي
:
انخطف لونة وراسا سدة كام واجة علية وها عيني وشلون صرتي وشعجب كعدتي من النوم
:
مو كلي عيني عبالك طيرني فوك بالسما ابتسمتلة وكتلة لا زينة الحمدلله وصار هواي نايمة شعجب ما كعدتوني
:
اني كتلهم عوفوها نايمة لان جنتي تعبانة زين هسه انتي مجوعانة
:
انبلة جوعانة
:
عشاج موجود نزلي اكلي
:
ما اعرف اكل وحدي اضوج تعال اكل وياي
:
شبعان والله ما بية
:
لخاطري بس شوي حتى لو بس تكعد يمي اضوج وحدي
:
زين نزلي احمي الاكل وجيبي نتعشى هنا بالغرفة واني راح اطلع فلم ونكعد نباوع علية وانتي مبين بعد متنامين
:
هزيت راسي ونزلت اركض اسوي بالعشى وفرحانة نسيت اني ما اكدر اتحرك هيج عالاقل يومين
:
حميتة وصعدت لكيتة مدد عالجرباية ويباوع عالفلم خليت الصينية بالكاع وكتلة يلة تعال اكل شي قليل وياي واني جنت كلش فرحانة بهذا التغيير الي صار باحمد
:
كملنة ونزلت الصينية غسلت المواعين ورجعت كلشي لمكانة وصعدت الة طبيت غسلت ولبست دشداشة قماشها خفيف
:
رحت مددت عالجرباية بفراشي سحبني علية وحضني يمة ما احجي الكم شنو صار بية وعلي ابو الحسن
:
احس كلبي طلع من مكانة جسمي كلة يرجف واحس نفسي عركت ودكات كلبي سابع جار سمعها
:
حتى هو حس علية عبالة بية شي سالني هزيت راسي بلا رد يباوع عالتلفزيون ضليت صافنة علية
:
حفظت ملامح وجها اكثر من ملامح وجهي عيونة رموشة خشمة حواجبة حلكة حتى مسامات وجهه
:
ضحك وبينت رصاعتة يماااااي كلي هلكد اني حلو الج ساعة صافنة بوجهي
:
نزلت راسي واضحك بخجل
:
ما جاوبتيني
:
ا ا ا ا
:
شنو ا ا ا احجي
:
ا ا ا ا ح ب ك
:
شنو عيدي شكلتي
:
بخجل احبك
:
مممم وبعد
:
اموت عليك
:
وبعد
:
واعشقك وانتة كلشي بحياتي تدري لو لا احبك اكثر حتى من روحي
:
صدك والله
:
اي والله خلي اعترف الك بشغلة
وهنا جان اغبى قرار بحياتي سويتة من اعترفت الة بحبي وانو جنت احبة من زمان وبسبب حبي الة لو يطلب روحي هم ما ابخلها علية
:
احمد اني احبك حب يمكن عند البعض يسمو مو حب خبال شتريد تسمي سمي بس احبك لدرجة مستعدة انطيك روحي
:
احبك اكثر من نفسي انتة جنت حلم حياتي الي كلت اموت وميتحقق شايف شنو لو الهوى تكول ما احبة استغني حتى عن الهوى لخاطرك
:
هيج لهدرجة تحبيني
:
واكثر من ما تتصور وبقيت اشرحلة مدى حبي الة واعترفتلة
:
هو ضل صافن علية من احجي الة كلي ما عبالي هيج تحبيني

مرت الايام واحمد نفسة مجرد انو تغيرت بي اطباع قليلة او صار للاحسن شوي صار ما يلزم التفلون مثل قبل
:
مو عصبي ٢٤ ساعة مثل اول ما زوجنا وصار يحجي وياية ويطلب مني اسوي شغلاتة الي يريدهن
:
فترة قليلة وتعلمت علية شنو يحب وشنو يريد وشنو يكره وشنو يفضل وشنو يلبس بحيث صرت اذا اجى من الدوام
:
يلكة الحمام معطر ومبخر ومحضرتة الة وتارسة الباميو مي وبي غسول ومخلية بي ورد بحيث شون ذولة الي بالمسلسلات او الافلام يسووها
:
من موجود يومية اكلة شكل ما اعيد الطبخ نفسة وحتى عمتي ما اخليها تطبخ اني اطبخ بحيث صار يحب اكلي اكثر من اكل امة
:
باليوم الي هو موجود بي اقل شي اسوي نوعين حلويات هذا اقل شي بعدة ما صايح اودي الجاي والمي
:
كل ما يروح وينزل اني افرش فرشة جديدة ومن يطب للغرفة ريحة العطر والبخور شايلة الدنيا بس يعجب الواحد يشتمها
:
الغرفة عبارة عن زينة وشموع وفيكات بحيث حتى هو من اروح انواب يم امي يكول لتتاخرين ما اكدر بدونج
:
اضيع اتيه بدونج خلي روحاتج لامج اكثر شي من اروح للدوام كون هيج من اجي ما تروحين من كدامي ولا توصلين اهلج لان ما اكدر بدونج
:
شكد جنت افرح من يكولي هيج انسى حتى التعب احس املك الدنيا واهلها واكول بيني وبين نفسي احمد يحبني احمد يموت علية
:
صارت امي بفترة الي ما اروح الها وبيوم الي ما امر عليها تكول احمد موجود اليوم روان متجي
:
حتى جماعتة جان على طول لو من هو موجود يكلي سويلي فلان اكلة على عدد كذا واسويلة وياخذة