أول حاجة احب أقولها إن الحساب الاول للقارئة اللى المفروض دكتورة اتحظر لأنها كتبت تعليق قالت فيه انى بعرض القضايا دون التطرق لحلها . وده غير صحيح انا ذكرت من الجزء الاول حلول لكل مشكلة مش بس فى الرواية دى لا فى قصص كتير ، لعنة الصمت ، لعنة الهيمنة ، اغتالوا براءتى وغيرهم كتير لا اتعرض لقضية دون طرح حل من وجهة نظرى ممكن يساعد القراء فمجرد إنها تقول كده معنى كده حاجة من اتنين يا هى مش فاهمة انا بكتب إيه يا هى ليها هدف تانى من التعليق .
نيجى بقا لرأيها فى قضية رحمة ومحمد هى شايفة إنها لو قالت إن محمد معاه حق يبقى بتخالف ضميرهامش هناقشها هى غلط ولا صح بس زى ما قالت رحمة تشبه للحالة فى الڤيديو اللى هى دورت على المساعدة من غير ما تعرف إن عندها مشكلة ..مش فاهمة ازاى هى شايفة الاتنين زى بعض هو تشابه مش تطابق ولا يمكن قياس الحالتين على بعض يا دكتورة .
هدفى إفادة القراء ده اكيد ومش محتاجة انك تقدرى ده . أما أنى بنجح الرواية على حساب العلم فده لوحده حكاية تانية .
اتفضلى هاتى لى معلومة غلط فى الرواية وانا هنزل رأيك بمنتهى الحيادية .
انا بتعب وابحث مش بكتب اى كلام انت بقا عاوزة الرواية تمشى بالقلم والمسطرة على حقائقك العلمية يبقى تعملى ندوة تفيدى بيها الناس مش تعلقى على رواية .الحديث اللى حضرتك ذكرتيه انا عارفاه كويس جدا
أنت تقرأ
الشرف ( الجزء الرابع) قسمة الشبينى _ كاملة
Romanceيتفاوت جرعات السعادة التى نحصل عليها تبعا لاختلاف اختيارات كل منا البعض يختار الحب باحثا عن الحياة والبعض يختار الحياة باحثا عن الحب فمن سيحصل على السعادة ؟؟ قسمة الشبينى