تارا

١

شعور مؤلم حين يسكن حياتك كومة من ....
الفقــــــــــــــــــــدان 💔...

____________________________________🦋

- يا بتي م تقومي للمدرسة.

- ثواني واقوم يا حجة.

- لالا بتتأخري وبعدين م تنسي انك ممتحنة قومي قبل م انادي ليك ابوك.

- خلاص قمت 😑.

- ناس م بتجي الا بالعين الحمرا 😏.

امها طلعت وهي دخلت الحمام....طلعت من الحمام بعد م اتوضت صلت ولبست ملابس المدرسة والطرحة في الكتف....نزلت تحت ولقت اهلها قاعدين في الصفرة....سلمت عليهم وشالت ليها ساندويتش وطلعت الحديقة منتظرة السواق.....

نتعرف على تارا....
اسمها تارا عثمان الاسم والشكل يوحي بانها بت بس تصرفاتها اولادية....
شكلها كالآتي...لونها ابيض...وعيونها لونها عسلي وكحييلة وواسعة...أنفها مستقيم وحاد...فمها كرزي ومكتنز....مربوعة....عمرها 17 سنة بتقرا في تالتة ثانوي....شعرها اسود وطويييل وغزيير ومعذبها عذاب الله اكبر لو م امها وابوها كان انتهت منو زمان....دايما بتلفو كعكة....جسمها حلو شديد ودي الحاجة الغايظاها (غايتووو مححححن 😒)....مشيتها ولا شماسي الحلة م بعرف يمشي زيها....بتحب البناطلين موووت وبتكره الفساتين والحاجات دي لانها بتحسسها بأنها بت....الثقة في الاولاد عندها معدوووومة 💔....بتكرههم وبتشمهم بطريقة م طبيعية...بسبب موقف حصل ليها....وعندها فهم انو البنات ضعاف والاولاد بستغلوهم....عسوووولة شديد شكلا وفعلا عندها غمازة في الخد اليمين 😋 زايد علامة جمال يوسف (الغمازة الفي الذقن) ....عندها اخت واحدة واخو واحد اكبر منها الاتنين...هي علمية شايلة هندسية....بااردة ومزااجية بشكل كبير....ممكن تكون كويسة فجأة تعصب وتكورك...دا غير انها بتعصب سريع....

امها اسمها حنان اسم على مسمى مرة فاضلة وظريفة وبتهتم باولادها ونفسها وبيتها اكتر من اي شي....واحلى حاجة انها مصاحبة اولادها....
تلقيهم جو حكوا ليها هم براهم تلقائيا....ومقربة من تارا شديد لانها بتحتاج ليها بالذات في العمر دا.....واحلى حاجة لمن تكون امك صحبتك 😍...

ابوها اسمو عثمان محمد عندو شركة كبيرة....م ببخل على اولادو بحاجة نهائي....مصاحبهم كأنو اخوهم...وكم مرة ومرة حاولو هو وحنان يغيروا تارا بس م قدروا....فخلوها وقالوا يمكن ترجع لطبيعتها براها....بتو الكبيرة اسمها ترتيل عمرها 26 سنة متزوجة وعندها ولد وبت....

اخيرا محمد صاحب تارا عمرو 23 سنة بقرا هندسة طبية في مأمون....
ظريف وحلو لمن يحير....لابس تقويم....شعرو كتييييير ومفلفل بس ناااعم....بحب تارا اكتر من نفسو وحاول كتييير انو يغيرها بس م قدر....

نرجع لتارا....
شالت ساندويتش وطلعت الحديقة منتظرة السواق يطلع العربية....السواق طلع العربية ركبت وقفلت الباب....نفس الشارع نفس الروتين ونفس الملل...
وصلت المدرسة والطرحة كالعادة في الكتف....جدعت شنتطها في درجها وطلعت لصحباتها في مقرهم كان تحت شجرة كبيييرة كدة كانوا بقعدو تحتها...شلتها المكونة من...