احتاج شئياً كالبحـــــر ..
يسمعني بصـــــمت ولا يجادلـــي ...
_________________________________🦋
آسر:يا بت قلت ليك اسمعيني.
تارا بعصبية:وانا ما دايرة اسمع يا آسر 😠.
- تارا اسمعيني انا داير اقول شنو بعداك نافخي واتعصبي.
- وانا ما دايرة اسمع قلت ليييك 😠😠.
- ما تكوركي.
اتكتفت وقالت ليهو:واذا كوركت ح تعمل لي شنو؟!
رد ببرود:احسن ليك ما تختبري صبري لاني لحدي اسي ساكت ليك.
ضحكت باستهزاء وقالت:لا بالله...بلييز خلي صبرك ينفذ وبعداك نشوف ح يحصل شنو.
اخد نفس عشان ما يرتكب فيها جريمة وقال ليها بهدوء:ممكن افهم انتي ايه فايرة اسي؟
اتصدمت بعد النبز النبزتها ليهو رفاء وهو يقول ليها فايرة ليه..قالت ليهو بغضب وعصبية لا مبررة:انت ما شفتها نبزتني كيف ولا بس فالح تجي تشاكلني انا 😠😠.
ابتسم ابتسامة جانبية وقال ليها:حتى انتي اخدتي حقك كاااامل كمان.
هدت شوية وقالت ليهو:استفزتني.
رد ببرود وبابتسامة جانبية:لا هي ما استفزتك بس انتي غرتي.
عيونها اتوسعت بصدمة وبعدها رفعت حاجب وقالت ليهو:نعم؟!بغير؟!ومن منو من واحدة حيوانة زي دي؟!
- انتي ما بتغيري منها انتي بتغيري علي انا 😏.
ردت بغرور:انا بغير علييك انت دا 😒.
آسر هز راسو وبعدها مسك يدها وقال ليها بصوتو المبحوح:ولا الف من رفاء ممكن يهزو شعرو مني...لانو قلبي مربوط بواحدة..واحدة بس بتقدر تجهجهو وتوديهو يمين وشمال.
تارا بابتسامة:ودي منو يا my man؟
ابتسم وقال ليها:ما عرفتيها يا مُزتي؟!
(تارا بتقول ليهو ماي مان وهو بقول ليها مُزتي ❤️ غايتو نحنا لينا الكريم وقعاد النيم 😭😭😭💔)
تارا هزت راسها بالنفي ووهو قال ليها:اااه بس واحدة معذباني شدييد وما دايرة تعترف لي بحبها.
تارا رفعت حاجب:ومنو القال انا بحبك اصلاً؟!
آسر وهو بمثل الاستغراب:انتي الاتكلم معاك منو انا بتكلم عن مُزتي انتي الدخلك شنو.
تارا اتغاظت وقالت ليهو:عليك الله اتحرك خلينا نتخارج انا كرهت الجامعة دي زاتها من اول يوم 😤.
حرك العربية وقال ليها بضحكة:تؤ تؤ تؤ معقولة بس الجامعة الكنتي متحمسة لمن دايرة تموتي كرهتيها بالسرعة دي.
تارا بهدوء:رفاء قاعدة ترسل ليك؟
آسر باستغراب:ترسل لي شنو؟!!
