اذا تحتم عليك السقوط...
فكن نيزكــــاً ☄️🔥...
___________________________________🦋
تارا مشت لصحباتها وقعدت معاهم بس كانت متوترة شديد بتعاين في الكتاب مرة والباقي بتكون بتتلفت...لمن امل سألتها....وحكت ليهم وبدا التوتر يزيد هم قاعدين منتظرين عبير لغاية ما جرس الجلسة ضرب ما راجعوا كويس زاتو...المهم والفرق بين الوقت الجات فيهو تارا وبين جرس الجلسة كان ساعة الا ربع يعني في الزمن دا عبير كان مفروض تكون جات على الاقل ليها عشرة دقايق....
دخلوا الجلسة ومن التوتر حلوا شنو هم زاتهم ما عارفين كتبوا شنو وخلوا شنو والمشكلة مافي واحدة معاها في فصل الامتحان...طلعوا من الجلسة وقلبوا عليها المدرسة ما لقوها واي بت سألوها قالت ما شافتها...تارا مسكت راسها وقالت:دا كلو مني أنا لو كنت مشيت معاها ما كان حصل كدة اوووف يا عبير مشيتي وين ياخي مشيتي وين 😥.
رزان حضنت تارا وقالت:معليش يا توتة ما تلومي نفسك يا حبيبتي هي اصلا غلطانة....ودي كانت أول مرة رزان تتكلم مع تارا من اليوم داك...
تالين مشت صلت ليها ركعتين ودعت ليها...امل بقت تدعي وتقول:يا ربي انا عارفة علاقتي بالصلاة وبيك ما كويسة بس يا رب خليها تكون كويسة يا رب 😫👐.
كلهم بقوا بعاينوا لأمل امل اصلا ما حصل يوم رفعت يدها ودعت للامتحانات دي ما كانت بتدعي واصلا هي ما كانت بتحب عبير بس الليلة ولأول مرة امل دعت ودعت لمنو لعبير بالجد كانت صدمة بالنسبة ليهم...
رزان:امل انتي....
امل:عارفة انتو مصدومين بس انا عارفة بكري وطبع بكري بعرفو اكتر من اي شي تاني وعبير هبلة كلمتين تلاتة وح تصدقوا بس يارب ما يكون عمل فيها حاجة يا ربي.
تارا نططت عيونها وقالت:عمل فيها حاجة 😳؟ حاجة زي شنو انا ما فكرت كدة يا جماعة..حاجة زي شنو يعني؟!
صحباتها عاينوا لبعض وهي ختت يدها في خشمها وقالت:بس انا ما فكرت كدة..عاينت لأمل وقالت:امل بكري ممكن يصل للمرحلة دي 😨.
امل نزلت راسها وقالت:ما عارفة يا توتة بس ما بستبعد ما بستبعدها منو.
كانوا دايرين يطلعوا يفتشوها بس البواب ما خلاهم قعدوا تاني زي ساعة جوا المدرسة لانو المديرة كان عندها ليهم محاضرة انهم خلاص وانتهوا وما يعرف شنو المهم الكلامات دي...بعد المعط دا هم طوالي طلعوا برا مشو التقانة طبعا ما بقدروا يدخلوا ومشو الكفتريات والمطاعم ما لقوها تالين وامل تراحيلهم جات وكانوا مضطرين يمشوا وفضلوا رزان وتارا واصلا تارا كانت راجعة مع رزان البيت...اثناء ما بفتشوا فيها كدة شافوا ماهر كوركوا ليهو بس ما سمعهم كان ماشي بسرعة شديدة مشوا وراهو لغاية ما دخل ليهو في لفة كدة لمن دخلوا وراهو شافوا آسر واقف...
تارا اول ما شافت آسر جرت عليهو وهي بتقول:عبير وين يا بقة..عبير وين جاوب؟
آسر:عبير بجاي ورا الشجرة دي.
